ယု​ဒ 1:21 - ခေတ်သစ်​မြန်မာ သမ္မာကျမ်း

²¹ ဘုရားသခင်​၏ ချစ်ခြင်းမေတ္တာ​ကို ဆက်လက်​ခံစား​၍ ထာဝရ​အသက်​ကို ရရှိစေမည့် ကျွန်ုပ်တို့​သခင်​ယေရှု​ခရစ်တော်​၏ ကရုဏာတော်​ကို စောင့်မျှော်ကြလော့။

Common Language Bible

²¹ ဘု​ရား​သ​ခင်​၏​မေတ္တာ​တော်​တွင်​ခို​လှုံ​ကြ လော့။ အ​ရှင်​သ​ခင်​ယေ​ရှု​ခ​ရစ်​သည်​မိ​မိ​၏ က​ရု​ဏာ​တော်​ကို​ထောက်​၍ သင်​တို့​အား ထာ​ဝ​ရ​အ​သက်​ကို​ပေး​တော်​မူ​မည့်​နေ့​ရက် ကို​စောင့်​မျှော်​၍​နေ​ကြ​လော့။

Garrad Bible

²¹ ထာ ဝ ရ အ သက် ကို ဝင် စား ရ သည့် တိုင် အောင် ငါ တို့ အ ရှင် ယေ ရှု ခ ရစ်၏ က ရု ဏာ တော် ကို စောင့် မျှော် လျက် ဘု ရား သ ခင်၏ မေ တ္တာ တော်၌ ကိုယ် ကို စောင့် ထိန်း ကြ လော့။

Judson Bible

²¹ ဘု​ရား​သ​ခင်​ကို ချစ်​ခြင်း​မေ​တ္တာ၌ ကိုယ်​ကို​ကိုယ်​စောင့်​ရှောက်၍ ထာ​ဝ​ရ​အ​သက်​အ​လို​ငှာ၊ ငါ​တို့​သ​ခင်​ယေ​ရှု​ခ​ရစ်၏ က​ရု​ဏာ​တော်​ကို မျှော်​လ​င့်၍ နေ​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ဘုရားသခင်​၏​မေတ္တာ​တော်​၌ မိမိကိုယ်ကို​စောင့်ထိန်း​၍ ထာဝရ​အသက်​သို့​ပို့ဆောင်​သည့် ငါ​တို့​သခင်​ယေရှု​ခရစ်တော်​၏​ကရုဏာ​တော်​ကို စောင့်မျှော်​ကြ​လော့။

ယု​ဒ 1:21 ပူးပေါင်းရင်းမြစ်များ

ရှင်ယောဟန် 1:17

အဘယ်ကြောင့်ဆိုသော် ဘုရားသခင်​သည် ပညတ်တရား​ကို မောရှေ​အားဖြင့် ပေးတော်မူ​သောကြောင့်​ဖြစ်၏။ သို့သော် ကျေးဇူးတရား​နှင့် သစ္စာတရား​ကို ယေရှု​ခရစ်တော်​အားဖြင့် ပေးတော်မူ၏။

ရှင်ယောဟန် 14:21

ငါ့​ပညတ်​ကို လိုက်နာသောသူ​သည် ငါ့​ကို ချစ်သောသူ​ဖြစ်၏။ ထို​သူ​သည် ငါ့​ကို ချစ်​သောကြောင့် ငါ့​ခမည်းတော်​သည် သူ့​ကို ချစ်​လိမ့်မည်။ ငါ​သည်လည်း သူ့​ကို ချစ်​၍ သူ့​ကို ကိုယ်ထင်​ပြတော်မူမည်” ဟု မိန့်တော်မူ၏။

တမန်တော်ဝတ္ထု 11:23

ဗာနဗ​ရောက်လာပြီး ဘုရားသခင်​၏​ကျေးဇူးတော်​ကို မြင်တွေ့ရ​သောအခါ ဝမ်းမြောက်​ပျော်ရွှင်​၍ ထို​သူတို့​အားလုံး​ကို ခိုင်မြဲသော​စိတ်နှလုံး​ဖြင့် ယေရှု​ခရစ်တော်​အား ဆက်လက်​ဆည်းကပ်​ရန် တိုက်တွန်းလေ၏။

ရော​မ 5:21

ဤသို့ဖြင့် အပြစ်တရား​သည် သေခြင်းတရား​အားဖြင့် အုပ်စိုးခဲ့​သကဲ့သို့ ကျွန်ုပ်တို့​၏​သခင် ယေရှု​ခရစ်တော်​အားဖြင့် ထာဝရ​အသက်​ကို ရရှိ​စေရန် ဘုရားသခင်​၏ ကျေးဇူးတော်​သည်လည်း ဖြောင့်မတ်ခြင်းတရား​အားဖြင့် အုပ်စိုးတော်မူ၏။

ရော​မ 5:5

ဤ​မျှော်လင့်ခြင်း​သည် ကျွန်ုပ်တို့​ကို စိတ်ပျက်စေမည်​မဟုတ်ပေ။ အဘယ်ကြောင့်ဆိုသော် ဘုရားသခင်​သည် ကျွန်ုပ်တို့​အား ပေးသနားတော်မူသော သန့်ရှင်းသော​ဝိညာဉ်တော်​အားဖြင့် ကျွန်ုပ်တို့​၏ စိတ်နှလုံး​ကို မိမိ​၏​မေတ္တာတော်​နှင့် ပြည့်စေတော်မူ​သောကြောင့်​ဖြစ်၏။

ရော​မ 6:23

အပြစ်​၏​အဖိုးအခ​သည် သေခြင်း​ဖြစ်၏။ ဘုရားသခင် အခမဲ့​ပေးတော်မူသော​ဆုကျေးဇူး​မှာ ကျွန်ုပ်တို့​၏​သခင် ယေရှု​ခရစ်တော်​အားဖြင့် ရရှိသော​ထာဝရ​အသက်​ဖြစ်၏။

၂ ကော 13:14

သခင်​ယေရှု​ခရစ်တော်​၏ ကျေးဇူးတော်၊ ဘုရားသခင်​၏ မေတ္တာတော်​နှင့် သန့်ရှင်းသော​ဝိညာဉ်တော်​၏ မိတ်သဟာယဖွဲ့ခြင်း​တို့​သည် သင်တို့​အားလုံး​နှင့်အတူ ရှိပါစေသော။ ကောရိန္သု​ဩဝါဒစာ​ဒုတိယစောင် ပြီးပါပြီ။

၂ သက် 3:5

ဘုရားသခင်​၏ ချစ်ခြင်းမေတ္တာ​ကို သင်တို့​နားလည်သဘောပေါက်​စေရန်​နှင့် ခရစ်တော်​ကဲ့သို့ သည်းခံတတ်​စေရန် သခင်ဘုရား​သည် သင်တို့​ကို လမ်းညွှန်တော်မူပါစေသော။

၁ တိ 1:2

သခင်ဘုရား​ကို ယုံကြည်​သောကြောင့် ကျွန်ုပ်​၏ သား​အရင်းအချာ​သဖွယ်​ဖြစ်သော တိမောသေ​ထံသို့ ဤ​စာ​ကို ပို့လိုက်၏။ ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်၊ ကရုဏာ​နှင့် ငြိမ်းချမ်းခြင်း​သည် သင့်​အပေါ် သက်ရောက်ပါစေသော။

၂ တိ 1:16

ဩနေသိဖော်​၏​မိသားစု​အပေါ် သခင်ဘုရား​၏ ကရုဏာတော်​သက်ရောက်ပါစေသော။ အဘယ်ကြောင့်ဆိုသော် သူ​သည် ကျွန်ုပ်​အကျဉ်းချ​ခံရသည်​ကိုပင် မရှက်မကြောက်​ဘဲ အမြဲ အားပေးနှစ်သိမ့်​သောကြောင့် ဖြစ်၏။

၂ တိ 1:18

ဧဖက်မြို့​၌ ကျွန်ုပ်​ရှိစဉ် သူ​သည် မည်မျှ​အကူအညီ​ပေးခဲ့သည်​ကို သင်​ကောင်းစွာ​သိ၏။ သခင်ဘုရား ပြန်ကြွလာတော်မူမည့် ထို​နေ့​၌ သခင်ဘုရား​သည် သူ့​အား ကရုဏာတော်​ခံစားရသော​အခွင့်​ကို ပေးသနားတော်မူပါစေသော။

၂ တိ 1:2

ဤ​စာ​သည် ချစ်သော​သား တိမောသေ​ထံသို့ ပို့လိုက်သော​စာ​ဖြစ်၏။ ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်၊ ကရုဏာ​နှင့် ငြိမ်းချမ်းခြင်း​သည် သင့်​အပေါ် သက်ရောက်ပါစေသော။

၂ တိ 4:8

ယခု​မှစ၍ ဖြောင့်မတ်ခြင်း​ဆုသရဖူ​သည် ကျွန်ုပ်​အတွက် အသင့်​ရှိနေ၏။ ဖြောင့်မတ်​စွာ တရားစီရင်သူ​ဖြစ်တော်မူသည့် သခင်ဘုရား ပြန်လည်ကြွလာမည့်​နေ့တွင် ထို​ဆုသရဖူ​ကို ကျွန်ုပ်​အား ပေးတော်မူ​လိမ့်မည်။ ကျွန်ုပ်​တစ်ဦးတည်း​သာမက ကိုယ်တော်​၏​ပြန်လည်ကြွလာခြင်း​ကို တောင့်တသူ​အားလုံး​တို့​အားလည်း ပေးတော်မူ​လိမ့်မည်။

ဟေ​ဗြဲ 9:28

ခရစ်တော်​သည် လူ​များစွာတို့​၏ အပြစ်များ​ကို ဖြေလွှတ်​ရန် မိမိ​ကိုယ်ကိုယ် တစ်ကြိမ်တည်း​သာ ပူဇော်တော်မူ၏။ ထို့နောက် အပြစ်များ​ကို ဖယ်ရှား​ရန် မဟုတ်ဘဲ ကိုယ်တော်​ကို စောင့်မျှော်နေ​သူတို့​အား ကယ်တင်​ရန် ဒုတိယ​အကြိမ်​ပေါ်ထွန်းတော်မူ​လိမ့်မည်။

၂ ပေ 3:12

ဘုရားသခင်​၏ နေ့ရက်​ကို စောင့်မျှော်​၍ ထို​နေ့ရက်​ကို အလျင်အမြန်​လာစေ​သင့်၏။ ထို​နေ့​၌ ကောင်းကင်​သည် မီးလောင်ကျွမ်း​၍ ပျက်ပြယ်သွား​လိမ့်မည်။ လောကဓာတ်တို့​သည်လည်း ပြင်းထန်သော အပူရှိန်​၌ အရည်ပျော်​သွား​လိမ့်မည်။

၁ ယော 4:16

ကျွန်ုပ်တို့​အပေါ် ဘုရားသခင်​မည်မျှ ချစ်တော်မူသည်​ကို ကျွန်ုပ်တို့​သိ​၍ ယုံကြည်သည်​နှင့်အညီ ထို​မေတ္တာ​အပေါ် မှီခို​အားထားကြ၏။ ဘုရားသခင်​သည် ချစ်ခြင်းမေတ္တာ​ဖြစ်တော်မူ​၍ ချစ်တတ်သောသူ​သည် ဘုရားသခင်​နှင့် တပေါင်းတစည်းတည်း​ဖြစ်၏။ ဘုရားသခင်​သည်လည်း ထို​သူ​နှင့် တပေါင်းတစည်းတည်း​ဖြစ်တော်မူ၏။

၁ ယော 5:18

ဘုရားသခင်​ထံမှ ဖြစ်ပွားလာသောသူ​သည် အပြစ်​မကျူးလွန်တတ်ကြောင်း ကျွန်ုပ်တို့​သိကြ၏။ ဘုရားသခင်​ထံမှ ဖြစ်ပွားလာသော​အရှင်​သည် ထို​သူ​ကို စောင့်ရှောက်တော်မူ​သဖြင့် မာရ်နတ်​သည် သူ့​ကို မထိခိုက်နိုင်။

၁ ယော 5:21

ချစ်သော​သားသမီးတို့… ရုပ်တုများ​ကို ရှောင်ကြဉ်ကြလော့။ ရှင်ယောဟန်​ဩဝါဒစာ​ပထမစောင် ပြီးပါပြီ။

ယု​ဒ 1:1

ယေရှု​ခရစ်တော်​၏​ကျွန်၊ ယာကုပ်​၏​ညီ ကျွန်ုပ်​ယုဒ​သည် ခမည်းတော်​ဘုရားသခင်​၏​ရွေးချယ်တော်မူခြင်း​နှင့် ချစ်ခြင်း​ကို ခံရ​၍ ယေရှု​ခရစ်တော်​၏ စောင့်ရှောက်ခြင်း​ခံရသော​သူတို့​ထံသို့ စာရေးလိုက်၏။

ယု​ဒ 1:22

ယုံကြည်ခြင်း​ယိမ်းယိုင်​လျက်​ရှိသောသူတို့​ကို သနားကြလော့။

ယု​ဒ 1:24

သင်တို့​အား အပြစ်နွံ​ထဲသို့ လဲကျခြင်း​မှ ကင်းဝေးစေနိုင်ပြီး အပြစ်​ကင်းစင်​လျက် ရွှင်လန်း​ဝမ်းမြောက်သော​စိတ်​နှင့် မိမိ​ဘုန်းအသရေတော်​ရှေ့သို့ ဝင်ရောက်စေနိုင်သည့်

ဗျာ​ဒိတ် 12:11

ညီအစ်ကို​မောင်နှမတို့​သည် ထို​သူ​ကို သိုးသငယ်​၏ အသွေးတော်​ဖြင့်​လည်းကောင်း၊ မိမိတို့​သက်သေခံ​ဟောပြောသော​နှုတ်ကပတ်တော်​ဖြင့်​လည်းကောင်း အောင်နိုင်ခဲ့ကြ၏။ သူတို့​သည် အသေ​ခံရမည်​ဆိုလျှင်​ပင် မိမိတို့​၏​အသက်​ကို မနှမြောကြ။