ရော​မ 3:23 - ခေတ်သစ်​မြန်မာ သမ္မာကျမ်း

²³ လူအပေါင်းတို့​သည် အပြစ်ကျူးလွန်​သောကြောင့် ဘုရားသခင်​၏ ဘုန်းကြီးသော​စံနှုန်း​ကို မမီနိုင်ကြ။

Common Language Bible

²³ လူ​မှန်​သ​မျှ​သည်​အ​ပြစ်​ကူး​သူ​များ​ဖြစ် ကြ​၍​ဘု​ရား​သ​ခင်​၏​ရှေ့​တော်​မှောက်​မှ​ဝေး ကွာ​စွာ​နေ​ရ​ကြ​၏။-

Garrad Bible

²³ ခြား နား ခြင်း မ ရှိ။ လူ အ ပေါင်း တို့ သည် ဘု ရား သ ခင်၏ ဘုန်း တော် ကို မ မီ ဘဲ ပြစ် မှား သည့် အ လျောက်၊

Judson Bible

²³ အ​ဘယ်​ကြောင့်​နည်း​ဟူ​မူ​ကား၊ လူ​အ​ပေါင်း​တို့​သည် ဒု​စ​ရိုက်​ကို​ပြု၍ ဘု​ရား​သ​ခင့်​ရှေ့​တော်၌ အ​သ​ရေ​ပျက်​ကြ​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²³ အကြောင်းမူကား လူ​အပေါင်း​တို့​သည် အပြစ်​ပြု​၍ ဘုရားသခင်​၏​ဘုန်း​အသရေ​တော်​နှင့် အလှမ်းဝေး​ကြ​ပြီ။

ရော​မ 3:23 ပူးပေါင်းရင်းမြစ်များ

ရော​မ 1:28

ထို့ပြင် ဘုရားသခင်​ကို အသိအမှတ်​ပြုခြင်း​သည် မိုက်မဲသည်​ဟု သူတို့​ထင်မှတ်​သောကြောင့် ဘုရားသခင်​သည် သူတို့​ကို ပညာမဲ့​စွာ​တွေးခေါ်ခြင်း​လက်သို့ အပ်လိုက်တော်မူ၏။ ထို့ကြောင့် သူတို့​သည် မပြုအပ်သော​အမှုတို့​ကို ပြုကြ၏။

ရော​မ 11:32

လူအပေါင်းတို့​သည် မနာခံကြ​သောကြောင့် ပြစ်ဒဏ်​ခံထိုက်​ကြောင်း ဘုရားသခင်​ပြသတော်မူ၏။ ဤသို့ ပြသတော်မူရခြင်း​မှာ လူအပေါင်းတို့​အပေါ် ကရုဏာ​ထားလို​သောကြောင့်​ပင် ဖြစ်၏။

ရော​မ 3:19

ပညတ်တရား​၌ ပါ​သမျှသော​ပြဋ္ဌာန်းချက်များ​သည် ထို​ပညတ်တရား​ကို ခံယူရရှိသော​သူတို့​အတွက်​ဖြစ်ကြောင်း ကျွန်ုပ်တို့​သိကြ၏။ ပညတ်တရား​၏ ရည်ရွယ်ချက်​မှာ လူတို့​ကို မိမိတို့​၏​အပြစ်​အတွက်​ဆင်ခြေ​မပေး​ရန်​နှင့် လောကီသား​အားလုံး​သည် ဘုရားသခင်​ရှေ့တော်​၌ အပြစ်​ရှိကြောင်း ဖော်ပြ​ရန်​ဖြစ်၏။

ရော​မ 3:9

သို့ဖြစ်လျှင် ကျွန်ုပ်တို့​ဂျူးလူမျိုး​သည် အခြား​လူမျိုးတို့​ထက် သာလွန်​ကောင်းမွန်သည်​ဟု ဆိုနိုင်မည်လော။ ထိုသို့ လုံးဝ မဆိုနိုင်ပါ။ ဂျူးလူမျိုး​ဖြစ်စေ လူမျိုးခြား​ဖြစ်စေ လူအပေါင်းတို့​သည် အပြစ်တရား​လက်အောက်​၌​ရှိကြောင်း​ကို အထက်က ကျွန်ုပ်​ဖော်ပြခဲ့ပြီး​ဖြစ်၏။

ရော​မ 5:2

ကျွန်ုပ်တို့​၏ ယုံကြည်ခြင်း​ကြောင့် ခရစ်တော်​သည် ကျွန်ုပ်တို့​အား ယခု​ကျွန်ုပ်တို့ ရရှိသည့် ကျေးဇူးတော်​ကို ခံစားစေတော်မူ၏။ ထို့ကြောင့် ကျွန်ုပ်တို့​သည် ဘုရားသခင်​၏​ဘုန်းတော်​ကို မျှဝေ​ခံစား​ရန် မျှော်လင့်​၍ ဂုဏ်ယူ​ဝမ်းမြောက်ကြ၏။

ဂ​လာ​တိ 3:22

သို့သော် လူ​အပေါင်းတို့​သည် အပြစ်​၏ ချုပ်နှောင်မှု​အောက်၌ ကျရောက်​လျက်​ရှိကြောင်း ကျမ်းစာ​တွင် ဖော်ပြထား၏။ ဤသည်​မှာ ဘုရားသခင်​သည် ယေရှု​ခရစ်တော်​ကို ယုံကြည်သောသူတို့​အား မိမိ​ကတိထားတော်မူသည့် ကောင်းချီး​မင်္ဂလာ​ကို ပေးသနားတော်မူ​ရန် ဖြစ်၏။

၁ သက် 2:12

မိမိ​နိုင်ငံတော်​နှင့် ဘုန်းတော်​အတွက် သင်တို့​ကို ခေါ်တော်မူသော ဘုရားသခင်​၏​လူ​ဖြစ်သည့်​အလျောက် ဘုရားသခင်​၏​လူ​ပီသ​စွာ ပြုမူနေထိုင်​ရန် အားပေး​နှစ်သိမ့်​၍ တိုက်တွန်း​နှိုးဆော်ကြ၏။

၂ သက် 2:14

ထိုသို့ ကယ်တင်ခံရ​ရန် ဘုရားသခင်​သည် ကျွန်ုပ်တို့​ဟောပြောသော သတင်းကောင်း​ဖြင့် သင်တို့​ကို ခေါ်တော်မူ၏။ ဤသို့​ခေါ်ခြင်း​သည် ကျွန်ုပ်တို့ သခင်​ယေရှု​ခရစ်တော်​၏ ဘုန်းအသရေ​ကို သင်တို့​ခံစားရရှိ​နိုင်ရန် ဖြစ်၏။

ဟေ​ဗြဲ 4:1

ထို့ကြောင့် ဘုရားသခင်​၏​စံမြန်း​နားခိုရာ​သို့ ဝင်ရမည့် ကတိတော်​တည်ဆဲ​ဖြစ်​လျက်နှင့် မည်သူ​တစ်ဦးတစ်ယောက်မျှ ထို​ဝင်ခွင့်​ကို မဆုံးရှုံးမိစေ​ရန် သတိပြုကြစို့။

၁ ပေ 4:13

ခရစ်တော်​၏ ဆင်းရဲဒုက္ခ​ကို မျှဝေ​ခံစားကြရသည့်​အတွက် ဝမ်းမြောက်ကြလော့။ သို့မှသာ ကိုယ်တော်​၏ ဘုန်းတော်​ထင်ရှား​သောအခါ သင်တို့​အလွန်​ဝမ်းမြောက်ရ​လိမ့်မည်။

၁ ပေ 5:1

ထို့ကြောင့် ခရစ်တော်​၏​ဆင်းရဲဒုက္ခ​ကို မြင်တွေ့သည့်​သက်သေ​ဖြစ်သူ၊ ထင်ရှား​လာမည့် ကိုယ်တော်​၏ ဘုန်းအသရေ​ကို မျှဝေ​ခံစားသူ ကျွန်ုပ်​သည် အသင်းတော်​အကြီးအကဲ​တစ်ဦး​အနေ​ဖြင့် သင်တို့​ထဲမှ အသင်းတော်​အကြီးအကဲများ​ကို တိုက်တွန်း​နှိုးဆော်လိုက်၏။

၁ ပေ 5:10

သို့သော် ဘုရားသခင်​သည် သင်တို့​ကို ခရစ်တော်​နှင့် တပေါင်းတစည်းတည်း​ဖြစ်​စေလျက် မိမိ​၏​ထာဝရ​တည်သော​ဘုန်းအသရေတော်​ကို မျှဝေ​ခံစား​စေရန် ရွေးကောက်တော်မူ၏။ ထို​ကျေးဇူးတော်​အပေါင်း​၏​အရှင် ဘုရားသခင်​ကိုယ်တော်တိုင်​သည် ခဏတာ ဆင်းရဲဒုက္ခ​ခံပြီးသော သင်တို့​အား ပြီးပြည့်စုံစေ​၍ ကြံ့ကြံ့ခိုင် ရပ်တည်​မြဲမြံစေတော်မူ​လိမ့်မည်။