ဟေ​ဗြဲ 10:27 - ခေတ်သစ်​မြန်မာ သမ္မာကျမ်း

²⁷ ဘုရားသခင်​၏ တရားစီရင်ခြင်း​ကို​လည်းကောင်း၊ ရန်သူများ​ကို လောင်စေမည့်​ပြင်းထန်သော​မီး​ကို​လည်းကောင်း ကြောက်ရွံ့​လျက် စောင့်နေရုံ​မျှသာ ရှိတော့မည်။

Common Language Bible

²⁷ ငါ​တို့​သည်​တ​ရား​စီ​ရင်​တော်​မူ​ခြင်း​ကို​လည်း ကောင်း၊ ဘု​ရား​သ​ခင်​ကို​အ​တိုက်​အ​ခံ​ပြု​သူ တို့​အား​ကျွမ်း​လောင်​စေ​မည့်​အ​မျက်​တော်​မီး ကို​လည်း​ကောင်း​ကြောက်​ရွံ့​တုန်​လှုပ်​လျက်​စောင့် မျှော်​နေ​ကြ​ရန်​သာ​ရှိ​တော့​၏။-

Garrad Bible

²⁷ စီ ရင် ဆုံး ဖြတ် ခံ ရ မည် ဟု ကြောက် ရွံ့ ခြင်း ဒဏ်၊ ဖီ ဆန် သူ တို့ ကို ကျွမ်း လောင် မည့် မီး ပြင်း ဒဏ် သာ ရှိ၏။

Judson Bible

²⁷ ဒဏ်​စီ​ရင်​ခြင်း​ကို​ခံ​ရ​မည်​ဟု ကြောက်​မက်​ဖွယ်​သော မျှော်​လ​င့်​ရ​သော​အ​ကြောင်း၊ ငြင်း​ဆန်​သော သူ​တို့​ကို ဖျက်​ဆီး​ဖို့​ရာ အ​မျက်​တော် မီး​လောင်​ခြင်း​ကို ခံ​ရ​သော​အ​ကြောင်း​ရှိ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ တရား​စီရင်​ခြင်း​ကို​လည်းကောင်း၊ ဆန့်ကျင်​သော​သူ​တို့​ကို​ဝါးမျို​မည့် အမျက်​တော်​မီး​ကို​လည်းကောင်း ကြောက်ရွံ့​လျက် စောင့်​နေ​ကြ​ရန်​သာ​ရှိ​တော့​၏။

ဟေ​ဗြဲ 10:27 ပူးပေါင်းရင်းမြစ်များ

မဿဲ 13:42

မီးဖို​ထဲသို့ ပစ်ချကြ​သဖြင့် ထို​သူတို့​သည် အံကြိတ်​၍ ငိုကြွေးရ​လိမ့်မည်။

မဿဲ 13:50

ထို့နောက် ဆိုးသွမ်းသူများ​ကို မီးဖို​ထဲသို့ ပစ်ချကြ​သဖြင့် သူတို့​သည် အံကြိတ်​၍ ငိုကြွေးရ​လိမ့်မည်” ဟု မိန့်တော်မူ၏။

မဿဲ 25:41

ထို့နောက် ရှင်ဘုရင်​က လက်ဝဲတော်ဘက်​၌ ရှိသော​သူတို့​အား ‘ကျိန်ဆဲခြင်း​ခံရသော​သူတို့… ငါ့​ထံမှ ထွက်သွားကြလော့။ မာရ်နတ်​နှင့် သူ​၏ နတ်ဆိုးများ​အတွက် ပြင်ဆင်ထားသော​ထာဝရ​မီး​ထဲသို့ သွားကြလော့။

မဿဲ 3:10

သစ်ပင်​အမြစ်​နား​တွင် ပုဆိန်​ကို ချထားပြီ။ ထို့ကြောင့် ကောင်းသော​အသီး မသီးသည့်​အပင်​ရှိသမျှတို့​သည် ခုတ်လှဲ​ခံရ​၍ မီး​ထဲသို့ ပစ်ချခံရ​လိမ့်မည်။

မဿဲ 3:12

ထို​အရှင်​သည် မိမိ​၏​ဆန်ကော​ဖြင့် ဂျုံစပါး​ထဲမှ​အဖျင်း​ကို လှေ့​ရန် အသင့်ရှိတော်မူပြီ။ ထို့နောက် ကောက်နယ်တလင်း​ကို ရှင်းလင်း​၍ ဂျုံစပါး​ကို ကျီ​တွင် စုသိမ်း​ကာ အဖျင်း​ကိုမူ မငြိမ်းနိုင်သော​မီး​နှင့် ရှို့တော်မူ​လိမ့်မည်” ဟု ဆိုလေ၏။

မဿဲ 8:29

ထို​သူတို့​က “ဘုရားသခင်​၏​သားတော်… ကိုယ်တော်​သည် အကျွန်ုပ်တို့​နှင့် မည်သို့​ဆိုင်သနည်း။ ဘုရားသခင် သတ်မှတ်ထားတော်မူသော အချိန်​မတိုင်မီ ကိုယ်တော်​သည် အကျွန်ုပ်တို့​ကို ညှဉ်းဆဲ​ရန် ဤ​နေရာ​သို့ ကြွလာတော်မူသလော” ဟူ၍ ယေရှု​ကို အော်ဟစ်ပြောဆိုကြ၏။

လုကာ 16:24

ထိုအခါ သူဌေးကြီး​က ‘အဖ​အာဗြဟံ… အကျွန်ုပ်​ကို သနားပါ။ အကျွန်ုပ်​သည် မီးတောက်များ​ထဲတွင် ပြင်းထန်​စွာ ဝေဒနာ​ခံစားနေရပါ၏။ သို့ဖြစ်၍ လာဇရု​ကို စေလွှတ်​၍ သူ​၏​လက်ဖျား​ကို ရေ​၌ နှစ်စေ​ကာ အကျွန်ုပ်​လျှာ​ကို အေး​စေပါ’ ဟု တောင်းပန်​ပြောဆို၏။

လုကာ 19:27

ထို့ပြင် ငါ​၏​အုပ်ချုပ်မှု​ကို မလိုလားသော​ရန်သူများ​ကို ဤ​နေရာ​သို့ ခေါ်လာ​၍ ငါ့​ရှေ့​တွင် သတ်ကြလော့’ ဟု ဆိုလေ၏” ဟူ၍ မိန့်တော်မူ၏။

လုကာ 21:26

ကောင်းကင်​တန်ခိုးတို့​သည် တုန်လှုပ်ကြမည်​ဖြစ်​သဖြင့် ကမ္ဘာ​ပေါ်တွင်​ကျရောက်​လာမည့် ဘေးများ​ကို လူတို့​သည် ကြိုမြင်​လျက် ကြောက်ရွံ့​၍ သတိလစ်​မေ့မြောကြ​လိမ့်မည်။

လုကာ 23:30

ထို့နောက် လူတို့​က တောင်များ​ကို ‘ငါတို့​အပေါ်​ပြိုကျပါ’ ဟူ၍​လည်းကောင်း၊ တောင်ကုန်းများ​ကို ‘ငါတို့​အား​ဖုံးအုပ်ကြပါ’ ဟူ၍​လည်းကောင်း ပြောဆိုကြ​လိမ့်မည်။

ရှင်ယောဟန် 5:29

ကောင်းမှု​ပြုသော​သူတို့​သည် သေရာ​မှ ထမြောက်​၍ ပြန်ရှင်​လိမ့်မည်။ မကောင်းမှု​ပြုသော​သူတို့​သည် သေရာ​မှ​ထမြောက်​၍ အပြစ်စီရင်ခြင်း​ခံရ​လိမ့်မည်။

ဟေ​ဗြဲ 12:25

သင်တို့​အား မိန့်တော်မူသော အရှင်​ကို မငြင်းပယ်မိ​စေရန် သတိပြုလော့။ အကယ်၍ မြေကြီး​ပေါ်ရှိ သတိပေးသူများ​ကို မနာခံသော​အစ္စရေးလူမျိုး​သည် ပြစ်ဒဏ်​မှ မလွတ်မြောက်နိုင်​လျှင် ကောင်းကင်ဘုံ​မှ သတိပေးသော ဘုရားသခင်​ကို မနာခံ​သောအခါ ပြစ်ဒဏ်​မှ ပို​၍ လွတ်မြောက်​စရာ​အကြောင်း​မရှိ။

ဟေ​ဗြဲ 12:29

“ကျွန်ုပ်တို့​၏ ဘုရားသခင်​သည် လောင်ကျွမ်း​စေတတ်သော​မီး​ကဲ့သို့ ဖြစ်တော်မူ၏။”

ဟေ​ဗြဲ 2:3

ဤမျှ​ထူးမြတ်သည့်​ကယ်တင်ခြင်း​တရား​ကို ကျွန်ုပ်တို့ လျစ်လျူရှု​ပါက အပြစ်ဒဏ်​မှ မည်သို့​လွတ်မြောက်​နိုင်ကြမည်နည်း။ ဤ​ကယ်တင်ခြင်း​တရား​ကို သခင်ဘုရား​ကိုယ်တိုင် ဦးစွာ ဟောတော်မူ​ပြီးနောက် ကြားနာသူများ​က ကျွန်ုပ်တို့​အား ထို​တရားတော်​မှန်ကန်ကြောင်း အတည်ပြု​ပေးခဲ့ကြ၏။

ဟေ​ဗြဲ 9:27

လူတို့​သည် တစ်ကြိမ်တည်း​သာ သေရ​ပြီးနောက် တရားစီရင်တော်မူခြင်း​ကို ရင်ဆိုင်ရ​သကဲ့သို့

ယာ​ကုပ် 5:3

သင်တို့​၏​ရွှေငွေများ​သည် အကြေးအညှိ​တက်​၍ ပျက်စီးလေပြီ။ ထို​အကြေးအညှိ​သည် သင်တို့​ကို တရားခွင်​၌ စွပ်စွဲမည့် သက်သေ​ဖြစ်​ပြီး သင်တို့​၏​ကိုယ်ခန္ဓာ​ကို မီး​ကဲ့သို့ လောင်ကျွမ်း​ပျက်စီးစေ​လိမ့်မည်။ သင်တို့​သည် နောက်ဆုံးသော​နေ့ရက်များ​၌ စည်းစိမ်ဥစ္စာများ​ကို သိုထားကြလေပြီ။

ဗျာ​ဒိတ် 20:15

အသက်​စာစောင်​တွင် စာရင်း​မဝင်သော​သူတို့​သည်လည်း မီးအိုင်​ထဲသို့ ပစ်ချ​ခံရ၏။