မဿဲ 27:2 - ခေတ်သစ်​မြန်မာ သမ္မာကျမ်း

² ထိုသို့ ဆွေးနွေးပြီး​သောအခါ ယေရှု​ကို ချည်နှောင်​ကာ ရောမ​ဘုရင်ခံ ပိလတ်မင်း​ထံသို့ ပို့ဆောင်​၍ အပ်လိုက်ကြ၏။

Common Language Bible

² ထို​နောက်​ကိုယ်​တော်​ကို​ချည်​နှောင်​၍​ရော​မ​ဘု​ရင်​ခံ ပိ​လတ်​မင်း​ထံ​ပို့​ဆောင်​၍​အပ်​လိုက်​ကြ​၏။

Garrad Bible

² ချည် နှောင် ယူ သွား၍ ဘု ရင် ခံ ပိ လတ် မင်း ထံ ပို့ အပ် ကြ၏။

Judson Bible

² ကိုယ်​တော်​ကို ချည်​နှောင်​ပြီး​လျှင် မြို့​ဝန်​မင်း ပု​န္တိ​ပိ​လတ်​ထံ​သို့ ဆောင်​သွား၍ အပ်​လိုက်​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို့နောက် ကိုယ်တော်​ကို​ချည်နှောင်​လျက် ခေါ်ဆောင်​သွား​ကာ ဘုရင်ခံ​ပိလတ်​မင်း​ထံ အပ်နှံ​ကြ​၏။

မြန်မာ

² ကိုယ်​တော်​ကို ချည်​နှောင်​ပြီး​လျှင် မြို့​ဝန်​မင်း ပု​န္တိ​ပိ​လတ်​ထံ​သို့ ဆောင်​သွား၍ အပ်​လိုက်​ကြ၏။-

မဿဲ 27:2 ပူးပေါင်းရင်းမြစ်များ

မဿဲ 20:19

လူသား​ကို လူမျိုးခြားတို့​၏​လက်​သို့ အပ်နှံ​၍ ပြက်ရယ်ပြုခြင်း၊ ရိုက်နှက်ခြင်း၊ လက်ဝါးကပ်တိုင်​တွင် သတ်ခြင်း စသည်တို့​ကို​ပြု​စေ​လိမ့်မည်။ သို့သော် သုံးရက်မြောက်သော​နေ့​တွင် သူ​သည် သေခြင်း​မှ ထမြောက်​လိမ့်မည်” ဟု မိန့်တော်မူ၏။

မဿဲ 28:14

ဘုရင်ခံ​က ဤ​အကြောင်း​ကို ကြားသိ​လျှင်လည်း သင်တို့​ဒုက္ခမရောက်​စေရန် သင်တို့​ဘက်​၌ ငါတို့ ရပ်တည်ပေးမည်” ဟု စေခိုင်းကြ၏။

လုကာ 13:1

ထို​အချိန်​၌​ပင် လူ​တချို့​သည် ယေရှု​ထံတော်သို့ လာ​၍ ပိလတ်မင်း​သည် ဂါလိလဲပြည်သား​တချို့​ကို သတ်​၍ ထို​သူတို့​၏​သွေး​ကို သူတို့​ပူဇော်​သော​ယဇ်များ​နှင့် ရောနှောကြောင်း ပြောပြကြ၏။

လုကာ 20:20

ထို့ကြောင့် သူတို့​သည် ယေရှု​ကို အထူး​စောင့်ကြည့်​လျက် နေကြ၏။ စကားတော်​ထဲမှ​လည်း အပြစ်​ရှာ​၍ အစိုးရ​အာဏာပိုင်​လက်​သို့ အပ်​နိုင်ရန် သူတော်ကောင်း​ယောင်ဆောင်ထားသော သူလျှိုများ​ကို စေလွှတ်ထားကြ၏။

လုကာ 23:1

ထို့နောက် တရားလွှတ်တော်​တစ်ဖွဲ့လုံး​သည် ယေရှု​ကို ရောမ​ဘုရင်ခံ​ပိလတ်မင်း​ထံသို့ ခေါ်ဆောင်သွားကြ၏။

လုကာ 23:12

ဟေရုဒ်​နှင့် ပိလတ်မင်း​တို့​သည် ယခင်​က ရန်သူများ​ဖြစ်ကြ​သော်လည်း ထို​နေ့​တွင် မိတ်ဆွေ​ဖြစ်သွားကြ၏။

လုကာ 3:1

ရောမဘုရင် တိဗေရိ​ဆီဇာ နန်းစံနှစ် ဆယ့်​ငါးနှစ်​တွင် ပုန္တိပိလတ်မင်း​သည် ယုဒပြည်​၏​ဘုရင်ခံ ဖြစ်၏။ ဂါလိလဲပြည်​တွင် ဟေရုဒ်၊ ဣကုရဲပြည်​နှင့် တရားခေါနိတ်ပြည်​တွင် ဟေရုဒ်​၏​ညီ ဖိလိပ္ပု၊ အဘိလင်ပြည်​တွင် လုသာနိ စသဖြင့်​အသီးသီး​အုပ်ချုပ်​လျက်​ရှိ၏။

ရှင်ယောဟန် 18:12

ထိုအခါ တပ်မှူး၊ ရောမ​စစ်သားများ​နှင့် ဂျူး​လူမျိုး​ဗိမာန်တော်​အစောင့်တို့​သည် ယေရှု​ကို ဖမ်းဆီး​ချည်နှောင်​ကာ

ရှင်ယောဟန် 18:24

ထို့နောက် အန္နတ်မင်း​သည် ယေရှု​ကို ချည်နှောင်​လျက် ယဇ်ပုရောဟိတ်မင်း ကယာဖ​ထံသို့ ပို့လိုက်၏။

ရှင်ယောဟန် 18:28

ထို့နောက် နံနက်​စောစော​အချိန်​တွင် လူတို့​သည် ယေရှု​ကို ကယာဖ​ထံမှ ဘုရင်ခံ​ပိလတ်မင်း​၏ ရုံးတော်​သို့ ခေါ်ဆောင်သွားကြ၏။ ထို​သူတို့​သည် ပသခါပွဲတော်​ညစာ​ကို စား​နိုင်ရန်​အတွက် ညစ်ညူးခြင်း​မှ ရှောင်​လို​သဖြင့် ရုံးတော်​ထဲသို့ မဝင်ဘဲ​နေကြ၏။

တမန်တော်ဝတ္ထု 12:6

ဟေရုဒ်မင်း​သည် ပေတရု​ကို အပြင်​ထုတ်မည့်​နေ့​မတိုင်မီ ည​တွင် ပေတရု​သည် သံကြိုး​နှစ်ချောင်း​ဖြင့် ချည်နှောင်​ခံထားရ​ပြီး စစ်သား​နှစ်ဦး​အလယ်​တွင် အိပ်ပျော်​လျက်​ရှိ၏။ အစောင့်များ​သည်လည်း ထောင်​တံခါး​ရှေ့​တွင် စောင့်ကြပ်​လျက် ရှိနေကြ၏။

တမန်တော်ဝတ္ထု 21:33

ထိုအခါ တပ်မှူးကြီး​သည် အနားသို့​လာ​ကာ ပေါလု​ကို​ဖမ်းဆီး​၍ သံကြိုး​နှစ်ချောင်း​ဖြင့်​ချည်နှောင်ထား​ရန် အမိန့်ပေး၏။ ထို့နောက် သူ​က ပေါလု​မည်သူ​ဖြစ်ကြောင်း​နှင့် မည်သည့်​အမှု​ပြုခဲ့ကြောင်း​ကို လူထု​ပရိသတ်တို့​အား စတင်​မေးမြန်းလေ၏။

တမန်တော်ဝတ္ထု 22:25

သူတို့​သည် သားရေကြိုး​နှင့် ချည်နှောင်ကြ​သောအခါ ပေါလု​က အနီး​၌​ရပ်နေသော​တပ်မှူး​တစ်ဦး​အား “သင်တို့​သည် ရောမနိုင်ငံသား​တစ်ဦး​ကို မစစ်ဆေးဘဲ ကျာပွတ်နှင့် ရိုက်သည်​မှာ ဥပဒေ​နှင့် ကိုက်ညီသလော” ဟု မေးလေ၏။

တမန်တော်ဝတ္ထု 22:29

ထို့ကြောင့် ပေါလု​ကို စစ်ဆေး​မေးမြန်းကြမည့်​သူများ​သည်လည်း သူ့​ထံမှ ချက်ချင်း​ဆုတ်ခွာသွားကြ၏။ ပေါလု​သည် ရောမနိုင်ငံသား​ဖြစ်ကြောင်း တပ်မှူးကြီး​သိ​သောအခါ သူ့​ကို ချည်နှောင်​ရန် အမိန့်​ပေးမိသည့်​အတွက် ကြောက်ရွံ့လေ၏။

တမန်တော်ဝတ္ထု 24:27

နှစ်​နှစ်​ကြာသော် ပေါကိဖေတ္တုမင်း​သည် ဖေလဇ်မင်း​နေရာ​ကို ဆက်ခံလေ၏။ ဖေလဇ်မင်း​သည် ဂျူးတို့​အား ကျေးဇူးပြုလို​သဖြင့် ပေါလု​ကို အကျဉ်းချ​ထားရစ်လေ၏။

တမန်တော်ဝတ္ထု 28:20

ဤ​အတွက်​ကြောင့် ကျွန်ုပ်​သည် သင်တို့​နှင့်​တွေ့ဆုံ​၍ စကားပြော​ရန်​တောင်းဆိုခြင်း​ဖြစ်၏။ အမှန်စင်စစ် ကျွန်ုပ်​သည် အစ္စရေးလူမျိုးတို့​မျှော်လင့်နေသော ခရစ်တော်​ကြွလာသည့် အကြောင်း​ကို ယုံကြည်​သောကြောင့် ဤ​သံကြိုး​နှင့် ချည်နှောင်​ခံနေရသည်” ဟု ဆိုလေ၏။

တမန်တော်ဝတ္ထု 3:13

အာဗြဟံ​၏​ဘုရား၊ ဣဇာက်​၏​ဘုရား၊ ယာကုပ်​၏​ဘုရား​ဖြစ်သော ငါတို့​ဘိုးဘေးများ​၏​ဘုရားသခင်​သည် မိမိ​၏​အစေခံ​ယေရှု​အား ဘုန်းကြီးစေတော်မူပြီ။ ထို​ယေရှု​မှာ ပိလတ်မင်း​လက်​သို့ သင်တို့​အပ်နှံ​၍ ပိလတ်မင်း​က လွတ်ငြိမ်းချမ်းသာခွင့်​ပေး​ရန် ဆုံးဖြတ်​သော်လည်း သင်တို့​ငြင်းပယ်ကြသော​သူ​ပင်​ဖြစ်၏။

တမန်တော်ဝတ္ထု 4:27

ဤ​မြို့​၌ ဟေရုဒ်၊ ပုန္တိပိလတ်မင်း​နှင့်တကွ လူမျိုးခြားများ​နှင့် အစ္စရေးလူမျိုးတို့​သည် အရှင်​ဘိသိက်ပေးတော်မူသော​သူ၊ အရှင်​၏​သန့်ရှင်းတော်မူသော​အစေခံ​ယေရှု​ကို အတူတကွ​စုရုံး​လျက် ဧကန်အမှန် ဆန့်ကျင်ဘက်​ပြုခဲ့ကြ၏။

တမန်တော်ဝတ္ထု 9:2

ခရစ်တော်​၏​တရားလမ်း​သို့​လိုက်သော အမျိုးသား၊ အမျိုးသမီးများ​ကို​တွေ့ရှိ​ပါက ဖမ်းဆီး​၍ ဂျေရုဆလင်မြို့​သို့ ခေါ်ဆောင်လာရေး​အတွက် ဒမတ်စကပ်မြို့​ရှိ ဂျူးဝတ်ပြုဆောင်များ​သို့ အမှာစာများ​ရေးပေး​ရန် တောင်းခံလေ၏။

၁ တိ 6:13

အရာ​အားလုံး​ကို​အသက်ရှင်​စေတော်မူသည့်​ဘုရားသခင်​၏ ရှေ့တော်​၌​လည်းကောင်း၊ ပုန္တိပိလတ်မင်း​၏ ရှေ့​၌ ကောင်းသော​ဝန်ခံချက်​ဖြင့် သက်သေခံတော်မူသော ယေရှု​ခရစ်တော်​၏ ရှေ့တော်​၌​လည်းကောင်း တိုင်တည်​၍ ကျွန်ုပ် သင့်​ကို ညွှန်ကြားလိုက်၏။

၂ တိ 2:9

ဤ​သတင်းကောင်း​ကြောင့် ကျွန်ုပ်​သည် ရာဇဝတ်သား​တစ်ယောက်​ကဲ့သို့​ပင် အကျဉ်းချ​ခံ​၍ ဆင်းရဲဒုက္ခ​ခံခဲ့ရ​သော်လည်း ဘုရားသခင်​၏​နှုတ်ကပတ်တော်​ကိုမူ အကျဉ်းချ​၍ မရ။

ဟေ​ဗြဲ 13:3

သင်တို့​ကိုယ်တိုင် အကျဉ်း​ကျနေ​သကဲ့သို့ သဘောထား​လျက် အကျဉ်း​ကျနေ​သူတို့​ကို သတိရလော့။ သင်တို့​၏​ကိုယ်ခန္ဓာ​၌ နှိပ်စက်​ညှဉ်းဆဲခြင်း​ခံနေရ​သကဲ့သို့ သဘောထား​လျက် နှိပ်စက်​ညှဉ်းဆဲ​ခံနေရသော​သူတို့​ကို သတိရလော့။