ယာ​ကုပ် 1:5 - ခေတ်သစ်​မြန်မာ သမ္မာကျမ်း

⁵ သင်တို့​တွင် တစ်စုံတစ်ယောက်​သည် ဉာဏ်ပညာ​ကို လိုအပ်​လျှင် ဘုရားသခင်​ထံ တောင်းစေ။ ကဲ့ရဲ့​ပြစ်တင်တော်မမူဘဲ ရက်ရော​စွာ ပေးတော်မူသော ဘုရားသခင်​သည် ထို​သူ​အား ဉာဏ်ပညာ​ကို ပေးတော်မူ​လိမ့်မည်။

Common Language Bible

⁵ သင်​တို့​အ​နက်​တစ်​စုံ​တစ်​ယောက်​သည်​ဉာဏ် ပ​ညာ​ချို့​တဲ့​ပါ​လျှင် ဘု​ရား​သ​ခင်​ထံ​တောင်း လျှောက်​စေ။ ဘု​ရား​သ​ခင်​သည်​သူ့​အား​ဉာဏ် ပ​ညာ​ကို​ပေး​သ​နား​တော်​မူ​လိမ့်​မည်။ အ​ဘယ် ကြောင့်​ဆို​သော်​ကိုယ်​တော်​သည်​လူ​ခပ်​သိမ်း​တို့ အား​ရက်​ရော​စွာ​ကျေး​ဇူး​ပြု​တော်​မူ​တတ် သော​ကြောင့်​ဖြစ်​၏။-

Garrad Bible

⁵ သင် တို့ အ နက် တစ် ယောက် ယောက် ၌ ဉာဏ် ပ ညာ ယုတ် လျော့ လျှင် အ ပြစ် မ တင် ဘဲ သူ ခပ် သိမ်း တို့ အား ကြွယ် ဝ စွာ သ နား တော် မူ သော ဘု ရား သ ခင့် ထံ တောင်း လျှောက် စေ။ သ နား တော် မူ လိမ့် မည်။

Judson Bible

⁵ သင်​တို့​တွင် တစ်​စုံ​တစ်​ယောက်​သော​သူ​သည် ပ​ညာ​ကို​လို​လျှင်၊ ကဲ့​ရဲ့​ပြစ်​တင်​ခြင်း​ကို ပြု​တော်​မ​မူ​ဘဲ၊ ခပ်​သိမ်း​သော သူ​တို့​အား စေ​တ​နာ​စိတ်​နှင့် ပေး​သ​နား​တော်​မူ​သော ဘု​ရား​သ​ခင်​ကို တောင်း​စေ၊ တောင်း​လျှင် ရ​လိမ့်​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ သင်​တို့​ထဲတွင် ဉာဏ်ပညာ​လိုအပ်​သော​သူ​ရှိ​လျှင် ကဲ့ရဲ့​ပြစ်တင်​ခြင်း​ကို​ပြု​တော်​မ​မူ​ဘဲ ခပ်သိမ်း​သော​သူ​တို့​အား ရက်ရော​စွာ​ပေး​တော်မူ​သော​ဘုရားသခင်​ထံ တောင်းလျှောက်​စေ။ တောင်း​လျှင်​ရ​လိမ့်မည်။

ယာ​ကုပ် 1:5 ပူးပေါင်းရင်းမြစ်များ

မဿဲ 11:20

ထို့နောက် မိမိ​အံ့ဖွယ်တန်ခိုး​များစွာ​ပြတော်မူခဲ့သည့် မြို့များ​သည် နောင်တမရ​သောကြောင့် ယေရှု​သည် ထို​မြို့တို့​ကို ပြစ်တင်​ရှုတ်ချတော်မူ၏။

ရှင်မာကု 16:14

ထို့နောက် တပည့်တော်​ဆယ့်တစ်ပါးတို့​သည် အစာ​သုံးဆောင်နေကြ​စဉ် ယေရှု​သည် သူတို့​အား ကိုယ်ထင်ပြတော်မူ၏။ သေခြင်း​မှ ရှင်ပြန်​ထမြောက်တော်မူ​ပြီးနောက် မိမိ​အား ကိုယ်တိုင်​တွေ့မြင်ကြသော သူတို့​၏​စကား​ကို မယုံဘဲ ခေါင်းမာ​လျက် ငြင်းပယ်ကြသော ထို​တပည့်တော်​ဆယ့်တစ်ပါးတို့​ကို ယေရှု​သည် ပြစ်တင်​ဆုံးမတော်မူ၏။

ရှင်ယောဟန် 14:13

ခမည်းတော်​သည် သားတော်​အားဖြင့် ဘုန်းကြီးတော်မူ​စေရန် ငါ​၏​အမည်​နာမ​ကို အမှီပြု​၍ သင်တို့​တောင်းလျှောက်​လျှင် တောင်းလျှောက်​သမျှ​ကို ငါ​ပေးမည်။

ရှင်ယောဟန် 15:7

သို့သော် သင်တို့​သည် ငါ​၌ တည်​၍ ငါ့​စကားတို့​သည် သင်တို့​၌ တည်​လျှင် သင်တို့​တောင်းလျှောက်​သမျှသော အရာတို့​ကို ရရှိကြ​လိမ့်မည်။

ရှင်ယောဟန် 4:10

ယေရှု​က “သင့်​အတွက် ဘုရားသခင်​ပေးတော်မူမည့် လက်ဆောင်​ကို​လည်းကောင်း၊ သင့်​ထံမှ သောက်ရေ​ကို တောင်းသောသူ​သည် မည်သူ​ဖြစ်ကြောင်း​ကို​လည်းကောင်း သင်​သိ​ပါက သင်​သည် ငါ့​ထံမှ ရေ​ကို တောင်း​လိမ့်မည်။ ငါ​သည်လည်း အသက်ရေ​ကို သင့်​အား ပေး​လိမ့်မည်” ဟု ဖြေတော်မူ၏။

၂ ကော 2:16

ကျွန်ုပ်တို့​သည် ဖျက်ဆီးခြင်း​ခံရသောသူတို့​အတွက် သေစေတတ်သော သေခြင်းတရား​၏​ရနံ့​ဖြစ်ပြီး ကယ်တင်ခြင်း​ခံရသော​သူများ​အတွက်​မှာမူ အသက်​ရှင်စေတတ်သော အသက်ရှင်ခြင်း​၏​ရနံ့​ဖြစ်ကြ၏။ သို့ဖြစ်၍ ဤ​ကဲ့သို့သော တာဝန်​ကို မည်သူ​ထမ်းဆောင်​နိုင်မည်နည်း။

ယာ​ကုပ် 1:17

ကောင်းမြတ်သော​ဆုကျေးဇူး​နှင့် ပြီးပြည့်စုံသော​လက်ဆောင်များ အားလုံး​သည် ကောင်းကင်​အလင်များ​ကို ဖန်ဆင်းသော အဖ​ဘုရားသခင်​ထံမှ ရောက်လာသည်​ဖြစ်၍ အထက်​အရပ်​မှ ဖြစ်ကြ၏။ ကိုယ်တော်​သည် ရွေ့လျားတတ်သော​အရိပ်များ​ကဲ့သို့ ပြောင်းလဲတော်မမူ။

ယာ​ကုပ် 3:17

ကောင်းကင်ဘုံ​မှ ဆင်းသက်လာသော ဉာဏ်ပညာ​သည် ပထမ​ဦးစွာ စင်ကြယ်၏။ ငြိမ်းချမ်းမှု​ကို မြတ်နိုး၏။ ထောက်ထား​ညှာတာတတ်၏။ သဟဇာတ​ဖြစ်တတ်၏။ ကရုဏာတရား​နှင့် ကောင်းကျိုးတို့​ဖြင့် ပြည့်စုံ၏။ မျက်နှာ​မလိုက်တတ်။ ဟန်ဆောင်မှု​ကင်း၏။

ယာ​ကုပ် 5:16

ထို့ကြောင့် သင်တို့​သည် ကျန်းမာခွင့်​ရ​ရန် မိမိတို့​၏​အပြစ်များ​ကို အချင်းချင်း ဖွင့်ဟ​ဝန်ခံ​လျက် အချင်းချင်း​အတွက် ဆုတောင်းပေးကြလော့။ ဖြောင့်မတ်သောသူ​၏​ဆုတောင်းခြင်း​သည် အလွန်​တန်ခိုးကြီး​၍ ထိရောက်၏။

၁ ယော 3:22

ကျွန်ုပ်တို့​သည် ကိုယ်တော်​၏ ပညတ်တော်တို့​ကို လိုက်နာ​၍ ကိုယ်တော်​နှစ်သက်တော်မူသော​အရာ​ကို လုပ်ဆောင်ကြ​သောကြောင့် ကိုယ်တော်​ထံ တောင်းလျှောက်​သမျှ​ကိုလည်း ရရှိကြ​လိမ့်မည်။