ရှင်ယောဟန် 7:12 - ခေတ်သစ်​မြန်မာ သမ္မာကျမ်း

¹² လူထု အထဲ​တွင်လည်း ကိုယ်တော်​အကြောင်း​ကို အမျိုးမျိုး​တီးတိုး​ပြောဆို​လျက်​ရှိကြ၏။ တချို့​က “သူ​သည် သူတော်ကောင်း​တစ်ဦး​ဖြစ်သည်” ဟု ဆိုကြ၏။ တချို့​ကမူ “သူတော်ကောင်း မဟုတ်။ သူ​သည် လူထု​ကို လှည့်ဖြားသူ​ဖြစ်သည်” ဟု ဆိုကြ၏။

Common Language Bible

¹² လူ​ပ​ရိ​သတ်​သည်​ကိုယ်​တော်​နှင့်​ပတ်​သက်​၍ များ​စွာ​တီး​တိုး​ပြော​ဆို​လျက်​နေ​ကြ​ကုန်​၏။ လူ​အ​ချို့​တို့​က ``ဤ​သူ​သည်​သူ​တော်​ကောင်း ဖြစ်​သည်'' ဟု​ဆို​ကြ​၏။ အ​ချို့​က​မူ ``သူ​တော် ကောင်း​မ​ဟုတ်။ လူ​ပ​ရိ​သတ်​အား​မှောက်​မှား လမ်း​လွဲ​စေ​သူ​ဖြစ်​၏'' ဟု​ဆို​ကြ​၏။-

Garrad Bible

¹² အချို့က သူတော်ကောင်းဖြစ်သည်၊ အချို့ကထိုသို့မဟုတ်၊ ပြည်သူပြည်သားတို့ကိုဖြားယောင်းသူဖြစ်သည်ဟုဆိုလျက် ကိုယ်တော်နှင့်စပ်၍လူပရိသတ်များစွာ နှီးနှောကြသော်လည်း၊

Judson Bible

¹² လူ​အ​စု​အ​ဝေး​တို့​သည် ကိုယ်​တော်​ကို​အ​ကြောင်း​ပြု၍ အုတ်​အုတ်​သဲ​သဲ​ဖြစ်​ကြ၏။ အ​ချို့​တို့​က၊ သူ​သည် သူ​တော်​ကောင်း​ဖြစ်​သည် ဟူ၍​လည်း​ကောင်း၊ အ​ချို့​တို့​က၊ သူ​တော်​ကောင်း​မ​ဟုတ်၊ လူ​များ​ကို​လှည့်​ဖြား​သည် ဟူ၍​လည်း​ကောင်း ဆို​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹² လူထု​ပရိသတ်​တို့​ထဲတွင် ကိုယ်တော်​နှင့်​ပတ်သက်၍ အမျိုးမျိုး​တီးတိုး​ပြောဆို​နေ​ကြ​၏။ လူ​အချို့​တို့​က “သူ​သည် သူတော်ကောင်း​ဖြစ်​သည်”​ဟု ဆို​ကြ​၏။ အခြား​သော​သူ​တို့​က​မူ “မ​ဟုတ်​ပါ။ သူ​သည် လူထု​ပရိသတ်​ကို​လှည့်ဖြား​နေ​သည်”​ဟု ဆို​ကြ​၏။

မြန်မာ

¹² လူ​အ​စု​အ​ဝေး​တို့​သည် ကိုယ်​တော်​ကို​အ​ကြောင်း​ပြု၍ အုတ်​အုတ်​သဲ​သဲ​ဖြစ်​ကြ၏။ အ​ချို့​တို့​က၊ သူ​သည် သူ​တော်​ကောင်း​ဖြစ်​သည် ဟူ၍​လည်း​ကောင်း၊ အ​ချို့​တို့​က၊ သူ​တော်​ကောင်း​မ​ဟုတ်၊ လူ​များ​ကို​လှည့်​ဖြား​သည် ဟူ၍​လည်း​ကောင်း ဆို​ကြ၏။-

ရှင်ယောဟန် 7:12 ပူးပေါင်းရင်းမြစ်များ

မဿဲ 10:25

တပည့်​သည် ဆရာ​ကဲ့သို့​လည်းကောင်း၊ ကျွန်​သည်​သခင်​ကဲ့သို့​လည်းကောင်း ဖြစ်လာ​လျှင် လုံလောက်ပါ၏။ အိမ်ထောင်ဦးစီး​ဖြစ်သူ​ကို နတ်ဆိုးမင်း​ဟု ခေါ်ကြ​လျှင် အိမ်သူအိမ်သားတို့​ကို ပို​၍ ဆိုးရွား​စွာ ခေါ်ကြ​လိမ့်မည်။

မဿဲ 21:46

ထို့ကြောင့် သူတို့​သည် ယေရှု​ကို ဖမ်းဆီး​လိုကြ၏။ သို့သော်လည်း လူတို့​ကို ကြောက်ရွံ့ကြ၏။ အဘယ်ကြောင့်ဆိုသော် လူထု​သည် ယေရှု​ကို ပရောဖက်​တစ်ပါး​ကဲ့သို့ မှတ်ယူကြ​သောကြောင့်​ဖြစ်၏။

မဿဲ 27:63

“အရှင်မင်းကြီး… ထို​လှည့်ဖြားသူ​အသက်ရှင်​စဉ်အခါ​က ‘ငါ​သည် သုံးရက်​ကြာ​ပြီးနောက် သေခြင်း​မှ ထမြောက်မည်’ ဟု ပြောဆိုခဲ့သည်​ကို အကျွန်ုပ်တို့ မှတ်မိပါ၏။

လုကာ 18:19

ယေရှု​က “ငါ့​ကို ကောင်းမြတ်သည်​ဟု အဘယ်ကြောင့်​ဆိုသနည်း။ ဘုရားသခင်​မှတစ်ပါး မည်သူ​မျှ မကောင်းမြတ်ပါ။

လုကာ 23:47

ဤ​အဖြစ်အပျက်​ကို ရောမ​တပ်မှူး​သည် မြင်တွေ့​သောအခါ “ဤ​သူ​သည် အမှန်ပင်​ဖြောင့်မတ်သော​သူ ဖြစ်သည်” ဟု ဆို​ကာ ဘုရားသခင်​ကို​ချီးမွမ်းလေ၏။

လုကာ 23:50

ထို​အချိန်​တွင် ဖြောင့်မတ်​၍ သူတော်ကောင်း​ဖြစ်သော ယုဒပြည် အရိမဿဲမြို့သား ယောသပ်​ဟု ခေါ်သည့်​သူ​တစ်ဦး​ရှိ၏။ သူသည် တရားလွှတ်တော်​အဖွဲ့ဝင်​တစ်ဦး​ဖြစ်ပြီး

လုကာ 6:45

ကောင်းသော​သူ​သည် ကောင်းသော​အရာများ​ကို ကောင်းသော​စိတ်နှလုံး​ဘဏ္ဍာတိုက်​အတွင်း​မှ ထုတ်ဖော်တတ်၏။ မကောင်းသော​သူ​သည်လည်း မကောင်းသော​အရာများ​ကို မကောင်းသော​စိတ်နှလုံး​ဘဏ္ဍာတိုက်​အတွင်း​မှ ထုတ်ဖော်တတ်၏။ အဘယ်ကြောင့်ဆိုသော် စိတ်နှလုံးထဲ​တွင် ပြည့်နေသည့်​အရာများ​ကို နှုတ်​မှ​ပြောဆိုတတ်​သောကြောင့်​ဖြစ်၏။

လုကာ 7:16

လူအပေါင်းတို့​သည်လည်း အံ့သြ​ထိတ်လန့်​၍ “ငါတို့​အထဲ​တွင် ထူဆန်းသော​ပရောဖက်​တစ်ပါး ပေါ်ထွန်းလေပြီ။ ဘုရားသခင်​သည် မိမိ​လူမျိုး​အား အကူအညီ​ပေးတော်မူ​ရန် ကြွလာတော်မူပြီ” ဟူ၍ ဘုရားသခင်​၏​ဂုဏ်တော်​ကို ချီးမွမ်းကြ၏။

ရှင်ယောဟန် 6:14

ဤသို့ ယေရှု​ပြတော်မူသော နိမိတ်​လက္ခဏာ​ကို မြင်သော​လူတို့​က “ဤ​သူ​သည် အမှန်​ပင် ကျွန်ုပ်တို့​စောင့်မျှော်နေသော ပရောဖက် ဖြစ်သည်” ဟု ဆိုကြ၏။

ရှင်ယောဟန် 7:32

ထိုသို့ လူတို့​တီးတိုး​ပြောဆိုနေကြသည်​ကို ဖာရိရှဲများ ကြား​သော် ယဇ်ပုရောဟိတ်​ခေါင်းဆောင်များ​နှင့် တိုင်ပင်​၍ ယေရှု​ကို ဖမ်းဆီး​ရန် ဗိမာန်တော်​အစောင့်များ​ကို စေလွှတ်လိုက်ကြ၏။

ရှင်ယောဟန် 7:47

ထိုအခါ ဖာရိရှဲများ​က “သင်တို့​သည်လည်း သူ​၏ လှည့်စားခြင်း​ကို ခံရကြပြီလော။

ရှင်ယောဟန် 7:52

ထို​သူတို့​က “သင်​သည်လည်း ဂါလိလဲပြည်သား​ဖြစ်သလော။ ကျမ်းစာ​၌ ရှာဖွေ​လေ့လာလော့။ ဂါလိလဲပြည်​မှ မည်သည့်​ပရောဖက်​မျှ မပေါ်ထွန်းကြောင်း​ကို သင်​သိရ​လိမ့်မည်” ဟု ဆိုကြ၏။

ရှင်ယောဟန် 9:16

ထို့ကြောင့် ဖာရိရှဲ​တချို့​က “သူ​သည် ဥပုသ်နေ့​တွင် အလုပ်လုပ်​သောကြောင့် ဘုရားသခင်​ထံတော်မှ လာသော​သူ မဖြစ်နိုင်” ဟု ဆိုကြ၏။ သို့သော် တချို့​က “သာမန်လူ အပြစ်သား​တစ်ဦး​သည် ထိုကဲ့သို့သော နိမိတ်​လက္ခဏာ​ကို မည်သို့ ပြုနိုင်မည်နည်း” ဟု ဆိုကြ၏။ ဤသို့ဖြင့် သူတို့​အချင်းချင်း သဘောထား​ကွဲလွဲကြ၏။

တမန်တော်ဝတ္ထု 11:24

ဗာနဗ​သည် သူတော်ကောင်း​ဖြစ်​၍ သန့်ရှင်းသော​ဝိညာဉ်တော်​နှင့် ယုံကြည်ခြင်း​တို့​ဖြင့် ပြည့်ဝသော​သူ​ဖြစ်၏။ ထို့ကြောင့် မြောက်မြားစွာသော​လူတို့​သည် သခင်ဘုရား​ထံသို့ ပြောင်းလဲလာကြ၏။

ရော​မ 5:7

ဖြောင့်မတ်သူ​အတွက် အသေခံမည့်သူ ရှိခဲ၏။ သူတော်ကောင်း​အတွက်​မူ အသေခံဝံ့သူ ရှိကောင်း​ရှိ​လိမ့်မည်။

ဖိ​လိပ္ပိ 2:14

ပြုလေ​သမျှ​တို့​တွင် မငြင်းခုံ၊ မညည်းညူဘဲ ပြုကြလော့။