Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ဟေ​ဗြဲ 2:10 - ခေတ်သစ်​မြန်မာ သမ္မာကျမ်း

10 ဘုရားသခင်​သည် အရာခပ်သိမ်း​ကို ဖန်ဆင်း​၍ အုပ်စိုးတော်မူသော​အရှင်​ဖြစ်တော်မူ၏။ ကိုယ်တော်​သည် သားသမီး​များစွာ​ကို ဘုန်းစည်းစိမ်​ခံစား​ရာသို့ ခေါ်ဆောင်လို​သောကြောင့် ထို​သူတို့​ကို ကယ်တင်​ရန် ယေရှု​အား ဆင်းရဲဒုက္ခ​ခံစားစေခြင်း​အားဖြင့် ပြီးပြည့်စုံသော​ကယ်တင်ရှင်​ဖြစ်စေသည်​မှာ သင့်လျော်ပေ၏။

အခန်းကိုကြည့်ပါ။ ကော်ပီ

Common Language Bible

10 ခပ်​သိမ်း​သော​အ​ရာ​တို့​ကို​ဖန်​ဆင်း​ပြု​ပြင် ထိန်း​သိမ်း​စောင့်​ရှောက်​တော်​မူ​သော​ဘု​ရား သ​ခင်​သည် မိ​မိ​၏​သား​အ​မြောက်​အ​မြား တို့​အား​ဘုန်း​အ​သ​ရေ​တော်​ဝင်​စား​ခွင့်​ပေး တော်​မူ​နိုင်​ရန် ဆင်း​ရဲ​ဒုက္ခ​ကို​ခံ​စေ​ခြင်း​အား ဖြင့် သ​ခင်​ယေ​ရှု​အား​ပြည့်​ဝ​စုံ​လင်​စေ​တော် မူ​၏။ ဤ​သို့​ဘု​ရား​သ​ခင်​ပြု​တော်​မူ​သည်​မှာ လျော်​ကန်​သင့်​မြတ်​လှ​ပေ​သည်။ အ​ဘယ် ကြောင့်​ဆို​သော်​ကယ်​တင်​ခြင်း​ရ​ရှိ​ကြ​စေ ရန် ထို​သူ​တို့​အား​ပို့​ဆောင်​သူ​မှာ​သ​ခင် ယေ​ရှု​ပင်​ဖြစ်​သော​ကြောင့်​တည်း။

အခန်းကိုကြည့်ပါ။ ကော်ပီ

Garrad Bible

10 အ ရာ ခပ် သိမ်း၏ အ ကြောင်း ရင်း နှင့် ပန်း တုံး တိုင် ဖြစ် သော ဘု ရား သ ခင် သည် အ များ သော သား တို့ ကို ဘုန်း ဝင် စား စေ တော် မူ သည် တွင် သူ တို့ ကယ် တင် ပိုင် ရှင် ကို ဒု က္ခ များ ဖြင့် စုံ လင် စေ တော် မူ သည် မှာ သင့် လျော် ပေ၏။

အခန်းကိုကြည့်ပါ။ ကော်ပီ

Judson Bible

10 အ​ကြောင်း​မူ​ကား၊ များ​စွာ​သော သား​တို့​ကို​ကယ်​တင်၍၊ ဘုန်း​စည်း​စိမ်​စံ​စား​ရာ​သို့ ပို့​ဆောင်​သော​အ​ရှင်​သည်၊ ဒု​က္ခ​ဝေ​ဒ​နာ​အား​ဖြင့် စုံ​လင်​ခြင်း​သို့ ရောက်​ရ​မည်​အ​ကြောင်း၊ ခပ်​သိမ်း​သော​အ​ရာ​တို့​ကို ဖန်​ဆင်း၍ အုပ်​စိုး​တော်​မူ​သော​ဘု​ရား​သည် စီ​ရင်​တော်​မူ​အပ်၏။

အခန်းကိုကြည့်ပါ။ ကော်ပီ

မြန်​​​မာ့​​​စံ​​​မီ​​​သမ္မာ​​​ကျမ်း​​

10 အကြောင်းမူကား ခပ်သိမ်း​သော​အရာ​တို့​၏​အကြောင်းခံ​နှင့် ခပ်သိမ်း​သော​အရာ​တို့​၏​အရင်း​အမြစ်​ဖြစ်​တော်မူ​သော​ဘုရားသခင်​သည် များစွာ​သော​သား​တို့​ကို ဘုန်း​အသရေ​တော်​ထဲသို့​ခေါ်ဆောင်​လာ​ရာ​၌ သူ​တို့​၏​ကယ်တင်​ခြင်း​ကို​အစပြု​ဖြစ်တည်​စေ​သော​အရှင်​အား ဒုက္ခ​ဝေဒနာ​အားဖြင့် စုံလင်​စေ​တော်မူ​သည်​မှာ သင့်လျော်​ပေ​၏။

အခန်းကိုကြည့်ပါ။ ကော်ပီ




ဟေ​ဗြဲ 2:10
46 ပူးပေါင်းရင်းမြစ်များ  

ယေရှု​က “ထို​မြေခွေး​ကို သွား​၍ ပြောလော့။ ‘ငါ​သည် ယနေ့​နှင့် မနက်ဖြန် နတ်ဆိုးများ​ကို နှင်ထုတ်​၍ လူနာများ​ကို ကျန်းမာစေ​လျက်​ရှိမည်။ သုံးရက်မြောက်​နေ့​တွင် ငါ​၏​အမှု​ကို ပြီးစီးစေမည်။


“အမြင့်ဆုံးသော​ကောင်းကင်ဘုံ​၌ ရှိတော်မူသော​ဘုရားသခင်​သည် ဘုန်းကြီးတော်မူပါစေ။ မြေကြီး​ပေါ်​၌ ဘုရားသခင်​နှစ်သက်တော်မူသော သူတို့​အပေါ်​တွင် ငြိမ်းချမ်းခြင်း​ရှိပါစေ” ဟု ဆိုကြ၏။


ခရစ်တော်​သည် ဤ​ဒုက္ခများ​ကို ခံ​၍ မိမိ​၏​ဘုန်းတော်​သို့ စံမြန်း​ရမည်​မဟုတ်လော” ဟု မိန့်တော်မူ၏။


ယေရှု​က “ကျမ်းစာတော်​တွင် ဤသို့ ရေးသားထား၏။ ခရစ်တော်​သည် အသေခံ​၍ သုံးရက်မြောက်​နေ့​တွင် သေခြင်း​မှ ရှင်ပြန်​ထမြောက်တော်မူမည်။


ထို​ဂျူး​တစ်မျိုးသားလုံး​အတွက်​သာမက ကမ္ဘာ​အရပ်ရပ်​တွင် ပျံ့နှံ့​နေထိုင်ကြသော ဘုရားသခင်​၏​သားသမီးများ အားလုံး​ကိုလည်း ပေါင်းစည်း​စေရန်​အတွက်​ပါ အသေခံတော်မူမည့်​အကြောင်း​ကို ပရောဖက်ပြု​ဟောပြောခြင်း​ဖြစ်၏။


ယေရှု​သည် ထို​ချဉ်သော​စပျစ်ဝိုင်​ကို မြည်းစမ်းတော်မူ​ပြီးမှ “အမှု​ပြီးပြီ” ဟု မိန့်တော်မူ၏။ ထို့နောက် ဦးခေါင်းတော်​ငိုက်​၍ အသက်​ချုပ်တော်မူ၏။


သင်တို့​သည် အသက်​၏​အရှင်သခင်​ကို သတ်​၍ ဘုရားသခင်​သည် ထို​သခင်​ကို သေခြင်း​မှ ရှင်ပြန်​ထမြောက်စေတော်မူ၏။ ထိုသို့ ထမြောက်စေတော်မူသည်​ကို ငါတို့​သည် ကိုယ်တိုင်​မြင်တွေ့ကြ၏။


အစ္စရေးလူမျိုးများ​အား နောင်တရ​၍ အပြစ်တရား​မှ​လွှတ်​စေရန် ဘုရားသခင်​သည် ထို​အရှင်​အား ခေါင်းဆောင်​နှင့် ကယ်တင်ရှင်​အဖြစ် မိမိ​၏​လက်ယာတော်ဘက်​၌ ချီးမြောက်တော်မူပြီ။


အရာခပ်သိမ်းတို့​သည် ဘုရားသခင်​ထံတော်မှ လာ၏။ အရာခပ်သိမ်းတို့​သည် ဘုရားသခင်​၏ တန်ခိုးတော်​ကြောင့် ဖြစ်တည်၏။ အရာခပ်သိမ်းတို့​သည် ဘုန်းတော်​အတွက်​ဖြစ်ကြ၏။ ဘုရားသခင်​သည် ထာဝရ​ဘုန်းကြီးတော်မူပါစေ။ အာမင်။


ဤသို့​ပြုတော်မူခြင်း​မှာ ဘုရားသခင်​သည် မိမိ​ဘုန်းတော်​၏​ကြွယ်ဝခြင်း​ကို မိမိ​ကရုဏာ​ထားတော်မူသော​သူတို့ သိ​စေရန် ဖြစ်၏။ ထို​သူတို့​မှာ ဘုန်းတော်​အတွက် ကြိုတင်​ပြင်ဆင်ထားခြင်း​ခံရသော​သူများ ဖြစ်ကြ၏။


ကျွန်ုပ်တို့​ပြောဆိုသော​ပညာ​စကား​မှာ ဝှက်ထားတော်မူသည့် လျှို့ဝှက်​နက်နဲသော​ဘုရားသခင်​၏ ပညာ​စကား​ဖြစ်၏။ ဘုရားသခင်​သည် ကမ္ဘာ​မတည်မီ​ကပင် ထို​ပညာ​ကို ကျွန်ုပ်တို့​၏ ဘုန်းအသရေ​အတွက် ကြိုတင်​သတ်မှတ်ထားတော်မူ၏။


ကျွန်ုပ်တို့​အတွက်​မှာမူ အရာခပ်သိမ်း​ကို ဖန်ဆင်းတော်မူသော အဖ​ဘုရားသခင် တစ်ဆူတည်း​သာ​ရှိ၏။ ကျွန်ုပ်တို့​သည် ကိုယ်တော်​အတွက် အသက်ရှင်ကြ၏။ ထို့ပြင် ကျွန်ုပ်တို့​အတွက် ယေရှု​ခရစ်တော်​ဟူသော သခင်​တစ်ပါးတည်း​သာ ရှိ​၍ အရာခပ်သိမ်း​သည် ထို​အရှင်​အားဖြင့် ဖြစ်လာပြီး ကျွန်ုပ်တို့​သည်လည်း ထို​အရှင်​အားဖြင့်​သာ အသက်ရှင်ကြ၏။


ထို့ကြောင့် ပဝါ​ဖုံးအုပ်ခံရခြင်း​မရှိတော့သော ကျွန်ုပ်တို့​၏ မျက်နှာ​တွင် သခင်ဘုရား​၏ ဘုန်းတော်​ထင်ဟပ်​လျက်​ရှိ၏။ ဝိညာဉ်တော်​ဖြစ်သော သခင်ဘုရား​ထံတော်မှ ဆင်းသက်လာသည့် ဘုန်းအသရေ​သည် ကျွန်ုပ်တို့​ကို အစဉ်အမြဲ ဘုန်းအသရေ​တိုးပွားစေ​၍ ကိုယ်တော်​၏ ပုံသဏ္ဌာန်တော်​အတိုင်း ပြောင်းလဲ​စေလျက်​ရှိ၏။


ကျွန်ုပ်တို့ ခဏတာ​ခံရသည့် ပေါ့ပါးသော​ဆင်းရဲဒုက္ခ​သည် ကျွန်ုပ်တို့​အတွက် အလွန်​ထူးမြတ်သော ထာဝရ​ဘုန်းအသရေ​ကို ဖြစ်ပွားစေ၏။


ဤ​အရာ​အားလုံး​သည် ဘုရားသခင်​ပြုသော​အမှု​ဖြစ်၏။ ဘုရားသခင်​သည် ခရစ်တော်​အားဖြင့် ကျွန်ုပ်တို့​ကို မိမိ​နှင့် ပြန်လည်​သင့်မြတ်စေတော်မူ​ပြီးလျှင် အခြား​သူတို့​ကို မိမိ​နှင့် ပြန်လည်​သင့်မြတ်​စေရန်​အတွက် ဆောင်ရွက်ရမည့်​တာဝန်​ကိုလည်း ကျွန်ုပ်တို့​အား ပေးတော်မူ၏။


ငါ​သည် သင်တို့​၏ အဖ​ဖြစ်မည်။ သင်တို့​သည် ငါ​၏ သားသမီးများ​ဖြစ်ကြ​လိမ့်မည်” ဟု အနန္တ​တန်ခိုးရှင် ထာဝရဘုရား​မိန့်တော်မူ၏။


သင်တို့​အားလုံး​သည် ယေရှု​ခရစ်တော်​ကို ယုံကြည်ကြ​သောကြောင့် ဘုရားသခင်​၏ သားသမီးများ ဖြစ်ကြ၏။


ဤသည်​မှာ ယေရှု​ခရစ်တော်​အားဖြင့် ကျွန်ုပ်တို့​အပေါ် ကျေးဇူးပြု​၍ သာလွန်ထူးကဲသော ကျေးဇူးတော်​၏​ကြွယ်ဝခြင်း​ကို အနာဂတ်​အစဉ်အဆက်​တွင် ဖော်ပြ​ရန် ဖြစ်၏။


ဤသို့​ပြုခြင်း​သည် ကောင်းကင်​အရပ်​ရှိ အုပ်ချုပ်သူများ​နှင့် အာဏာရှိသူများ​က အဘက်ဘက်​၌ ပြည့်စုံသော ဘုရားသခင်​၏ ပညာတော်​ကို အသင်းတော်​မှတစ်ဆင့် သိမြင်လာကြ​စေရန် ဖြစ်၏။


သင်တို့​၏ အသက်​ဖြစ်သော ခရစ်တော် ပြန်ကြွလာ​၍ ထင်ရှား​သောအခါ သင်တို့​သည်လည်း ကိုယ်တော်​နှင့်အတူ ဘုန်းကြီး​၍ ထင်ရှားကြ​လိမ့်မည်။


ထို့ကြောင့် ဘုရားသခင်​ရွေးကောက်တော်မူသော​သူတို့​သည် ယေရှု​ခရစ်တော်​ကို ယုံကြည်​၍ ကယ်တင်ခြင်း​ကို ထာဝရ​ဘုန်းတော်​နှင့်အတူ ရရှိ​နိုင်ရန် ထို​သူတို့​အတွက် ဆင်းရဲဒုက္ခ​အားလုံး​ကို ကျွန်ုပ်​သည်းခံ၏။


ကျွန်ုပ်တို့​၏​ယုံကြည်ခြင်း​ကို စတင်​ဖြစ်တည်စေ​၍ ပြီးပြည့်စုံစေသော ယေရှု​၏​အကြောင်း​ကို အစဉ်​တွေးတော​ဆင်ခြင်ကြစို့။ ကိုယ်တော်​သည် မိမိ​ရှေ့​၌ရှိသော ဝမ်းမြောက်စရာ​အကြောင်း​ကြောင့် အရှက်​ကို မှတ်ယူတော်မမူဘဲ လက်ဝါးကပ်တိုင်​၏​ဝေဒနာ​ကို သည်းခံတော်မူ၏။ ယခု​တွင်မူ ဘုရားသခင်​၏ ရာဇပလ္လင် လက်ယာတော်​ဘက်​၌ ထိုင်တော်မူ၏။


ယေရှု​ခရစ်တော်​သည် မေလခိဇေဒက်​နည်းတူ ထာဝရ​ယဇ်ပုရောဟိတ်မင်း​ဖြစ်လာ၏။ ကိုယ်တော်​သည် ရှေ့ပြေး​ဖြစ်တော်မူပြီး ကျွန်ုပ်တို့​ကိုယ်စား အသန့်ရှင်းဆုံး​ဌာနတော်​ထဲသို့ ဝင်ရောက်တော်မူ၏။


ထို​ယဇ်ပုရောဟိတ်မင်း​သည် သန့်ရှင်းသူ၊ အပြစ်​ကင်းသူ၊ ဖြူစင်သူ၊ အပြစ်သားတို့​နှင့် ခြားနားသူ၊ ကောင်းကင်ဘုံ​၌ အကြီးမြတ်ဆုံးသော နေရာ​သို့ ချီးမြှောက်​ခံရသူ​ဖြစ်​သောကြောင့် ကျွန်ုပ်တို့​လိုအပ်နေသော​ယဇ်ပုရောဟိတ်မင်း​မျိုး ဖြစ်၏။


ပညတ်တရား​အရ ခန့်အပ်ထားသော ယဇ်ပုရောဟိတ်မင်း​သည် လူသား​ဖြစ်၍​အားနည်းချက်​ရှိ၏။ သို့သော် ပညတ်တရား​နောက်​၌ လာသည့်​သစ္စာပြုခြင်း​အားဖြင့် ခန့်အပ်ထားသော သားတော်​မှာမူ ထာဝရ​ပြီးပြည့်စုံတော်မူ၏။


သူတို့​စူးစမ်းသော​အရာများ​သည် သူတို့​ကိုယ်တိုင်​အတွက်​မဟုတ်ဘဲ သင်တို့​အတွက်​ဖြစ်ကြောင်း သူတို့​အား ဘုရားသခင်​ဖော်ပြတော်မူ၏။ သင်တို့​အား သတင်းကောင်း​ကို ဟောပြောသော​သူတို့​သည် ကောင်းကင်ဘုံ​မှ စေလွှတ်တော်မူခြင်း​ခံရသည့် သန့်ရှင်းသော​ဝိညာဉ်တော်​၏​တန်ခိုး​ဖြင့် ဤ​အရာများ​ကို ပြောကြ၏။ ကောင်းကင်တမန်များ​ပင်လျှင် ဤ​အရာများ​ကို သိရှိ​နားလည်​လိုကြ၏။


ထို့ကြောင့် ခရစ်တော်​၏​ဆင်းရဲဒုက္ခ​ကို မြင်တွေ့သည့်​သက်သေ​ဖြစ်သူ၊ ထင်ရှား​လာမည့် ကိုယ်တော်​၏ ဘုန်းအသရေ​ကို မျှဝေ​ခံစားသူ ကျွန်ုပ်​သည် အသင်းတော်​အကြီးအကဲ​တစ်ဦး​အနေ​ဖြင့် သင်တို့​ထဲမှ အသင်းတော်​အကြီးအကဲများ​ကို တိုက်တွန်း​နှိုးဆော်လိုက်၏။


သို့သော် ဘုရားသခင်​သည် သင်တို့​ကို ခရစ်တော်​နှင့် တပေါင်းတစည်းတည်း​ဖြစ်​စေလျက် မိမိ​၏​ထာဝရ​တည်သော​ဘုန်းအသရေတော်​ကို မျှဝေ​ခံစား​စေရန် ရွေးကောက်တော်မူ၏။ ထို​ကျေးဇူးတော်​အပေါင်း​၏​အရှင် ဘုရားသခင်​ကိုယ်တော်တိုင်​သည် ခဏတာ ဆင်းရဲဒုက္ခ​ခံပြီးသော သင်တို့​အား ပြီးပြည့်စုံစေ​၍ ကြံ့ကြံ့ခိုင် ရပ်တည်​မြဲမြံစေတော်မူ​လိမ့်မည်။


“အကျွန်ုပ်တို့​၏​ဘုရားသခင် ထာဝရဘုရား… ကိုယ်တော်​သည် အရာ​အားလုံး​ကို ဖန်ဆင်းတော်မူ​၍ ထို​အရာတို့​သည် ကိုယ်တော်​၏​အလိုတော်​အတိုင်း ဖြစ်တည်လာ​သောကြောင့် ကိုယ်တော်​သည် ဘုန်းအသရေတော်၊ ဂုဏ်အသရေတော်၊ ဘုန်းတန်ခိုးတော်​တို့​နှင့် ထိုက်တန်တော်မူ၏” ဟု ကြွေးကြော်ကြ၏။


ထို့နောက် ကျွန်ုပ်​ကြည့်လိုက်​ရာ မည်သူမျှ​မရေတွက်​နိုင်သော လူအုပ်ကြီး​ရှိ၏။ သူတို့​သည် တိုင်းနိုင်ငံ​အသီးသီး၊ မျိုးနွယ်စု​အသီးသီး၊ လူမျိုး​အသီးသီး​နှင့် ဘာသာစကား​အသီးသီး​ပြောသည့်​သူများ​မှ ဖြစ်ကြ၏။ သူတို့​သည် ဝတ်ရုံဖြူ​ကို ဝတ်ဆင်​လျက် လက်များ​၌ စွန်ပလွံခက်များ​ကို​ကိုင်​၍ ရာဇပလ္လင်တော်​နှင့် သိုးသငယ်တော်​ရှေ့၌ ရပ်နေကြ၏။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ