ရှင်ယောဟန် 3:13 - ခေတ်သစ်​မြန်မာ သမ္မာကျမ်း

¹³ ကောင်းကင်ဘုံ​မှ ဆင်းသက်လာသော လူသား​မှလွဲ၍ မည်သူ​မျှ ကောင်းကင်ဘုံ​သို့ မရောက်ဖူး။

Common Language Bible

¹³ ကောင်း​ကင်​ဘုံ​မှ​ဆင်း​သက်​လာ​သော​လူ​သား မှ​တစ်​ပါး အ​ဘယ်​သူ​မျှ​ကောင်း​ကင်​ဘုံ​သို့ မ​ရောက်​ဖူး​ကြ'' ဟု​မိန့်​တော်​မူ​၏။

Garrad Bible

¹³ ကောင်းကင်ဘုံမှဆင်းလာသောလူသားမှတစ်ပါး မည်သူမျှကောင်းကင်ဘုံသို့ တက်ဖူးသည်မဟုတ်။

Judson Bible

¹³ ကောင်း​ကင်​ဘုံ​က​ဆင်း​သက်၍ ကောင်း​ကင်​ဘုံ၌​ရှိ​နေ​သော လူ​သား​မှ​တစ်​ပါး အ​ဘယ်​သူ​မျှ ကောင်း​ကင်​ဘုံ​သို့ မ​တက်​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ကောင်းကင်​မှ​ဆင်းသက်​သော​လူ့သား​မှတစ်ပါး ကောင်းကင်​သို့​တက်​သွား​ခဲ့​သူ​တစ်စုံတစ်ဦး​မျှ​မ​ရှိ။

မြန်မာ

¹³ ကောင်း​ကင်​ဘုံ​က​ဆင်း​သက်၍ ကောင်း​ကင်​ဘုံ၌​ရှိ​နေ​သော လူ​သား​မှ​တစ်​ပါး အ​ဘယ်​သူ​မျှ ကောင်း​ကင်​ဘုံ​သို့ မ​တက်​ပြီ။-

ရှင်ယောဟန် 3:13 ပူးပေါင်းရင်းမြစ်များ

မဿဲ 28:20

သင်တို့​အား ငါ​ပေးသမျှသော ပညတ်တော်​အားလုံး​ကို သူတို့​အား သွန်သင်လော့။ ငါ​သည်လည်း ကမ္ဘာ​ကုန်ဆုံးသည့်​တိုင်အောင် သင်တို့​နှင့်အတူ အစဉ်အမြဲ​ရှိနေမည်” ဟု မိန့်တော်မူ၏။ ရှင်မဿဲ​ခရစ်ဝင်ကျမ်း​ပြီးပါပြီ။

မဿဲ 8:20

သို့သော် ယေရှု​က “မြေခွေးတို့​၌ နေစရာ တွင်း​ရှိ၏။ ငှက်တို့​၌ နားစရာ​အသိုက်​ရှိ၏။ လူသား​၌​မူ ခေါင်းချစရာ​နေရာ​ပင် မရှိ” ဟု မိန့်တော်မူ၏။

ရှင်ယောဟန် 1:18

ဘုရားသခင်​ကို မည်သူ​မျှ မမြင်ဖူးချေ။ သို့သော် ခမည်းတော်​၏ ရင်ခွင်တော်​၌ ရှိသည့် တစ်ပါးတည်းသော​သားတော်​သည် ဘုရားသခင်​ကို ကျွန်ုပ်တို့​သိမြင်​နိုင်ရန် ဖော်ပြတော်မူပြီ။

ရှင်ယောဟန် 13:3

ယေရှု​သည် မိမိ​ထံ​၌ ခမည်းတော်​က အခွင့်အာဏာ​အားလုံး​ကို အပ်နှံထားသည်​ကို​လည်းကောင်း၊ မိမိ​သည် ဘုရားသခင်​ထံမှ ကြွလာ​၍ ဘုရားသခင်​ထံသို့ ပြန်ကြွတော့မည်​ကို​လည်းကောင်း သိတော်မူ၏။

ရှင်ယောဟန် 17:5

အို အဖ… ကမ္ဘာ​မတည်ရှိ​မီက ကိုယ်တော်​နှင့်အတူ အကျွန်ုပ်​ရရှိသော ဘုန်းအသရေ​ဖြင့် အကျွန်ုပ်​ကို ရှေ့တော်​၌ ယခု​ဘုန်းကြီးစေတော်မူပါ။

ရှင်ယောဟန် 3:12

လောကီ​နှင့်​ဆိုင်သော အကြောင်းအရာများ​ကို ငါ​ပြော​သောအခါ သင်တို့​မယုံကြည်​လျှင် ကောင်းကင်ဘုံ​နှင့်​ဆိုင်သော အကြောင်းအရာများ​ကို ငါ​ပြော​သော် မည်သို့​ယုံကြည်နိုင်ကြမည်နည်း။

ရှင်ယောဟန် 3:31

အထက်​မှ ကြွလာသော​အရှင်​သည် အရာ​အားလုံး​ထက် ကြီးမြတ်၏။ ကမ္ဘာလောက​မှ ဖြစ်ပွားသော​သူ​သည် လောကီသား​ဖြစ်​၍ လောကီ​နှင့်ဆိုင်သော​အရာများ​ကိုသာ ပြောဆို၏။ ကောင်းကင်ဘုံ​မှ ကြွလာသော​အရှင်​သည် အရာ​အားလုံး​ထက် ကြီးမြတ်၏။

ရှင်ယောဟန် 6:33

ဘုရားသခင်​၏ စစ်မှန်သော​မုန့်​မှာ ကောင်းကင်​မှ ဆင်းသက်လာ​၍ လောကီသားတို့​အား အသက်​ကို ပေးသော​မုန့်​ဖြစ်၏” ဟု မိန့်တော်မူ၏။

ရှင်ယောဟန် 6:38

အဘယ်ကြောင့်ဆိုသော် ငါ​သည် မိမိ​အလို​ကို လုပ်ဆောင်​ရန် မဟုတ်ဘဲ ငါ့​ကို စေလွှတ်တော်မူသော ဘုရားသခင်​၏ အလိုတော်​ကို လုပ်ဆောင်​ရန် ဆင်းသက်လာ​သောကြောင့် ဖြစ်၏။

ရှင်ယောဟန် 6:42

“ဤ​သူ​သည် ယောသပ်​၏ သား ယေရှု​မဟုတ်လော။ သူ​၏ မိဘတို့​ကို ငါတို့​သိသည် မဟုတ်လော။ သို့ဖြစ်ပါလျက် သူ​က ‘ငါ​သည် ကောင်းကင်​မှ ဆင်းသက်လာ၏’ ဟု အဘယ်ကြောင့် ဆိုသနည်း” ဟု မကျေမနပ်​ပြောဆိုကြ၏။

ရှင်ယောဟန် 6:46

ထိုသို့​ဆိုရာ​တွင် တစ်စုံတစ်ဦး​သည် ခမည်းတော်​ကို တွေ့မြင်ခဲ့ပြီ​ဟု ငါ​မဆိုလိုပါ။ ခမည်းတော်​ဘုရားသခင်​စေလွှတ်တော်မူသော ငါ​သာလျှင် ခမည်းတော်​ကို တွေ့မြင်ဖူး၏။

ရှင်ယောဟန် 6:51

ငါ​သည် ကောင်းကင်​မှ ဆင်းသက်လာသော အသက်မုန့်​ဖြစ်၏။ ဤ​မုန့်​ကို စားသုံးသောသူ​သည် အစဉ်​ထာဝရ အသက်ရှင်​လိမ့်မည်။ ငါ​ပေးမည့် ဤ​မုန့်​သည် လောကီသားတို့ အသက်​ရှင်​ရန် ပေးသော ငါ့​အသား​ပင်​ဖြစ်၏” ဟု မိန့်တော်မူ၏။

ရှင်ယောဟန် 6:62

သို့ဖြစ်လျှင် လူသား​သည် ကောင်းကင်​သို့ တစ်ဖန် တက်ကြွသည်​ကို သင်တို့ မြင်ရ​ပါက မည်သို့​ထင်မှတ်ကြမည်နည်း။

ရှင်ယောဟန် 8:42

ယေရှု​က “ဘုရားသခင်​သည် သင်တို့​၏ အဖ​ဖြစ်​ပါက သင်တို့​သည် ငါ့​ကို ချစ်ကြ​လိမ့်မည်။ အဘယ်ကြောင့်ဆိုသော် ငါ​သည် ဘုရားသခင်​ထံမှ လာ၏။ မိမိ​သဘော​အတိုင်း လာသည်​မဟုတ်။ ဘုရားသခင်​သည် ငါ့​ကို စေလွှတ်တော်မူ၏။

တမန်တော်ဝတ္ထု 2:34

ဒါဝိဒ်မင်း​သည် ကောင်းကင်ဘုံ​သို့ မတက်ပါ။ သို့သော်လည်း သူ​က ‘ထာဝရဘုရား​သည် ကျွန်ုပ်​၏​သခင်​အား “ငါ​၏ လက်ယာဘက်​၌ ထိုင်လော့။ ငါ​သည် သင်​၏​ရန်သူတို့​ကို သင်​၏​ခြေတင်ခုံ​ဖြစ်စေ​လိမ့်မည်” ဟူ၍ မိန့်တော်မူ၏’ ဟု ဆိုလေ၏။

တမန်တော်ဝတ္ထု 20:28

ထို့ကြောင့် သင်တို့​သည် မိမိကိုယ်ကိုယ်​လည်းကောင်း၊ သိုးစု​အားလုံး​ကို​လည်းကောင်း ကြည့်ရှုပြုစုကြလော့။ သားတော်​၏​အသွေးတော်​နှင့် ရွေးဝယ်ထားသော​ဘုရားသခင်​၏​အသင်းတော်​ကို ထိန်းသိမ်းစောင့်ရှောက်​ရန် ထို​သိုးစုများ​ကို ကြည့်ရှုပြုစုသူများ​အဖြစ် သန့်ရှင်းသော​ဝိညာဉ်တော်​သည် သင်တို့​အား ခန့်ထားတော်မူ၏။

ရော​မ 10:6

သို့ရာတွင် ယုံကြည်ခြင်း​နည်းလမ်း​အရ ဘုရားသခင်​ရှေ့တော်​၌ ဖြောင့်မတ်သည်​ဟု သတ်မှတ်​ခံရခြင်း​ကမူ “ ‘ခရစ်တော်​ကို ဤ​လောက​သို့ ခေါ်ဆောင်​ရန် ကောင်းကင်ဘုံ​သို့ မည်သူ​တက်မည်နည်း’ ဟူ၍ သင့်​စိတ်​ထဲ၌ မပြောဆိုနှင့်။

၁ ကော 15:47

ပထမဦးဆုံး​လူ​သည် မြေကြီး​က ဖြစ်လာ​သောကြောင့် မြေကြီးသား​ဖြစ်၏။ ဒုတိယ​လူ​မှာ ကောင်းကင်ဘုံ​မှ လာသောသူ​ဖြစ်၏။

ဧ​ဖက် 1:23

ထို​အသင်းတော်​သည် ခရစ်တော်​၏ ကိုယ်ခန္ဓာ ဖြစ်၏။ အရာ​အားလုံး​ကို နည်း​မျိုးစုံ​ဖြင့် ဖြည့်ဆည်းပေး​တော်မူသော ခရစ်တော်​သည် ထို​အသင်းတော်​ကို ပြည့်စုံစေတော်မူ၏။