ရော​မ 9:20 - ခေတ်သစ်​မြန်မာ သမ္မာကျမ်း

²⁰ သို့သော် သင်​သည် မည်သူ​ဖြစ်​၍ ဘုရားသခင်​ကို ဝေဖန်မည်နည်း။ ပုံသွင်းခံရသော​အရာ​က ပုံသွင်းသောသူ​အား “အဘယ်ကြောင့် ငါ့​ကို ဤသို့​ဖန်ဆင်းသနည်း” ဟု မေးသင့်သလော။

Common Language Bible

²⁰ မိတ်​ဆွေ၊ သင်​သည်​အ​ဘယ်​သူ​ဖြစ်​၍​ဘု​ရား သ​ခင်​အား​ဤ​သို့​လျှောက်​ထား​နိုင်​သ​နည်း။ အ​ဖန်​ဆင်း​ခံ​က​ဖန်​ဆင်း​တော်​မူ​ရှင်​အား``အ​ရှင် သည်​အ​ဘယ်​ကြောင့်​အ​ကျွန်ုပ်​အား​ဤ​သို့ ဖန်​ဆင်း​တော်​မူ​ပါ​သ​နည်း'' ဟု​မေး​နိုင်​မည် လော။-

Garrad Bible

²⁰ အို အ ချင်း လူ၊ ထို သို့ မ မေး သင့်။ ဘု ရား သ ခင့် အား ဆင် ချေ တက် သော သင် ကား မည် သူ နည်း။ ချ ထား သော ပုံ က၊ ပုံ ချ သူ့ အား ငါ့ ကို အ ဘယ် ကြောင့် ဤ သို့ လုပ် ထား ပါ သ နည်း ဟု မေး မြန်း မည် လော။

Judson Bible

²⁰ ဘု​ရား​သ​ခင်​ကို ငြင်း​ဆန်​သော အ​ချင်း​လူ၊ သင်​သည်​ကား အ​ဘယ်​သူ​နည်း။ လုပ်​အပ်​သော​အ​ရာ​သည် လုပ်​တတ်​သော​သူ​အား၊ အ​ဘယ်​ကြောင့် ငါ့​ကို ဤ​သို့​လုပ်​သ​နည်း​ဟု ဆို​ရ​မည်​လော။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သို့သော် အချင်း​လူ၊ သင်​သည် မည်သူ​ဖြစ်​၍ ဘုရားသခင်​ကို ပြန်ခံ​ပြောဆို​သနည်း။ ပုံသွင်း​ခံရ​သော​အရာ​သည် ပုံသွင်း​ပေး​သော​သူ​အား “အဘယ်ကြောင့် ငါ့​ကို ဤသို့​ပြုလုပ်​ခဲ့​သနည်း”​ဟု ပြောဆို​နိုင်​ပါ​မည်​လော။

ရော​မ 9:20 ပူးပေါင်းရင်းမြစ်များ

မဿဲ 20:15

ငါ​ပိုင်သည့် ငွေ​ကို ငါ​သုံးလိုသည့်​အတိုင်း သုံးခွင့်​မရှိ​သလော။ ငါ​သည် ရက်ရော​သောကြောင့် သင်တို့​သည် မနာလိုစိတ်​ရှိသလော’ ဟု တုံ့ပြန်၏။

လုကာ 12:14

ယေရှု​က ထို​သူ​အား “မိတ်ဆွေ… မည်သူ​သည် ငါ့​ကို တရားသူကြီး​အဖြစ်၊ သို့မဟုတ် အမွေခွဲပေးသူ​အဖြစ် ခန့်ထားသနည်း” ဟု မိန့်တော်မူ၏။

ရော​မ 14:4

သင်​သည် မည်သူ​ဖြစ်​၍ သူတစ်ပါး​၏ အစေခံ​ကို အပြစ်​တင်မည်နည်း။ ထို​အစေခံ​၏ လုပ်ဆောင်မှု​သည် ကျေနပ်ဖွယ်​ဖြစ်သည်၊ မဖြစ်သည်​ကို သူ​၏ သခင်​က ဆုံးဖြတ်​လိမ့်မည်။ သူ​၏ လုပ်ဆောင်မှု​သည် ကျေနပ်ဖွယ် ဖြစ်​လိမ့်မည်။ အဘယ်ကြောင့်ဆိုသော် ဘုရားသခင်​သည် သူ့​ကို ကူမနိုင်စွမ်း​ရှိတော်မူ​သောကြောင့် ဖြစ်၏။

ရော​မ 2:1

ထို့ကြောင့် သူတစ်ပါး​ကို အပြစ်​စီရင်တတ်သောသူ… သင်​သည် မိမိ​၌​အပြစ်​မရှိ​ဟု ဆင်ခြေ​ပေး​၍ မရ။ အဘယ်ကြောင့်ဆိုသော် သင်​သည်လည်း ထို​ဆိုးယုတ်မှုများ​ကို ကိုယ်တိုင် ကျူးလွန်နေသူ​ဖြစ်သောကြောင့် သူတစ်ပါး​ကို အပြစ်တင်​လျှင် သင့်ကိုယ်သင်​အပြစ်တင်ရာ​ရောက်၏။

ရော​မ 2:3

ထိုသို့သော​ဆိုးယုတ်မှုများ​ကို ကိုယ်တိုင် ပြုကျင့်​လျက်နှင့်ပင် ထိုသို့​ပြုကျင့်သည့်​တစ်ပါးသူ​ကို အပြစ်တင်သော​သင်​သည် ဘုရားသခင်​၏ စီရင်တော်မူခြင်း​နှင့် ကင်းလွတ်မည်​ဟု ထင်သလော။

ရော​မ 9:21

အိုးလုပ်သူ​သည် ရွှံ့​ဖြင့် အိုး​ကို ပြုလုပ်​သောအခါ ထို​ရွှံ့တုံး တစ်ခုတည်း​မှ အိုးကောင်း၊ အိုးညံ့ စသဖြင့် ပြုလုပ်ပိုင်ခွင့်​ရှိသည် မဟုတ်လော။

ရော​မ 9:22

ထို​နည်းတူ ဘုရားသခင်​သည် မိမိ​၏ အမျက်တော်​နှင့် တန်ခိုးတော်​တို့ကို ပြပိုင်ခွင့်​ရှိ၏။ သို့သော်လည်း ဘုရားသခင်​သည် မိမိ​၏ အမျက်တော်​သင့်​၍ ဖျက်ဆီး​ခံရမည့်သူများ​အပေါ် အလွန်​သည်းခံတော်မူ၏။

၁ ကော 1:20

ထို့ကြောင့် ပညာရှင်​သည် အဘယ်မှာနည်း။ ကျမ်းတတ်ဆရာ​သည် အဘယ်မှာနည်း။ ဤ​လောက​၏ ဝေဖန်ရေး​ဆရာ​သည် အဘယ်မှာနည်း။ ဘုရားသခင်​သည် လောကီ​ပညာ​ကို မိုက်မဲစေတော်မူပြီ​မဟုတ်လော။

၁ ကော 7:16

အသင် အမျိုးသမီး… သင်​၏ ခင်ပွန်း​သည် သင့်​အားဖြင့် ကယ်တင်​ခံရမည် မခံရမည်​ကို သင်​မည်သို့​သိနိုင်မည်နည်း။ အသင် အမျိုးသား… သင်​၏ ဇနီး​သည် သင့်​အားဖြင့် ကယ်တင်​ခံရမည် မခံရမည်​ကို သင်​မည်သို့​သိနိုင်မည်နည်း။

၁ တိ 6:5

ထို့ပြင် အသိစိတ်​ဖောက်ပြန်ပြီး အမှန်တရား​ကို ကျောခိုင်းသော​သူတို့​အကြား အဆုံးမသတ်နိုင်သော​အငြင်းပွားမှုများ ဖြစ်လာ၏။ ထို​သူတို့​သည် ဘုရားတရား​ကိုင်းရှိုင်း​လျှင် အကျိုးစီးပွား​ဖြစ်သည်​ဟု ထင်မှတ်ကြ၏။

၂ တိ 2:20

စံအိမ်ကြီး​တစ်အိမ်​တွင် ရွှေငွေ​အသုံးအဆောင်များ​သာမက သစ်​နှင့် မြေထည်​အသုံးအဆောင်များ​လည်း ရှိ၏။ အချို့​အသုံးအဆောင်များ​ကို ဂုဏ်သရေရှိသော​အရာ​အတွက် အသုံးပြု​၍ အချို့​ကို ဂုဏ်သရေ​မဲ့သော​အရာ​အတွက် အသုံးပြု၏။

တိ​တု 2:9

မိမိ​သခင်တို့​ကို အရာရာ​၌ နာခံ​၍ စိတ်ကျေနပ်​အောင် ဆောင်ရွက်​ရန် ကျွန်တို့​အား သွန်သင်လော့။ ခွန်းတုံ့မခံ​ပြောခြင်း၊

ယာ​ကုပ် 2:20

အို လူမိုက်… လုပ်ဆောင်ခြင်း​မရှိသော ယုံကြည်ခြင်း​သည် အသုံးမဝင်ကြောင်း အထောက်အထား လိုအပ်သလော။