ဟေ​ဗြဲ 12:27 - ခေတ်သစ်​မြန်မာ သမ္မာကျမ်း

²⁷ “နောက်တစ်ဖန်” ဟူသော စကား​မှာ ဖန်ဆင်းခံ​အရာ​အားလုံး​သည် တုန်လှုပ်ပြီး ဖယ်ရှား​ခံရမည်​ဖြစ်​သောကြောင့် မတုန်လှုပ်နိုင်သော အရာများ​သာ ကျန်ရှိတော့မည်​ဖြစ်ကြောင်း​ဆိုလို၏။

Common Language Bible

²⁷ ``နောက်​တစ်​ကြိမ်'' ဟူ​သော​စ​ကား​သည်​အ​ဖန် ဆင်း​ခံ​အ​ရာ​အ​ပေါင်း​တို့​ကို​တုန်​လှုပ်​ပယ် ဖျက်​တော်​မူ​မည်​ဖြစ်​သ​ဖြင့်​မ​တုန်​လှုပ်​နိုင် သော​အ​ရာ​တို့​သာ​လျှင်​ကျန်​ရစ်​တည်​ရှိ ကြ​လိမ့်​မည်​ဟု​ဆို​လို​သ​တည်း။

Garrad Bible

²⁷ နောက် တစ် ကြိမ် ဆို သည် မှာ လှုပ် ရှား မ ခံ ရ သော အ ရာ များ သည် ကျန် ကြွင်း စေ ရန် ဖန် ဆင်း ရာ များ တည်း ဟူ သော လှုပ် ရှား ခံ ရ သော အ ရာ များ ကို ဖယ် ရှား တော် မူ မည် ဟု ဆို လို သ တည်း။

Judson Bible

²⁷ တစ်​ဖန် ဟူ​သော​စ​ကား၏​အ​ဓိ​ပ္ပာယ်​ကား၊ မ​လှုပ်​သော​အ​ရာ​တို့​ကို တည်​စေ​ခြင်း​ငှာ၊ လှုပ်​သော​အ​ရာ​တို့​ကို လော​ကီ​အ​ရာ​ကဲ့​သို့ ပယ်​ဖျက်​လိမ့်​မည်​ဟု ဆို​လို​သ​တည်း။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ “နောက်တစ်ဖန်”​ဟူသော​စကား​သည် မ​တုန်လှုပ်​နိုင်​သော​အရာ​တို့​ကို​တည်မြဲ​စေရန် ဖန်ဆင်း​ခြင်း​ခံရ​သည့် တုန်လှုပ်​တတ်​သော​အရာ​များ​ကို​ဖယ်ရှား​မည့်​အကြောင်း​ကို ဆိုလို​၏။

ဟေ​ဗြဲ 12:27 ပူးပေါင်းရင်းမြစ်များ

မဿဲ 24:35

ကောင်းကင်​နှင့်​မြေကြီး တည်မြဲမည်​မဟုတ်​သော်လည်း ငါ့​စကား တည်မြဲ​လိမ့်မည်။

ရော​မ 8:19

ဘုရားသခင်​၏ သားသမီးများ​မှာ မည်သူတို့​ဖြစ်ကြောင်း ဖော်ပြတော်မူမည့်​နေ့ရက်​ကို ဖန်ဆင်းခံ​လောက​သည် အလွန်​တောင့်တ​မျှော်လင့်​လျက် ရှိ၏။

ရော​မ 8:21

သို့သော် ဖန်ဆင်းခံ​လောက​သည် သေခြင်း​နှင့် ပုပ်သိုး​ဆွေးမြည့်ခြင်း​၏​အနှောင်အဖွဲ့​မှ ကင်းလွတ်​၍ ဘုရားသခင်​၏ သားသမီးများ​နှင့်အတူ ဘုန်းအသရေ​နှင့် ပြည့်သော လွတ်လပ်ခွင့် ခံစားရမည့်​နေ့ရက်​ကို မျှော်လင့်​လျက် နေ၏။

၁ ကော 7:31

လောကီ​နှင့်ဆိုင်သော​အရာများ​ကို သုံးစွဲသော​သူတို့​သည် ထို​အရာများ​ကို မတွယ်တာသင့်။ အဘယ်ကြောင့်ဆိုသော် ဤ​လက်ရှိ​ကမ္ဘာလောက​ပုံသဏ္ဌာန်​သည် ကွယ်ပျောက်​သွားတော့မည်​ဖြစ်​သောကြောင့်​ပင်။

ဟေ​ဗြဲ 1:10

ထို့ပြင် ဘုရားသခင်​သည် မိမိ​သားတော်​အား “ထာဝရဘုရား… ကိုယ်တော်​သည် အစအဦး​၌ မြေကြီး​ကို တည်​၍ ကိုယ်တော်​၏ လက်တော်​ဖြင့် ကောင်းကင်​ကို ဖန်ဆင်းတော်မူ၏။

ဟေ​ဗြဲ 13:14

အဘယ်ကြောင့်ဆိုသော် ဤ​လောက​၌ ကျွန်ုပ်တို့​အတွက် တည်မြဲသော​မြို့ မရှိ​သောကြောင့် ဖြစ်၏။ အနာဂတ်​၌ ပေါ်ထွန်းမည့်​မြို့​ကိုသာ ကျွန်ုပ်တို့​တောင့်တကြ၏။

ဟေ​ဗြဲ 9:11

ခရစ်တော်​သည် ယခု ကျွန်ုပ်တို့​ခံစားရ​သည့် ကောင်းကျိုးများ​နှင့်​သက်ဆိုင်သော ယဇ်ပုရောဟိတ်မင်း​အဖြစ် ကြွလာတော်မူပြီ။ ကိုယ်တော်​သည် ဤ​ကမ္ဘာလောက​ရှိ လူတို့​လက်​ဖြင့် ပြုလုပ်သော တဲတော်​ထက် ပို​၍ ကြီးမြတ်​ပြည့်စုံသည့် ကောင်းကင်ဘုံ​ရှိ တဲတော်​သို့ ဝင်တော်မူ၏။

ဗျာ​ဒိတ် 11:15

သတ္တမ​ကောင်းကင်တမန်​သည် တံပိုးခရာ​မှုတ်​သောအခါ “ဤ​လောကီ​နိုင်ငံ​သည် ယခု ငါတို့​အရှင်​နှင့် ထို​အရှင်​၏​ခရစ်တော်​စိုးပိုင်သော​နိုင်ငံ​ဖြစ်လေပြီ။ ကိုယ်တော်​သည် အစဉ်​ထာဝရ​အုပ်စိုးတော်မူ​လိမ့်မည်” ဟု ကောင်းကင်​မှ ကျယ်လောင်​စွာ ပြောဆိုသံများ​ထွက်ပေါ်လာ၏။

ဗျာ​ဒိတ် 21:1

ထို့နောက် ကောင်းကင်သစ်​နှင့် မြေကြီးသစ်​ကို ကျွန်ုပ်​မြင်ရ၏။ ပထမ​ကောင်းကင်​နှင့် ပထမ​မြေကြီး​သည် ကွယ်ပျောက်သွား​၍ ပင်လယ်​သည်လည်း မရှိတော့ပေ။

ဗျာ​ဒိတ် 21:4

ကိုယ်တော်​သည် သူတို့​၏ မျက်လုံး​မှ မျက်ရည်​ရှိသမျှ​ကို သုတ်တော်မူ​လိမ့်မည်။ သေခြင်း၊ ညည်းတွားခြင်း၊ ငိုကြွေးခြင်း၊ နာကျင်ခြင်း​တို့​သည် မရှိတော့ပေ။ ရှေးယခင်​က ဖြစ်ခဲ့သော​အရာတို့​သည် ကွယ်ပျောက်ကြပြီ” ဟူ၍ ဖြစ်၏။

ဗျာ​ဒိတ် 21:5

ရာဇပလ္လင်တော်​ပေါ်၌ ထိုင်တော်မူသော​အရှင်​က “ငါ​သည် အရာ​အားလုံး​ကို အသစ်​ဖြစ်စေ၏” ဟု မိန့်တော်မူ​ပြီးနောက် “ဤ​စကားတို့​သည် သစ္စာ​စကား၊ မှန်သော​စကား​ဖြစ်​သောကြောင့် ရေးထားလော့” ဟူ၍​လည်း မိန့်တော်မူ၏။