ဗျာ​ဒိတ် 8:12 - ခေတ်သစ်​မြန်မာ သမ္မာကျမ်း

¹² စတုတ္ထ​ကောင်းကင်တမန်​သည် တံပိုးခရာ​မှုတ်​သောအခါ နေ၊ လ၊ ကြယ်တို့​၏ သုံးပုံ​တစ်ပုံ​သည် ထိခိုက်​ပျက်စီးသွား​သဖြင့် ၎င်းတို့​၏​အလင်း​သည် သုံးပုံ​တစ်ပုံ လျော့နည်းသွား၏။ နေ့​၏​သုံးပုံ​တစ်ပုံ​နှင့် ည​၏​သုံးပုံ​တစ်ပုံ​သည် အလင်းရောင်​မရကြ။

Common Language Bible

¹² စတုတ္ထ​ကောင်း​ကင်​တ​မန်​တံ​ပိုး​ခ​ရာ​မှုတ်​လိုက် သော​အ​ခါ​နေ​၏​သုံး​ပုံ​တစ်​ပုံ၊ လ​၏​သုံး​ပုံ တစ်​ပုံ၊ ကြယ်​တာ​ရာ​များ​၏​သုံး​ပုံ​တစ်​ပုံ​တို့ သည်​ကပ်​သင့်​ကြ​သ​ဖြင့်​၎င်း​တို့​၏​အ​လင်း​သည် သုံး​ပုံ​တစ်​ပုံ​လျော့​နည်း​သွား​လေ​၏။ နေ့​၏​သုံး ပုံ​တစ်​ပုံ၊ ည​၏​သုံး​ပုံ​တစ်​ပုံ​သည်​အ​လင်း မ​ရ​ကြ။

Garrad Bible

¹² စ တု တ္ထ စေ တ မန် တော် တံ ပိုး မှုတ် သော် နေ သုံး ပိုင်း တစ် ပိုင်း၊ လ သုံး ပိုင်း တစ် ပိုင်း၊ ကြယ် များ သုံး စု တစ် စု ကို၊ မှောင် မိုက် ဒဏ် ထိ ခိုက် ၍ နေ့ သုံး ပိုင်း တစ် ပိုင်း၊ ညဥ့် သုံး ပိုင်း တစ် ပိုင်း အ လင်း ကွယ် ၏။

Judson Bible

¹² စ​တု​တ္ထ​ကောင်း​ကင်​တ​မန်​သည် တံ​ပိုး​မှုတ်​သော​အ​ခါ၊ နေ​သုံး​စု​တစ်​စု၊ လ​သုံး​စု​တစ်​စု၊ ကြယ်​သုံး​စု​တစ်​စု​ကြတ်၍ သုံး​စု​တစ်​စု မိုက်​လေ၏။ နေ့​သုံး​စု​တစ်​စု၊ ည​သုံး​စု​တစ်​စု​သည် အ​လင်း​မ​ရှိ၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹² စတုတ္ထ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ နေ​၏​သုံးပုံတစ်ပုံ၊ လ​၏​သုံးပုံတစ်ပုံ၊ ကြယ်​များ​၏​သုံးပုံတစ်ပုံ​တို့​သည် ထိပါး​တိုက်ခိုက်​ခြင်း​ခံရ​သဖြင့် ၎င်း​တို့​၏​သုံးပုံတစ်ပုံ​သည် မှောင်မည်း​သွား​လေ​၏။ နေ့​၏​သုံးပုံတစ်ပုံ​သည်​လည်း အလင်းရောင်​ကွယ်ပျောက်​လျက် ည​သည်​လည်း ထိုနည်းတူ​ဖြစ်​၏။

ဗျာ​ဒိတ် 8:12 ပူးပေါင်းရင်းမြစ်များ

မဿဲ 24:29

ဆင်းရဲဒုက္ခ​ခံရမည့် ထို​နေ့ရက်များ ကုန်ဆုံး​ပြီးနောက် နေမင်း​သည် ချက်ချင်း​မှောင်မိုက်​၍ လ​သည် အလင်းရောင်​ကို မပေးဘဲ​နေ​လိမ့်မည်။ ကြယ်တို့​သည်လည်း ကောင်းကင်​မှ ကြွေကျ​၍ ကောင်းကင်​တန်ခိုးတို့​သည် တုန်လှုပ်ကြ​လိမ့်မည်။

မဿဲ 27:45

မွန်းတည့်ချိန်​မှစ၍ မွန်းလွဲ​သုံးနာရီ​တိုင်အောင် မြေပြင်​တစ်ခွင်လုံး​တွင် အမှောင်ဖုံးလေ၏။

ရှင်မာကု 13:24

ဆင်းရဲဒုက္ခ​ခံရမည့် ထို​နေ့ရက်များ ကုန်ဆုံး​ပြီးနောက် နေမင်း​သည် မှောင်မိုက်​၍ လ​သည် အလင်းရောင်​ကို မပေးဘဲ​နေ​လိမ့်မည်။

ရှင်မာကု 15:33

မွန်းတည့်ချိန်​မှစ၍ မွန်းလွဲ​သုံးနာရီ​တိုင်အောင် မြေပြင်​တစ်ခွင်လုံး​တွင် အမှောင်ဖုံးလေ၏။

လုကာ 21:25

ထို့ပြင် နေ၊ လ၊ ကြယ်တို့​၌ နိမိတ်​လက္ခဏာများ ပေါ်လာ​လိမ့်မည်။ မြေကြီး​ပေါ်တွင်​လည်း လူမျိုးတို့​သည် ပင်လယ်​လှိုင်းတံပိုး​မြည်သံ​ကြောင့် သောကရောက်​၍ တုန်လှုပ်​ချောက်ချားကြ​လိမ့်မည်။

တမန်တော်ဝတ္ထု 2:20

ထာဝရဘုရား​၏​ကြီးမြတ်တော်မူသော​နေ့​မတိုင်မီ နေ​သည် အမှောင်ထု​အဖြစ်​သို့​လည်းကောင်း၊ လ​သည်လည်း သွေး​ကဲ့သို့​လည်းကောင်း ပြောင်းလဲ​လိမ့်မည်။

၂ ကော 4:4

ဤ​လောက​၏ ဘုရား​ဖြစ်သော စာတန်​သည် မယုံကြည်သောသူတို့​၏ စိတ်နှလုံး​ကို ကွယ်စေခဲ့၏။ ထို့ကြောင့် သူတို့​သည် ဘုရားသခင်​၏ ပုံသဏ္ဌာန်တော်​ဖြစ်သည့် ခရစ်တော်​၏ ဘုန်းအသရေ​နှင့်​ပြည့်စုံသော သတင်းကောင်း​၏​အလင်း​ကို မမြင်နိုင်ခြင်း​ဖြစ်၏။

ဗျာ​ဒိတ် 12:4

သူ​၏ အမြီး​သည် ကောင်းကင်​မှ ကြယ်​သုံးပုံ​တစ်ပုံ​ကို ကမ္ဘာမြေ​ပေါ်သို့ ဆွဲချ​လိုက်၏။ ထို​နဂါး​သည် မီးဖွား​တော့မည့်​အမျိုးသမီး​၏ ရှေ့​တွင် ရပ်​လျက် မွေးဖွား​ပြီးသည်​နှင့် တစ်ပြိုင်နက် မွေးကင်းစ​သားငယ်​ကို ဝါးမျို​ရန် စောင့်နေ၏။

ဗျာ​ဒိတ် 16:10

ထို့နောက် ပဉ္စမ​ကောင်းကင်တမန်​သည် သူ​၏ ဖလား​ကို သားရဲ​၏ ရာဇပလ္လင်​ပေါ်သို့ သွန်းလောင်းလိုက်​သောအခါ သားရဲ​၏ နိုင်ငံ​သည် မှောင်မိုက်သွား၏။ လူတို့​သည် ပြင်းထန်သော​ဝေဒနာ​ကြောင့် လျှာ​ကို ကိုက်ထားကြရ၏။

ဗျာ​ဒိတ် 6:12

သိုးသငယ်တော်​သည် ဆဋ္ဌမ​တံဆိပ်​ကို​ဖွင့်​သောအခါ ပြင်းထန်သော​ငလျင်​လှုပ်သည်​ကို ကျွန်ုပ်​မြင်ရ၏။ နေ​သည် ဆိတ်မွေး​ဖြင့်​ရက်သော​အထည်ကြမ်း​ကဲ့သို့ မည်းလာပြီး လ​သည်လည်း သွေးနီရောင်​ပြောင်းသွား၏။

ဗျာ​ဒိတ် 9:15

ထို​နှစ် ထို​လ၊ ထို​နေ့ရက်၊ ထို​အချိန် အသီးသီး​အတွက် အဆင်သင့်​ဖြစ်နေသော ထို​ကောင်းကင်တမန်​လေးပါး​သည် လူ​သုံးပုံ​တစ်ပုံ​ကို သတ်​ရန် စေလွှတ်​ခံကြရ၏။

ဗျာ​ဒိတ် 9:18

မြင်းတို့​၏​ပါးစပ်​မှ ထွက်လာသည့် ဤ​ဘေးဒဏ်​သုံးမျိုး​ကြောင့် လူ​သုံးပုံ​တစ်ပုံ သေဆုံးကြ၏။