ဟေ​ဗြဲ 13:3 - ခေတ်သစ်​မြန်မာ သမ္မာကျမ်း

³ သင်တို့​ကိုယ်တိုင် အကျဉ်း​ကျနေ​သကဲ့သို့ သဘောထား​လျက် အကျဉ်း​ကျနေ​သူတို့​ကို သတိရလော့။ သင်တို့​၏​ကိုယ်ခန္ဓာ​၌ နှိပ်စက်​ညှဉ်းဆဲခြင်း​ခံနေရ​သကဲ့သို့ သဘောထား​လျက် နှိပ်စက်​ညှဉ်းဆဲ​ခံနေရသော​သူတို့​ကို သတိရလော့။

Common Language Bible

³ သင်​တို့​သည်​အ​ကျဉ်း​ခံ​ရ​သူ​များ​နှင့်​အ​တူ အ​ကျဉ်း​ခံ​နေ​ရ​သ​ကဲ့​သို့​မှတ်​ယူ​လျက် သူ​တို့ အား​သ​တိ​ရ​ကြ​လော့။ မိ​မိ​တို့​ကိုယ်​တိုင်​ပင် ဒုက္ခ​ဝေ​ဒ​နာ​ခံ​ရ​သ​ကဲ့​သို့​ဒုက္ခ​ဝေ​ဒ​နာ ခံ​ရ​သူ​များ​ကို​သ​တိ​ရ​ကြ​လော့။

Garrad Bible

³ ကိုယ် တိုင် အ ကျဉ်း သား သ ဖွယ် အ ကျဉ်း ကျ သူ တို့ ကိုလည်း ကောင်း၊ ကိုယ် ခ န္ဓာ တည် နေ သော အ ဖြစ် နှိပ် စက် ခံ ရ သူ တို့ ကိုလည်း ကောင်း သ တိ ရ ကြ လော့။

Judson Bible

³ အ​ကျဉ်း​ခံ​ရ​သော သူ​တို့​နှင့်​အ​တူ ကိုယ်​ခံ​ရ​သ​ကဲ့​သို့ မှတ်၍၊ သူ​တို့​ကို အောက်​မေ့​ကြ​လော့။ သင်​တို့​သည် ကိုယ်​ခ​န္ဓာ​နှင့် မ​ကင်း​လွတ်​သော​သူ​ဖြစ်၍၊ ညှဉ်း​ဆဲ​ခံ​ရ​သော​သူ​တို့​ကို အောက်​မေ့​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³ အကျဉ်းသား​များ​ကို သူ​တို့​နှင့်အတူ​အချုပ်အနှောင်​ခံ​နေ​ရ​သကဲ့သို့ သတိရ​ကြ​လော့။ မတရား​ပြုမူ​ဆက်ဆံ​ခြင်း​ခံရ​သော​သူ​တို့​ကို သင်တို့​လည်း မိမိ​ကိုယ်ခန္ဓာ​၌ ထိုနည်းတူ​ခံရ​သကဲ့သို့ သတိရ​ကြ​လော့။

ဟေ​ဗြဲ 13:3 ပူးပေါင်းရင်းမြစ်များ

မဿဲ 25:36

ငါ​သည် အဝတ်ဗလာ​ဖြစ်သောအခါ ငါ့​အတွက် ဝတ်စရာ​အဝတ်​ကို ပေးကြ၏။ ငါ​သည် ဖျားနာ​သောအခါ ငါ့​ကို ပြုစုစောင့်ရှောက်ကြ၏။ ငါ​သည် ထောင်ကျ​သောအခါ ငါ့​ထံသို့ လာရောက်​ကြည့်ရှုကြ၏’ ဟု မိန့်တော်မူ၏။

မဿဲ 25:43

ငါ​သည် ဧည့်သည် ဖြစ်​သောအခါ ငါ့​ကို သင်တို့​အိမ်​သို့ ကြိုဆို​လက်မခံကြ။ ငါ​သည် အဝတ်ဗလာ​ဖြစ်သောအခါ ငါ့​အတွက် ဝတ်စရာ​အဝတ်​ကို မပေးကြ။ ငါ​သည် ဖျားနာ​သောအခါ​၌​လည်းကောင်း၊ ထောင်ကျ​သောအခါ​၌​လည်းကောင်း သင်တို့​သည် ငါ့​ကို မကြည့်ရှုကြ’ ဟု မိန့်တော်မူ​လိမ့်မည်။

တမန်တော်ဝတ္ထု 24:23

ထို့နောက် သူ​သည် တပ်မှူး​အား ပေါလု​ကို​စောင့်ကြပ်ထား​ရန်​နှင့် အနည်းငယ်​လွတ်လပ်ခွင့်​ပေး​၍ သူ​၏​မိတ်ဆွေများ​မှ သူ့​အား​လာရောက်​ပြုစုသည်​ကို တားမြစ်ခြင်း​မပြု​ရန် အမိန့်ပေးလေ၏။

တမန်တော်ဝတ္ထု 27:3

နောက်​တစ်နေ့​တွင် ဆီဒုန်မြို့​သို့​ဆိုက်ရောက်ကြ၏။ ယုလိ​သည် ပေါလု​အား ကြင်နာ​စွာ​ဆက်ဆံ​ကာ မိတ်ဆွေများ​ထံ သွား​၍ ပြုစုစောင့်ရှောက်​ခံရန် ခွင့်ပြုလေ၏။

ရော​မ 12:15

ဝမ်းမြောက်သော​သူတို့​နှင့်အတူ ဝမ်းမြောက်ကြလော့။ ငိုကြွေးသော​သူတို့​နှင့်အတူ ငိုကြွေးကြလော့။

၁ ကော 12:26

အင်္ဂါ​အစိတ်အပိုင်း​တစ်ခု​သည် ဝေဒနာ​ခံစားရ​လျှင် ကျန်​အစိတ်အပိုင်း​ရှိသမျှတို့​သည်လည်း အတူတကွ ခံစားကြ​ရ၏။ အင်္ဂါ​အစိတ်အပိုင်း​တစ်ခု​သည် ဂုဏ်တက်​လျှင် ကျန်​အစိတ်အပိုင်း​ရှိသမျှတို့​သည်လည်း အတူတကွ ဝမ်းမြောက်ကြ၏။

ဧ​ဖက် 4:1

သခင်ဘုရား​၏ အမှုတော်​ကို ထမ်းရွက်​သောကြောင့် အကျဉ်းချခံရသော ကျွန်ုပ်​သည် သင်တို့​ကို တိုက်တွန်း​နှိုးဆော်လိုသည်​မှာ ရွေးချယ်တော်မူခြင်း​ခံရသည်​နှင့်အညီ ထို​ရွေးချယ်တော်မူခြင်း​နှင့် သင့်လျော်​စွာ ပြုမူနေထိုင်ကြ​ရန် ဖြစ်၏။

ကော​လော​သဲ 4:18

ကျွန်ုပ်​ပေါလု​ကိုယ်တိုင် ဤ​နှုတ်ဆက်စကား​ကို ကျွန်ုပ်​လက်​နှင့် ရေးလိုက်ပါ၏။ ကျွန်ုပ် အကျဉ်းချ​ခံရခြင်း​ကို သတိရ​ဆုတောင်းပေးကြလော့။ ခရစ်တော်​၏ ကျေးဇူးတော်​ကို သင်တို့​ခံစားရပါစေသော။ ကောလောသဲ​ဩဝါဒစာ ပြီးပါပြီ။

ဟေ​ဗြဲ 10:34

သင်တို့​သည် အကျဉ်းကျ​နေသူများ​အပေါ် စာနာစိတ်​ထားကြ၏။ ဥစ္စာပစ္စည်းများ​ကို အဓမ္မ​လုယူခံရ​သော်လည်း ဝမ်းမြောက်​စွာ လက်ခံကြ၏။ အဘယ်ကြောင့်ဆိုသော် သင်တို့​သည် ထို​အရာများ​ထက် ပိုမို​ကောင်းမြတ်ပြီး ထာဝရ​တည်မြဲသော​အရာများ​ကို ပိုင်ဆိုင်ထားသည်​ကို သိကြ​သောကြောင့်​ဖြစ်၏။

ဟေ​ဗြဲ 11:37

သူတို့​သည် ကျောက်ခဲ​နှင့် ပေါက်သတ်ခြင်း၊ လွှ​နှင့် နှစ်ပိုင်း​ဖြတ်ခြင်း၊ စမ်းသပ်ခြင်း၊ ဓား​နှင့် သတ်ခြင်းတို့​ကို ခံကြရ၏။ သူတို့​သည် ဆင်းရဲနွမ်းပါး​လျက်၊ ဒုက္ခ​ရောက်​လျက်၊ နှိပ်စက်ခံရ​လျက် သိုးသားရေ၊ ဆိတ်သားရေ​တို့​ကို ဝတ်​၍ သွားလာကြရ၏။

၁ ပေ 3:8

အချုပ်​ဆိုရ​လျှင် သင်တို့​အားလုံး တစ်စိတ်တစ်ဝမ်းတည်း​ရှိကြလော့။ စာနာစိတ်​ထား​၍ တစ်ဦး​ကို​တစ်ဦး ညီအစ်ကို​မောင်နှမ​သဖွယ် ချစ်ကြလော့။ သနားကြင်နာ​စိတ်​ထား​၍ နှိမ့်ချကြလော့။