မဿဲ 16:27 - ခေတ်သစ်​မြန်မာ သမ္မာကျမ်း

²⁷ လူသား​သည် ခမည်းတော်​၏ ဘုန်းတော်​ကို​ဆောင်​၍ ကောင်းကင်တမန်များ ခြံရံ​လျက် ကြွလာ​လိမ့်မည်။ လူ​အပေါင်းတို့​အား သူတို့​ပြုခဲ့သည့်​အကျင့်​အတိုင်း ဆပ်ပေးတော်မူ​လိမ့်မည်။

Common Language Bible

²⁷ လူ​သား​သည်​ခ​မည်း​တော်​၏​ဘုန်း​အ​သ​ရေ​ကို ဆောင်​လျက်​ကောင်း​ကင်​တ​မန်​များ​နှင့်​အ​တူ ကြွ​လာ​တော်​မူ​လတ္တံ့။ ထို​အ​ခါ​လူ​အ​ပေါင်း​တို့ အား​မိ​မိ​တို့​၏​အ​ကျင့်​အ​လျောက်​အ​ကျိုး အ​ပြစ်​ကို​ဆပ်​ပေး​တော်​မူ​လိမ့်​မည်။-

Garrad Bible

²⁷ လူ့ သား သည် ခ မည်း တော်၏ ဘုန်း တော် ကို ဆောင် လျက် စေ တ မန် တော် တို့ နှင့် တ ကွ ကြွ လာ မည့် ကာ လ လူ အ သီး အသီး တို့ အား အ ပြု အ မူ အ လျောက် ဆပ် ပေး တော် မူ လိမ့် မည်။

Judson Bible

²⁷ လူ​သား​သည် မိ​မိ​အ​ဘ​ခ​မည်း​တော်၏ ဘုန်း​အာ​နု​ဘော်​ကို ဆောင်​လျက်၊ ကောင်း​ကင်​တ​မန် အ​ခြံ​အ​ရံ​တို့​နှင့် ကြွ​လာ​တော်​မူ​လ​တ္တံ့။ ထို​အ​ခါ သူ​အ​သီး​အ​သီး ကျင့်​သော​အ​ကျင့်​နှင့် အ​လျောက် အ​ကျိုး​အ​ပြစ်​ကို ဆပ်​ပေး​တော်​မူ​လ​တ္တံ့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ အကြောင်းမူကား လူ့သား​သည် မိမိ​၏​ကောင်းကင်တမန်​များ​နှင့်အတူ မိမိ​ခမည်းတော်​၏​ဘုန်း​အသရေ​ကို​ဆောင်​လျက် ကြွလာ​လိမ့်မည်။ ထိုအခါ လူ​အသီးသီး​တို့​အား သူ​တို့​၏​လုပ်ဆောင်မှု​နှင့်အညီ အကျိုး​အပြစ်​ကို​ပေး​တော်မူ​လိမ့်မည်။

မြန်မာ

²⁷ လူ​သား​သည် မိ​မိ​အ​ဘ​ခ​မည်း​တော်၏ ဘုန်း​အာ​နု​ဘော်​ကို ဆောင်​လျက်၊ ကောင်း​ကင်​တ​မန် အ​ခြံ​အ​ရံ​တို့​နှင့် ကြွ​လာ​တော်​မူ​လ​တ္တံ့။ ထို​အ​ခါ သူ​အ​သီး​အ​သီး ကျင့်​သော​အ​ကျင့်​နှင့် အ​လျောက် အ​ကျိုး​အ​ပြစ်​ကို ဆပ်​ပေး​တော်​မူ​လ​တ္တံ့။-

မဿဲ 16:27 ပူးပေါင်းရင်းမြစ်များ

မဿဲ 13:41

လူသား​သည် မိမိ​၏​ကောင်းကင်တမန်များ​ကို စေလွှတ်​လိမ့်မည်။ ထို​ကောင်းကင်တမန်တို့​သည် အပြစ်​ကျူးလွန်စေသော​သူများ​နှင့် မတရားမှု​ပြုသူများ​အားလုံး​ကို နိုင်ငံတော်​မှ ဖယ်ရှား​ကာ

မဿဲ 13:49

ကမ္ဘာ​ကုန်ဆုံးချိန်​တွင်လည်း ထိုသို့ပင် ဖြစ်​လိမ့်မည်။ ကောင်းကင်တမန်များ​သည် လာ​၍ ဆိုးသွမ်းသူတို့​ကို ဖြောင့်မတ်သူများ​ထံမှ ခွဲထားကြမည်။

မဿဲ 24:30

ထို​အရာများ​ပြီးမှ နောက်ဆုံး​တွင် လူသား​ကြွလာ​မည့် နိမိတ်​လက္ခဏာ​သည် ကောင်းကင်​၌ ပေါ်လာ​လိမ့်မည်။ ကမ္ဘာ​ပေါ်ရှိ လူမျိုး​အပေါင်းတို့​သည်လည်း ငိုကြွေး​မြည်တမ်းကြ​လိမ့်မည်။ ထိုအခါ လူသား​သည် ကြီးမားသည့်​တန်ခိုးတော်​နှင့် ဘုန်းတော်​တို့​ဖြင့် ကောင်းကင်​မှ မိုးတိမ်​စီး​လျက် ကြွလာသည်​ကို လူတို့​မြင်ကြရ​လိမ့်မည်။

မဿဲ 25:31

လူသား​သည် မိမိ​၏​ဘုန်းအသရေ​ကို ဆောင်​၍ ကောင်းကင်တမန်များ​ခြံရံ​လျက် ကြွလာ​သောအခါ ဘုန်းအသရေ​နှင့် ပြည့်စုံသော သူ​၏ ရာဇပလ္လင်​ပေါ်​တွင် ထိုင်တော်မူ​လိမ့်မည်။

မဿဲ 26:64

ယေရှု​က “သင်​ပြောသည့်​အတိုင်း မှန်ပါ၏။ နောင်​တွင် လူသား​သည် တန်ခိုးရှင်​၏​လက်ယာတော်ဘက်​၌ ထိုင်​၍ ကောင်းကင်​မှ မိုးတိမ်​စီး​လျက် ကြွလာသည်​ကို သင်တို့​မြင်ကြရ​လိမ့်မည်” ဟု ပြန်​၍ မိန့်တော်မူ၏။

မဿဲ 8:20

သို့သော် ယေရှု​က “မြေခွေးတို့​၌ နေစရာ တွင်း​ရှိ၏။ ငှက်တို့​၌ နားစရာ​အသိုက်​ရှိ၏။ လူသား​၌​မူ ခေါင်းချစရာ​နေရာ​ပင် မရှိ” ဟု မိန့်တော်မူ၏။

ရှင်မာကု 14:62

ယေရှု​က “မှန်ပါ၏။ လူသား​သည် တန်ခိုးရှင်​၏​လက်ယာတော်ဘက်​၌ ထိုင်​၍ ကောင်းကင်​မှ မိုးတိမ်​စီး​လျက် ကြွလာသည်​ကို သင်တို့​မြင်ကြရ​လိမ့်မည်” ဟု ပြန်​၍ မိန့်တော်မူ၏။

ရှင်မာကု 8:38

ဘုရားသခင်​ကို မယုံကြည်​၍ အပြစ်​ကျူးလွန်သော ဤ​ခေတ်ကာလ​တွင် တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် သန့်ရှင်းသော​ကောင်းကင်တမန်များ​ခြံရံ​လျက် ခမည်းတော်​၏​ဘုန်းအသရေ​ကို​ဆောင်​ကာ ကြွလာ​သောအခါ ထို​သူ​အတွက် ရှက်တော်မူမည်” ဟု မိန့်တော်မူ၏။

လုကာ 21:27

ထိုအခါ လူသား​သည် ကြီးမားသည့်​တန်ခိုးတော်​နှင့် ဘုန်းတော်​တို့​ဖြင့် မိုးတိမ်​စီး​လျက်​ကြွလာသည်​ကို လူတို့​မြင်ကြရ​လိမ့်မည်။

လုကာ 22:69

သို့သော် ယခု​မှစ၍ လူသား​သည် တန်ခိုးရှင်​ဘုရားသခင်​၏​လက်ယာတော်ဘက်​တွင် ထိုင်တော်မူ​လိမ့်မည်” ဟု မိန့်တော်မူ၏။

လုကာ 9:26

တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် မိမိ​ဘုန်းအသရေ၊ ခမည်းတော်​၏​ဘုန်းအသရေ၊ သန့်ရှင်းသော​ကောင်းကင်တမန်များ​၏​ဘုန်းအသရေ​နှင့် ကြွလာ​သောအခါ ထို​သူ​အတွက် ရှက်တော်မူမည်။

ရှင်ယောဟန် 21:22

ယေရှု​က “ငါ​ပြန်လာသည့်​အချိန်​တိုင်အောင် သူ့​ကို ငါ​အသက်ရှင်​စေလို​လျှင် သင်​နှင့် မည်သို့​ဆိုင်သနည်း။ သင်​ကမူ ငါ့​နောက်သို့​သာ လိုက်လော့” ဟု မိန့်တော်မူ၏။

ရှင်ယောဟန် 21:23

သို့ဖြစ်၍ “ထို​တပည့်တော် သေမည်​မဟုတ်” ဟူသော ကောလာဟလ​သတင်း​သည် တပည့်တော်တို့​အထဲ​တွင် ပျံ့နှံ့သွား၏။ သို့ရာတွင် ယေရှု​က “ထို​တပည့်တော် သေမည်​မဟုတ်” ဟု မိန့်တော်မူသည်​မဟုတ်ဘဲ “ငါ​ပြန်လာသည့်​အချိန်​တိုင်အောင် သူ့​ကို ငါ​အသက်ရှင်​စေလို​လျှင် သင်​နှင့် မည်သို့​ဆိုင်သနည်း” ဟူ၍​သာ မိန့်တော်မူ၏။

တမန်တော်ဝတ္ထု 1:11

ထို​သူတို့​က “အို ဂါလိလဲပြည်သားတို့… သင်တို့​သည် အဘယ်ကြောင့် ကောင်းကင်​သို့ မျှော်ကြည့်​လျက် ရပ်နေကြသနည်း။ သင်တို့​ထံမှ ကောင်းကင်ဘုံ​သို့ ဆောင်ယူခြင်း​ခံရသော ထို​ယေရှု​သည် ကောင်းကင်ဘုံ​သို့ ကြွမြန်းတော်မူသည်​ကို သင်တို့​မြင်ကြရသည့်​နည်းတူ ပြန်​၍​ကြွလာတော်မူမည်” ဟု ပြောဆိုကြ၏။

ရော​မ 14:12

မှန်ပေ၏။ ကျွန်ုပ်တို့​တစ်ဦးစီ​သည် မိမိတို့​ပြုခဲ့သမျှ​ကို ဘုရားသခင်​ရှေ့တော်​၌ တင်ပြ​အစီရင်ခံရမည်။

ရော​မ 2:6

ဘုရားသခင်​သည် လူ​အသီးသီးတို့​အား မိမိတို့​၏ အကျင့်​နှင့်​အညီ အကျိုးအပြစ်​ကို စီရင်တော်မူ​လိမ့်မည်။

၁ ကော 15:23

သို့သော် ထမြောက်ခြင်း​တွင် အလှည့်ကျ​ရှိမည်​ဖြစ်ပြီး ခရစ်တော်​သည် အဦးဆုံး​ရှင်ပြန်ထမြောက်တော်မူ၏။ ထို့နောက် ခရစ်တော်​နှင့်​ဆိုင်သော​သူတို့​သည် ခရစ်တော် ပြန်လည်​ကြွလာတော်မူ​သောအခါ ထမြောက်ကြ​လိမ့်မည်။

၁ ကော 3:13

ထို​သူ​အသီးသီးတို့​၏ လုပ်ဆောင်မှု​သည် ပေါ်​လာ​လိမ့်မည်။ အဘယ်ကြောင့်ဆိုသော် တရားစီရင်ရာ​နေ့​၌ ထို​သူတို့​၏ လုပ်ဆောင်မှု​ကို မီး​သည် ဖော်ပြမည်​ဖြစ်သောကြောင့်​ပင်။ ထို​မီး​သည် လူ​အသီးသီးတို့​၏ လုပ်ဆောင်မှု​အရည်အသွေး​ရှိမရှိ​ကို စစ်ဆေး​လိမ့်မည်။

၁ ကော 8:8

သို့သော် အစားအစာ​ဖြင့် ဘုရားသခင်​၏ နှစ်သက်​လက်ခံမှု​ကို ရသည်​မဟုတ်ပေ။ ကျွန်ုပ်တို့​မစားဘဲ​နေလျှင် လည်း အရှုံး​မရှိပါ။ စား​လျှင်လည်း အမြတ်​မရှိပါ။

၂ ကော 5:10

အဘယ်ကြောင့်ဆိုသော် ကျွန်ုပ်တို့​အားလုံး​သည် ကိုယ်ခန္ဓာ​၌ ရှိစဉ် ပြုကျင့်ခဲ့သည့် ကောင်းသော​အမှု​အတွက်​ဖြစ်စေ၊ မကောင်းသော​အမှု​အတွက်​ဖြစ်စေ ထိုက်သင့်ရာ​အကျိုး​အပြစ် အသီးသီး​ကို ခံစား​ရန် ခရစ်တော်​၏ တရားပလ္လင်​ရှေ့မှောက်​သို့ ရောက်ရှိလာကြ​ရမည်​ဖြစ်​သောကြောင့်​ဖြစ်၏။

ဧ​ဖက် 6:8

ကျွန်​ဖြစ်စေ၊ လွတ်လပ်သူ​ဖြစ်စေ ကောင်းမှု ပြုသောသူ​တိုင်း​သည် သခင်ဘုရား​ထံမှ အကျိုး​ခံစားရမည် ဖြစ်ကြောင်း သိမှတ်ကြလော့။

ကော​လော​သဲ 3:25

ဘုရားသခင်​သည် မျက်နှာလိုက်တော်မမူတတ်​သောကြောင့် မတရားမှု​ကို လုပ်ဆောင်သော​သူတို့​သည် မတရားမှု​၏ အကျိုးဆက်​ကို ပြန်လည်​ခံရ​လိမ့်မည်။

၁ သက် 1:10

ထို့ပြင် ကောင်းကင်းဘုံ​မှ ကြွလာမည့် သားတော်​ကို သင်တို့​မည်သို့ မျှော်လင့်ကြောင်း​ကိုလည်း သူတို့​ပြောပြကြ၏။ ဘုရားသခင်​သည် ထို​သားတော်​ကို သေခြင်း​မှ ထမြောက်စေတော်မူ​ပြီး ထို​သားတော်​သည် ကျရောက်လာမည့်​ဘုရားသခင်​၏ အမျက်တော်​မှ ကျွန်ုပ်တို့​ကို ကယ်တင်တော်မူသော ယေရှု​ဖြစ်၏။

၁ သက် 4:16

အဘယ်ကြောင့်ဆိုသော် သခင်ဘုရား​၏ ကြွေးကြော်​အမိန့်ပေးသံ​နှင့်တကွ ကောင်းကင်တမန်မင်း​၏​အသံ၊ ဘုရားသခင်​၏​တံပိုးတော်​မှုတ်သံ​တို့​ဖြင့် သခင်ဘုရား​ကိုယ်တိုင် ကောင်းကင်​က ဆင်းကြွလာ​သောအခါ ခရစ်တော်​ကို ယုံကြည်​လျက် သေလွန်သော​ယုံကြည်သူများ​သည် ဦးစွာ​ထမြောက်ကြမည်။

ယာ​ကုပ် 5:7

ညီအစ်ကို​မောင်နှမတို့… သခင်ဘုရား​ကြွလာတော်မူသည်​အထိ စိတ်ရှည်​သည်းခံကြလော့။ လယ်သမား​ကို ကြည့်လော့။ သူ​သည် လယ်​၏ အဖိုးတန်​ထွက်ကုန်များ​ကို မိုးဦး​နှင့် မိုးနှောင်း ရွာသည်​အထိ စိတ်ရှည်​စွာ စောင့်မျှော်​တတ်၏။

၁ ပေ 1:17

လူ​တစ်ဦးစီ​၏ အပြုအမူ​အပေါ် အခြေခံ​၍ သမာသမတ်ကျ​စွာ တရားစီရင်တော်မူသော ဘုရားသခင်​ထံ သင်တို့​ဆုတောင်း​သောအခါ အဖ​ဟု ခေါ်​သောကြောင့် ဤ​လောက​၌ ဧည့်သည်​အဖြစ် နေထိုင်ရသော​နေ့ရက်များ​တွင် ထို​အရှင်​ကို ကြောက်ရွံ့​ရိုသေကြလော့။

၁ ယော 2:28

သားသမီးတို့… ကိုယ်တော်​ကြွလာတော်မူ​သောအခါ ကျွန်ုပ်တို့​သည် ရှေ့တော်​၌ ရှက်ကြောက်​နေစရာ​မလိုဘဲ စိတ်ချ​ယုံကြည်မှု​ရှိ​နိုင်ရန်​အတွက် ကိုယ်တော်​နှင့် တပေါင်းတစည်းတည်း​ရှိကြလော့။

ယု​ဒ 1:14

အာဒံ​မှ ဆင်းသက်​၍ ခုနစ်ဆက်​မြောက်သော​မျိုးဆက် ဧနောက်​သည် သူတို့​နှင့်​ပတ်သက်၍ “နားထောင်လော့။ ထာဝရဘုရား​သည် မိမိ​၏ မြောက်မြားစွာသော​ကောင်းကင်တမန်များ​နှင့်အတူ ကြွလာ​၍

ဗျာ​ဒိတ် 1:7

ကြည့်ရှုလော့။ ကိုယ်တော်​သည် မိုးတိမ်များ​ဖြင့် ကြွလာတော်မူမည် ဖြစ်ပြီး ကိုယ်တော်​ကို လှံ​နှင့် ထိုးဖောက်ခဲ့သူများ​အပါအဝင် လူတိုင်း​က မြင်ကြရ​လိမ့်မည်။ ကမ္ဘာလောက​ရှိ လူမျိုး​အပေါင်းတို့​သည် ကိုယ်တော်​ကြောင့် ငိုကြွေး​မြည်တမ်းကြ​လိမ့်မည်။ ထို​အရာ​သည် အမှန်​ပင်​ဖြစ်၏။ အာမင်။

ဗျာ​ဒိတ် 2:23

ငါ​သည် သူ​၏​သားသမီးများ​ကို အသက်​ဆုံး​စေမည်။ ငါ​သည် လူတို့​၏​စိတ်နှလုံး​နှင့် အကြံအစည်​ကို​ဆန်းစစ်သောသူ​ဖြစ်ကြောင်း အသင်းတော်​အပေါင်းတို့​သည် သိကြ​လိမ့်မည်။ သင်တို့​အသီးသီး​၏​အကျင့်​နှင့်​အညီ ထိုက်သင့်သည့်​အတိုင်း ငါ​ပေးဆပ်မည်။

ဗျာ​ဒိတ် 20:12

သေလွန်သောသူ အကြီး​အငယ်တို့​သည် ရာဇပလ္လင်တော်​ရှေ့​၌ ရပ်နေကြသည်​ကို ကျွန်ုပ်​မြင်ရ၏။ စာစောင်များ​ကို ဖွင့်ထား၏။ အသက်​စာစောင်​ဖြစ်သော အခြား​စာစောင်​တစ်စောင်​ကိုလည်း ဖွင့်ထား၏။ သေလွန်သော​သူတို့​သည် စာစောင်​ထဲတွင် မှတ်တမ်းတင်​ထားသည့်​အတိုင်း မိမိတို့​အကျင့်​နှင့်​အညီ တရားစီရင်​ခံရ၏။