ယာ​ကုပ် 4:4 - ခေတ်သစ်​မြန်မာ သမ္မာကျမ်း

⁴ သစ္စာ​မရှိသော​သူတို့… လောက​နှင့်​မိတ်သဟာယဖွဲ့ခြင်း​သည် ဘုရားသခင်​နှင့် ရန်ဘက်​ပြုခြင်း​ဖြစ်ကြောင်း နားမလည်ကြသလော။ ထို့ကြောင့် လောက​နှင့် မိတ်ဆွေ​ဖြစ်လိုသောသူ​သည် ဘုရားသခင်​၏ ရန်သူ​ဖြစ်၏။

Common Language Bible

⁴ သင်​တို့​သည်​သစ္စာ​မဲ့​သူ​များ​ပါ​တ​ကား။ လော​က နှင့်​မိတ်​ဖွဲ့​သော​သူ​တို့​သည်​ဘု​ရား​သ​ခင်​အား ရန်​ဘက်​ပြု​သူ​များ​ဖြစ်​သည်​ကို သင်​တို့​မ​သိ နား​မ​လည်​ကြ​သ​လော။ လော​က​၏​မိတ်​ဆွေ ဖြစ်​လို​သူ​သည်​ဘု​ရား​သ​ခင်​၏​ရန်​သူ​ဖြစ်​၏။-

Garrad Bible

⁴ အ ချင်း မျောက် မ ထား သူ တို့၊ ဤ လော က နှင့် မိတ် ဖွဲ့ ခြင်း သည် ဘု ရား သ ခင် ကို ရန် ဘက် ပြု ခြင်း ဖြစ် ကြောင်း မ သိ ကြ လော။ သို့ ဖြစ်၍ မည် သူ မ ဆို ဤ လော က နှင့် မိတ် ဖြစ် လို လျှင် ဘု ရား သ ခင် ကို ရန် ဘက် ပြု သူ ဖြစ် လိမ့် မည်။

Judson Bible

⁴ မ​တ​ရား​သော​မေ​ထုန်၌​မှီ​ဝဲ​သော ယောက်ျား​မိန်း​မ​တို့၊ လော​ကီ​မိတ်​သ​ဟာ​ယ​သည် ဘု​ရား​သ​ခင်​နှင့် ဆန့်​ကျင်​ဘက်​ဖြစ်​သည်​ကို မ​သိ​ကြ​သ​လော။ ဤ​လော​က​နှင့် မိတ်​သ​ဟာ​ယ​ဖွဲ့​လို​သော​သူ​သည် ဘု​ရား​သ​ခင်၏ ရန်​သူ​ဖြစ်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ဖောက်ပြန်​သော​သူ​တို့၊ လောက​နှင့်​မိတ်ဖွဲ့​ခြင်း​သည် ဘုရားသခင်​ကို​ရန်ဘက်​ပြု​ခြင်း​ဖြစ်​ကြောင်း သင်​တို့​မ​သိ​ကြ​သလော။ ထို့ကြောင့် လောက​၏​မိတ်ဆွေ​ဖြစ်​လို​သော​သူ​သည် ဘုရားသခင်​၏​ရန်သူ​ဖြစ်​၏။

ယာ​ကုပ် 4:4 ပူးပေါင်းရင်းမြစ်များ

မဿဲ 12:39

သို့ရာတွင် ယေရှု​က “ဆိုးညစ်​၍ ဘုရားသခင်​ကို မယုံကြည်သော​မျိုးဆက်​သည် နိမိတ်​လက္ခဏာ​ကို တောင်းတတ်၏။ သို့သော် ငါ​သည် ပရောဖက်​ယောန​၏​နိမိတ်​လက္ခဏာ​မှလွဲ၍ မည်သည့်​နိမိတ်​လက္ခဏာ​ကိုမျှ ပြမည်​မဟုတ်။

မဿဲ 16:4

ဆိုးညစ်​၍ ဘုရားသခင်​ကို မယုံကြည်သော​မျိုးဆက်​သည် နိမိတ်​လက္ခဏာ​ကို တောင်းတတ်၏။ သို့သော် ငါ​သည် ပရောဖက်​ယောန​၏​နိမိတ်​လက္ခဏာ​မှလွဲ၍ မည်သည့်​နိမိတ်​လက္ခဏာ​ကိုမျှ ပြမည်​မဟုတ်” ဟု မိန့်တော်မူ၏။ ထို့နောက် ယေရှု​သည် သူတို့​ထံမှ ထွက်ခွာ​၍ ကြွတော်မူ၏။

မဿဲ 6:24

မည်သူ​မျှ သခင်​နှစ်ဦး​ကို အစေမခံနိုင်ပေ။ သခင်​တစ်ဦး​ကို မုန်း​၍ ကျန်​တစ်ဦး​ကို ချစ်မည်။ သို့မဟုတ် သခင်​တစ်ဦး​ကို ကြည်ညိုလေးစား​၍ ကျန်​တစ်ဦး​ကို မခန့်လေးစားပြုမည်။ သင်တို့​သည် ဘုရားသခင်​နှင့် ငွေ​အား တစ်ချိန်တည်း​တွင် အစေခံ​ရန် မဖြစ်နိုင်ပါ။

လုကာ 19:27

ထို့ပြင် ငါ​၏​အုပ်ချုပ်မှု​ကို မလိုလားသော​ရန်သူများ​ကို ဤ​နေရာ​သို့ ခေါ်လာ​၍ ငါ့​ရှေ့​တွင် သတ်ကြလော့’ ဟု ဆိုလေ၏” ဟူ၍ မိန့်တော်မူ၏။

ရှင်ယောဟန် 15:19

သင်တို့​သည် ဤ​လောကီ​နှင့် သက်ဆိုင်သူများ​ဖြစ်​ပါက လောကီသားတို့​သည် မိမိတို့​၏​မိသားစုဝင်များ​ကဲ့သို့ သင်တို့​ကို ချစ်ကြ​လိမ့်မည်။ သို့သော် သင်တို့​သည် ဤ​လောက​နှင့် မသက်ဆိုင်။ ငါ​သည် သင်တို့​ကို ဤ​လောက​မှ ရွေးချယ်ထား​သောကြောင့် လောကီသားတို့​သည် သင်တို့​ကို မုန်းကြ၏။

ရှင်ယောဟန် 17:14

အကျွန်ုပ်​သည် အဖ​၏​နှုတ်ကပတ်တော်​ကို သူတို့​အား ပေးအပ်ပါပြီ။ အကျွန်ုပ်​သည် လောက​နှင့် မသက်ဆိုင်​သကဲ့သို့ သူတို့​သည်လည်း လောက​နှင့် မသက်ဆိုင်ကြပါ။ ထို့ကြောင့် လောကီသားတို့​သည် သူတို့​ကို မုန်းကြ၏။

ရှင်ယောဟန် 7:7

လောကီသားတို့​သည် သင်တို့​ကို မုန်းစရာ​အကြောင်း မရှိကြ။ ငါ့​ကိုမူ မုန်းကြ၏။ အဘယ်ကြောင့်ဆိုသော် ငါ​သည် သူတို့​၏ အကျင့်ဆိုးများ​ကို ဖော်ထုတ်ပြောဆို​သောကြောင့်​ဖြစ်၏။

ရော​မ 5:10

ဘုရားသခင်​၏ ရန်သူ​ဖြစ်​စဉ်​ကပင် ဘုရားသခင်​၏ သားတော်​အသေခံတော်မူခြင်း​အားဖြင့် ဘုရားသခင်​နှင့် ပြန်လည်​သင့်မြတ်ခွင့်​ကို ကျွန်ုပ်တို့​ရရှိ​လျှင် ပြန်လည်​သင့်မြတ်ခွင့်​ကို ရရှိပြီးသော ကျွန်ုပ်တို့​သည် သားတော်​အသက်ရှင်ခြင်း​အားဖြင့် ပို၍​ပင် ကယ်တင်ခြင်း​ခံရ​လိမ့်မည်။

ရော​မ 8:7

လူ့​ဗီဇစိတ်​နှင့်ဆိုင်သော အရာတို့​ကို စွဲလမ်းသောသူ​သည် ဘုရားသခင်​ကို အစဉ် ဆန့်ကျင်၏။ ထိုသို့ စွဲလမ်းသောသူ​သည် ဘုရားသခင်​၏ ပညတ်တရား​ကို မလိုက်နာ။ လိုက်နာ​နိုင်စွမ်း​လည်း မရှိ။

၁ ကော 1:20

ထို့ကြောင့် ပညာရှင်​သည် အဘယ်မှာနည်း။ ကျမ်းတတ်ဆရာ​သည် အဘယ်မှာနည်း။ ဤ​လောက​၏ ဝေဖန်ရေး​ဆရာ​သည် အဘယ်မှာနည်း။ ဘုရားသခင်​သည် လောကီ​ပညာ​ကို မိုက်မဲစေတော်မူပြီ​မဟုတ်လော။

၁ ကော 1:21

လူ​၏ ဉာဏ်ပညာ​အားဖြင့် ဘုရားသခင်​ကို မသိနိုင်​စေရန် ဘုရားသခင်​သည် ဉာဏ်တော်​ဖြင့် စီမံ​ခန့်ခွဲ​ထားတော်မူ၏။ ထို့ကြောင့် မိုက်မဲသော​တရား​ဟု လူတို့​ယူဆသည့် ကျွန်ုပ်တို့​ဟောသော​တရား​အားဖြင့် ဘုရားသခင်​သည် ယုံကြည်သော​သူတို့​ကို ကယ်တင်​ရန် အလိုရှိတော်မူ၏။

ဂ​လာ​တိ 1:10

ကျွန်ုပ်​သည် လူတို့​၏ မျက်နှာသာ​ပေးခြင်း​ကို ရ​ရန် ကြိုးစားနေသလော။ ဘုရားသခင်​၏ မျက်နှာသာ​ပေးခြင်း​ကို ရ​ရန် ကြိုးစားနေသလော။ လူတို့ နှစ်သက်​သဘောကျ​စေရန် ကြိုးစားနေသလော။ လူတို့ နှစ်သက်​သဘောကျ​စေရန် ကြိုးစား​နေသေး​လျှင် ကျွန်ုပ်​သည် ခရစ်တော်​၏ အစေအပါး​တစ်ယောက် မဟုတ်ပေ။

ယာ​ကုပ် 1:27

ခမည်းတော်​ဘုရားသခင်​ရှေ့တော်​၌ သန့်ရှင်း​စင်ကြယ်သော​ဘာသာတရား​ကိုင်းရှိုင်းခြင်း​မှာ ဆင်းရဲဒုက္ခ​ကြုံနေသည့် မိဘမဲ့​နှင့် မုဆိုးမတို့​ကို ကြည့်ရှု​ပြုစုခြင်း၊ မိမိ​ကိုယ်တိုင်​ကိုလည်း လောကီ​ညစ်ညူးခြင်းတို့​မှ ကင်းစင်စေခြင်း​ဖြစ်၏။