ရှင်ယောဟန် 17:3 - ခေတ်သစ်​မြန်မာ သမ္မာကျမ်း

³ ထာဝရ​အသက်​ဟူသည်​မှာ တစ်ဆူတည်းသော၊ စစ်မှန်သည့်​ဘုရား​ဖြစ်တော်မူသော ကိုယ်တော်​ကို သိကျွမ်းခြင်း​နှင့် ဤ​လောက​သို့ ကိုယ်တော်​စေလွှတ်တော်မူသော ယေရှု​ခရစ်တော်​ကို သိကျွမ်းခြင်း​ပင်​ဖြစ်ပါ၏။

Common Language Bible

³ ထာ​ဝ​ရ​အ​သက်​ဟူ​သည်​တစ်​ဆူ​တည်း​သော ဘု​ရား​ဖြစ်​တော်​မူ​သည့်​ကိုယ်​တော်​ကို​လည်း ကောင်း၊ ကိုယ်​တော်​စေ​လွှတ်​တော်​မူ​သော​ယေ​ရှု ခ​ရစ်​ကို​လည်း​ကောင်း​သိ​ကျွမ်း​ခြင်း​ပင်​ဖြစ် ပါ​၏။-

Garrad Bible

³ ထာဝရအသက်ဟူသည်မှာ ဘုရားမှန်တစ်ဆူတည်းဖြစ်သောကိုယ်တော်ကိုလည်းကောင်း၊ စေလွှတ်တော်မူလိုက်သော ယေရှုခရစ်ကိုလည်းကောင်း၊ သိကျွမ်းခြင်းတည်း။

Judson Bible

³ ထာ​ဝ​ရ​အ​သက်​ဟူ​မူ​ကား၊ မှန်​သော​ဘု​ရား​သ​ခင် တစ်​ဆူ​တည်း​ဖြစ်​တော်​မူ​သော ကိုယ်​တော်​ကို​လည်း​ကောင်း၊ စေ​လွှတ်​တော်​မူ​သော ယေ​ရှု​ခ​ရစ်​ကို​လည်း​ကောင်း၊ သိ​ကျွမ်း​ခြင်း​တည်း။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³ ထာဝရ​အသက်​ဟူသည်မှာ တစ်ဆူတည်း​သော စစ်မှန်​သည့်​ဘုရား​ဖြစ်​တော်မူ​သော ကိုယ်တော်​ကို​လည်းကောင်း၊ ကိုယ်တော်​စေလွှတ်​တော်မူ​သော ယေရှု​ခရစ်တော်​ကို​လည်းကောင်း သိကျွမ်း​ခြင်း​ပင်​ဖြစ်​ပါ​၏။

မြန်မာ

³ ထာ​ဝ​ရ​အ​သက်​ဟူ​မူ​ကား၊ မှန်​သော​ဘု​ရား​သ​ခင် တစ်​ဆူ​တည်း​ဖြစ်​တော်​မူ​သော ကိုယ်​တော်​ကို​လည်း​ကောင်း၊ စေ​လွှတ်​တော်​မူ​သော ယေ​ရှု​ခ​ရစ်​ကို​လည်း​ကောင်း၊ သိ​ကျွမ်း​ခြင်း​တည်း။-

ရှင်ယောဟန် 17:3 ပူးပေါင်းရင်းမြစ်များ

ရှင်မာကု 9:37

“ငါ့​မျက်နှာ​ကို​ထောက်​၍ ဤကဲ့သို့သော​ကလေးငယ်​ကို လက်ခံသော​သူ​သည် ငါ့​ကို​လက်ခံ၏။ ငါ့​ကို လက်ခံသော​သူ​သည် ငါ့​ကို​သာမက ငါ့​ကို စေလွှတ်တော်မူသော ခမည်းတော်​ကိုလည်း လက်ခံ၏” ဟု မိန့်တော်မူ၏။

လုကာ 9:48

ထို့နောက် တပည့်တော်တို့​အား “ငါ့​မျက်နှာ​ကို​ထောက်​၍ ဤကဲ့သို့သော​ကလေးငယ်​ကို လက်ခံသော​သူ​သည် ငါ့​ကို​လက်ခံ၏။ ငါ့​ကို လက်ခံသော​သူ​သည် ငါ့​ကို စေလွှတ်တော်မူသော ခမည်းတော်​ကို လက်ခံ၏။ အဘယ်ကြောင့်ဆိုသော် သင်တို့​တွင် အငယ်ဆုံး​သော​သူ​သည် အကြီးမြတ်ဆုံးသော​သူ ဖြစ်​လိမ့်မည်” ဟု မိန့်တော်မူ၏။

ရှင်ယောဟန် 10:36

ခမည်းတော်​ရွေးချယ်​၍ လောက​သို့ စေလွှတ်ခံရသော ငါ​က ‘ငါ​သည် ဘုရားသခင်​၏ သားတော်​ဖြစ်သည်’ ဟု ပြောဆိုသည်​ကို သင်တို့​က ‘ဘုရားသခင်​ကို စော်ကားသည်’ ဟု ဆိုကြသလော။

ရှင်ယောဟန် 11:42

အဖ​သည် အကျွန်ုပ်​တောင်းလျှောက်​သမျှ​ကို အစဉ်အမြဲ​နားဆင်တော်မူသည်​ကို အကျွန်ုပ်​သိပါ၏။ သို့ရာတွင် ယခု​ကဲ့သို့ တောင်းလျှောက်ရခြင်း​မှာ ဝန်းရံ​လျက်​ရှိသော ဤ​လူတို့​အတွက် ဖြစ်ပြီး အကျွန်ုပ်​ကို အဖ​စေလွှတ်တော်မူကြောင်း​ကို သူတို့​ယုံကြည်လာ​စေရန် ဖြစ်ပါသည်” ဟု မြွက်ဆိုတော်မူ၏။

ရှင်ယောဟန် 14:26

သို့ရာတွင် ခမည်းတော်​သည် ငါ့​ကိုယ်စား ကူညီမစတော်မူသော​အရှင်​ဖြစ်သည့် သန့်ရှင်းသော​ဝိညာဉ်တော်​ကို စေလွှတ်တော်မူ​သောအခါ ထို​အရှင်​သည် သင်တို့​အား အရာ​အားလုံး သွန်သင်​၍ ငါ​ပြောခဲ့သမျှ​ကို ပြန်လည်​သတိရစေတော်မူ​လိမ့်မည်။

ရှင်ယောဟန် 17:18

ကိုယ်တော်​သည် အကျွန်ုပ်​ကို ဤ​လောက​သို့ စေလွှတ်​သကဲ့သို့ အကျွန်ုပ်​သည်လည်း သူတို့​ကို ဤ​လောက​သို့ စေလွှတ်ပါ၏။

ရှင်ယောဟန် 17:21

အို အဖ… အကျွန်ုပ်​နှင့် ကိုယ်တော်​သည် တစ်သားတည်း​ဖြစ်သကဲ့သို့ သူတို့​သည် တစ်သားတည်း​ဖြစ်​ရန် ဆုတောင်းပါ၏။ ကိုယ်တော်​သည် အကျွန်ုပ်​၌ တည်တော်မူ​၍ အကျွန်ုပ်​သည်လည်း ကိုယ်တော်​၌ တည်​သကဲ့သို့ သူတို့​ကို အကျွန်ုပ်တို့​၌ တည်စေတော်မူပါ။ ဤသည်​မှာ အကျွန်ုပ်​အား ကိုယ်တော်​စေလွှတ်တော်မူကြောင်း​ကို လောကီသားတို့ ယုံကြည်လာ​နိုင်စေရန်​ဖြစ်၏။

ရှင်ယောဟန် 17:23

အကျွန်ုပ်​သည် သူတို့​၌ တည်​၍ ကိုယ်တော်​သည်လည်း အကျွန်ုပ်​၌ တည်တော်မူ၏။ ထိုကဲ့သို့ စုံလင်စွာ​တစ်သားတည်း​ဖြစ်ခြင်း​အားဖြင့် အဖ​သည် အကျွန်ုပ်​ကို စေလွှတ်တော်မူကြောင်း​နှင့် အကျွန်ုပ်​ကို ချစ်တော်မူ​သကဲ့သို့ သူတို့​ကို ချစ်တော်မူကြောင်း​ကို လောကီသားတို့​သိကြပါ​လိမ့်မည်။

ရှင်ယောဟန် 17:25

တရားမျှတတော်မူသော​အဖ… လောကီသားတို့​သည် ကိုယ်တော်​ကို မသိကြ​သော်လည်း အကျွန်ုပ်​သိပါ၏။ ကိုယ်တော်​သည် အကျွန်ုပ်​အား စေလွှတ်တော်မူကြောင်း​ကို ဤ​တပည့်တော်တို့​သိကြပါ၏။

ရှင်ယောဟန် 17:8

အဘယ်ကြောင့်ဆိုသော် အကျွန်ုပ်​အား ကိုယ်တော်​ပေးတော်မူသော​တရားတော်​ကို အကျွန်ုပ်​သည် ထို​သူတို့​အား ပေး​၍ သူတို့​သည် ခံယူ​ရရှိကြပါပြီ။ အကျွန်ုပ်​သည် ကိုယ်တော်​ထံမှ လာကြောင်း​ကို သူတို့​သည် အမှန်​ပင်​သိကြပါ၏။ ကိုယ်တော်​သည် အကျွန်ုပ်​ကို စေလွှတ်တော်မူကြောင်း​ကိုလည်း သူတို့​ယုံကြည်ကြပါ၏။

ရှင်ယောဟန် 3:17

ဘုရားသခင်​သည် မိမိ​၏ သားတော်​ကို လောက​သို့ စေလွှတ်တော်မူသည်​မှာ လောကီသားတို့​ကို အပြစ်စီရင်​ရန် မဟုတ်။ လောကီသားတို့​ကို သားတော်​အားဖြင့် ကယ်တင်​ရန်​ဖြစ်၏။

ရှင်ယောဟန် 3:34

ဘုရားသခင်​စေလွှတ်တော်မူသောသူ​သည် ဘုရားသခင်​၏​စကားတော်​ကို ပြောဆိုတတ်၏။ အဘယ်ကြောင့်ဆိုသော် ဘုရားသခင်​သည် ထို​သူ​အား ဝိညာဉ်တော်​ကို အကန့်အသတ်​မရှိ ပေးတော်မူ​သောကြောင့် ဖြစ်၏။

ရှင်ယောဟန် 5:44

သင်တို့​သည် အချင်းချင်း​ဂုဏ်ပြုချီးမြှောက်ကြပြီး တစ်ဆူတည်းသော ဘုရားသခင်​၏ ဂုဏ်ပြုချီးမြှောက်ခြင်း​ကိုမူ အလိုမရှိကြ။ ထို့ကြောင့် သင်တို့​သည် ငါ့​ကို မယုံကြည်ဘဲ​နေသည်​မှာ အံ့ဩစရာ​မရှိ။

ရှင်ယောဟန် 6:57

အသက်ရှင်တော်မူသော ခမည်းတော်​သည် ငါ့​ကို စေလွှတ်တော်မူ​၍ ငါ​သည် ခမည်းတော်​ကြောင့် အသက်ရှင်၏။ ထို​ကဲ့သို့​ပင် ငါ့​အသား​ကို စားသောသူ​သည် ငါ့​ကြောင့် အသက်ရှင်​လိမ့်မည်။

ရှင်ယောဟန် 7:29

သို့သော် ငါ​သိ၏။ အဘယ်ကြောင့်ဆိုသော် ငါ​သည် ထို​အရှင်​ထံတော်​မှ လာ၏။ ထို​အရှင်​သည်လည်း ငါ့​ကို စေလွှတ်တော်မူ၏” ဟု ကြွေးကြော်တော်မူ၏။

ရှင်ယောဟန် 8:19

ထိုအခါ သူတို့​က “သင်​၏ ခမည်းတော်​သည် အဘယ်မှာ​ရှိသနည်း” ဟု မေးကြ၏။ ယေရှု​က “သင်တို့​သည် ငါ့​ကို​လည်းကောင်း၊ ငါ့​ခမည်းတော်​ကို​လည်းကောင်း မသိကြ။ ငါ့​ကို သိ​လျှင် ငါ့​ခမည်းတော်​ကိုလည်း သင်တို့​သိကြ​လိမ့်မည်” ဟု မိန့်တော်မူ၏။

၁ ကော 15:34

အမြင်မှန်​ရကြလော့။ ဆက်​၍ အပြစ်​မပြုနှင့်။ သင်တို့​ထဲမှ တချို့​သည် ဘုရားသခင်​ကို လုံးဝ​မသိကြ။ သင်တို့​အရှက်ရ​စေရန် ဤသို့ ကျွန်ုပ်​ပြော၏။

၁ ကော 8:4

ထို့ကြောင့် ရုပ်တု​အား ပူဇော်ထားသော​အစားအစာ​ကို စားသောက်ခြင်း​နှင့်​ပတ်သက်​၍ ဆိုရ​လျှင် ရုပ်တု​သည် ဤ​လောက​တွင် သက်ရှိ​မဟုတ်ကြောင်း​နှင့် ဘုရားသခင်​တစ်ဆူတည်း​မှလွဲ၍ အခြား​ဘုရား​မရှိကြောင်း​ကို ကျွန်ုပ်တို့​သိကြ၏။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

ဖိ​လိပ္ပိ 3:10

ကျွန်ုပ်​သည် ခရစ်တော်​ကို သိကျွမ်းခြင်း၊ ခရစ်တော်​၏ ရှင်ပြန်ထမြောက်တော်မူခြင်း​တန်ခိုး​ကို ရရှိ​ခံစားခြင်း၊ ကိုယ်တော်​ကဲ့သို့ အသေခံ​၍ ကိုယ်တော်​၏ ဆင်းရဲဒုက္ခ​ကို မျှဝေ​ခံစားခြင်းတို့​ကိုသာ အလိုရှိ၏။

ဖိ​လိပ္ပိ 3:8

ထိုမျှမက ကျွန်ုပ်​၏ သခင်​ယေရှု​ခရစ်တော်​ကို ရင်းနှီး​ကျွမ်းဝင်ရခြင်း​၏ ကြီးမားသည့်​တန်ဖိုး​နှင့်​ယှဉ်​လျှင် အရာ​အားလုံး​ကို အရှုံး​ဟူ၍ မှတ်ယူ၏။ ခရစ်တော်​အတွက်​ကြောင့် အရာ​အားလုံး​ကို အရှုံးခံ​၍ ၎င်းတို့​ကို မစင်​ကဲ့သို့ မှတ်ယူ၏။ ဤ​အရာ​မှာ ခရစ်တော်​ကို ရရှိ​ရန်​နှင့်

၁ သက် 1:9

သင်တို့​ထံ ကျွန်ုပ်တို့​ရောက်ခဲ့​စဉ် သင်တို့​သည် ကျွန်ုပ်တို့​ကို မည်သို့ လက်ခံခဲ့ကြောင်း​ကိုလည်းကောင်း၊ အသက်ရှင်​၍ စစ်မှန်သည့် ဘုရားသခင်​ကို အစေခံ​ရန် သင်တို့​သည် ရုပ်တု​ကိုးကွယ်နေခဲ့ရာ​မှ ဘုရားသခင်​ထံ မည်သို့​ပြောင်းလဲခဲ့ကြောင်း​ကိုလည်းကောင်း ထို​ဒေသ​တွင် နေထိုင်သူများ​က ပြောပြကြ၏။

၂ သက် 1:8

ဘုရားသခင်​ကို မသိသော​သူတို့​နှင့် ကျွန်ုပ်တို့​သခင်​ယေရှု​၏ သတင်းကောင်း​ကို မလိုက်နာသော​သူတို့​ကို စီရင်တော်မူ​လိမ့်မည်။

ဟေ​ဗြဲ 3:1

ထို့ကြောင့် ဘုရားသခင်​၏ ရွေးချယ်တော်မူခြင်း​ခံရ​သူတို့​ထဲတွင် ပါဝင်သည့် သန့်ရှင်းသော​ညီအစ်ကို​မောင်နှမတို့… ကျွန်ုပ်တို့​၏ ယဇ်ပုရောဟိတ်မင်း​နှင့် အထူး​တမန်တော်​အဖြစ် ကျွန်ုပ်တို့​ဝန်ခံသော ယေရှု​ခရစ်တော်​ကို ဆင်ခြင်​အောက်မေ့ကြလော့။

၂ ပေ 1:2

ဘုရားသခင်​နှင့် ကျွန်ုပ်တို့​၏​သခင် ယေရှု​ကို သိကျွမ်းခြင်း​အားဖြင့် ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် ကြွယ်ဝ​စွာ သက်ရောက်ပါစေသော။

၂ ပေ 1:3

အသက်ရှင်ခြင်း​နှင့် ဘုရားတရား​ကိုင်းရှိုင်းခြင်း​တို့​နှင့် ဆိုင်သည့် လိုအပ်သမျှ​အရာ​အားလုံး​ကို ကိုယ်တော်​သည် မိမိ​၏​ဘုရား​တန်ခိုးတော်​ဖြင့် ကျွန်ုပ်တို့​အား ပေးတော်မူ၏။ ဘုန်းအသရေတော်​နှင့် ကောင်းမြတ်တော်မူခြင်း​ကို ခံစား​စေရန် ကျွန်ုပ်တို့​အား ရွေးကောက်တော်မူသော​အရှင်​ကို သိခြင်း​အားဖြင့် ဤ​အရာ​အားလုံး​ကို ကျွန်ုပ်တို့​လက်ခံရရှိကြ၏။

၂ ပေ 1:8

သင်တို့​၌ ဤ​အရည်အချင်းများ​တိုးပွားနေ​လျှင် သင်တို့​သည် ကျွန်ုပ်တို့​၏​သခင် ယေရှု​ခရစ်တော်​ကို သိကျွမ်းရာ​၌ အကျိုး​ဖြစ်ထွန်း​ပြီး အသုံးဝင်​လာပါ​လိမ့်မည်။

၁ ယော 1:2

ထို​အသက်တော်​သည် ထင်ရှားခဲ့ပြီ။ ကျွန်ုပ်တို့​သည်လည်း မြင်ကြပြီး ထို​အကြောင်း​ကို သင်တို့​အား သက်သေခံကြ၏။ ခမည်းတော်​နှင့်အတူ​ရှိ​၍ ကျွန်ုပ်တို့​အား ဖော်ပြခြင်း​ခံရသည့် ထို​ထာဝရ​အသက်တော်​အကြောင်း​ကို သင်တို့​အား ကျွန်ုပ်တို့​ဟောပြောကြ၏။

၁ ယော 1:3

ကျွန်ုပ်တို့​မြင်ရ၊ ကြားရသော အရာများ​ကို သင်တို့​အား ပြောပြရခြင်း​မှာ သင်တို့​သည် ကျွန်ုပ်တို့​နှင့် မိတ်သဟာယဖွဲ့​စေရန် ဖြစ်၏။ ကျွန်ုပ်တို့​၏ မိတ်သဟာယဖွဲ့ခြင်း​မှာ ခမည်းတော်​နှင့်​လည်းကောင်း၊ သားတော် ယေရှု​ခရစ်တော်​နှင့်​လည်းကောင်း မိတ်သဟာယဖွဲ့ခြင်း​ဖြစ်၏။

၁ ယော 2:23

သားတော်​ကို ငြင်းပယ်သူ​သည် ခမည်းတော်​ကို မသိကျွမ်း။ သားတော်​ကို ဝန်ခံသူ​သည် ခမည်းတော်​ကို သိကျွမ်း၏။

၁ ယော 4:6

ကျွန်ုပ်တို့​သည် ဘုရားသခင်​၏​သားသမီးများ​ဖြစ်ကြ၏။ ဘုရားသခင်​ကို သိသောသူ​တိုင်း​သည် ကျွန်ုပ်တို့​စကား​ကို နားထောင်တတ်၏။ ဘုရားသခင်​၏​သားသမီး မဟုတ်သောသူ​သည် ကျွန်ုပ်တို့​စကား​ကို နားမထောင်တတ်။ ဤ​သည်​မှာ ကျွန်ုပ်တို့​သည် သမ္မာတရား​၏​ဝိညာဉ်တော်​နှင့် မိစ္ဆာ​ဝိညာဉ်​ကို ခွဲခြား​၍ သိရခြင်း​ဖြစ်၏။

၁ ယော 5:20

ဘုရားသခင်​၏​သားတော်​သည် ကြွလာ​၍ စစ်မှန်သော​ဘုရားသခင်​ကို သိ​နိုင်သည့်​ဉာဏ်​ကို ကျွန်ုပ်တို့​အား ပေးတော်မူကြောင်း​ကိုလည်း ကျွန်ုပ်တို့​သိကြ၏။ ထို့ကြောင့် ကျွန်ုပ်တို့​သည် စစ်မှန်သော​ဘုရားသခင်​နှင့်​လည်းကောင်း၊ သားတော်​ယေရှု​ခရစ်တော်​နှင့်​လည်းကောင်း တပေါင်းတစည်းတည်း​ဖြစ်ကြ၏။ ထို​အရှင်​သည် စစ်မှန်သော​ဘုရားသခင်​ဖြစ်တော်မူ​ပြီး ထာဝရ​အသက်​လည်း ဖြစ်တော်မူ၏။