လုကာ 8:15 - ခေတ်သစ်​မြန်မာ သမ္မာကျမ်း

¹⁵ ကောင်းသော​မြေ​၌ ကျသည့်​မျိုးစေ့​မှာ တရားစကား​ကို ကြား​သောအခါ စစ်မှန်​ကောင်းမွန်သော​စိတ်နှလုံး​နှင့် စွဲမြဲစွာ​ခံယူ​၍ တည်ကြည်​စွာ အသီး​သီးသော​သူ​ကို ဆိုလို၏။

Common Language Bible

¹⁵ မြေ​ကောင်း​မြေ​သန့်​တွင်​ကျ​သော​မျိုး​စေ့​မူ​ကား နှုတ်​က​ပတ်​တော်​ကို​ကြား​ပြီး​နောက် ရိုး​ဖြောင့် ကောင်း​မွန်​သော​စိတ်​နှ​လုံး​တွင်​စွဲ​မြဲ​စွာ​ခံ​ယူ ကာ​အ​သီး​သီး​သူ​များ​ကို​ဆို​လို​သ​တည်း။

Garrad Bible

¹⁵ ကောင်း သော မြေ တွင် ကျ သည့် အ စေ့ မူ ကား၊ ရိုး ဖြောင့် ကောင်း မွန် သော စိတ် နှ လုံး နှင့် တ ရား တော် ကို ကြား နာ စွဲ ကိုင် လျက် တည် ကြည် စွာ အ သီး သီး သူ များ ဖြစ်၏။

Judson Bible

¹⁵ ကောင်း​သော​မြေ၌ ရှိ​သော​သူ​ကား၊ ဖြောင့်​မတ်​စင်​ကြယ်​သော စိတ်​နှ​လုံး​နှင့် တ​ရား​စ​ကား​ကို​ကြား​လျှင်၊ စွဲ​လမ်း​သော​အား​ဖြင့် မြဲ​မြံ​စွာ အ​သီး​သီး​သော​သူ​ကို ဆို​လို​သ​တည်း။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ကောင်း​သော​မြေ​၌​ကျ​သည်​ဆိုသည်မှာ ကြည်လင်​ကောင်းမြတ်​သော​စိတ်နှလုံး​ဖြင့် တရား​စကား​ကို​ကြား​၍ ၎င်း​ကို​စွဲကိုင်​ထား​ကာ သည်းခံ​သော​အားဖြင့် အသီး​သီး​သော​သူ​တို့​ကို​ဆိုလို​၏။

မြန်မာ

¹⁵ ကောင်း​သော​မြေ၌ ရှိ​သော​သူ​ကား၊ ဖြောင့်​မတ်​စင်​ကြယ်​သော စိတ်​နှ​လုံး​နှင့် တ​ရား​စ​ကား​ကို​ကြား​လျှင်၊ စွဲ​လမ်း​သော​အား​ဖြင့် မြဲ​မြံ​စွာ အ​သီး​သီး​သော​သူ​ကို ဆို​လို​သ​တည်း။

လုကာ 8:15 ပူးပေါင်းရင်းမြစ်များ

မဿဲ 24:13

သို့ရာတွင် အဆုံး​တိုင်အောင် ကြံ့ကြံ့ခံသော​သူ​သည် ကယ်တင်ခံရ​လိမ့်မည်။

လုကာ 11:28

ယေရှု​ကလည်း “ဘုရားသခင်​၏​နှုတ်ကပတ်​တရားတော်​ကို ကြား​၍ လိုက်နာသောသူ​သည် ပို၍ မင်္ဂလာ​ရှိ၏” ဟု မိန့်တော်မူ၏။

လုကာ 6:45

ကောင်းသော​သူ​သည် ကောင်းသော​အရာများ​ကို ကောင်းသော​စိတ်နှလုံး​ဘဏ္ဍာတိုက်​အတွင်း​မှ ထုတ်ဖော်တတ်၏။ မကောင်းသော​သူ​သည်လည်း မကောင်းသော​အရာများ​ကို မကောင်းသော​စိတ်နှလုံး​ဘဏ္ဍာတိုက်​အတွင်း​မှ ထုတ်ဖော်တတ်၏။ အဘယ်ကြောင့်ဆိုသော် စိတ်နှလုံးထဲ​တွင် ပြည့်နေသည့်​အရာများ​ကို နှုတ်​မှ​ပြောဆိုတတ်​သောကြောင့်​ဖြစ်၏။

လုကာ 8:14

ဆူးပင်​ကြား​တွင် ကျသော​မျိုးစေ့​မှာ တရားစကား​ကို ကြား​သော်လည်း သူတို့​၏​စိုးရိမ်​ပူပန်ခြင်း၊ ချမ်းသာ​ကြွယ်ဝခြင်း၊ အပျော်အပါး​လိုက်စားခြင်းတို့​သည် ကြီးထွားခြင်း​ကို ပိတ်ဆို့ထား​သဖြင့် အသီး​မသီးနိုင်သော​သူတို့​ကို ဆိုလို၏။

လုကာ 8:16

ဆီမီးခွက်​ကို ထွန်း​၍ တောင်း​ဖြင့် ဖုံးထားလေ့​မရှိ။ ခုတင်​အောက်​၌​လည်း ဝှက်ထားလေ့​မရှိ။ ဝင်လာသော​သူတို့​အလင်းရောင်​ရ​စေရန် ဆီမီးတိုင်​ပေါ်တွင် တင်ထားလေ့​ရှိ၏။

ရှင်ယောဟန် 14:15

သင်တို့​သည် ငါ့​ကို ချစ်​လျှင် ငါ့​ပညတ်တို့​ကို လိုက်နာကြ​လိမ့်မည်။

ရှင်ယောဟန် 15:10

ငါ​သည် ခမည်းတော်​၏ ပညတ်တော်တို့​ကို လိုက်နာ​၍ ခမည်းတော်​၏​ချစ်ခြင်းမေတ္တာ​၌ တည်နေ​သကဲ့သို့ သင်တို့​သည်လည်း ငါ့​ပညတ်တို့​ကို လိုက်နာ​လျှင် ငါ​၏​ချစ်ခြင်းမေတ္တာ​၌ တည်နေကြ​လိမ့်မည်။

ရော​မ 2:7

ကောင်းမှု​ကို အစဉ်တစိုက်​ပြု​၍ ဘုန်းအသရေ၊ ဂုဏ်အသရေ​နှင့် မပျက်စီး​မယိုယွင်းသော​ဘဝ​ကို ရှာသော​သူတို့​အား ထာဝရ​အသက်​ကို ပေးတော်မူ​လိမ့်မည်။

ရော​မ 6:22

သို့သော် ယခု​သင်တို့​သည် အပြစ်တရား​လက်​မှ လွတ်မြောက်​၍ ဘုရားသခင်​၏​ကျွန် ဖြစ်လာကြ၏။ ထို့ကြောင့် ယခု​သင်တို့​သည် သန့်ရှင်းခြင်း​အကျိုး​ကို ရကြ၏။ အဆုံး​၌ ထာဝရ​အသက်​ကို ရကြ၏။

ရော​မ 7:18

ကျွန်ုပ်​အထဲ​၌ တစ်နည်း​အားဖြင့် ကျွန်ုပ်​၏​လူ့​ဗီဇ​စိတ်​၌ ကောင်းသော​အရာ​တစ်စုံတစ်ခု​မျှ မကိန်းအောင်းသည်​ကို ကျွန်ုပ်​သိ၏။ မှန်သော​အပြုအမူ​ကို ပြုလိုသော​စိတ်​ရှိ​သော်လည်း ပြုနိုင်စွမ်း​မရှိ။

ရော​မ 7:4

ထို့ကြောင့် ညီအစ်ကို​မောင်နှမတို့… သင်တို့​သည် ခရစ်တော်​နှင့်အတူ သေ​သဖြင့် ပညတ်တရား​အောက်၌ အသက်ရှင်ရသော​ဘဝ​ကိုလည်း အဆုံးသတ်ပြီ​ဖြစ်၏။ ယခု သင်တို့​သည် ဘုရားသခင်​အတွက် ကောင်းသော​အကျင့်​ကို ကျင့်​နိုင်ရန် သေခြင်း​မှ​ရှင်ပြန်ထမြောက်တော်မူသော အရှင်​နှင့် တပေါင်းတစည်းတည်း​ဖြစ်ကြ၏။

ရော​မ 8:25

သို့သော် ကျွန်ုပ်တို့​မတွေ့မြင်ရသေးသော​အရာ​ကို မျှော်လင့်ကြ​လျှင်မူ ထို​အရာ​ကို သည်းခံသော​စိတ်​နှင့် စောင့်မျှော်ကြ၏။

၁ ကော 7:19

အဘယ်ကြောင့်ဆိုသော် အရေပြားလှီးခြင်း​မင်္ဂလာ​ကို ခံယူသည်​ဖြစ်စေ မခံယူဘဲ​နေသည်​ဖြစ်စေ ထို​အရာ​သည် အဓိက​မကျ။ ဘုရားသခင်​၏ ပညတ်တော်​ကို လိုက်နာဆောင်ရွက်ခြင်း​သည်သာ အဓိက​ကျ၏။

ဧ​ဖက် 2:8

သင်တို့​သည် ယုံကြည်ခြင်း​ဖြင့် ကျေးဇူးတော်​ကြောင့် ကယ်တင်ခြင်း​ခံရ၏။ သင်တို့​ကိုယ်တိုင် ပြုသော ကုသိုလ်​ကြောင့် မဟုတ်။ ဘုရားသခင် ပေးတော်မူသော လက်ဆောင်​ဖြစ်၏။

ဖိ​လိပ္ပိ 1:11

ထို့ပြင် သင်တို့​သည် ယေရှု​ခရစ်တော်​ကြောင့် ရရှိ​သည့် ဖြောင့်မတ်ခြင်း​၏ အသီးအပွင့်​နှင့် ပြည့်​လျက် လူတို့​သည် ဘုရားသခင်​၏ ဘုန်းတော်​ကို ထင်ရှား​စေရန်​နှင့် ဘုရားသခင်​ကို ချီးမွမ်းကြ​ရန် ကျွန်ုပ်​ဆုတောင်း၏။

ကော​လော​သဲ 1:10

သို့မှသာ သင်တို့​သည် ကောင်းမှု​အမျိုးမျိုး​ဖြစ်သော အသီးအပွင့်များ သီးပွင့်​ကာ ဘုရားသခင်​ကို ပိုမို​သိကျွမ်းသည်​နှင့်အညီ သခင်ဘုရား​၏ လူ​ဖြစ်သည့်​အလျောက် သခင်ဘုရား​၏ လူ​ပီသ​စွာ ပြုမူနေထိုင်​၍ သခင်ဘုရား​ကို နှစ်သက်စေ​နိုင်မည်​ဖြစ်၏။

ကော​လော​သဲ 1:6

သင်တို့​သည် ထို​သတင်းကောင်း​ကို ကြားနာ​ပြီး ဘုရားသခင်​၏ ကျေးဇူးတော်​ကို အမှန်တကယ် နားလည်သည့်​နေ့​မှစ၍ သင်တို့​ထဲ၌ အသီးအပွင့်များ​သီးပွင့်​ကာ တိုးပွား​သကဲ့သို့ ထို​သတင်းကောင်း​သည် ကမ္ဘာတစ်ဝန်းလုံး​သို့ ပျံ့နှံ့​၍ တိုးပွား​လျက်​ရှိ၏။

ဟေ​ဗြဲ 10:36

ဘုရားသခင်​၏​အလိုတော်​ကို ဆောင်ရွက်​နိုင်ရန်​နှင့် ကတိထားသော​အရာ​ကို ရရှိ​နိုင်ရန် သင်တို့​သည် သည်းခံစိတ်​မွေး​ရမည်။

ဟေ​ဗြဲ 2:1

ထို့ကြောင့် ကျွန်ုပ်တို့​သည် လမ်းမှား​မရောက်​ရန် ကြားနာရသည့်​တရား​ကို စွဲမြဲ​စွာ ဆုပ်ကိုင်ထား​ကြရမည်။

ယာ​ကုပ် 1:4

သင်တို့​သည် မည်သည့်​ချို့တဲ့မှု​မျှ မရှိဘဲ ရင့်ကျက်​လျက် ပြီးပြည့်စုံ​နိုင်ရန်​အတွက် အဆုံး​တိုင်အောင် သည်းခံ​ရမည်။

၁ ယော 2:3

ကျွန်ုပ်တို့​သည် ပညတ်တော်တို့​ကို လိုက်နာ​လျှင် ဘုရားသခင်​ကို သိကျွမ်းသော​သူများ​ဖြစ်ကြောင်း သိရ၏။