ရော​မ 2:17 - ခေတ်သစ်​မြန်မာ သမ္မာကျမ်း

¹⁷ သင်​သည် မိမိကိုယ်ကိုယ် ဂျူးလူမျိုး​ဟု ဆို​၍ ဘုရားသခင်​၏​ပညတ်တရား​ကို အမှီပြု​လျက် ဘုရားသခင်​နှင့် သင်​၏​ဆက်နွယ်မှု​ကို ကြွားဝါ၏။

Common Language Bible

¹⁷ သို့​ရာ​တွင်​အ​ချင်း​မိတ်​ဆွေ၊ သင်​သည်​မိ​မိ​ကိုယ် ကို​ယု​ဒ​အ​မျိုး​သား​ဖြစ်​သည်​ဟု​ဆို​ကာ ပ​ညတ် တ​ရား​ကို​အား​ကိုး​လျက်​ဘု​ရား​သ​ခင်​အ​ကြောင်း ကို​ကြွား​ဝါ​၏။-

Garrad Bible

¹⁷ သင် သည် ယု ဒ လူ မျိုး ဟု သ မုတ် ခံ ရ သည် နှင့် အ ညီ ပ ညတ် တ ရား၌ အား ကိုး သူ၊ ဘု ရား သ ခင် ကြောင့် ဝါ ကြွား သူ၊

Judson Bible

¹⁷ သင်​သည် ယု​ဒ​လူ​ဟု​သ​မုတ်​ခြင်း​ကို ခံ​သော​သူ၊ ပ​ညတ်​တ​ရား​တော်​ကို ကိုး​စား​သော​သူ၊ ဘု​ရား​သ​ခင်​ကို အ​မှီ​ပြု၍ ဝါ​ကြွား​သော​သူ၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အကယ်၍ သင်​သည် မိမိ​ကိုယ်​ကို​ဂျူး​လူမျိုး​ဟု​ခေါ်​လျက်၊ ပညတ်​တရား​ကို​ကိုးစား​လျက်၊ ဘုရားသခင်​၌​ဝါကြွား​လျက်၊

ရော​မ 2:17 ပူးပေါင်းရင်းမြစ်များ

မဿဲ 3:9

‘ငါတို့​သည် အာဗြဟံ​၏​မျိုးဆက်များ ဖြစ်ကြ​သောကြောင့် ဘုရားသခင်​သည် ငါတို့​ကို အပြစ်​စီရင်တော်မူမည်​မဟုတ်’ ဟူ၍ မိမိကိုယ်ကိုယ် မထင်ကြနှင့်။ သင်တို့​အား ငါ​ပြောဆိုသည်​မှာ ဘုရားသခင်​သည် အာဗြဟံ​အတွက် သားသမီးများ​ကို ဤ​ကျောက်ခဲများ​မှပင် ဖန်ဆင်းနိုင်တော်မူ၏။

လုကာ 10:28

ယေရှု​ကလည်း “သင်​ပြောသည့်​အတိုင်း မှန်ပါ၏။ ထိုသို့​ပြု​လျှင် သင်​သည် အသက်​ကို ရ​လိမ့်မည်” ဟု မိန့်တော်မူ၏။

ရှင်ယောဟန် 5:39

သင်တို့​သည် ကျမ်းစာ​က ထာဝရ​အသက်​ပေးသည်​ဟု ထင်မှတ်​၍ ကျမ်းစာ​ကို လေ့လာတတ်ကြ၏။ ထို​ကျမ်းစာ​ကပင် ငါ့​အကြောင်း သက်သေခံ၏။

ရှင်ယောဟန် 5:45

ခမည်းတော် ရှေ့မှောက်​တွင် ငါ​သည် သင်တို့​အား ပြစ်တင်​စွပ်စွဲ​လိမ့်မည်​ဟု မထင်ကြနှင့်။ သင်တို့​ကို ပြစ်တင်စွပ်စွဲမည့်သူ​မှာ သင်​တို့ ကိုးစားသော မောရှေ​ပင်​ဖြစ်၏။

ရှင်ယောဟန် 7:19

မောရှေ​သည် သင်တို့​အား ပညတ်တရား​ကို ပေးခဲ့သည်​မဟုတ်လော။ သို့သော် သင်တို့​ထဲမှ မည်သူ​ကမျှ ထို​ပညတ်ကျမ်း​ကို မလိုက်နာကြ။ သင်တို့​သည် အဘယ်ကြောင့် ငါ့​ကို သတ်​ရန်သာ ရှာကြံကြသနည်း” ဟု မိန့်တော်မူ၏။

ရှင်ယောဟန် 8:33

ထို​သူတို့​က “အကျွန်ုပ်တို့​သည် အာဗြဟံ​၏ မျိုးဆက်များ​ဖြစ်ကြ၏။ မည်သည့်အခါ​ကမျှ သူတစ်ပါး​ကျွန် မဖြစ်ခဲ့ကြပါ။ ထို့ကြောင့် ‘သင်တို့​ကို လွတ်မြောက်စေ​လိမ့်မည်’ ဟူ၍ အဘယ်ကြောင့်​ဆိုသနည်း” ဟု လျှောက်ကြ၏။

ရှင်ယောဟန် 8:41

သင်တို့​သည် သင်တို့​ဖခင်​၏ အကျင့်​အတိုင်း ကျင့်ကြ၏” ဟု မိန့်တော်မူ၏။ ထို​သူတို့​ကလည်း “အကျွန်ုပ်တို့​သည် တရားမဝင်သော​သားသမီးများ မဟုတ်။ ဘုရားသခင်​သည်​သာလျှင် အကျွန်ုပ်တို့​၏ ဖခင်​စစ်​ဖြစ်တော်မူ၏” ဟု ဆိုကြ၏။

ရော​မ 2:23

သင်​သည် ပညတ်တရား​ကို သိသည်​ဟူ၍ အလွန်​ကြွားဝါ​လျက်နှင့် ထို​တရား​ကို ချိုးဖောက်ခြင်း​အားဖြင့် ဘုရားသခင်​ကို မရိုမသေ​ပြုသလော။

ရော​မ 3:27

သို့ဖြစ်လျှင် ဖြောင့်မတ်သည်​ဟု သတ်မှတ်ခံရခြင်း​အတွက် ကြွားဝါစရာ​ရှိသလော။ မရှိပါ။ ထို​ကြွားဝါစရာ​သည် ဖယ်ရှားခံရပြီ။ ဖြောင့်မတ်သည်​ဟု သတ်မှတ်ခံရခြင်း​မှာ ပညတ်တရား​ကို လိုက်နာ​ကျင့်သုံး​သောကြောင့်​မဟုတ်ဘဲ ယေရှု​ခရစ်တော်​ကို ယုံကြည်​သောကြောင့်​သာ ဖြစ်၏။

ရော​မ 9:32

အဘယ်ကြောင့်နည်း။ ထို​သူတို့​သည် ဖြောင့်မတ်ကြောင်း သတ်မှတ်​ခံရ​ရန် ဘုရားသခင်​ကို ယုံကြည်မည့်​အစား ပညတ်တရား​ကို လိုက်နာကျင့်သုံးခြင်း​အားဖြင့် ကြိုးပမ်းကြ​သောကြောင့် ဖြစ်၏။ သူတို့​သည် ကျမ်းစာ​တွင် ဖော်ပြထားသည့် ဆူးငြောင့်ခလုတ်​ဖြစ်သော​ကျောက်​ကို တိုက်မိကြ၏။

၂ ကော 11:22

သူတို့​သည် ဟေဗြဲလူမျိုး​ဖြစ်ကြသလော။ ကျွန်ုပ်​သည်လည်း​ဖြစ်၏။ သူတို့​သည် အစ္စရေးလူမျိုး​ဖြစ်ကြသလော။ ကျွန်ုပ်​သည်လည်း​ဖြစ်၏။ သူတို့​သည် အာဗြဟံ​၏ မျိုးဆက်​ဖြစ်ကြသလော။ ကျွန်ုပ်​သည်လည်း​ဖြစ်၏။

ဂ​လာ​တိ 2:15

ကျွန်ုပ်တို့​သည် အပြစ်သား​လူမျိုးခြားများ မဟုတ်ဘဲ မွေးဖွားလာ​ကတည်းကပင် ဂျူးလူမျိုးများ ဖြစ်ကြ၏။

ဧ​ဖက် 2:11

သင်တို့​သည် လူမျိုးခြားများ​အဖြစ် မွေးဖွားလာကြပြီး ဂျူးလူမျိုးများ​က သင်တို့​ကို အရေပြား​မလှီးသောသူများ​ဟု ခေါ်ကြ၏။ ထို​သူတို့​သည် မိမိကိုယ်ကိုယ် အရေပြားလှီးခြင်း​မင်္ဂလာ​ကို ခံယူထားသူများ​ဟု ခေါ်ကြ၏။ ထို​သူတို့​၏ အရေပြားလှီးခြင်း​သည် ကိုယ်ခန္ဓာ​ပေါ်တွင် လူ့​လက်​ဖြင့် ပြုလုပ်သော အရာ​သာ ဖြစ်၏။

ဗျာ​ဒိတ် 2:9

သင်​၏​ဒုက္ခဝေဒနာ​နှင့်​ဆင်းရဲခြင်း​ကို ငါ​သိ၏။ အမှန်စင်စစ် သင်​သည် ချမ်းသာ၏။ မိမိ​ကိုယ်​မိမိ ဂျူး​ဖြစ်သည်​ဟု ဆိုကြ​သော်လည်း ဂျူး​မဟုတ်ဘဲ စာတန်​၏​အသင်းဝင်များ​ဖြစ်ကြသော​သူတို့​က သင့်​အား အသရေဖျက်​ပြောဆိုသည်​ကို​လည်း ငါ​သိ၏။

ဗျာ​ဒိတ် 3:1

သာဒိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ ဘုရားသခင်​၏ ဝိညာဉ်​ခုနစ်ပါး​နှင့် ကြယ်​ခုနစ်လုံး​ရှိသောသူ​က ဤသို့​မိန့်တော်မူ၏။ သင်​၏​အပြုအမူ​ကို ငါ​သိ၏။ သင်​သည် အသက်ရှင်သည်​ဟု နာမည်ခံထား​သော်လည်း သေ​လျက်​နေ၏။

ဗျာ​ဒိတ် 3:9

ကြည့်ရှုလော့။ မိမိ​ကိုယ်​မိမိ ဂျူး​ဖြစ်သည်​ဟု ဆိုကြ​သော်လည်း ဂျူး​မဟုတ်ဘဲ စာတန်​၏​အသင်းဝင်များ​ဖြစ်ကြသော​သူတို့​သည် လိမ်ညာ​သူများ​သာ​ဖြစ်၏။ ငါ​သည် သူတို့​ကို သင်​၏ ခြေရင်း​၌ လာရောက်​ဝပ်တွားခယ​စေ​၍ သင့်​ကို ငါ​ချစ်​ကြောင်း သူတို့​အား သိ​စေမည်။