ရော​မ 12:6 - ခေတ်သစ်​မြန်မာ သမ္မာကျမ်း

⁶ သို့ဖြစ်၍ ဘုရားသခင် ပေးတော်မူသော ကျေးဇူးတော်​အတိုင်း ကျွန်ုပ်တို့​သည် ကွဲပြား​ခြားနားသော ဆုကျေးဇူး​အသီးသီး​ကို လက်ခံရရှိကြ၏။ ကျွန်ုပ်တို့​လက်ခံရရှိသော ဆုကျေးဇူး​သည် ပရောဖက်ပြု​ဟောပြောခြင်း​ဖြစ်လျှင် ယုံကြည်ခြင်း​၏ ပမာဏ​အတိုင်း ဟောပြောကြရမည်။

Common Language Bible

⁶ သို့​ဖြစ်​၍​ငါ​တို့​အ​သီး​သီး​သည်​မိ​မိ​တို့ ခံ​စား​ရ​သည့်​ကျေး​ဇူး​တော်​နှင့်​အ​ညီ ဘု​ရား သ​ခင်​ချ​ပေး​တော်​မူ​သည့်​ဆု​ကျေး​ဇူး​ကို အ​သုံး​ပြု​ကြ​ရ​မည်။ ငါ​တို့​ရ​ရှိ​သည့်​ဆု ကျေး​ဇူး​သည်​ဘု​ရား​သ​ခင်​၏​နှုတ်​က​ပတ် တော်​ကို​ဟော​ပြော​နိုင်​စွမ်း​ဖြစ်​ပါ​က ငါ​တို့ သည်​မိ​မိ​တို့​၏​ယုံ​ကြည်​ခြင်း​ပ​မာ​ဏ အ​တိုင်း​ထို​ဆု​ကျေး​ဇူး​ကို​အ​သုံး ပြု​ကြ​ရ​မည်။-

Garrad Bible

⁶ ငါ တို့ ခံ စား ရ သော ကျေး ဇူး တော် အ လျောက် ကွဲ ပြား သော ဆု တော် များ ကို ရ ကြ သော ကြောင့် ဟော ပြော ဆု ဖြစ် လျှင် ယုံ ကြည် ခြင်း ပ မာ ဏ အ တိုင်း ဟော ပြော ခြင်း၊

Judson Bible

⁶ ထို​သို့​ပေး​တော်​မူ​သော ကျေး​ဇူး​တော်​အ​တိုင်း ငါ​တို့​သည် အ​သီး​သီး​အ​ပြား​ပြား​သော ဆု​များ​ကို​ခံ​ရ​သည်​ဖြစ်၍၊ ပ​ရော​ဖက်​အ​ရာ​ရှိ​လျှင်၊ ယုံ​ကြည်​ခြင်း၏​ပ​မာ​ဏ​ကို ရ​သည်​အ​တိုင်း ပ​ရော​ဖက်​ပြု​ကြ​ကုန်​အံ့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ငါ​တို့​၌​ပေးအပ်​တော်မူ​သော ကျေးဇူး​တော်​အတိုင်း အထူးထူး​အပြားပြား​သော​ဆု​ကျေးဇူး​များ​ကို ရရှိ​ကြ​၏။ သို့ဖြစ်၍ ထို​ဆု​ကျေးဇူး​သည် ပရောဖက်ပြု​ဟောပြော​ခြင်း​ဖြစ်လျှင် ယုံကြည်​ခြင်း​၏​ပမာဏ​အတိုင်း ပရောဖက်ပြု​ဟောပြော​စေ။

ရော​မ 12:6 ပူးပေါင်းရင်းမြစ်များ

မဿဲ 23:34

ထို့ကြောင့် ငါ​သည် ပရောဖက်များ၊ ပညာရှင်များ​နှင့် ကျမ်းတတ်ဆရာများ​ကို သင်တို့​ထံ စေလွှတ်မည်။ သို့သော် သင်တို့​သည် တချို့​ကို လက်ဝါးကပ်တိုင်​တွင် သတ်ကြ​လိမ့်မည်။ တချို့​ကို ဝတ်ပြုဆောင်များ​တွင် ရိုက်​၍ တစ်မြို့​ပြီး​တစ်မြို့ လိုက်လံ​ဖမ်းဆီးကြ​လိမ့်မည်။

မဿဲ 25:22

ငွေနှစ်ပိဿာ​ကို ရသော​သူ​သည်လည်း ရှေ့​ထွက်လာ​၍ ‘သခင်… သခင်​သည် အကျွန်ုပ်​အား ငွေနှစ်ပိဿာ​ကို ပေးအပ်ခဲ့ပါ၏။ ကြည့်ပါလော့။ အကျွန်ုပ်​သည် အပို​နှစ်ပိဿာ​ကို အမြတ်ရပါပြီ’ ဟု လျှောက်၏။

လုကာ 11:49

သို့ဖြစ်၍ ဉာဏ်ပညာတော်​နှင့် ပြည့်စုံသော​ဘုရားသခင် ဟောတော်မူသည်​မှာ ‘ငါ​သည် ပရောဖက်များ​နှင့် တမန်တော်များ​ကို သူတို့​ထံသို့ စေလွှတ်မည်။ သို့သော် သူတို့​သည် တချို့​ကို သတ်​၍ တချို့​ကို ညှဉ်းဆဲကြ​လိမ့်မည်’ ဟူ၍ ဖြစ်၏။

တမန်တော်ဝတ္ထု 13:1

ဆီးရီးယားပြည် အန္တိအုတ်မြို့​ရှိ အသင်းတော်​တွင် ပရောဖက်များ​နှင့် ဆရာများ ရှိကြ၏။ ထို​သူတို့​မှာ ဗာနဗ၊ လူမည်း​ဟု ခေါ်သော​ရှိမောင်၊ ကုရေနေမြို့သား လုကိ၊ နယ်စား​ဟေရုဒ်​၏​ငယ်ပေါင်း မာနင်​နှင့် ရှောလု​တို့​ဖြစ်ကြ၏။

တမန်တော်ဝတ္ထု 15:32

ပရောဖက်များ​လည်း​ဖြစ်ကြသော ယုဒ​နှင့်​သိလ​တို့​သည် ယုံကြည်သူတို့​အား အချိန်​ကြာမြင့်​စွာ တိုက်တွန်းနှိုးဆော်​၍ ကြံ့ခိုင်စေကြ၏။

တမန်တော်ဝတ္ထု 2:17

‘ဘုရားသခင်​က “နောက်ဆုံးသော​နေ့ရက်များ​၌ ငါ​၏​ဝိညာဉ်တော်​ကို လူ​အပေါင်းတို့​အပေါ် သွန်းလောင်း​၍ သင်တို့​၏​သားသမီးတို့​သည် ပရောဖက်ပြု​ဟောပြောကြ​လိမ့်မည်။ အသက်ငယ်သော​သူတို့​သည် ရူပါရုံ​ကို မြင်​၍ အသက်ကြီးသော​သူတို့​သည် အိပ်မက်များ​ကို မက်ကြ​လိမ့်မည်။

တမန်တော်ဝတ္ထု 21:9

ထို​သူ​၌ ပရောဖက်ပြု​ဟောနိုင်သော သမီးပျို​လေးဦး​ရှိ၏။

ရော​မ 1:11

ကျွန်ုပ်​သည် သင်တို့​ကို​အလွန်​တွေ့မြင်​လိုသည်​မှာ ဝိညာဉ်​ဆုကျေးဇူး​တချို့​ကို သင်တို့​အား ဝေမျှပေး​၍ သင်တို့​၏ ယုံကြည်ခြင်း​ကို ခိုင်မြဲ​စေရန်​ဖြစ်၏။

ရော​မ 12:3

ကျွန်ုပ်​အား ဘုရားသခင်​ပေးအပ်တော်မူသော တမန်တော်​ဖြစ်ခြင်း အခွင့်ထူး​ဖြင့် သင်တို့​တစ်ဦးချင်း​ကို ကျွန်ုပ်​ပြော​လိုသည်​မှာ သင်တို့​သည် ကိုယ့်ကိုယ်ကိုယ် ထင်သင့်သည်​ထက် ပို၍ အထင်​မကြီးကြနှင့်။ မိမိတို့​အတွက် ဘုရားသခင်​ခွဲဝေ​ပေးသနားတော်မူသော ယုံကြည်ခြင်း​ပမာဏ​အတိုင်း ကိုယ့်ကိုယ်ကိုယ် မှန်ကန်​ရိုးသား​စွာ သုံးသပ်ကြလော့။

၁ ကော 12:18

သို့သော်လည်း ဘုရားသခင်​သည် ကျွန်ုပ်တို့​၏ ကိုယ်ခန္ဓာ​အစိတ်အပိုင်း​တစ်ခုစီ​ကို အလိုတော်​ရှိသည့်​အတိုင်း ကိုယ်ခန္ဓာ​၌ အသီးသီး နေရာချ​တော်မူ၏။

၁ ကော 13:2

ကျွန်ုပ်​သည် ပရောဖက်ပြု​ဟောပြော​နိုင်စွမ်း​ရှိသည်​ဖြစ်စေ၊ လျှို့ဝှက်​နက်နဲသော​အရာ​ရှိသမျှ​နှင့် အသိပညာ​ရှိသမျှ​ကို နားလည်သည်​ဖြစ်စေ၊ တောင်များ​ကို ရွှေ့နိုင်သော​ယုံကြည်ခြင်း​ရှိသည်​ဖြစ်စေ မေတ္တာ​မရှိ​လျှင် အချည်းနှီး​ဖြစ်၏။

၁ ကော 14:1

ချစ်ခြင်း​မေတ္တာ​တရား​ကို ကြိုးစား​၍ ကျင့်သုံးကြလော့။ ဝိညာဉ်​ဆုကျေးဇူးများ​ကိုလည်း အလွန်​လိုချင်သော​စိတ် ရှိကြလော့။ အထူး​သဖြင့် ပရောဖက်ပြု​ဟောပြော​နိုင်သော​ဆုကျေးဇူး​ကို လိုချင်သော​စိတ် ရှိကြလော့။

၁ ကော 14:24

သို့သော် သင်တို့​ရှိသမျှ​သည် ပရောဖက်ပြု​ဟောပြောနေကြ​စဉ် အကျွမ်းတဝင်​မရှိသေးသော​သူများ​နှင့် မယုံကြည်သူများ ဝင်လာ​လျှင် သင်တို့​၏​ဟောပြောချက်​အားဖြင့် သူတို့​က မိမိတို့​သည် အပြစ်ရှိသူများ​ဖြစ်ကြောင်း​နှင့် စစ်ဆေး​စီရင်ခြင်း​ကို ခံရမည်​ဖြစ်ကြောင်း သိမြင်လာကြ​လိမ့်မည်။

၁ ကော 14:29

ပရောဖက်​နှစ်ဦး သို့မဟုတ် သုံးဦး​က ဟောပြော​၍ ထို​ဟောပြောသော​အရာ​ကို အခြားသော​သူတို့​သည် အကဲဖြတ်​သုံးသပ်ကြစေ။

၁ ကော 3:5

ထိုသို့ ပြောဆို​ငြင်းခုံ​စရာ​အကြောင်း ဖြစ်ရ​လောက်အောင် အာပေါလု​သည် မည်သူနည်း။ ပေါလု​သည် မည်သူနည်း။ ကျွန်ုပ်တို့​သည် သင်တို့​ယုံကြည်လာကြ​စေရန် သတင်းကောင်း​ကို ဟောပြောသော ထာဝရဘုရား​၏ အစေခံများ​သာ​ဖြစ်ကြ၏။ ကျွန်ုပ်တို့ တစ်ဦးစီ​သည် ကိုယ်တော်​ပေးတော်မူသော တာဝန်​အသီးသီး​ကို ထမ်းဆောင်ကြ၏။

၁ ကော 7:7

ကျွန်ုပ်​သည် လူတိုင်း​ကို ကျွန်ုပ်​ကဲ့သို့ အိမ်ထောင်​မပြုဘဲ နေ​စေလို၏။ သို့သော်လည်း လူတိုင်း​တွင် ဘုရားသခင်​ထံမှ ရရှိသော အထူး​ဆုကျေးဇူး​တစ်မျိုး​စီ​ရှိ၏။

၂ ကော 8:12

သင်တို့​လှူဒါန်း​ရန် စေတနာစိတ်​ရှိလျှင် ဘုရားသခင်​သည် သင်တို့​၌ မရှိသော​အရာ​ကို မထောက်ဘဲ ရှိသော​အရာ​ကို ထောက်​၍ သင်တို့​၏ လှူဒါန်းခြင်း​ကို လက်ခံတော်မူ​လိမ့်မည်။

ဧ​ဖက် 3:5

ဘုရားသခင်​သည် ထို​လျှို့ဝှက်​နက်နဲသော​အရာ​ကို ဝိညာဉ်တော်​မှတစ်ဆင့် မိမိ​၏ သန့်ရှင်းသော​တမန်တော်များ​နှင့် ပရောဖက်များ​ကို ယခု​အခါ​၌ ရှင်းလင်း​စွာ ဖွင့်ပြတော်မူ​သကဲ့သို့ ယခင်​ခေတ်ကာလ​၌ ဖော်ပြတော်မမူခဲ့ပေ။

ဧ​ဖက် 4:11

ခရစ်တော်​သည် တချို့​ကို တမန်တော်​အဖြစ်​လည်းကောင်း၊ တချို့​ကို ပရောဖက်​အဖြစ်​လည်းကောင်း တချို့​ကို သတင်းကောင်း​ဟောပြောသူ​အဖြစ်​လည်းကောင်း၊ တချို့​ကို သင်းအုပ်ဆရာ​နှင့် ဆရာ​အဖြစ်​လည်းကောင်း ခန့်ထားတော်မူ၏။

ဖိ​လိပ္ပိ 3:15

ထို့ကြောင့် ဝိညာဉ်ရေးရာ​၌ ရင့်ကျက်သော ကျွန်ုပ်တို့​အားလုံး​သည် ဤ​စိတ်သဘောထား​မျိုး ရှိ​သင့်၏။ အကယ်၍ အချို့သော​အကြောင်းအရာများ​၌ မတူညီသော​စိတ်သဘောထား​ရှိလျှင် ဘုရားသခင်​သည် ရှင်းလင်း​ဖော်ပြတော်မူ​လိမ့်မည်။

၁ သက် 5:20

ပရောဖက်ပြု​ဟောပြောခြင်း​ကို မထီမဲ့မြင်​မပြုကြနှင့်။

၂ ပေ 1:20

ကျမ်းစာ​၌ ပါသော​ပရောဖက်ပြု​ဟောပြောချက်​အားလုံး​သည် ပရောဖက်​၏​ကိုယ်ပိုင်​အနက်​ဖွင့်ဆိုချက်​မဟုတ်ကြောင်း ဦးစွာ​သိမှတ်​ရမည်။