ရော​မ 5:5 - ခေတ်သစ်​မြန်မာ သမ္မာကျမ်း

⁵ ဤ​မျှော်လင့်ခြင်း​သည် ကျွန်ုပ်တို့​ကို စိတ်ပျက်စေမည်​မဟုတ်ပေ။ အဘယ်ကြောင့်ဆိုသော် ဘုရားသခင်​သည် ကျွန်ုပ်တို့​အား ပေးသနားတော်မူသော သန့်ရှင်းသော​ဝိညာဉ်တော်​အားဖြင့် ကျွန်ုပ်တို့​၏ စိတ်နှလုံး​ကို မိမိ​၏​မေတ္တာတော်​နှင့် ပြည့်စေတော်မူ​သောကြောင့်​ဖြစ်၏။

Common Language Bible

⁵ ဤ​မျှော်​လင့်​ခြင်း​သည်​ငါ​တို့​အား​စိတ်​ပျက် စေ​လိမ့်​မည်​မ​ဟုတ်။ အ​ဘယ်​ကြောင့်​ဆို​သော် ဘု​ရား​သ​ခင်​သည်​ငါ​တို့​အား​ပေး​သ​နား တော်​မူ​သော​သန့်​ရှင်း​သော​ဝိ​ညာဉ်​တော်​အား ဖြင့် ငါ​တို့​၏​စိတ်​နှ​လုံး​ထဲ​သို့​မေတ္တာ​တော်​ကို သွန်း​လောင်း​တော်​မူ​သော​ကြောင့်​တည်း။

Garrad Bible

⁵ ငါ တို့ ခံ ရ သည့် သန့် ရှင်း သော ဝိ ညာဉ် တော် အား ဖြင့် ဘု ရား သ ခင့် မေ တ္တာ တော် ကို ငါ တို့ စိတ် နှ လုံး ထဲ၌ သွန်း လောင်း ပြီး ဖြစ်၍ ထို စောင့် မျှော် ခြင်း ကြောင့် စိတ် ပျက် ရ တော့ မည် မ ဟုတ်။

Judson Bible

⁵ ထို​မျှော်​လင့်​ခြင်း​သည် ရှက်​ကြောက်​စ​ရာ အ​ကြောင်း​နှင့် ကင်း​လွတ်၏။ အ​ဘယ်​ကြောင့်​နည်း​ဟူ​မူ​ကား၊ ငါ​တို့​အား ပေး​တော်​မူ​သော သန့်​ရှင်း​သော​ဝိ​ညာဉ်​တော်​သည် ဘု​ရား​သ​ခင်၏​မေ​တ္တာ​တော်​ကို ငါ​တို့​စိတ်​နှ​လုံး​ထဲ​သို့ ညွှန်း​လောင်း​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ထို​မျှော်လင့်​ခြင်း​သည်​လည်း ငါ​တို့​ကို​အရှက်ရ​စေ​မည်​မ​ဟုတ်။ အကြောင်းမူကား ဘုရားသခင်​၏​ချစ်​ခြင်း​မေတ္တာ​တော်​သည် ငါ​တို့​ကို​ပေး​တော်မူ​သော​သန့်ရှင်း​သော​ဝိညာဉ်​တော်​အားဖြင့် ငါ​တို့​၏​စိတ်နှလုံး​ထဲ၌ သွန်းလောင်း​ခြင်း​ခံရ​ပြီ​ဖြစ်​၏။

ရော​မ 5:5 ပူးပေါင်းရင်းမြစ်များ

တမန်တော်ဝတ္ထု 10:45

ထိုသို့ သန့်ရှင်းသော​ဝိညာဉ်တော်​တည်းဟူသော လက်ဆောင်​သည် လူမျိုးခြားများ​အပေါ်​တွင်​ပင် သွန်းလောင်းသည်​ကို ပေတရု​နှင့်​ပါလာသော အရေပြားလှီးခြင်း​မင်္ဂလာ​ကို ခံယူကြသည့် ယုံကြည်သူတို့​သည် အံ့ဩကြ၏။

တမန်တော်ဝတ္ထု 2:17

‘ဘုရားသခင်​က “နောက်ဆုံးသော​နေ့ရက်များ​၌ ငါ​၏​ဝိညာဉ်တော်​ကို လူ​အပေါင်းတို့​အပေါ် သွန်းလောင်း​၍ သင်တို့​၏​သားသမီးတို့​သည် ပရောဖက်ပြု​ဟောပြောကြ​လိမ့်မည်။ အသက်ငယ်သော​သူတို့​သည် ရူပါရုံ​ကို မြင်​၍ အသက်ကြီးသော​သူတို့​သည် အိပ်မက်များ​ကို မက်ကြ​လိမ့်မည်။

တမန်တော်ဝတ္ထု 2:33

ထိုသို့​ယေရှု​သည် ဘုရားသခင်​၏​လက်ယာတော်ဘက်​၌ ချီးမြှောက်တော်မူခြင်း​ခံရ၏။ ထို့နောက် ကတိထားတော်မူသည့် သန့်ရှင်းသော​ဝိညာဉ်တော်​ကို အဖဘုရား​ထံမှ ခံယူသည်​နှင့်အညီ၊ ထို​သခင်​သည် သင်တို့​မြင်တွေ့ကြားသိသည့်​အတိုင်း ဤ​သန့်ရှင်းသော​ဝိညာဉ်တော်​ကို သွန်းလောင်းတော်မူပြီ။

ရော​မ 1:7

ထိုသို့ ဘုရားသခင်​ချစ်တော်မူ​၍ ယုံကြည်သော​သူများ​အဖြစ် ရွေးကောက်တော်မူ​ခံရသော ရောမ​မြို့သူမြို့သား​အပေါင်းတို့​ထံသို့ ဤ​စာ​ကို ကျွန်ုပ်​ရေးလိုက်ပါ၏။ ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်ပါစေသော။

ရော​မ 8:28

ဘုရားသခင်​ကို ချစ်​၍ အကြံအစည်တော်​နှင့်အညီ ရွေးကောက်ခြင်း​ခံရသော​သူတို့ တွေ့ကြုံ​ခံစားရသော အမှုခပ်သိမ်းတို့​မှ ကောင်းကျိုး​ထွက်ပေါ်​စေရန် ဘုရားသခင်​သည် သူတို့​နှင့်အတူ လုပ်ဆောင်တော်မူကြောင်း ကျွန်ုပ်တို့​သိကြ၏။

ရော​မ 9:33

ကျမ်းစာ​၌ “ငါ​သည် ဆူးငြောင့်ခလုတ်​ဖြစ်သော ကျောက်တုံး​ကို ဇိအုန်မြို့​တွင် ချထား၏။ ထို​ကျောက်​သည် လူတို့​ကို လဲကျစေ​လိမ့်မည်။ သို့သော် ထို​အရှင်​ကို ယုံကြည်သောသူ​သည် အရှက်ရ​လိမ့်မည် မဟုတ်” ဟု ဖော်ပြထား၏။

၁ ကော 8:3

သို့သော် ဘုရားသခင်​ကို ချစ်သောသူ​သည် ဘုရားသခင်​၏ အသိအမှတ်ပြုတော်မူခြင်း​ကို ခံရသောသူ​ဖြစ်၏။

၂ ကော 1:22

ထို​ဘုရားသခင်​သည် ကျွန်ုပ်တို့​ကို မိမိ​ပိုင်သော လူများ​အဖြစ် တံဆိပ်​ခတ်နှိပ်တော်မူ​၍ ဖြစ်လာမည့်​အရာများ​အတွက် အာမခံချက်​ပေး​လျက် ကျွန်ုပ်တို့​၏ စိတ်နှလုံး​ထဲ၌ ဝိညာဉ်တော်​ကို စရန်​အဖြစ် သွင်းပေးတော်မူ၏။

၂ ကော 13:14

သခင်​ယေရှု​ခရစ်တော်​၏ ကျေးဇူးတော်၊ ဘုရားသခင်​၏ မေတ္တာတော်​နှင့် သန့်ရှင်းသော​ဝိညာဉ်တော်​၏ မိတ်သဟာယဖွဲ့ခြင်း​တို့​သည် သင်တို့​အားလုံး​နှင့်အတူ ရှိပါစေသော။ ကောရိန္သု​ဩဝါဒစာ​ဒုတိယစောင် ပြီးပါပြီ။

၂ ကော 3:18

ထို့ကြောင့် ပဝါ​ဖုံးအုပ်ခံရခြင်း​မရှိတော့သော ကျွန်ုပ်တို့​၏ မျက်နှာ​တွင် သခင်ဘုရား​၏ ဘုန်းတော်​ထင်ဟပ်​လျက်​ရှိ၏။ ဝိညာဉ်တော်​ဖြစ်သော သခင်ဘုရား​ထံတော်မှ ဆင်းသက်လာသည့် ဘုန်းအသရေ​သည် ကျွန်ုပ်တို့​ကို အစဉ်အမြဲ ဘုန်းအသရေ​တိုးပွားစေ​၍ ကိုယ်တော်​၏ ပုံသဏ္ဌာန်တော်​အတိုင်း ပြောင်းလဲ​စေလျက်​ရှိ၏။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

ဂ​လာ​တိ 4:6

ကျွန်ုပ်တို့​သည် ဘုရားသခင်​၏ သားများ​ဖြစ်ကြ​သောကြောင့် ဘုရားသခင်​သည် သားတော်​၏ ဝိညာဉ်တော်​ကို ကျွန်ုပ်တို့​၏ စိတ်နှလုံး​ထဲသို့ စေလွှတ်တော်မူ​၍ ထို​ဝိညာဉ်တော်​ကြောင့် ကျွန်ုပ်တို့​က “အဗ္ဗ၊ အဖ” ဟု ကြွေးကြော်ကြ၏။

ဂ​လာ​တိ 5:22

သို့သော် ဝိညာဉ်တော်​က ဖြစ်စေသော အသီးအပွင့်​မှာ ချစ်ခြင်း၊ ဝမ်းမြောက်ခြင်း၊ ငြိမ်းချမ်းခြင်း၊ စိတ်ရှည်ခြင်း၊ ကျေးဇူးပြုခြင်း၊ ကောင်းမြတ်ခြင်း၊ သစ္စာ​စောင့်သိခြင်း၊

ဧ​ဖက် 1:13

လူမျိုးခြား ဖြစ်သော သင်တို့​သည်လည်း ဘုရားသခင်​၏ ကယ်တင်တော်မူခြင်း​သတင်းကောင်း​ဟူသော သမ္မာတရား​ကို ကြား​၍ ခရစ်တော်​ကို ယုံကြည်ကြ၏။ ထို့ကြောင့် သင်တို့​သည် ခရစ်တော်​နှင့် တပေါင်းတစည်းတည်း ဖြစ်​လျက် ဘုရားသခင် ကတိပြုထားတော်မူသည့် သန့်ရှင်းသော​ဝိညာဉ်တော်​ဖြင့် တံဆိပ်​ခတ်နှိပ်ခြင်း​ကို ခံကြရ၏။

ဧ​ဖက် 4:30

ရွေးနုတ်ခံရမည့်​နေ့​အတွက် သင်တို့​ကို တံဆိပ်​ခတ်နှိပ်တော်မူ​သော ဘုရားသခင်​၏ သန့်ရှင်းသော​ဝိညာဉ်တော်​ကို ဝမ်းမနည်းစေကြနှင့်။

ဖိ​လိပ္ပိ 1:20

ကျွန်ုပ်​သည် မည်သည့်​အခါ​မျှ မရှက်ကြောက်ဘဲ ယခင်က​ကဲ့သို့ ယခု​အချိန်​တွင်​လည်း အစဉ်​ရဲရင့်​နိုင်မည်​ဟု အပြည့်အဝ​ယုံကြည်​၍ မျှော်လင့်ပါ၏။ ကျွန်ုပ်​အသက်​ရှင်သည်​ဖြစ်စေ၊ သေသည်​ဖြစ်စေ ကျွန်ုပ်​ပြောဆို​ပြုမူသော​အရာများ​ကြောင့် ခရစ်တော်​သည် ချီးမွမ်းခံရမည်​ဖြစ်ကြောင်း ကျွန်ုပ်​ယုံကြည်၏။

၁ သက် 4:8

ထို့ကြောင့် ဤ​ညွှန်ကြားချက်များ​ကို ငြင်းပယ်သော သူတို့​သည် လူ​ကို ငြင်းပယ်သည်​မဟုတ်ဘဲ သင်တို့​အတွက် သန့်ရှင်းသော​ဝိညာဉ်တော်​ကို ပေးတော်မူသော ဘုရားသခင်​ကို ငြင်းပယ်၏။

၂ သက် 2:16

ကျွန်ုပ်တို့​ကို ချစ်​၍ ကျေးဇူးတော်​ဖြင့် ထာဝရ​နှစ်သိမ့်ခြင်း​နှင့် ခိုင်မြဲသော​မျှော်လင့်ခြင်းတို့​ကို ပေးသနားတော်မူသော ကျွန်ုပ်တို့ အဖ​ဘုရားသခင်​နှင့် ကျွန်ုပ်တို့ သခင်​ယေရှု​ခရစ်တော်​ကိုယ်တိုင်​သည်

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၁ ယော 4:19

ဘုရားသခင်​သည် ကျွန်ုပ်တို့​ကို ဦးစွာ ချစ်တော်မူ​သောကြောင့် ကျွန်ုပ်တို့​သည် ဘုရားသခင်​ကို ချစ်ကြ၏။