လုကာ 18:32 - ခေတ်သစ်​မြန်မာ သမ္မာကျမ်း

³² လူသား​သည် လူမျိုးခြားတို့​၏​လက်​သို့ အပ်နှံခြင်းခံရ​၍ ပြက်ရယ်ပြုခြင်း၊ စော်ကားခြင်း၊ တံတွေး​နှင့်​ထွေးခြင်း​တို့​ကို ခံရ​လိမ့်မည်။

Common Language Bible

³² လူ​သား​ကို​လူ​မျိုး​ခြား​တို့​၏​လက်​သို့​အပ်​နှံ ကြ​လိမ့်​မည်။ သူ့​ကို​ပြောင်​လှောင်​စော်​ကား​၍ တံ​တွေး​နှင့်​ထွေး​ကြ​လိမ့်​မည်။-

Garrad Bible

³² လူ့ သား သည် လူ မျိုး ခြား တို့ ထံ ပို့ အပ် ခံ၍ သ ရော် ခြင်း၊ ဆဲ ရေး ခြင်း၊ တံ တွေး ထွေး ခြင်း များ ကို ခံ ရ ပြီး လျှင်၊

Judson Bible

³² တစ်​ပါး​အ​မျိုး​သား​တို့​လက်​သို့ အပ်​နှံ​ခြင်း၊ ပြက်​ရယ်​ပြု​ခြင်း၊ ညှဉ်း​ဆဲ​ခြင်း၊ တံ​တွေး​နှင့် ထွေး​ခြင်း​ကို ခံ​ရ​လိမ့်​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³² အကြောင်းမူကား သူ​သည် လူမျိုးခြား​တို့​ထံ အပ်နှံ​ခြင်း​ကို​ခံရ​လျက် ပြောင်လှောင်​ခြင်း၊ နှိပ်စက်​ခြင်း၊ တံတွေး​နှင့်​ထွေး​ခြင်း​တို့​ကို​ခံရ​လိမ့်မည်။

မြန်မာ

³² တစ်​ပါး​အ​မျိုး​သား​တို့​လက်​သို့ အပ်​နှံ​ခြင်း၊ ပြက်​ရယ်​ပြု​ခြင်း၊ ညှဉ်း​ဆဲ​ခြင်း၊ တံ​တွေး​နှင့် ထွေး​ခြင်း​ကို ခံ​ရ​လိမ့်​မည်။-

လုကာ 18:32 ပူးပေါင်းရင်းမြစ်များ

မဿဲ 16:21

ထို​အချိန်​မှစ၍ ယေရှု​က မိမိ​သည် ဂျေရုဆလင်မြို့​သို့ သွားရမည်။ အကြီးအကဲများ၊ ယဇ်ပုရောဟိတ်​ခေါင်းဆောင်များ၊ ကျမ်းတတ်ဆရာများ​လက်​တွင် ဒုက္ခ​များစွာ ခံရမည်။ အသေသတ်ခြင်း​ကိုလည်း ခံရ​၍ သုံးရက်မြောက်​နေ့​တွင် သေခြင်း​မှ​ထမြောက်တော်မူမည်​ဟူသော​အကြောင်းအရာများ​ကို တပည့်တော်တို့​အား စတင်​ဖော်ပြတော်မူ၏။

မဿဲ 20:19

လူသား​ကို လူမျိုးခြားတို့​၏​လက်​သို့ အပ်နှံ​၍ ပြက်ရယ်ပြုခြင်း၊ ရိုက်နှက်ခြင်း၊ လက်ဝါးကပ်တိုင်​တွင် သတ်ခြင်း စသည်တို့​ကို​ပြု​စေ​လိမ့်မည်။ သို့သော် သုံးရက်မြောက်သော​နေ့​တွင် သူ​သည် သေခြင်း​မှ ထမြောက်​လိမ့်မည်” ဟု မိန့်တော်မူ၏။

မဿဲ 22:6

အခြားသောသူတို့​က ဘုရင်​၏​အစေအပါးတို့​ကို ဖမ်းချုပ်​၍ နှိပ်စက်​ကာ သတ်ဖြတ်ကြ၏။

မဿဲ 26:67

ထို့နောက် သူတို့​သည် ယေရှု​၏ မျက်နှာတော်​ကို တံတွေး​နှင့် ထွေး​၍ လက်သီး​ဖြင့် ထိုးနှက်ကြ၏။ တချို့​ကလည်း ယေရှု​ကို ရိုက်ပုတ်​လျက်

မဿဲ 27:2

ထိုသို့ ဆွေးနွေးပြီး​သောအခါ ယေရှု​ကို ချည်နှောင်​ကာ ရောမ​ဘုရင်ခံ ပိလတ်မင်း​ထံသို့ ပို့ဆောင်​၍ အပ်လိုက်ကြ၏။

ရှင်မာကု 14:65

ထို့နောက် လူတချို့​သည် ယေရှု​ကို တံတွေး​နှင့် ထွေးကြ၏။ မျက်နှာတော်​ကို ဖုံးအုပ်ပြီး​လျှင် ကိုယ်တော်​ကို လက်သီး​ဖြင့် ထိုးနှက်​၍ “ပရောဖက်ပြု​၍ ဟောတော်မူပါ” ဟု ဆိုကြ၏။ အစောင့်တပ်သားတို့​ကလည်း ယေရှု​၏​ပါးတော်​ကို ရိုက်ပုတ်ကြ၏။

ရှင်မာကု 15:1

နံနက်​စောစောအချိန်​တွင် ယဇ်ပုရောဟိတ်​ခေါင်းဆောင်များ​သည် အကြီးအကဲများ၊ ကျမ်းတတ်ဆရာများ​နှင့် တရားလွှတ်တော်​မှ အဖွဲ့ဝင်များ​အားလုံး​နှင့်အတူ တွေ့ဆုံ​၍ ရှေ့ဆက်​လုပ်ဆောင်​ရမည့် ကိစ္စ​အတွက် တိုင်ပင်​ဆွေးနွေးကြ၏။ ထို့နောက် ယေရှု​ကို ချည်နှောင်​၍ ရောမ​ဘုရင်ခံ​ပိလတ်မင်း​ထံသို့ ခေါ်ဆောင်သွားကြ၏။

လုကာ 18:33

ထို့နောက် သူတို့​သည် လူသား​ကို ကြိမ်ဒဏ်ပေး​၍ ရိုက်နှက်ကြပြီး သတ်ကြ​လိမ့်မည်။ သို့သော် သုံးရက်မြောက်သော​နေ့​တွင် သူ​သည် သေခြင်း​မှ ထမြောက်​လိမ့်မည်” ဟု မိန့်တော်မူ၏။

လုကာ 23:1

ထို့နောက် တရားလွှတ်တော်​တစ်ဖွဲ့လုံး​သည် ယေရှု​ကို ရောမ​ဘုရင်ခံ​ပိလတ်မင်း​ထံသို့ ခေါ်ဆောင်သွားကြ၏။

လုကာ 23:11

ဟေရုဒ်​နှင့် သူ​၏​စစ်သည်တော်များ​ကလည်း ကိုယ်တော်​ကို မထီလေးစား​ဆက်ဆံ​၍ ပြက်ရယ်ပြု​ကာ အလွန်​တင့်တယ်သော​ဝတ်ရုံ​ကို ဝတ်စေ​လျက် ပိလတ်မင်း​ထံသို့ ပြန်ပို့လိုက်၏။

လုကာ 23:35

လူများ​သည်လည်း ရပ်​လျက် စောင့်ကြည့်နေကြ၏။ ဂျူး​ခေါင်းဆောင်များ​က “သူ​သည် တစ်ပါးသူ​ကို​ကယ်၏။ အကယ်၍ သူ​သည် ဘုရားသခင်​ရွေးချယ်သော ခရစ်တော်​မှန်​လျှင် မိမိကိုယ်ကိုယ်​ကယ်တင်ပါစေ” ဟု ယေရှု​အား ပြက်ရယ်ပြု​၍ ပြောဆိုကြ၏။

ရှင်ယောဟန် 18:22

အနီး​တွင် ရပ်နေသော​ဗိမာန်တော်​အစောင့်တပ်သား​တစ်ဦး​က “ယဇ်ပုရောဟိတ်မင်း​ကို ဤသို့​ဖြေရမည်လော” ဟု ဆို​ကာ ယေရှု​၏​ပါးတော်​ကို ရိုက်လေ၏။

ရှင်ယောဟန် 18:28

ထို့နောက် နံနက်​စောစော​အချိန်​တွင် လူတို့​သည် ယေရှု​ကို ကယာဖ​ထံမှ ဘုရင်ခံ​ပိလတ်မင်း​၏ ရုံးတော်​သို့ ခေါ်ဆောင်သွားကြ၏။ ထို​သူတို့​သည် ပသခါပွဲတော်​ညစာ​ကို စား​နိုင်ရန်​အတွက် ညစ်ညူးခြင်း​မှ ရှောင်​လို​သဖြင့် ရုံးတော်​ထဲသို့ မဝင်ဘဲ​နေကြ၏။

ရှင်ယောဟန် 18:30

သူတို့​က “ဤ​သူ​သည် ရာဇဝတ်သား​မဟုတ်​လျှင် သူ့​ကို အရှင့်​ထံ အကျွန်ုပ်တို့​ခေါ်ဆောင်လာမည်​မဟုတ်ပါ” ဟု လျှောက်ကြ၏။

ရှင်ယောဟန် 18:32

ဤသည်​မှာ မိမိ​မည်သို့​အသေခံရမည်​ကို ကြိုတင်​ဟောခဲ့သော ယေရှု​၏​စကားတော်​အတိုင်း ဖြစ်ပျက်လာခြင်း​ဖြစ်၏။

ရှင်ယောဟန် 18:35

ပိလတ်မင်း​က “သင်​သည် ငါ့​ကို ဂျူး​လူမျိုး​တစ်ယောက်​ဟု ထင်သလော။ သင့်​လူမျိုးများ​နှင့် ယဇ်ပုရောဟိတ်​ခေါင်းဆောင်များ​က ငါ့​ထံသို့ သင့်​ကို ဖမ်းဆီး​ခေါ်ဆောင်လာကြ၏။ မည်သည့်​ပြစ်မှု​ကို သင်​ကျူးလွန်ခဲ့သနည်း” ဟု မေး၏။

တမန်တော်ဝတ္ထု 2:23

ဘုရားသခင်​၏​တိကျသော​အကြံအစည်တော်​အားဖြင့်​လည်းကောင်း၊ ကြိုတင်​သိမြင်သော​ဉာဏ်တော်​အားဖြင့်​လည်းကောင်း သင်တို့​လက်​၌ အပ်နှံခံရသော​ဤ​ယေရှု​ကို သင်တို့​သည် တရားမဲ့သော​သူတို့​၏​လက်​ဖြင့် လက်ဝါးကပ်တိုင်​ပေါ်တွင် အသေသတ်ခဲ့ကြ၏။

တမန်တော်ဝတ္ထု 3:13

အာဗြဟံ​၏​ဘုရား၊ ဣဇာက်​၏​ဘုရား၊ ယာကုပ်​၏​ဘုရား​ဖြစ်သော ငါတို့​ဘိုးဘေးများ​၏​ဘုရားသခင်​သည် မိမိ​၏​အစေခံ​ယေရှု​အား ဘုန်းကြီးစေတော်မူပြီ။ ထို​ယေရှု​မှာ ပိလတ်မင်း​လက်​သို့ သင်တို့​အပ်နှံ​၍ ပိလတ်မင်း​က လွတ်ငြိမ်းချမ်းသာခွင့်​ပေး​ရန် ဆုံးဖြတ်​သော်လည်း သင်တို့​ငြင်းပယ်ကြသော​သူ​ပင်​ဖြစ်၏။