မဿဲ 6:1 - ခေတ်သစ်​မြန်မာ သမ္မာကျမ်း

¹ သင်တို့​၏ ကောင်းသော​အကျင့်​ကို လူ​မြင်သာ​အောင် အများ​ရှေ့​တွင် မကျင့်မိ​ရန် သတိပြုကြလော့။ လူ​မြင်သာ​အောင် ပြု​လျှင် ကောင်းကင်ဘုံ​၌​ရှိတော်မူသော သင်တို့​အဖ​ထံမှ ဆုလာဘ်​ကို ရရှိမည်​မဟုတ်။

Common Language Bible

¹ ``သင်​တို့​သည်​အ​များ​မြင်​သာ​အောင်​လူ​မြင်​ကွင်း တွင် အ​လှူ​ဒါ​န​မ​ပြု​မိ​စေ​ရန်​သ​တိ​ပြု​ကြ​လော့။ သို့​မ​ဟုတ်​ပါ​မူ​ကောင်း​ကင်​ဘုံ​၌​ရှိ​တော်​မူ​သော သင်​တို့​၏​အ​ဖ​သည် သင်​တို့​အား​မည်​သည့်​ကောင်း ချီး​ကို​မျှ​ပေး​သ​နား​တော်​မူ​လိမ့်​မည်​မ​ဟုတ်။

Garrad Bible

¹ ကိုယ့် ကောင်း မှု ကို ထင် ရှား လို သည့် အ ကြံ နှင့် လူ တို့ ရှေ့ မ ပြု မိ စေ ရန် သ တိ မူ ကြ လော့။ ပြု မိ လျှင် ကောင်း ကင် ဘုံ စံ သင် တို့ အ ဘ ထံ မှ အ ကျိုး ဆက် မ ခံ ရ။

Judson Bible

¹ လူ​များ​တို့ မြင်​စေ​ခြင်း​ငှာ ကိုယ်​သီ​လ​အ​ကျင့်​ကို သူ့​ရှေ့​မှောက်၌ မ​ကျင့်​မည်​အ​ကြောင်း သ​တိ​ပြု​ကြ​လော့။ သို့​မ​ဟုတ် ကောင်း​ကင်​ဘုံ၌ ရှိ​တော်​မူ​သော သင်​တို့​အ​ဘ​ထံ​မှ အ​ကျိုး​ကို​မ​ခံ​မ​ရ​ကြ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹ သင်​တို့​၏​ဖြောင့်မတ်​သော​အမှု​ကို လူ​တို့​မြင်​စေရန် လူ​တို့​ရှေ့၌​မ​ပြု​ကြ​မည့်​အကြောင်း သတိထား​ကြ​လော့။ သို့မဟုတ်​လျှင် ကောင်းကင်​ဘုံ​၌​ရှိ​တော်မူ​သော​သင်​တို့​အဖ​ထံမှ အကျိုးကျေးဇူး​ကို သင်​တို့​ရ​ကြ​လိမ့်မည်​မ​ဟုတ်။

မြန်မာ

¹ လူ​များ​တို့ မြင်​စေ​ခြင်း​ငှာ ကိုယ်​သီ​လ​အ​ကျင့်​ကို သူ့​ရှေ့​မှောက်၌ မ​ကျင့်​မည်​အ​ကြောင်း သ​တိ​ပြု​ကြ​လော့။ သို့​မ​ဟုတ် ကောင်း​ကင်​ဘုံ၌ ရှိ​တော်​မူ​သော သင်​တို့​အ​ဘ​ထံ​မှ အ​ကျိုး​ကို​မ​ခံ​မ​ရ​ကြ။-

မဿဲ 6:1 ပူးပေါင်းရင်းမြစ်များ

မဿဲ 16:27

လူသား​သည် ခမည်းတော်​၏ ဘုန်းတော်​ကို​ဆောင်​၍ ကောင်းကင်တမန်များ ခြံရံ​လျက် ကြွလာ​လိမ့်မည်။ လူ​အပေါင်းတို့​အား သူတို့​ပြုခဲ့သည့်​အကျင့်​အတိုင်း ဆပ်ပေးတော်မူ​လိမ့်မည်။

မဿဲ 16:6

ယေရှု​က “ဖာရိရှဲ​နှင့် ဇဒ္ဒုကဲတို့​၏ တဆေး​ကို အထူး သတိပြုကြလော့” ဟု မိန့်တော်မူ၏။

မဿဲ 23:13

သူတော်ကောင်း​ယောင်ဆောင်သော ကျမ်းတတ်ဆရာများ​နှင့် ဖာရိရှဲတို့… သင်တို့​သည် အမင်္ဂလာ​ရှိကြ၏။ အဘယ်ကြောင့်ဆိုသော် သင်တို့​သည် ကောင်းကင်​နိုင်ငံတော်​၏​တံခါး​ကို လူတို့​ရှေ့​မှ ပိတ်ထား​၍ သင်တို့​ကိုယ်တိုင်​လည်း​မဝင်၊ ဝင်လိုသည့်​သူများ​ကိုလည်း ဝင်ခွင့်​မပေးဘဲ နေကြ​သောကြောင့်​ဖြစ်၏။

မဿဲ 23:5

သူတို့​လုပ်ဆောင်သမျှ​သည် လူ​မြင်သာ​စေရန်​သာ ဖြစ်၏။ သူတို့​၏​လက်မောင်းများ​ပေါ်တွင် ကျမ်းစာပိုဒ်များ​ပါရှိသည့် အဆောင်​ကို အပြားကြီး​ပြုလုပ်​၍ ပတ်ထားတတ်ကြ၏။ ရှည်လျားသည့် အမြိတ်​ပါသော​ဝတ်ရုံတို့​ကို​လည်း ဝတ်ဆင်တတ်ကြ၏။

မဿဲ 25:40

ရှင်ဘုရင်​ကလည်း ‘သင်တို့​အား ငါ​အမှန်​ဆို၏။ ငါ​၏ ညီအစ်ကို​မောင်နှမများ​ထဲမှ အသေးနုပ်ဆုံးသော​သူ​အား သင်တို့​ပြုစုကြသမျှ​သည် ငါ့​အား ပြုစုခြင်းပင်​ဖြစ်သည်’ ဟု ပြန်​၍ မိန့်တော်မူ​လိမ့်မည်။

မဿဲ 5:16

ထိုနည်းတူ​ပင် ကောင်းမှုများ​ပြုခြင်း​ဖြင့် သင်တို့​၏ အလင်း​ကို သူတစ်ပါး​ရှေ့​၌ ထွန်းလင်းစေကြလော့။ လူတို့​သည် သင်တို့​၏ ကောင်းသော​အကျင့်​ကို မြင်​၍ ကောင်းကင်ဘုံ​၌ ရှိတော်မူသော သင်တို့​အဖ​၏​ဘုန်းတော်​ကို ချီးမွမ်းကြ​လိမ့်မည်။

မဿဲ 5:46

သင်တို့​အား ချစ်သော​သူတို့​ကို​သာ သင်တို့​ပြန်​၍ ချစ်​လျှင် ဘုရားသခင်​ထံမှ မည်သည့်​အကျိုးကျေးဇူး​ကို ရထိုက်မည်နည်း။ အကျင့်ပျက်သော​အခွန်ကောက်သူများ​ပင် ထိုသို့​ပြုကြသည် မဟုတ်လော။

မဿဲ 5:48

ထို့ကြောင့် ကောင်းကင်ဘုံရှင် သင်တို့​၏​အဖ​သည် ပြီးပြည့်စုံတော်မူ​သကဲ့သို့ သင်တို့​သည်လည်း ပြီးပြည့်စုံသော​သူများ ဖြစ်ကြလော့။

မဿဲ 6:16

သင်တို့​သည် အစာရှောင်​သောအခါ သူတော်ကောင်း​ယောင်ဆောင်သူတို့​ကဲ့သို့ မျက်နှာ​မညှိုးငယ်စေနှင့်။ ထို​သူတို့​သည် မိမိတို့​အစာရှောင်နေကြောင်း လူ​အများ​သိမြင်​စေရန် မျက်နှာသွင်ပြင်​ကို မကြည်မသာ​ဖြစ်စေကြ၏။ သင်တို့​အား ငါ​အမှန်​ဆို၏။ ထို​သူတို့​သည် မိမိတို့ ခံစားရမည့် အကျိုး​အားလုံး​ကို ရရှိကြပြီ။

မဿဲ 6:9

ထို့ကြောင့် ဤသို့ ဆုတောင်းကြလော့။ ကောင်းကင်ဘုံ​၌ ရှိတော်မူသော အကျွန်ုပ်တို့​၏ အဖ… ကိုယ်တော်​၏​အမည်​နာမတော်​အား ရိုသေလေးမြတ်​ကြပါစေသော။

ရှင်မာကု 8:15

ကိုယ်တော်​က “ဖာရိရှဲတို့​၏ တဆေး​နှင့် ဟေရုဒ်မင်း​၏ တဆေး​ကို​သတိထားကြလော့” ဟု သတိပေးတော်မူ၏။

လုကာ 11:35

ထို့ကြောင့် သင်တို့​၌​ရှိသော​အလင်း​သည် အမှောင်​မဖြစ်​စေရန် သတိပြုကြလော့။

လုကာ 12:1

ထို​အချိန်​အတွင်း ထောင်ပေါင်း​များစွာသော​လူတို့​သည် စုဝေးလာကြ​၍ တစ်ဦး​အပေါ်​တစ်ဦး​ပင် နင်းမိကြ၏။ ယေရှု​သည် ဦးစွာ တပည့်တော်တို့​အား “သူတော်ကောင်း​ယောင်ဆောင်ခြင်း​ဟူသော​ဖာရိရှဲတို့​၏​တဆေး​ကို သတိပြုကြလော့။

လုကာ 12:15

ထို့နောက် သူတို့​အား “သတိပြုလော့။ အမျိုးမျိုးသော လောဘ​တို့​ကို သတိ​နှင့် ရှောင်ကြဉ်ကြလော့။ လူတစ်ဦး​၏​အသက်​သည် စည်းစိမ်​ကြွယ်ဝချမ်းသာမှု​ပေါ်တွင် မူတည်သည်​မဟုတ်” ဟု မိန့်တော်မူ၏။

လုကာ 16:15

ထိုအခါ ယေရှု​က “သင်တို့​သည် လူ​ရှေ့​၌ သူတော်ကောင်း​ကဲ့သို့ ပြောဆိုတတ်ကြ၏။ သို့ရာတွင် ဘုရားသခင်​သည် သင်တို့​၏​အတွင်းစိတ်​ကို သိမြင်တော်မူ၏။ လူ​အများ တန်ဖိုးထား​သော အရာများ​သည် ဘုရားသခင်​၏​ရှေ့တော်​၌ စက်ဆုပ်​ရွံရှာဖွယ်​ဖြစ်၏။

ရှင်ယောဟန် 12:43

အဘယ်ကြောင့်ဆိုသော် သူတို့​သည် ဘုရားသခင်​၏​ဂုဏ်ပြုချီးမွမ်းခြင်း​ထက် လူတို့​၏ ဂုဏ်ပြုချီးမွမ်းခြင်း​ကို ပို​၍ နှစ်သက်ကြ​သောကြောင့် ဖြစ်၏။

ရှင်ယောဟန် 5:44

သင်တို့​သည် အချင်းချင်း​ဂုဏ်ပြုချီးမြှောက်ကြပြီး တစ်ဆူတည်းသော ဘုရားသခင်​၏ ဂုဏ်ပြုချီးမြှောက်ခြင်း​ကိုမူ အလိုမရှိကြ။ ထို့ကြောင့် သင်တို့​သည် ငါ့​ကို မယုံကြည်ဘဲ​နေသည်​မှာ အံ့ဩစရာ​မရှိ။

တမန်တော်ဝတ္ထု 3:12

ပေတရု​သည် ထို​အရာ​ကို မြင်​သောအခါ သူတို့​အား “အို အစ္စရေးလူမျိုးတို့… သင်တို့​သည် အဘယ်ကြောင့် ဤ​အဖြစ်အပျက်​ကို အံ့သြကြသနည်း။ ငါတို့​သည် ကိုယ့်​တန်ခိုး၊ ကိုယ့်​အကျင့်သီလ​ဖြင့် ဤ​သူ​အား​လမ်းလျှောက်​စေနိုင်သည့်​အလား အဘယ်ကြောင့် ငါတို့​အား ငေးမောကြည့်ကြသနည်း။

ဂ​လာ​တိ 6:12

သင်တို့​အား အရေပြားလှီးခြင်း​မင်္ဂလာ​ခံယူ​ရန် အတင်းအကျပ် စေခိုင်း​လျက်​ရှိသော​သူတို့​သည် အပြင်ပန်း​တင့်တယ်​လိုကြ၏။ ထိုသို့ စေခိုင်းသည်​မှာ ခရစ်တော်​၏ လက်ဝါးကပ်တိုင်​တရား​ကသာ ကယ်တင်နိုင်သည်​ဟူ၍ ဟောပြောခြင်း​အတွက် ခံရမည့် ညှဉ်းပန်းနှိပ်စက်ခြင်း​ကို မလိုလား​သောကြောင့် ဖြစ်၏။

ဟေ​ဗြဲ 11:26

သူ​သည် အနာဂတ်​တွင် ရမည့် ဆုလာဘ်​ကို မျှော်ကိုး​သောကြောင့် အီဂျစ်ပြည်​၏ စည်းစိမ်​ထက် ခရစ်တော်​အတွက် ဆင်းရဲဒုက္ခ​ခံခြင်း​သည် ပို၍ မြတ်သည်​ဟု မှတ်ယူလေ၏။

ဟေ​ဗြဲ 2:1

ထို့ကြောင့် ကျွန်ုပ်တို့​သည် လမ်းမှား​မရောက်​ရန် ကြားနာရသည့်​တရား​ကို စွဲမြဲ​စွာ ဆုပ်ကိုင်ထား​ကြရမည်။

ဟေ​ဗြဲ 6:10

အဘယ်ကြောင့်ဆိုသော် ဘုရားသခင်​သည် မဖြောင့်မတ်သော​အရှင် မဟုတ်။ ဘုရားသခင်​သည် သင်တို့​ပြုသော​အမှု​ကို​လည်းကောင်း၊ ယုံကြည်သူတို့​ကို ယခင်​က အစေခံ​သကဲ့သို့ ယခု​ဆက်လက် အစေခံရာ​တွင် ထားသော​သင်တို့​၏ ချစ်ခြင်းမေတ္တာ​ကို​လည်းကောင်း အသိအမှတ်​မပြုဘဲ နေတော်မူမည်​မဟုတ်။

၂ ယော 1:8

ထို့ကြောင့် ကျွန်ုပ်တို့​လုပ်ဆောင်ခဲ့သည့်​အရာများ​ကို မဆုံးရှုံးစေဘဲ အကျိုးကျေးဇူး​ကို သင်တို့​အပြည့်အဝ​ခံစား​ရ​စေရန် သတိပြုလော့။