ရှင်ယောဟန် 9:29 - ခေတ်သစ်​မြန်မာ သမ္မာကျမ်း

²⁹ ဘုရားသခင်​သည် မောရှေ​ကို မိန့်မြွက်ပြောဆိုသည်​ကို ငါတို့​သိကြ၏။ ဤ​သူ​သည် အဘယ်က​လာသည်​ကိုပင် ငါတို့​မသိပါ” ဟု ကဲ့ရဲ့​ရှုတ်ချ​လျက် ဆိုကြ၏။

Common Language Bible

²⁹ ဘု​ရား​သ​ခင်​သည်​မော​ရှေ​အား​ဗျာ​ဒိတ်​ပေး တော်​မူ​ခဲ့​ကြောင်း​ကို​ငါ​တို့​သိ​ကြ​၏။ ဤ​သူ သည်​အ​ဘယ်​က​လာ​သည်​ကို​ပင်​ငါ​တို့​မ​သိ ကြ'' ဟု​ဆို​ကြ​၏။

Garrad Bible

²⁹ ဘုရားသခင်သည် မောရှေအားဗျာဒိတ်ပေးတော်မူကြောင်းငါတို့သိ၏။ ဤသူကား မည်သည့်ဇာတိဒေသကဖြစ်သည်ကိုမသိဟု ဆိုကြ၏။

Judson Bible

²⁹ ဘု​ရား​သ​ခင်​သည် မော​ရှေ၌ ဗျာ​ဒိတ်​ထား​တော်​မူ​ကြောင်း​ကို ငါ​တို့​သိ​ကြ၏။ ထို​သူ​သည် အ​ဘယ်​က ဖြစ်​သည်​ကို မ​သိ​ဟု​ကဲ့​ရဲ့၍ ပြော​ဆို​ကြ​လျှင်၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ ဘုရားသခင်​သည် မောရှေ​အား အမိန့်​ရှိ​တော်မူ​ကြောင်း​ကို ငါ​တို့​သိ​ကြ​၏။ ထို​သူ​ကား မည်သည့်​အရပ်​မှ​လာ​သည်​ကို ငါ​တို့​မ​သိ”​ဟု သူ့​ကို​ပုတ်ခတ်​ပြောဆို​ကြ​၏။

မြန်မာ

²⁹ ဘု​ရား​သ​ခင်​သည် မော​ရှေ၌ ဗျာ​ဒိတ်​ထား​တော်​မူ​ကြောင်း​ကို ငါ​တို့​သိ​ကြ၏။ ထို​သူ​သည် အ​ဘယ်​က ဖြစ်​သည်​ကို မ​သိ​ဟု​ကဲ့​ရဲ့၍ ပြော​ဆို​ကြ​လျှင်၊-

ရှင်ယောဟန် 9:29 ပူးပေါင်းရင်းမြစ်များ

မဿဲ 12:24

သို့သော် ဖာရိရှဲတို့​သည် ထို​အကြောင်း​ကို ကြား​သောအခါ “သူ​သည် နတ်ဆိုးတို့​ကို နှင်ထုတ်နိုင်ခြင်း​မှာ နတ်ဆိုးမင်း​ဗေလဇေဗုလ​၏​တန်ခိုး​ကို ရရှိထား​သောကြောင့်​ဖြစ်သည်” ဟု ဆိုကြ၏။

မဿဲ 26:61

“ဤ​သူ​က ‘ငါ​သည် ဘုရားသခင်​၏​ဗိမာန်တော်​ကို ဖြိုဖျက်​၍ သုံးရက်​အတွင်း ပြန်လည်​ဆောက်နိုင်သည်’ ဟု ပြောခဲ့သည်” ဟူ၍ သက်သေခံကြ၏။

လုကာ 23:2

ထို​သူတို့​က “ဤ​သူ​သည် ပြည်သူလူထု​ကို လမ်းမှားစေ​၍ ဆီဇာဘုရင်​ထံ အခွန်​ပေးဆောင်ခြင်း​အား တားမြစ်နေသည်​ကို​လည်းကောင်း၊ မိမိကိုယ်ကိုယ် ခရစ်တော်​ဟူသော ရှင်ဘုရင်​တစ်ပါး​ဖြစ်ကြောင်း ပြောဆိုနေသည်​ကို​လည်းကောင်း အကျွန်ုပ်တို့​တွေ့ရှိပါသည်” ဟု စွပ်စွဲကြ၏။

ရှင်ယောဟန် 1:17

အဘယ်ကြောင့်ဆိုသော် ဘုရားသခင်​သည် ပညတ်တရား​ကို မောရှေ​အားဖြင့် ပေးတော်မူ​သောကြောင့်​ဖြစ်၏။ သို့သော် ကျေးဇူးတရား​နှင့် သစ္စာတရား​ကို ယေရှု​ခရစ်တော်​အားဖြင့် ပေးတော်မူ၏။

ရှင်ယောဟန် 7:27

သို့သော်လည်း ဤ​သူ​သည် အဘယ်​က လာသည်​ကို ငါတို့​သိကြ၏။ ခရစ်တော် ကြွလာတော်မူ​သောအခါ​တွင်မူ အဘယ်က​လာသည်​ကို မည်သူ​မျှ သိမည်​မဟုတ်ပါ” ဟု ပြောဆိုကြ၏။

ရှင်ယောဟန် 7:28

ဗိမာန်တော်​၌ သွန်သင်တော်မူ​စဉ် ယေရှု​က “ငါ​သည် မည်သူ​ဖြစ်ကြောင်း​နှင့် အဘယ်က​လာကြောင်း​ကို သင်တို့​သိကြ၏။ သို့ရာတွင် ငါ​သည် မိမိ​သဘော​နှင့် လာသည်​မဟုတ်ပါ။ ငါ့​ကို​စေလွှတ်တော်မူသော​အရှင်​သည် စစ်မှန်သော​အရှင် ဖြစ်တော်မူ၏။ ထို​အရှင်​ကို သင်တို့​မသိကြ။

ရှင်ယောဟန် 8:14

ယေရှု​က “ငါ​သည် မိမိ​အကြောင်း​မိမိ သက်သေခံ​သော်လည်း ငါ့​သက်သေ​သည် ခိုင်လုံ၏။ အဘယ်ကြောင့်ဆိုသော် ငါ​သည် မည်သည့်​အရပ်​မှ လာ​၍ မည်သည့်​အရပ်​သို့ သွားမည်​ကို ငါ​သိ၏။ သင်တို့​ကမူ ငါ​သည် မည်သည့်​အရပ်​မှ လာ​၍ မည်သည့်​အရပ်​သို့ သွားမည်​ကို မသိကြ။

ရှင်ယောဟန် 9:16

ထို့ကြောင့် ဖာရိရှဲ​တချို့​က “သူ​သည် ဥပုသ်နေ့​တွင် အလုပ်လုပ်​သောကြောင့် ဘုရားသခင်​ထံတော်မှ လာသော​သူ မဖြစ်နိုင်” ဟု ဆိုကြ၏။ သို့သော် တချို့​က “သာမန်လူ အပြစ်သား​တစ်ဦး​သည် ထိုကဲ့သို့သော နိမိတ်​လက္ခဏာ​ကို မည်သို့ ပြုနိုင်မည်နည်း” ဟု ဆိုကြ၏။ ဤသို့ဖြင့် သူတို့​အချင်းချင်း သဘောထား​ကွဲလွဲကြ၏။

ရှင်ယောဟန် 9:24

ထို့ကြောင့် သူတို့​သည် မျက်မမြင်​ဖြစ်ခဲ့ဖူးသူ​ကို ဒုတိယအကြိမ် ခေါ်​၍ “ဤ​အရာ​အတွက် ဘုရားသခင်​ရှေ့တော်​တွင် အမှန်​အတိုင်း ပြောလော့။ ထို​ယေရှု​သည် အပြစ်သား​ဖြစ်ကြောင်း ငါတို့​သိကြ၏” ဟု ဆိုကြ၏။

ရှင်ယောဟန် 9:30

ထို​သူ​က “သူ​သည် ကျွန်ုပ်​ကို မျက်စိ​မြင်စေခဲ့​သော်လည်း သင်တို့​က ထို​သူ​အဘယ်က​လာသည်​ကို မသိသည်​မှာ အံ့ဖွယ်​ကောင်းလှ၏။

တမန်တော်ဝတ္ထု 22:22

လူတို့​သည် ဤမျှ​ကြာအောင် နားထောင်နေကြ​ပြီးနောက် လူမျိုးခြားတို့​အကြောင်း ပေါလု​ပြောဆိုသည်​ကို ကြား​သောအခါ မိမိတို့​၏​အသံ​ကို ကျယ်လောင်​စွာ အော်ဟစ်​၍ “ဤကဲ့သို့သော သူ​ကို ကမ္ဘာမြေ​ပေါ်မှ သုတ်သင်​ဖယ်ရှားလော့။ သူ​သည် အသက်​မရှင်ထိုက်” ဟု ဆိုကြ၏။

တမန်တော်ဝတ္ထု 26:22

သို့ရာတွင် အကျွန်ုပ်​သည် ဘုရားသခင်​၏ ကူညီမစတော်မူခြင်း​ကို ခံရ​သောကြောင့် ယနေ့​တိုင်အောင်​ရပ်တည်​လျက် လူတန်းစား​အနိမ့်​အမြင့်​မရွေးဘဲ လူ​အပေါင်းတို့​အား ဟောပြောပါ၏။ ထိုသို့​ဟောပြောရာ​တွင်လည်း ပရောဖက်များ​နှင့် မောရှေ​တို့​ဟောပြောခဲ့သည့် နောင်​အနာဂတ်​တွင် ဖြစ်ပျက်မည့်​အရာများ​ကိုသာ ဟောပြောပါ၏။

တမန်တော်ဝတ္ထု 7:35

‘မည်သူ​သည် သင့်​ကို အုပ်ချုပ်သူ​နှင့် တရားသူကြီး​အဖြစ် ခန့်ထားသနည်း’ ဟု ငြင်းပယ်ခံရသော​မောရှေ​ကို ဘုရားသခင်​သည် ချုံပုတ်​တွင် ကိုယ်ထင်ပြသော​ကောင်းကင်တမန်​အားဖြင့် အုပ်ချုပ်သူ​နှင့် ကယ်တင်သူ​အဖြစ် စေလွှတ်တော်မူ၏။

ဟေ​ဗြဲ 1:1

ရှေး​ကာလ​၌ ဘုရားသခင်​သည် ကျွန်ုပ်တို့​၏ ဘိုးဘေးများ​ကို ပရောဖက်များ​မှတစ်ဆင့် အကြိမ်ကြိမ် နည်းလမ်း​အမျိုးမျိုး​ဖြင့် စကားပြောတော်မူ၏။

ဟေ​ဗြဲ 1:2

ဤ​နောက်ဆုံးသော​နေ့ရက်များ​တွင်​မူ ဘုရားသခင်​သည် မိမိ​သားတော်​မှတစ်ဆင့် ကျွန်ုပ်တို့​အား စကား​ပြောတော်မူ၏။ ဘုရားသခင်​သည် သားတော်​ကို အရာ​အားလုံး​၏ အမွေခံ​ဖြစ်စေတော်မူ​ပြီး ထို​သားတော်​အားဖြင့် စကြဝဠာ​ကို ဖန်ဆင်းတော်မူ၏။