ရှင်မာကု 2:5 - ခေတ်သစ်​မြန်မာ သမ္မာကျမ်း

⁵ ယေရှု​သည် ထို​သူတို့​၏ ယုံကြည်ခြင်း​ကို မြင်​သောအခါ လေဖြတ်သူ​အား “ငါ့​သား… သင်​၏​အပြစ်များ​ကို ခွင့်လွှတ်ပြီ” ဟု မိန့်တော်မူ၏။

Common Language Bible

⁵ သ​ခင်​ယေ​ရှု​သည်​သူ​တို့​၏​ယုံ​ကြည်​ခြင်း​ကို​မြင် တော်​မူ​လျှင် လေ​ဖြတ်​သူ​အား ``ငါ့​သား၊ သင်​၏ အ​ပြစ်​များ​ကို​ဖြေ​လွှတ်​ပြီ'' ဟု​မိန့်​တော်​မူ​၏။-

Garrad Bible

⁵ ထို သူ တို့၏ ယုံ ကြည် ခြင်း ကို မြင် တော် မူ သော် ယေ ရှု က ငါ့ သား၊ သင့် အ ပြစ် ပြေ လွတ် ပြီ ဟု သူ နာ အား မိန့် တော် မူ လျှင်၊

Judson Bible

⁵ ယေ​ရှု​သည် ထို​သူ​တို့၏ ယုံ​ကြည်​ခြင်း​ကို မြင်​လျှင်၊ လက်​ခြေ​သေ​သော​သူ​အား၊ ငါ့​သား၊ သင်၏​အ​ပြစ်​ကို လွတ်​စေ​ပြီ​ဟု မိန့်​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ယေရှု​သည် ထို​သူ​တို့​၏​ယုံကြည်​ခြင်း​ကို​မြင်​လျှင် လေဖြတ်​သော​သူ​အား“ငါ့​သား၊ သင်​၏​အပြစ်​များ​ခွင့်လွှတ်​ခြင်း​ခံရ​ပြီ”​ဟု မိန့်​တော်မူ​၏။

မြန်မာ

⁵ ယေ​ရှု​သည် ထို​သူ​တို့၏ ယုံ​ကြည်​ခြင်း​ကို မြင်​လျှင်၊ လက်​ခြေ​သေ​သော​သူ​အား၊ ငါ့​သား၊ သင်၏​အ​ပြစ်​ကို လွတ်​စေ​ပြီ​ဟု မိန့်​တော်​မူ၏။-

ရှင်မာကု 2:5 ပူးပေါင်းရင်းမြစ်များ

မဿဲ 9:2

ထိုအခါ လူ​တချို့​သည် လေဖြတ်သူ​တစ်ဦး​ကို ထမ်းစင်​ပေါ်​တင်​၍ ယေရှု​ထံသို့ ခေါ်ဆောင်လာကြ၏။ ယေရှု​သည် ထို​သူတို့​၏ ယုံကြည်ခြင်း​ကို မြင်​သောအခါ လေဖြတ်သူ​အား “ငါ့​သား… မစိုးရိမ်နှင့်။ သင်​၏​အပြစ်များ​ကို ခွင့်လွှတ်ပြီ” ဟု မိန့်တော်မူ၏။

မဿဲ 9:22

ယေရှု​သည် လှည့်​၍ ထို​အမျိုးသမီး​ကို မြင်တော်မူ​လျှင် “သမီး… မစိုးရိမ်နှင့်။ သင်​၏​ယုံကြည်ခြင်း​သည် သင့်​ကို ကျန်းမာစေပြီ” ဟု မိန့်တော်မူ၏။ ထိုအခါ ချက်ချင်း​ပင် ထို​အမျိုးသမီး​သည် ရောဂါပျောက်ကင်းလေ၏။

မဿဲ 9:5

‘သင်​၏​အပြစ်များ​ကို ခွင့်လွှတ်ပြီ’ ဟု ပြော​ရန် ပို​၍ လွယ်ကူသလော။ သို့မဟုတ် ‘ထ​၍ လမ်းလျှောက်လော့’ ဟု ပြော​ရန် ပို​၍ လွယ်ကူသလော။

ရှင်မာကု 2:6

သို့သော် ထို​နေရာ​၌ ထိုင်နေကြသော ကျမ်းတတ်ဆရာ​တချို့​က

ရှင်မာကု 5:34

ယေရှု​က “သမီး… သင်​၏ ယုံကြည်ခြင်း​သည် သင့်​ကို ကျန်းမာစေပြီ။ ငြိမ်းချမ်း​စွာ သွားလော့။ သင်​၏​ရောဂါ ပျောက်ကင်းပြီ” ဟု မိန့်တော်မူ၏။

လုကာ 5:20

ယေရှု​သည် ထို​သူတို့​၏​ယုံကြည်ခြင်း​ကို မြင်​သောအခါ လေဖြတ်သူ​အား “မိတ်ဆွေ… သင်​၏​အပြစ်များ​ကို ခွင့်လွှတ်ပြီ” ဟု မိန့်တော်မူ၏။

လုကာ 8:48

ယေရှု​ကလည်း “သမီး… သင်​၏​ယုံကြည်ခြင်း​သည် သင့်​ကို ကျန်းမာစေပြီ။ ငြိမ်းချမ်း​စွာ သွားလော့” ဟု မိန့်တော်မူ၏။

ရှင်ယောဟန် 2:25

ထိုသို့ လူ့​အတွင်းသဘော​ကို သိတော်မူ​သောကြောင့် ကိုယ်တော်​အား လူ့​အကြောင်း​ကို မည်သူ​ကမျှ ပြောပြ​ရန် မလိုပေ။

ရှင်ယောဟန် 5:14

ထို့နောက် ယေရှု​သည် ထို​သူ​ကို ဗိမာန်တော်​၌ တွေ့မြင်တော်မူ​သဖြင့် “ယခု သင်​ကျန်းမာပြီ။ နောက်ထပ် အပြစ်​မပြုနှင့်။ သို့မဟုတ်​လျှင် ပို​၍ ဆိုးရွားသော​ဘေးဒုက္ခ​သည် သင့်​အပေါ်​ကျရောက်​လိမ့်မည်” ဟု မိန့်တော်မူ၏။

တမန်တော်ဝတ္ထု 11:23

ဗာနဗ​ရောက်လာပြီး ဘုရားသခင်​၏​ကျေးဇူးတော်​ကို မြင်တွေ့ရ​သောအခါ ဝမ်းမြောက်​ပျော်ရွှင်​၍ ထို​သူတို့​အားလုံး​ကို ခိုင်မြဲသော​စိတ်နှလုံး​ဖြင့် ယေရှု​ခရစ်တော်​အား ဆက်လက်​ဆည်းကပ်​ရန် တိုက်တွန်းလေ၏။

တမန်တော်ဝတ္ထု 14:9

ထို​သူ​သည် ထိုင်​လျက် ပေါလု​ဟောပြောသည်​ကို နားထောင်နေ၏။ ပေါလု​သည် ထို​သူ​ကို သေချာ​စွာ ကြည့်​လျှင် သူ့​ထံ၌ အကောင်း​ပကတိ​အတိုင်း​ဖြစ်ရန် ယုံကြည်ခြင်း​ရှိသည်​ကို တွေ့မြင်​သဖြင့်

တမန်တော်ဝတ္ထု 5:31

အစ္စရေးလူမျိုးများ​အား နောင်တရ​၍ အပြစ်တရား​မှ​လွှတ်​စေရန် ဘုရားသခင်​သည် ထို​အရှင်​အား ခေါင်းဆောင်​နှင့် ကယ်တင်ရှင်​အဖြစ် မိမိ​၏​လက်ယာတော်ဘက်​၌ ချီးမြောက်တော်မူပြီ။

၁ ကော 11:30

ထို​အကြောင်း​ကြောင့် သင်တို့​တွင် အားနည်းသောသူ​နှင့် ဖျားနာသောသူ​များစွာ ရှိကြပြီး သေဆုံးသောသူ​တချို့​လည်း ရှိကြ၏။

၂ ကော 2:10

သင်တို့ ခွင့်လွှတ်သော​သူ​ကို ကျွန်ုပ်​လည်း ခွင့်လွှတ်၏။ ကျွန်ုပ်​သည် တစ်စုံတစ်ယောက်​ကို ခွင့်လွှတ်စရာ​ရှိ​၍ ခွင့်လွှတ်​လျှင် သင်တို့​အကျိုး​အတွက် ခရစ်တော်​၏​ရှေ့တော်​၌ ခွင့်လွှတ်၏။

ဧ​ဖက် 2:8

သင်တို့​သည် ယုံကြည်ခြင်း​ဖြင့် ကျေးဇူးတော်​ကြောင့် ကယ်တင်ခြင်း​ခံရ၏။ သင်တို့​ကိုယ်တိုင် ပြုသော ကုသိုလ်​ကြောင့် မဟုတ်။ ဘုရားသခင် ပေးတော်မူသော လက်ဆောင်​ဖြစ်၏။

ကော​လော​သဲ 3:13

တစ်ဦး​နှင့်​တစ်ဦး အပြစ်တင်​စရာ​ရှိလျှင် အချင်းချင်း သည်းခံ​၍ ခွင့်လွှတ်ကြလော့။ သခင်ဘုရား​သည် သင်တို့​ကို ခွင့်လွှတ်​သကဲ့သို့ သင်တို့​သည်လည်း အချင်းချင်း ခွင့်လွှတ်ကြလော့။

ယာ​ကုပ် 5:15

ယုံကြည်ခြင်း​ဖြင့် ဆုတောင်းခြင်း​သည် လူနာ​ကို ကျန်းမာစေ​၍ သခင်ဘုရား​သည် သူ့​ကို နာလန်ထ​စေတော်မူ​လိမ့်မည်။ ထို​သူ​သည် အပြစ်​ကျူးလွန်ခဲ့မိ​လျှင်လည်း ခွင့်လွှတ်တော်မူခြင်း​ကို ခံရ​လိမ့်မည်။