ဟေ​ဗြဲ 7:2 - ခေတ်သစ်​မြန်မာ သမ္မာကျမ်း

² အာဗြဟံ​သည်လည်း ထို​မင်းကြီး​အား ရရှိသော​ပစ္စည်းများ​မှ ဆယ်ပုံတစ်ပုံ​ကို ပေးလှူ၏။ မေလခိဇေဒက်​ဟူသော အမည်​၏ အဓိပ္ပာယ်​မှာ “ဖြောင့်မတ်ခြင်း​၏​ဘုရင်” ဖြစ်ပြီး နောက်ပိုင်း​တွင် သူ့​ကို ရှာလင်​ဘုရင်​ဟု ခေါ်တွင်​ကာ “ငြိမ်းချမ်းရေး​ဘုရင်” ဟု အဓိပ္ပာယ်​ရ၏။

Common Language Bible

² သို့​ဖြစ်​၍​အာ​ဗြ​ဟံ​သည်​မိ​မိ​သိမ်း​ယူ​ရ​ရှိ​ခဲ့ သည့်​ဥစ္စာ​ပစ္စည်း​များ​၏​ဆယ်​ပုံ​တစ်​ပုံ​ကို​သူ့​အား ပေး​လှူ​၏။ (မေ​လ​ခိ​ဇေ​ဒက်​ဟူ​သော​နာ​မည်​၏ အ​နက်​အ​ဋ္ဌိပ္ပါယ်​မှာ``တ​ရား​မင်း'' ဟူ​၍​ဖြစ်​၏။ သူ​သည်​ရှာ​လင်​မြို့​၏​မင်း​လည်း​ဖြစ်​သ​ဖြင့် သူ​၏​နာ​မည်​သည်``ငြိမ်း​ချမ်း​ရေး​ဘု​ရင်'' ဟု လည်း​အ​နက်​အ​ဋ္ဌိပ္ပါယ်​ရ​လေ​သည်။-)

Judson Bible

² အာ​ဗြ​ဟံ​လှူ​သော လက်​ရ​ဥ​စ္စာ​ရှိ​သ​မျှ​ကို ဆယ်​ဖို့​တစ်​ဖို့​ခံ​ယူ​သော ထို​ရှာ​လင်​မင်း​ကြီး​တည်း​ဟူ​သော အ​မြင့်​ဆုံး​သော ဘု​ရား​သ​ခင်၏ ယဇ်​ပု​ရော​ဟိတ် မေ​လ​ခိ​ဇေ​ဒက်​သည်၊ နာ​မ​ရင်း​အ​နက်​အား​ဖြင့် တ​ရား​မင်း၊ ထို​မှ​တစ်​ပါး၊ ငြိမ်​သက်​ခြင်း​မင်း​ဟု​ဆို​လို​သော ရှာ​လင်​မင်း ဖြစ်​လျက်၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

² အာဗြဟံ​သည်​လည်း လက်ရ​ပစ္စည်း​ရှိသမျှ​၏​ဆယ်ဖို့တစ်ဖို့​ကို သူ့​အား​ခွဲဝေ​ပေးလှူ​၏။ မေလခိဇေဒက်​အမည်​၏​အဓိပ္ပာယ်​မှာ ပထမ​အနေဖြင့် ဖြောင့်မတ်​ခြင်း​၏​ဘုရင်​ဟူ၍​ဖြစ်​ပြီး ထို့နောက် ငြိမ်သက်​ခြင်း​၏​ဘုရင်​တည်းဟူသော ဆလင်​ဘုရင်​ဟူ၍​လည်း​ဖြစ်​၏။

ဟေ​ဗြဲ 7:2 ပူးပေါင်းရင်းမြစ်များ

မဿဲ 1:23

ဗျာဒိတ်တော်​စကား​မှာ “အပျိုစင်​တစ်ဦး​သည် ကိုယ်ဝန်ဆောင်​၍ သား​ယောက်ျား​ကို မွေးဖွား​လိမ့်မည်။ ထို​သား​ကို ဧမာနွေလ​ဟု ခေါ်ဝေါ်ကြ​လိမ့်မည်” ဟူ၍ ဖြစ်၏။ ဧမာနွေလ​၏ အနက်အဓိပ္ပာယ်​မှာ “ကျွန်ုပ်တို့​နှင့်အတူ​ရှိတော်မူသော​ဘုရားသခင်” ဟူ၍ ဖြစ်၏။

လုကာ 2:14

“အမြင့်ဆုံးသော​ကောင်းကင်ဘုံ​၌ ရှိတော်မူသော​ဘုရားသခင်​သည် ဘုန်းကြီးတော်မူပါစေ။ မြေကြီး​ပေါ်​၌ ဘုရားသခင်​နှစ်သက်တော်မူသော သူတို့​အပေါ်​တွင် ငြိမ်းချမ်းခြင်း​ရှိပါစေ” ဟု ဆိုကြ၏။

ရော​မ 3:26

သို့သော် ယခု​အချိန်​တွင် ဘုရားသခင်​သည် မိမိ​၏​ဖြောင့်မတ်ခြင်း​ကို ပြသ​ရန် လူတို့​ကျူးလွန်သော​အပြစ်များ​ကို ပြစ်ဒဏ်​ပေးတော်မူ၏။ ဤသို့ဖြင့် ဘုရားသခင်​သည် မိမိ​ကိုယ်တိုင်​က ဖြောင့်မတ်တော်မူ​၍ ယေရှု​ကို ယုံကြည်သော​သူတို့​ကိုလည်း ဖြောင့်မတ်စေတော်မူမည့်​အကြောင်း​ကို ဖော်ပြတော်မူ၏။

ဟေ​ဗြဲ 7:1

ဤ​မေလခိဇေဒက်​သည် ရှာလင်မြို့​၏​ဘုရင်​ဖြစ်ပြီး အမြင့်မြတ်ဆုံးသော​ဘုရားသခင်​၏ ယဇ်ပုရောဟိတ်​ဖြစ်၏။ အာဗြဟံ​သည် ရှင်ဘုရင်များ​ကို အနိုင်ရ​ပြီး အောင်ပွဲခံ​၍ ပြန်လာ​သောအခါ မေလခိဇေဒက်​သည် အာဗြဟံ​ကို ကြိုဆို​လျက် ကောင်းချီးပေးလေ၏။

ဟေ​ဗြဲ 7:3

သူ​၌ ဖခင်​နှင့်​မိခင်၊ မျိုးရိုး၊ ဘဝ​၏ အစ​အဆုံး စသည့် မှတ်တမ်းများ​မရှိပေ။ သူ​သည် ဘုရားသခင်​၏​သားတော်​ကဲ့သို့ ထာဝရ​ယဇ်ပုရောဟိတ်​အရိုက်အရာ​ကို ရရှိထားသူ​ဖြစ်၏။