ဗျာ​ဒိတ် 8:2 - ခေတ်သစ်​မြန်မာ သမ္မာကျမ်း

² ထို့နောက် ဘုရားသခင်​၏​ရှေ့တော်​၌ ရပ်နေသော ကောင်းကင်တမန် ခုနစ်ပါး​ကို ကျွန်ုပ်​မြင်ရ၏။ ဘုရားသခင်​သည် သူတို့​အား​တံပိုးခရာ​ခုနစ်ခု​ကို ပေးတော်မူ၏။

Common Language Bible

² ထို​နောက်​ဘု​ရား​သ​ခင်​၏​ရှေ့​တော်​တွင်​ရပ် လျက်​နေ​သည့် ကောင်း​ကင်​တ​မန်​ခု​နစ်​ပါး ကို​ငါ​မြင်​ရ​၏။ သူ​တို့​အား​တံ​ပိုး​ခ​ရာ ခု​နစ်​ခု​ကို​ပေး​အပ်​၏။

Garrad Bible

² ဘု ရား သ ခင့် ရှေ့ ခ စား သော စေ တ မန် တော် ခု နစ် ပါး တို့ သည် တံ ပိုး ခု နစ် လက် ရ ကြ သည် ကို ငါ မြင် ရ၏။

Judson Bible

² ဘု​ရား​သ​ခင့်​ရှေ့​တော်၌ ရပ်​နေ​သော ကောင်း​ကင်​တ​မန် ခု​နစ်​ပါး​ကို ငါ​မြင်၏။ သူ​တို့၌ တံ​ပိုး​ခု​နစ်​လုံး​ကို ပေး၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို့နောက် ဘုရားသခင်​၏​ရှေ့​တော်​၌ ရပ်​နေ​သော​ကောင်းကင်​တမန်​ခုနစ်​ပါး​ကို ငါ​မြင်​ရ​၏။ သူ​တို့​အား တံပိုးခရာ​ခုနစ်​ခု​ကို​ပေး​ထား​၏။

ဗျာ​ဒိတ် 8:2 ပူးပေါင်းရင်းမြစ်များ

မဿဲ 18:10

ကလေးငယ်​တစ်ဦးတစ်ယောက်​အပေါ်​၌ မထီမဲ့မြင်​မပြုမိ​စေရန် သတိပြုကြလော့။ ကောင်းကင်ဘုံ​တွင်​ရှိသော ထို​ကလေးငယ်တို့​၏ ကောင်းကင်တမန်များ​သည် ကောင်းကင်ဘုံ​၌ ရှိတော်မူသော ငါ့​ခမည်းတော်​၏ မျက်နှာတော်​ကို အစဉ်မပြတ် ဖူးမြော်​ကြရသည်​ဟု သင်တို့​အား ငါ​ပြောဆို၏။

မဿဲ 24:31

ထို့နောက် လူသား​သည် သူ​၏ ကောင်းကင်တမန်များ​ကို ကျယ်လောင်သော တံပိုးခရာ​မှုတ်သံ​နှင့်အတူ စေလွှတ်တော်မူ​လိမ့်မည်။ ကောင်းကင်တမန်များ​သည် ကောင်းကင်​နှင့်​မြေကြီး​အရှေ့​စွန်း​မှသည် အနောက်​စွန်း​တိုင်အောင် အရပ်လေးမျက်နှာ​မှ ကိုယ်တော်​ရွေးချယ်ထားသော​သူတို့​ကို စုစည်း​လိမ့်မည်။

လုကာ 1:19

ကောင်းကင်တမန်​က “ငါ​သည် ဘုရားသခင်​၏​ရှေ့တော်​၌ ခစားရသော​ဂါဗြေလ ဖြစ်၏။ ထို​အရှင်​က သင့်​အား ဤ​ဝမ်းမြောက်ဖွယ် သတင်းကောင်း​ကို ပြောကြား​ရန် ငါ့​ကို​စေလွှတ်တော်မူ၏။

လုကာ 21:36

ထို့ကြောင့် ကျရောက်လာမည့် ဘေးတို့​မှ လွတ်မြောက်ရေး​အတွက် အားအင်​ရရှိ​ရန်​နှင့် လူသား​ရှေ့တော်မှောက်​တွင် ရပ်​နိုင်ရန် အချိန်​တိုင်း ဆုတောင်း​၍ သတိ​နှင့်​နေကြလော့” ဟု မိန့်တော်မူ၏။

၁ သက် 4:16

အဘယ်ကြောင့်ဆိုသော် သခင်ဘုရား​၏ ကြွေးကြော်​အမိန့်ပေးသံ​နှင့်တကွ ကောင်းကင်တမန်မင်း​၏​အသံ၊ ဘုရားသခင်​၏​တံပိုးတော်​မှုတ်သံ​တို့​ဖြင့် သခင်ဘုရား​ကိုယ်တိုင် ကောင်းကင်​က ဆင်းကြွလာ​သောအခါ ခရစ်တော်​ကို ယုံကြည်​လျက် သေလွန်သော​ယုံကြည်သူများ​သည် ဦးစွာ​ထမြောက်ကြမည်။

ဗျာ​ဒိတ် 1:4

ကျွန်ုပ်​ယောဟန်​သည် အာရှပြည်​၌​ရှိသော အသင်းတော်​ခုနစ်ပါး​ထံသို့ စာရေးလိုက်ပါ၏။ ယခု​ရှိ​လျက်၊ ယခင်​ကလည်း​ရှိ​လျက် နောင်အခါ​၌လည်း​ကြွလာမည့် ဘုရားသခင်​ထံမှ​လည်းကောင်း၊ ပလ္လင်တော်​ရှေ့​၌ ရှိသော​ဝိညာဉ်​ခုနစ်ပါး​ထံမှ​လည်းကောင်း၊

ဗျာ​ဒိတ် 11:15

သတ္တမ​ကောင်းကင်တမန်​သည် တံပိုးခရာ​မှုတ်​သောအခါ “ဤ​လောကီ​နိုင်ငံ​သည် ယခု ငါတို့​အရှင်​နှင့် ထို​အရှင်​၏​ခရစ်တော်​စိုးပိုင်သော​နိုင်ငံ​ဖြစ်လေပြီ။ ကိုယ်တော်​သည် အစဉ်​ထာဝရ​အုပ်စိုးတော်မူ​လိမ့်မည်” ဟု ကောင်းကင်​မှ ကျယ်လောင်​စွာ ပြောဆိုသံများ​ထွက်ပေါ်လာ၏။

ဗျာ​ဒိတ် 15:1

ထို့နောက် ကောင်းကင်ဘုံ​၌ အံ့ဖွယ်​နိမိတ်​လက္ခဏာ​ကြီး​တစ်ခု​ကို မြင်ရ၏။ ကောင်းကင်တမန်​ခုနစ်ပါး​သည် နောက်ဆုံး​ဘေးဒဏ်​ခုနစ်ပါး ကိုင်ဆောင်​ထားသည်​ကို ကျွန်ုပ်​မြင်ရ၏။ ထို​ဘေးဒဏ်တို့​ဖြစ်ပျက်​ပြီးနောက် ဘုရားသခင်​၏ အမျက်တော်​အဆုံးသတ်မည်​ဖြစ်​သောကြောင့် နောက်ဆုံး​ဘေးဒဏ်​ဟု ဆိုရ၏။

ဗျာ​ဒိတ် 16:1

ထို့နောက် ဗိမာန်တော်​ထဲမှ “သွားလော့။ ဘုရားသခင်​၏ အမျက်တော်​နှင့်​ပြည့်နေသော​ဖလား ခုနစ်လုံး​ကို ကမ္ဘာ​မြေ​ပေါ်သို့ သွန်းလောင်းလော့” ဟု ကောင်းကင်တမန်​ခုနစ်ပါးတို့​အား ကျယ်လောင်​စွာ ပြောသည့်​အသံ​ကို ကျွန်ုပ်​ကြားရ၏။

ဗျာ​ဒိတ် 8:13

ထို့နောက် ကောင်းကင်​အလယ်​၌ ပျံဝဲနေသည့် လင်းယုန်ငှက်​တစ်ကောင်​ကို ကျွန်ုပ်​မြင်ရ၏။ ထို​လင်းယုန်​က “ကျန်ရှိသော​ကောင်းကင်တမန်​သုံးပါးတို့​၏ တံပိုးခရာ​မှုတ်တော့မည့်​အသံ​ကြောင့် ကမ္ဘာလောက​၌ နေထိုင်ကြသော​သူတို့​သည် အမင်္ဂလာ​ရှိကြ​လိမ့်မည်။ အမင်္ဂလာ​ရှိကြ​လိမ့်မည်။ အမင်္ဂလာ​ရှိကြ​လိမ့်မည်” ဟု​ကျယ်လောင်​စွာ ကြွေးကြော်သည်​ကို ကျွန်ုပ်​ကြားရ၏။

ဗျာ​ဒိတ် 8:6

ထို​အချိန်​၌ တံပိုးခရာ​ခုနစ်ခု​ကိုင်ထားသော ကောင်းကင်တမန်​ခုနစ်ပါးတို့​သည်လည်း တံပိုးခရာ​မှုတ်​ရန် ပြင်ဆင်ကြ၏။

ဗျာ​ဒိတ် 9:1

ပဉ္စမ​ကောင်းကင်တမန်​သည် တံပိုးခရာ​မှုတ်​သောအခါ ကြယ်​တစ်လုံး​သည် ကောင်းကင်​မှ ကမ္ဘာမြေ​ပေါ်​သို့ ကြွေကျသည်​ကို ကျွန်ုပ်​မြင်ရ၏။ ထို​ကြယ်​အား တွင်းနက်ကြီး​၏​သော့​ကို ပေးတော်မူ၏။