ရှင်ယောဟန် 17:2 - ခေတ်သစ်​မြန်မာ သမ္မာကျမ်း

² သားတော်​သည် ကိုယ်တော်​ပေးအပ်တော်မူ​သမျှသော​သူတို့​အား ထာဝရ​အသက်​ကို ပေး​နိုင်ရန် ကိုယ်တော်​သည် သားတော်​အား လူသား​အားလုံး​အပေါ် အုပ်စိုးရသော​အခွင့်အာဏာ​ကို ပေးအပ်ထားတော်မူပြီ။

Common Language Bible

² သား​တော်​သည်​မိ​မိ​လက်​သို့​အပ်​နှင်း​ထား သူ​တို့​အား​ထာ​ဝ​ရ​အ​သက်​ကို​ပေး​နိုင်​ရန် ကိုယ်​တော်​သည်​လူ​သား​အ​ပေါင်း​တို့​ကို စိုး​ပိုင်​သော​တန်​ခိုး​အာ​ဏာ​ကို​ပေး​တော် မူ​ပါ​ပြီ။-

Judson Bible

² ကိုယ်​တော်​သည် သား​တော်​လက်​သို့ အပ်​ပေး​တော်​မူ​သ​မျှ​သော​သူ​တို့​အား ထာ​ဝ​ရ​အ​သက်​ကို ပေး​စေ​ခြင်း​ငှာ၊ လူ​မျိုး​အ​ပေါင်း​တို့​ကို အ​စိုး​ရ​သော​အ​ခွင့်​တန်​ခိုး​ကို သား​တော်​အား ပေး​တော်​မူ​သည်​နှင့်​အ​ညီ၊ သား​တော်​သည် ကိုယ်​တော်၏​ဘုန်း​ကို ထင်​ရှား​စေ​ပါ​မည်​အ​ကြောင်း သား​တော်၏​ဘုန်း​ကို ထင်​ရှား​စေ​တော်​မူ​ပါ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² အကြောင်းမှာ ကိုယ်တော်​သည် သား​တော်​အား လူသား​အားလုံး​ကို အုပ်စိုး​ရ​သော​အခွင့်​ကို ပေး​တော်မူ​ပြီ။ ဤသည်ကား သား​တော်​သည် ကိုယ်တော်​ပေးအပ်​တော်မူ​သမျှ​သော​သူ​တို့​အား ထာဝရ​အသက်​ကို​ပေး​နိုင်​ရန်​အတွက်​ဖြစ်​ပါ​၏။

မြန်မာ

² ကိုယ်​တော်​သည် သား​တော်​လက်​သို့ အပ်​ပေး​တော်​မူ​သ​မျှ​သော​သူ​တို့​အား ထာ​ဝ​ရ​အ​သက်​ကို ပေး​စေ​ခြင်း​ငှာ၊ လူ​မျိုး​အ​ပေါင်း​တို့​ကို အ​စိုး​ရ​သော​အ​ခွင့်​တန်​ခိုး​ကို သား​တော်​အား ပေး​တော်​မူ​သည်​နှင့်​အ​ညီ၊ သား​တော်​သည် ကိုယ်​တော်၏​ဘုန်း​ကို ထင်​ရှား​စေ​ပါ​မည်​အ​ကြောင်း သား​တော်၏​ဘုန်း​ကို ထင်​ရှား​စေ​တော်​မူ​ပါ။-

ရှင်ယောဟန် 17:2 ပူးပေါင်းရင်းမြစ်များ

မဿဲ 11:27

ငါ့​ခမည်းတော်​သည် အရာ​အားလုံး​ကို ငါ့​အား ပေးအပ်တော်မူပြီ။ သားတော်​ကို ခမည်းတော်​မှလွဲ၍ မည်သူ​မျှ​မသိ။ ခမည်းတော်​ကိုလည်း သားတော်​နှင့် သားတော်​ဖော်ပြ​ရန် ရွေးချယ်တော်မူသော​သူတို့​မှလွဲ၍ မည်သူ​မျှ​မသိ။

မဿဲ 25:46

ထို့ကြောင့် ထို​သူများ​သည် ထာဝရ​အပြစ်ဒဏ်ခံရသော​နေရာ​သို့ သွားကြ​လိမ့်မည်။ သို့ရာတွင် ဖြောင့်မတ်သော​သူတို့​မှာမူ ထာဝရ​အသက်ရှင်ရာ နေရာ​သို့ သွားကြ​လိမ့်မည်” ဟု မိန့်တော်မူ၏။

မဿဲ 28:18

ထိုအခါ ယေရှု​သည် တပည့်တော်တို့​ထံ ချဉ်းကပ်တော်မူ​၍ “ငါ့​ခမည်းတော်​သည် ကောင်းကင်​နှင့် မြေကြီး​ပေါ်၌ ရှိသမျှသော အခွင့်အာဏာ​အားလုံး​ကို ငါ့​ထံ အပ်နှင်းတော်မူပြီ။

ရှင်ယောဟန် 17:24

အို အဖ… အကျွန်ုပ်​အား ကိုယ်တော်​ပေးအပ်တော်မူသော​သူတို့​ကို အကျွန်ုပ်​ရှိမည့်​အရပ်​၌ အကျွန်ုပ်​နှင့်အတူ​ရှိစေ​လိုပါ၏။ သို့ပြုလျှင် ကမ္ဘာ မတည်​မရှိမီ​ကပင် ကိုယ်တော်​သည် အကျွန်ုပ်​ကို ချစ်​၍ ပေးတော်မူသော ဘုန်းအသရေ​ကို သူတို့​တွေ့မြင်ပါ​လိမ့်မည်။

ရှင်ယောဟန် 17:6

ဤ​လောက​ထဲမှ ရွေးကောက်​၍ အကျွန်ုပ်​ထံ ပေးအပ်တော်မူသော​သူတို့​အား ကိုယ်တော်​အကြောင်း​ကို အကျွန်ုပ်​ဖော်ပြခဲ့ပါပြီ။ ကိုယ်တော်​သည် ထို​သူတို့​ကို ပိုင်တော်မူ​၍ အကျွန်ုပ်​အား ပေးအပ်တော်မူပြီ။ သူတို့​သည်လည်း ကိုယ်တော်​၏ နှုတ်ကပတ်​တရားတော်​ကို လိုက်နာကြပါပြီ။

ရှင်ယောဟန် 17:9

အကျွန်ုပ်​သည် သူတို့​အတွက် ဆုတောင်းပါ၏။ လောကီသားတို့​အတွက် ဆုတောင်း​သည် မဟုတ်ပါ။ အကျွန်ုပ်​ကို ပေးအပ်တော်မူသော​သူတို့​အတွက် ဆုတောင်းပါ၏။ အဘယ်ကြောင့်ဆိုသော် ထို​သူတို့​သည် အဖ​ပိုင်တော်မူသော​သူများ​ဖြစ်၏။

ရှင်ယောဟန် 3:35

ခမည်းတော်​သည် သားတော်​ကို ချစ်တော်မူ​သဖြင့် အရာ​အားလုံး​ကို သားတော်​လက်​သို့ ပေးအပ်ထားတော်မူပြီ။

ရှင်ယောဟန် 4:14

ငါ​ပေးသော​ရေ​ကို သောက်သောသူ​မှာ မည်သည့်​အခါမျှ ရေငတ်တော့မည်​မဟုတ်။ ထို​ရေ​သည် သူ့​အတွင်း​၌ အစဉ်​စီးထွက်သော စမ်းရေ​ဖြစ်​၍ သူ့​ကို ထာဝရ​အသက်ရှင်စေ​လိမ့်မည်” ဟု မိန့်တော်မူ၏။

ရှင်ယောဟန် 6:27

ပုပ်သိုး​ပျက်စီးတတ်သော​အစားအစာများ​အတွက် မကြိုးပမ်းကြနှင့်။ လူသား​ပေးတော်မူမည့် ထာဝရ​အသက်​အတွက်သာ ကြိုးပမ်းကြလော့။ အဘယ်ကြောင့်ဆိုသော် လူသား​သည် ခမည်းတော်​ဘုရားသခင်​၏ တံဆိပ်​ခတ်နှိပ်ခြင်း​ကို ခံရသောသူ​ဖြစ်​သောကြောင့်​ပင်” ဟု မိန့်တော်မူ၏။

ရှင်ယောဟန် 6:37

ငါ့​ကို ခမည်းတော်​ပေးအပ်တော်မူသော သူတို့​သည် ငါ့​ထံသို့ လာကြ​လိမ့်မည်။ ငါ့​ထံသို့ လာသော​သူ​ကို ငါ​သည် ငြင်းပယ်မည်​မဟုတ်ပါ။

ရှင်ယောဟန် 6:39

ဘုရားသခင်​၏ အလိုတော်​မှာ ငါ့​ကို ပေးအပ်ထားတော်မူသော​သူများ​ထဲမှ တစ်ဦးတစ်ယောက်​ကိုမျှ မဆုံးရှုံးစေဘဲ နောက်ဆုံးသော​နေ့​တွင် ထို​သူတို့​ကို သေရာ​မှ ထမြောက်​စေရန်​ဖြစ်၏။

ရော​မ 6:23

အပြစ်​၏​အဖိုးအခ​သည် သေခြင်း​ဖြစ်၏။ ဘုရားသခင် အခမဲ့​ပေးတော်မူသော​ဆုကျေးဇူး​မှာ ကျွန်ုပ်တို့​၏​သခင် ယေရှု​ခရစ်တော်​အားဖြင့် ရရှိသော​ထာဝရ​အသက်​ဖြစ်၏။

၁ ကော 15:25

ခရစ်တော်​သည် ရန်သူ​အားလုံး​ကို မိမိ​ခြေဖဝါးတော်​အောက်သို့ ချမထား​မီတိုင်အောင် အုပ်စိုး​ရမည်​ဖြစ်၏။

ဧ​ဖက် 1:20

ထို​တန်ခိုးတော်​သည် ဘုရားသခင်​က ခရစ်တော်​ကို သေရာ​မှ ထမြောက်စေတော်မူ​၍ ကောင်းကင်​အရပ်​တွင် လက်ယာတော်​ဘက်​၌ စံမြန်းစေတော်မူ​သောအခါ​၌ ပြတော်မူသော တန်ခိုး​ပင် ဖြစ်၏။

ဖိ​လိပ္ပိ 2:10

ဤသို့​ပြုတော်မူခြင်း​မှာ ကောင်းကင်ဘုံ​၌​လည်းကောင်း၊ မြေကြီး​ပေါ်၌​လည်းကောင်း၊ မြေကြီးအောက်​၌​လည်းကောင်း ရှိကြသည့် သတ္တဝါ​အားလုံး​သည် ယေရှု​ခရစ်တော်​ကို ရိုသေသော​အားဖြင့် ဒူးထောက်​၍

၁ တိ 1:16

သို့သော်လည်း ယေရှု​ခရစ်တော်​သည် အဆိုးဆုံး​ဖြစ်သူ ကျွန်ုပ်​အပေါ် သူ​၏ အဆုံးမဲ့​သည်းခံခြင်း​ကို ဖော်ပြ​ရန် ရည်ရွယ်​သောကြောင့် ကျွန်ုပ်​အပေါ် ကရုဏာ​ထားတော်မူ၏။ ဤသို့ ပြုတော်မူခြင်း​သည် ကိုယ်တော်​ကို ယုံကြည်​၍ ထာဝရ​အသက်​ကို ရရှိကြမည့်သူများ​အတွက် ကျွန်ုပ်​ကို စံနမူနာ​အဖြစ် ထားရန်​ဖြစ်၏။

ဟေ​ဗြဲ 1:2

ဤ​နောက်ဆုံးသော​နေ့ရက်များ​တွင်​မူ ဘုရားသခင်​သည် မိမိ​သားတော်​မှတစ်ဆင့် ကျွန်ုပ်တို့​အား စကား​ပြောတော်မူ၏။ ဘုရားသခင်​သည် သားတော်​ကို အရာ​အားလုံး​၏ အမွေခံ​ဖြစ်စေတော်မူ​ပြီး ထို​သားတော်​အားဖြင့် စကြဝဠာ​ကို ဖန်ဆင်းတော်မူ၏။

၁ ပေ 3:22

ခရစ်တော်​သည် ကောင်းကင်ဘုံ​သို့ တက်ကြွတော်မူ​ပြီး ဘုရားသခင်​၏​လက်ယာတော်​ဘက်​၌ ထိုင်​လျက် ကောင်းကင်တမန်များ၊ အာဏာစက်များ၊ တန်ခိုးရှင်များ​ကို အုပ်စိုးတော်မူ၏။

၁ ယော 1:2

ထို​အသက်တော်​သည် ထင်ရှားခဲ့ပြီ။ ကျွန်ုပ်တို့​သည်လည်း မြင်ကြပြီး ထို​အကြောင်း​ကို သင်တို့​အား သက်သေခံကြ၏။ ခမည်းတော်​နှင့်အတူ​ရှိ​၍ ကျွန်ုပ်တို့​အား ဖော်ပြခြင်း​ခံရသည့် ထို​ထာဝရ​အသက်တော်​အကြောင်း​ကို သင်တို့​အား ကျွန်ုပ်တို့​ဟောပြောကြ၏။

၁ ယော 2:25

ဤသည်​မှာ ကျွန်ုပ်တို့​အား ခရစ်တော်​ကတိပြုတော်မူသည့် ထာဝရ​အသက်​ဖြစ်၏။

၁ ယော 5:20

ဘုရားသခင်​၏​သားတော်​သည် ကြွလာ​၍ စစ်မှန်သော​ဘုရားသခင်​ကို သိ​နိုင်သည့်​ဉာဏ်​ကို ကျွန်ုပ်တို့​အား ပေးတော်မူကြောင်း​ကိုလည်း ကျွန်ုပ်တို့​သိကြ၏။ ထို့ကြောင့် ကျွန်ုပ်တို့​သည် စစ်မှန်သော​ဘုရားသခင်​နှင့်​လည်းကောင်း၊ သားတော်​ယေရှု​ခရစ်တော်​နှင့်​လည်းကောင်း တပေါင်းတစည်းတည်း​ဖြစ်ကြ၏။ ထို​အရှင်​သည် စစ်မှန်သော​ဘုရားသခင်​ဖြစ်တော်မူ​ပြီး ထာဝရ​အသက်​လည်း ဖြစ်တော်မူ၏။

ယု​ဒ 1:21

ဘုရားသခင်​၏ ချစ်ခြင်းမေတ္တာ​ကို ဆက်လက်​ခံစား​၍ ထာဝရ​အသက်​ကို ရရှိစေမည့် ကျွန်ုပ်တို့​သခင်​ယေရှု​ခရစ်တော်​၏ ကရုဏာတော်​ကို စောင့်မျှော်ကြလော့။