ရော​မ 1:30 - ခေတ်သစ်​မြန်မာ သမ္မာကျမ်း

³⁰ သူတို့​သည် အသရေ​ပျက်အောင်​ပြောဆိုသူများ၊ ဘုရားသခင်​ကို မုန်းတီးသူများ၊ မောက်မာသူများ၊ မာနထောင်လွှားသူများ၊ ကြွားဝါသူများ၊ မကောင်းမှု​ဖန်တီးသူများ၊ မိဘစကား​နားမထောင်သူများ​ဖြစ်ကြ၏။

Common Language Bible

³⁰ သူ​တစ်​ပါး​၏​အ​သ​ရေ​ကို​ဖျက်​ကြ​၏။ ဘု​ရား သ​ခင်​ကို​မုန်း​သူ၊ စော်​ကား​သူ၊ မာန်​မာ​န​ထောင် လွှား​လျက်​ကြွား​ဝါ​သူ​များ​ဖြစ်​ကြ​၏။ မ​ကောင်း မှု​အ​မျိုး​မျိုး​ကို​တီ​ထွင်​ကြံ​စည်​တတ်​ကြ​၏။ မိ​မိ​တို့​မိ​ဘ​များ​၏​စ​ကား​ကို​နား​မ​ထောင် ကြ။-

Garrad Bible

³⁰ ကုန်း ချော သူ၊ အ သ ရေ ဖျက် သူ၊ ဘု ရား သ ခင် ရွံ ရှာ သူ၊ စော် ကား သူ၊ မာ န ထောင် လွှား သူ၊ ဝင့် ဝါ သူ၊ ပြစ် မှု ကွန့် မြူး သူ၊ မိ ဘ စ ကား ကို မ လိုက် နာ သူ၊

Judson Bible

³⁰ ဆဲ​ရေး​သော​သူ၊ ဘု​ရား​သ​ခင်​ကို​မုန်း​သော​သူ၊ ကြမ်း​တမ်း​သော​သူ၊ မာ​န​ထောင်​လွှား​သော​သူ၊ ဝါ​ကြွား​သော​သူ၊ မ​တတ်​ကောင်း​သော အ​တတ်​ကို​စီ​ရင်​သော​သူ၊ မိ​ဘ​စ​ကား​ကို နား​မ​ထောင်​သော​သူ၊ သ​တိ​မ​ရှိ​သော​သူ၊ သ​စ္စာ​ပျက်​သော​သူ၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ ပုတ်ခတ်​ပြောဆို​သော​သူ၊ ဘုရားသခင်​ကို​မုန်း​သော​သူ၊ မိုက်ရိုင်း​သော​သူ၊ မာန​ထောင်လွှား​သော​သူ၊ ကြွားဝါ​သော​သူ၊ မကောင်း​သော​အမှု​များ​ကို တီထွင်​ကြံစည်​သော​သူ၊ မိဘ​စကား​ကို​နားမထောင်​သော​သူ၊

ရော​မ 1:30 ပူးပေါင်းရင်းမြစ်များ

မဿဲ 15:4

ဘုရားသခင်​က ‘မိဘ​ကို ရိုသေလော့။ မိဘ​ကို ကျိန်ဆဲသော​သူ​သည် အမှန်​သေရမည်’ ဟု မိန့်တော်မူ၏။

မဿဲ 16:21

ထို​အချိန်​မှစ၍ ယေရှု​က မိမိ​သည် ဂျေရုဆလင်မြို့​သို့ သွားရမည်။ အကြီးအကဲများ၊ ယဇ်ပုရောဟိတ်​ခေါင်းဆောင်များ၊ ကျမ်းတတ်ဆရာများ​လက်​တွင် ဒုက္ခ​များစွာ ခံရမည်။ အသေသတ်ခြင်း​ကိုလည်း ခံရ​၍ သုံးရက်မြောက်​နေ့​တွင် သေခြင်း​မှ​ထမြောက်တော်မူမည်​ဟူသော​အကြောင်းအရာများ​ကို တပည့်တော်တို့​အား စတင်​ဖော်ပြတော်မူ၏။

လုကာ 21:16

မိဘ၊ ညီအစ်ကိုများ၊ ဆွေမျိုးများ​နှင့် မိတ်ဆွေများ​ပင်လျှင် သင်တို့​ကို သစ္စာဖောက်ကြ​လိမ့်မည်။ သင်တို့​ထဲမှ အချို့သော​သူတို့​ကို သတ်ကြ​လိမ့်မည်။

ရှင်ယောဟန် 7:7

လောကီသားတို့​သည် သင်တို့​ကို မုန်းစရာ​အကြောင်း မရှိကြ။ ငါ့​ကိုမူ မုန်းကြ၏။ အဘယ်ကြောင့်ဆိုသော် ငါ​သည် သူတို့​၏ အကျင့်ဆိုးများ​ကို ဖော်ထုတ်ပြောဆို​သောကြောင့်​ဖြစ်၏။

တမန်တော်ဝတ္ထု 5:36

ယခင်​ကလည်း သုဒ​အမည်ရှိသော​သူ​သည် မိမိကိုယ်မိမိ​ကြီးမြတ်သူ​တစ်ဦး​ဖြစ်သည်​ဟု ပြောဆို​သဖြင့် လူ​လေးရာ​ခန့်​သည် သူ​၏​နောက်သို့​လိုက်ကြ၏။ သို့သော်လည်း ထို​သူ​သည် အသတ်ခံရ​ပြီးနောက် သူ​၏​နောက်လိုက်များ​သည် လူစုကွဲ​၍ ပျောက်ကွယ်သွားကြ၏။

ရော​မ 2:17

သင်​သည် မိမိကိုယ်ကိုယ် ဂျူးလူမျိုး​ဟု ဆို​၍ ဘုရားသခင်​၏​ပညတ်တရား​ကို အမှီပြု​လျက် ဘုရားသခင်​နှင့် သင်​၏​ဆက်နွယ်မှု​ကို ကြွားဝါ၏။

ရော​မ 2:23

သင်​သည် ပညတ်တရား​ကို သိသည်​ဟူ၍ အလွန်​ကြွားဝါ​လျက်နှင့် ထို​တရား​ကို ချိုးဖောက်ခြင်း​အားဖြင့် ဘုရားသခင်​ကို မရိုမသေ​ပြုသလော။

ရော​မ 3:27

သို့ဖြစ်လျှင် ဖြောင့်မတ်သည်​ဟု သတ်မှတ်ခံရခြင်း​အတွက် ကြွားဝါစရာ​ရှိသလော။ မရှိပါ။ ထို​ကြွားဝါစရာ​သည် ဖယ်ရှားခံရပြီ။ ဖြောင့်မတ်သည်​ဟု သတ်မှတ်ခံရခြင်း​မှာ ပညတ်တရား​ကို လိုက်နာ​ကျင့်သုံး​သောကြောင့်​မဟုတ်ဘဲ ယေရှု​ခရစ်တော်​ကို ယုံကြည်​သောကြောင့်​သာ ဖြစ်၏။

၂ ကော 10:15

ကျွန်ုပ်တို့​သည် မိမိတို့​၏ လုပ်ဆောင်မှု​အတိုင်းအတာ​ကို ကျော်လွန်​၍ အခြားသူတို့​လုပ်ဆောင်ခဲ့သော​အရာ​အပေါ် မကြွားဝါတတ်။ သင်တို့​၏ ယုံကြည်ခြင်း​အားကြီးလာသည်​နှင့်အမျှ ကျွန်ုပ်တို့​၏ လုပ်ငန်း​နယ်ပယ်​ကို သင်တို့​အကြား ပိုမို​တိုးချဲ့​နိုင်ရန် မျှော်လင့်၏။

၂ ကော 12:20

ကျွန်ုပ်​ရောက်လာ​သောအခါ သင်တို့​ကို ကျွန်ုပ်​မြင်တွေ့​လိုသည့်​အတိုင်း မဖြစ်​သကဲ့သို့ ကျွန်ုပ်​ကိုလည်း သင်တို့​မြင်တွေ့​လိုသည့်​အတိုင်း မဖြစ်မည်​ကို ကျွန်ုပ်​စိုးရိမ်၏။ ခိုက်ရန်ဖြစ်ခြင်း၊ မနာလိုခြင်း၊ ဒေါသကြီးခြင်း၊ တစ်ကိုယ်ကောင်းဆန်ခြင်း၊ အသရေဖျက်ခြင်း၊ ကောလာဟလပြောခြင်း၊ ဘဝင်မြင့်ခြင်း၊ ရုန်းရင်းဆန်ခတ်ဖြစ်ခြင်း​စသည်တို့​ရှိမည်​ကို စိုးရိမ်၏။

၂ သက် 2:4

ထို​သူ​သည် ဘုရား​ဟု ခေါ်​၍ လူတို့ ကိုးကွယ်ကြသော အရာ​အားလုံး​ကို ဆန့်ကျင်​လျက် မိမိကိုယ်ကိုယ် ချီးမြှောက်​လိမ့်မည်။ ဘုရားသခင်​၏ ဗိမာန်တော်​တွင် ထိုင်​လျက် မိမိကိုယ်ကိုယ် ဘုရားသခင်​ဖြစ်ကြောင်း ကြွေးကြော်​လိမ့်မည်။

၂ တိ 3:2

အဘယ်ကြောင့်ဆိုသော် ထို​အချိန်​တွင် လူတို့​သည် ကိုယ့်ကိုယ်ကိုယ်​ချစ်သောသူ၊ ငွေမက်သူ၊ ကြွားဝါတတ်သူ၊ မာနထောင်လွှားသူ၊ စော်ကားပြောဆိုသူ၊ မိဘ​စကား​နားမထောင်သူ၊ ကျေးဇူးကန်းသူ၊ မသန့်ရှင်းသူ၊

တိ​တု 3:3

တစ်ချိန်​က ကျွန်ုပ်တို့​သည်လည်း မိုက်မဲသူ၊ မနာခံသူ၊ လမ်းလွဲသူ၊ အမျိုးမျိုးသော တပ်မက်ခြင်း​နှင့် အပျော်အပါး​လိုက်စားခြင်းတို့​၌ ကျွန်ခံသူ၊ ဆိုးညစ်သော​စိတ်​နှင့် မနာလိုသော​စိတ်တို့​ဖြင့် နေထိုင်သူ၊ သူတစ်ပါး မုန်းတီးခြင်း​ကို ခံရသူ၊ အချင်းချင်း​မုန်းတီးသူ​တို့ ဖြစ်ခဲ့ကြ၏။

ယာ​ကုပ် 3:5

ထိုနည်းတူ လျှာ​သည် သေးငယ်သည့်​အင်္ဂါ​အစိတ်အပိုင်း​ဖြစ်​သော်လည်း ကြီးကျယ်သော​အကြောင်းအရာများ​ကို ကြွားဝါတတ်၏။ အလွန်​ကြီးမားသော​တောအုပ်​ကို အလွန်​သေးငယ်သော မီးပွားလေး​က လောင်စေ​နိုင်သည်​ကို ဆင်ခြင်လော့။

ယာ​ကုပ် 4:16

ယခု​တွင်မူ သင်တို့​သည် လုပ်ဆောင်မည့်​အစီအစဉ်​အကြောင်း မာနထောင်​လျက် ကြွားဝါတတ်ကြ၏။ ထိုသို့သော ကြွားဝါခြင်း​မှန်သမျှ​သည် မကောင်းမှု​ဖြစ်၏။

၂ ပေ 2:18

အဘယ်ကြောင့်ဆိုသော် သူတို့​သည် အကျိုးမဲ့ ချဲ့ကား​ကြွားဝါ​ပြောဆို​လျက် မှားယွင်း​စွာ ပြုမူ​နေထိုင်ကြ​သူတို့​ထဲမှ လွတ်မြောက်​ခါစ​ဖြစ်သော သူများ​ကို လူ့​ဗီဇစိတ်​၏​တပ်မက်မှုများ​နှင် ကိလေသာ​လွန်ကြူးခြင်း​တို့​ဖြင့် ဆွဲဆောင်ကြ​သောကြောင့်​ဖြစ်၏။

ယု​ဒ 1:16

ထို​သူတို့​သည် ညည်းညူတတ်သူ၊ အပြစ်တင်တတ်သူ၊ မိမိတို့​၏ တပ်မက်မှု​အတိုင်း ပြုမူတတ်သူ၊ ချဲ့ကား​ကြွားဝါ​ပြောတတ်သူ၊ ကိုယ်ကျိုး​အတွက် သူတစ်ပါး​ကို မြှောက်ပင့်တတ်သူတို့​ဖြစ်ကြ၏။