ဟေ​ဗြဲ 2:18 - ခေတ်သစ်​မြန်မာ သမ္မာကျမ်း

¹⁸ ကိုယ်တော်​သည် ဖြားယောင်း​သွေးဆောင်ခြင်း​ခံရ​လျက် ဒုက္ခ​ကို ကိုယ်တိုင်​တွေ့ကြုံခဲ့ရ​သောကြောင့် ဖြားယောင်း​သွေးဆောင်​ခံရ​သူများ​ကို ကူညီပေး​နိုင်၏။

Common Language Bible

¹⁸ ကိုယ်​တော်​သည်​မိ​မိ​ကိုယ်​တိုင်​ဆင်း​ရဲ​ဒုက္ခ​နှင့် စုံ​စမ်း​သွေး​ဆောင်​ခြင်း​ကို​ခံ​ခဲ့​ရ​သ​ဖြင့် စုံ စမ်း​သွေး​ဆောင်​ခြင်း​ခံ​ရ​သူ​တို့​အား​ကူ​ညီ မ​စ​ခြင်း​ငှာ​တတ်​နိုင်​တော်​မူ​သည်။

Garrad Bible

¹⁸ ညီ တော် တို့ နှင့် လုံး လုံး တူ ညီ ရန် တာ ဝန် ရှိ၏။ ကိုယ် တော် တိုင် စုံ စမ်း ရာ ရောက်၍ ဒု က္ခ ခံ တော် မူ သ ဖြင့် စုံ စမ်း ခံ ရ သူ တို့ ကို ကယ် မ တော် မူ နိုင် ၏။

Judson Bible

¹⁸ ထို​သို့ စုံ​စမ်း​နှောင့်​ယှက်​ခြင်း​ကို ကိုယ်​တော်​တိုင်​ခံ၍ ဒု​က္ခ​ဆင်း​ရဲ​ခြင်း၌ ကျင်​လည်​သော​ကြောင့်၊ စုံ​စမ်း​နှောင့်​ယှက်​ခြင်း​အ​မှု​နှင့် တွေ့​ကြုံ​သော​သူ​တို့​ကို မ​စ​ခြင်း​ငှာ တတ်​နိုင်​တော်​မူ၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ အကြောင်းမူကား ကိုယ်တော်​သည် မိမိ​ကိုယ်တိုင်​ဖြားယောင်း​သွေးဆောင်​ခြင်း​ခံရ​လျက် ဒုက္ခ​ဝေဒနာ​ခံစား​ခဲ့​သောကြောင့် ဖြားယောင်း​သွေးဆောင်​ခြင်း​ခံရ​သော​သူ​တို့​ကို ကူညီမစ​ရန်​တတ်နိုင်​တော်မူ​၏။

ဟေ​ဗြဲ 2:18 ပူးပေါင်းရင်းမြစ်များ

၁ ကော 10:13

သင်တို့​ဘဝ​တွင် ကြုံတွေ့ရသော စုံစမ်းနှောင့်ယှက်မှုများ​သည် အခြားသူများ ကြုံတွေ့ရသော​စုံစမ်းနှောင့်ယှက်မှုများ​နှင့် မခြားနားပါ။ ဘုရားသခင်​သည် သစ္စာ​ရှိတော်မူသည်​ဖြစ်​၍ သင်တို့ ခံနိုင်သည်​ထက် ပိုသော စုံစမ်းနှောင့်ယှက်ခြင်း​ကို သင်တို့​အား ခံစေတော်မူမည်​မဟုတ်။ စုံစမ်းနှောင့်ယှက်ခြင်း​ကို သင်တို့​ကြုံတွေ့ရ​သောအခါ ဘုရားသခင်​သည် သင်တို့​ခံနိုင်​ရန်အတွက် လွတ်မြောက်မည့်လမ်း​ကို ပြင်ဆင်ပေးတော်မူ​လိမ့်မည်။

ယု​ဒ 1:24

သင်တို့​အား အပြစ်နွံ​ထဲသို့ လဲကျခြင်း​မှ ကင်းဝေးစေနိုင်ပြီး အပြစ်​ကင်းစင်​လျက် ရွှင်လန်း​ဝမ်းမြောက်သော​စိတ်​နှင့် မိမိ​ဘုန်းအသရေတော်​ရှေ့သို့ ဝင်ရောက်စေနိုင်သည့်

ဟေ​ဗြဲ 5:2

ထို​ယဇ်ပုရောဟိတ်မင်း​သည် ကိုယ်တိုင်​အားနည်းချက် ရှိ​သဖြင့် မသိ​နားမလည်ဘဲ လမ်းမှား​ရောက်နေသူတို့​ကို စာနာ​နိုင်၏။

ဗျာ​ဒိတ် 3:10

သင်​သည် ငါ​သွန်သင်သည့်​အတိုင်း သည်းခံ​လျက်​နေခဲ့၏။ ထို့ကြောင့် ကမ္ဘာလောက​၌ နေထိုင်ကြသောသူတို့​ကို စစ်ဆေး​ရန်အတွက် ကမ္ဘာတစ်ဝန်းလုံး​အပေါ် ကျရောက်မည့်​စုံစမ်း​နှောင့်ယှက်ခြင်း​ကာလ​မှ သင်တို့​ကို ငါ​ကယ်တင်မည်။

၂ ပေ 2:9

ထာဝရဘုရား​သည် ယခင်​က ထိုသို့​ပြုတော်မူ​သောကြောင့် ဘုရားတရား​ကိုင်းရှိုင်းသူတို့​ကို ဆင်းရဲဒုက္ခ​ထဲမှ မည်သို့​ကယ်တင်​ရမည်​ကို​လည်းကောင်း၊ မဖြောင့်မတ်သောသူတို့​ကို တရားစီရင်ရာနေ့​တိုင်အောင် မည်သို့​အပြစ်ဒဏ်ပေး​၍ ထိန်းသိမ်းထား​ရမည်​ကို​လည်းကောင်း သိတော်မူ၏။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

ရှင်ယောဟန် 10:29

ထို​သိုးတို့​ကို ငါ့​အား ပေးအပ်တော်မူသော ခမည်းတော်​သည် ခပ်သိမ်းသော​သူတို့​ထက် ကြီးမြတ်တော်မူ၏။ ထို့ကြောင့် မည်သူ​ကမျှ ထို​သိုးတို့​ကို ခမည်းတော်​၏ လက်တော်​မှ လုယူသွားနိုင်မည်​မဟုတ်။

လုကာ 22:53

ငါ​သည် နေ့စဉ်နေ့တိုင်း ဗိမာန်တော်​တွင် သင်တို့​နှင့်အတူ​ရှိစဉ် မဖမ်းဆီးဘဲ​နေကြ၏။ သို့သော်လည်း ဤ​အချိန်​သည် သင်တို့​၏​အချိန်၊ အမှောင်ထု​ကြီးစိုးချိန် ဖြစ်၏” ဟု မိန့်တော်မူ၏။

ဖိ​လိပ္ပိ 3:21

ကိုယ်တော်​သည် အရာ​အားလုံး​ကို မိမိ​အာဏာစက်​အောက်​၌ ထားနိုင်စွမ်း​ရှိသော​တန်ခိုး​အားဖြင့် ကျွန်ုပ်တို့​၏ လူ့​ကိုယ်ခန္ဓာ​ကို မိမိ​၏ ဘုန်းအသရေ​နှင့် ပြည့်ဝသော ကိုယ်ခန္ဓာ​နှင့် တူ​စေရန် ပြောင်းလဲတော်မူ​လိမ့်မည်။

လုကာ 22:28

ငါ​သည် ဒုက္ခဆင်းရဲများ​နှင့် ကြုံတွေ့​သောအခါ သင်တို့​သည် ငါ့​နံဘေး​တွင် ရပ်တည်သောသူများ​ဖြစ်ကြ၏။