ဟေ​ဗြဲ 7:27 - ခေတ်သစ်​မြန်မာ သမ္မာကျမ်း

²⁷ အခြား​ယဇ်ပုရောဟိတ်မင်းများ​သည် မိမိတို့​အပြစ်​အတွက် သော်လည်းကောင်း၊ လူတို့​၏ အပြစ်​အတွက်​သော်လည်းကောင်း နေ့တိုင်း​ယဇ်ပူဇော်ရ​သော်လည်း ကိုယ်တော်​သည် ထိုသို့​ပူဇော်​ရန် မလိုအပ်ပေ။ အဘယ်ကြောင့်ဆိုသော် ကိုယ်တော်​သည် လူတို့​၏ အပြစ်​အတွက် မိမိ​အသက်​ကို ပူဇော်​စဉ်က တစ်ကြိမ်တည်း​နှင့် အပြီး ပူဇော်​သောကြောင့်​ဖြစ်၏။

Common Language Bible

²⁷ ယဇ်​ပု​ရော​ဟိတ်​မင်း​တို့​သည်​နေ့​စဉ်​ဦး​စွာ​ပ​ထ​မ မိ​မိ​တို့​ကိုယ်​ပိုင်​အ​ပြစ်​များ​အ​တွက်​လည်း​ကောင်း၊ ထို​နောက်​လူ​တို့​၏​အ​ပြစ်​များ​အ​တွက်​လည်း​ကောင်း ယဇ်​ပူ​ဇော်​ကြ​ရ​လေ​သည်။ ကိုယ်​တော်​မူ​ကား​ဤ​သို့ ပြု​ရန်​မ​လို။ အ​ဘယ်​ကြောင့်​ဆို​သော်​မိ​မိ​အ​သက် ကို​တင်​လှူ​ပူ​ဇော်​စဉ်​အ​ခါ​က တစ်​ကြိမ်​တည်း အ​ပြီး​အ​ပိုင်​ယဇ်​ပူ​ဇော်​ခဲ့​ပြီး​ဖြစ်​သော ကြောင့်​တည်း။-

Garrad Bible

²⁷ ထို အ ရှင် သည် ဆို ခဲ့ သော ပ ရော ဟိတ် မင်း တို့ ကဲ့ သို့ ဦး စွာ ကိုယ့် အ ပြစ်၊ နောက် လူ ပ ရိ သတ် အ ပြစ် များ အ တွက် ပူ ဇော် သ က္ကာ များ ကို နေ့ စဉ် ဆက် ကပ် မှု ပြု ရန် မ လို။ ကိုယ် ကို ဆက် ကပ် တော် မူ သည် ဖြစ်၍ ထို အ မှု ကို အ ပြီး သတ် တော် မူ၏။

Judson Bible

²⁷ အ​ခြား​သော ယဇ်​ပု​ရော​ဟိတ်​မင်း​တို့​သည် ကိုယ်​အ​ပြစ်​ကြောင့်​လည်း​ကောင်း၊ လူ​များ​အ​ပြစ်​ကြောင့်​လည်း​ကောင်း၊ နေ့​တိုင်း ယဇ်​ပူ​ဇော်​ရ​သ​ကဲ့​သို့၊ ထို​သ​ခင်​သည် ယဇ်​ပူ​ဇော်​စ​ရာ​အ​ကြောင်း မ​ရှိ၊ အ​ဘယ်​ကြောင့်​နည်း​ဟူ​မူ​ကား၊ မိ​မိ​ကိုယ်​ကို တစ်​ခါ​တည်း ယဇ်​ပူ​ဇော်၍ ထို​အ​မှု​ကို ပြီး​စီး​စေ​တော်​မူ​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ အခြား​သော​ယဇ်ပုရောဟိတ်​မင်း​တို့​သည် ဦးစွာ မိမိ​တို့​အပြစ်​များ​အတွက်၊ ထို့နောက် လူ​တို့​၏​အပြစ်​များ​အတွက် နေ့စဉ် ယဇ်​ပူဇော်​သကဲ့သို့ ကိုယ်တော်​သည် ယဇ်​ပူဇော်​ရန်​မ​လိုအပ်​ပေ။ အကြောင်းမူကား ကိုယ်တော်​သည် မိမိကိုယ်ကို​တစ်ကြိမ်တည်း​နှင့်​အပြီး​ပူဇော်​ခြင်း​ဖြင့် ဤ​အမှု​ကို​ပြု​တော်မူ​၏။

ဟေ​ဗြဲ 7:27 ပူးပေါင်းရင်းမြစ်များ

ရော​မ 6:10

ခရစ်တော်​အသေခံတော်မူသည်​မှာ အပြစ်တရား​ကို ဖျက်ဆီး​ရန် တစ်ကြိမ်တည်း​နှင့်​အပြီး အသေခံတော်မူခြင်း​ဖြစ်၏။ ယခု အသက်ရှင်တော်မူသည်​မှာ ဘုရားသခင်​အတွက် အသက်ရှင်တော်မူခြင်း​ဖြစ်၏။

ဧ​ဖက် 2:22

သင်တို့​သည်လည်း ခရစ်တော်​နှင့် တပေါင်းတစည်းတည်း ဖြစ်ကြ​သောကြောင့် ဝိညာဉ်တော်​အားဖြင့် ဘုရားသခင် စံမြန်းတော်မူရာ​နေရာ​အဖြစ် အခြားသူတို့​နှင့်အတူ တည်ဆောက်ခံရ​လျက် ရှိကြ၏။

ဧ​ဖက် 5:2

ခရစ်တော်​သည် ကျွန်ုပ်တို့​ကို ချစ်တော်မူ​၍ ကျွန်ုပ်တို့​အတွက် မိမိကိုယ်ကိုယ် မွှေးကြိုင်သော​ပူဇော်စရာ​ယဇ်​အဖြစ် ဘုရားသခင်​ထံ ဆက်သတော်မူ​သကဲ့သို့ သင်တို့​သည်လည်း မေတ္တာ​ပွား​လျက် ပြုမူနေထိုင်ကြလော့။

တိ​တု 2:14

သခင်​ယေရှု​သည် ကျွန်ုပ်တို့​အား ဒုစရိုက်​အမျိုးမျိုး​မှ ရွေးနုတ်​ရန်​နှင့် ကျွန်ုပ်တို့​အား မိမိ​အတွက် စင်ကြယ်​စေရန် မိမိ​အသက်​ကို ပေးတော်မူ၏။ ဤ​သည်မှာ ကျွန်ုပ်တို့​သည် ကိုယ်တော်​၏ လူများ​ဖြစ်လာ​၍ ကောင်းမှု​ပြုရာ​တွင် စိတ်အား​ထက်သန်ကြ​ရန် ဖြစ်၏။

ဟေ​ဗြဲ 5:1

လူတို့​ထဲမှ ဘုရားသခင်​ရွေးချယ်တော်မူသော ယဇ်ပုရောဟိတ်မင်း​ဟူသည်​မှာ ပူဇော်စရာများ​နှင့် အပြစ်ဖြေရာယဇ်​ကို လူတို့​ကိုယ်စား ဘုရားသခင်​အား ပူဇော်​ရန် ခန့်အပ်ခံရသူ​ဖြစ်၏။

ဟေ​ဗြဲ 5:3

ထို့ကြောင့် သူ​သည် လူတို့​အပြစ်​အတွက် သာမက မိမိ​အပြစ်​အတွက်​ပါ ယဇ်ပူဇော်ရ၏။

ဟေ​ဗြဲ 8:4

ဘုရားသခင်​အား ပညတ်တရား​အရ ပူဇော်စရာများ​ပူဇော်ရသော ယဇ်ပုရောဟိတ်များ​သည် ကမ္ဘာလောက​တွင် ရှိနေပြီ​ဖြစ်​သောကြောင့် ကိုယ်တော်​သည် ကမ္ဘာလောက​တွင်​ရှိခဲ့​လျှင် ယဇ်ပုရောဟိတ်​ဖြစ်မည်​မဟုတ်။

ဟေ​ဗြဲ 9:12

ထို​အသန့်ရှင်းဆုံး​ဌာနတော်​သို့ ဝင်ရာ​တွင် ကိုယ်တော်​သည် ဆိတ်​နှင့် နွားသငယ်တို့​၏ အသွေး​ဖြင့် မဟုတ်ဘဲ မိမိ​ကိုယ်တိုင်​၏ အသွေးတော်​ဖြင့် တစ်ကြိမ်တည်း​နှင့် အပြီး​ပူဇော်​၍ ကျွန်ုပ်တို့​အား ထာဝရ​ရွေးနုတ်ခြင်း​အကျိုး​ကို ခံစားစေခဲ့၏။

ဟေ​ဗြဲ 9:14

ထိုသို့​ဆိုလျှင် အသက်ရှင်တော်မူသော ဘုရားသခင်​ကို ဝတ်ပြုနိုင်​စေရန် ကျွန်ုပ်တို့​၏​အသိစိတ်​ကို သေခြင်း​သို့ ပို့ဆောင်ပေးသော​အပြစ်​မှ စင်ကြယ်​စေရန်​အတွက် ထာဝရ​ဝိညာဉ်တော်​အားဖြင့် အပြစ်အနာအဆာ​ကင်းသော မိမိကိုယ်ကိုယ် ဘုရားသခင်​ထံ ပူဇော်​သည့် ခရစ်တော်​၏​အသွေးတော်​သည် ပို၍​သာလွန်သည် မဟုတ်ပါလော။

ဟေ​ဗြဲ 9:25

သို့သော် ယဇ်ပုရောဟိတ်မင်း​သည် မိမိ​၏​သွေး​မဟုတ်ဘဲ တိရစ္ဆာန်​၏ သွေး​ကို ယူ​၍ အသန့်ရှင်းဆုံး​ဌာနတော်​သို့ နှစ်စဉ် ဝင်ရ​သကဲ့သို့ ကိုယ်တော်​သည် ကောင်းကင်ဘုံ​သို့ ဝင်ရောက်​၍ မိမိကိုယ်ကိုယ် အကြိမ်ကြိမ် ပူဇော်​ရန် မလိုအပ်ပေ။

ဟေ​ဗြဲ 9:26

ထိုသို့​ပူဇော်​ရန် လိုအပ်​လျှင် ကိုယ်တော်​သည် ကမ္ဘာ​တည်ချိန်​ကတည်းက အကြိမ်ကြိမ် ဒုက္ခခံ​ရ​လိမ့်မည်။ ယခု​တွင်မူ ကိုယ်တော်​သည် မိမိ​ကိုယ်​မိမိ ယဇ်ပူဇော်​၍ အပြစ်များ​ကို ပယ်ရှင်း​ရန် ကမ္ဘာ​ကုန်ဆုံးချိန်​၌ တစ်ကြိမ်တည်း​နှင့်​အပြီး ပေါ်ထွန်းတော်မူ၏။

ဟေ​ဗြဲ 9:28

ခရစ်တော်​သည် လူ​များစွာတို့​၏ အပြစ်များ​ကို ဖြေလွှတ်​ရန် မိမိ​ကိုယ်ကိုယ် တစ်ကြိမ်တည်း​သာ ပူဇော်တော်မူ၏။ ထို့နောက် အပြစ်များ​ကို ဖယ်ရှား​ရန် မဟုတ်ဘဲ ကိုယ်တော်​ကို စောင့်မျှော်နေ​သူတို့​အား ကယ်တင်​ရန် ဒုတိယ​အကြိမ်​ပေါ်ထွန်းတော်မူ​လိမ့်မည်။

ဟေ​ဗြဲ 9:7

ဒုတိယ​အခန်း​ထဲသို့​မူ ယဇ်ပုရောဟိတ်မင်းကြီး တစ်ပါးတည်း​ကသာ တစ်နှစ်​လျှင် တစ်ကြိမ်တည်း​ဝင်ရ၏။ ထိုသို့​ဝင်​သောအခါ မိမိ​၏​အပြစ်များ​နှင့် လူတို့​၏ မသိ​နားမလည်ဘဲ​ကျူးလွန်မိသော​အပြစ်များ​အတွက် သွေး​ကို ယူဆောင်​၍ ပူဇော်​ရ၏။