ဗျာ​ဒိတ် 4:9 - ခေတ်သစ်​မြန်မာ သမ္မာကျမ်း

⁹ အစဉ်​ထာဝရ​အသက်ရှင်တော်မူ​ပြီး ရာဇပလ္လင်တော်​ပေါ်​တွင် ထိုင်တော်မူသော​အရှင်​၏ ဘုန်းအသရေတော်၊ ဂုဏ်အသရေတော်၊ ကျေးဇူးတော်တို့​ကို ဤ​သတ္တဝါတို့​က ချီးမွမ်းကြ၏။ ထိုသို့​ချီးမွမ်းကြသည့်​အခါတိုင်း

Common Language Bible

⁹ ပလ္လင်​ပေါ်​တွင်​စံ​တော်​မူ​၍​ကမ္ဘာ​အ​ဆက်​ဆက် အ​သက်​ရှင်​တော်​မူ​သော​အ​ရှင်​၏​ကျေး​ဇူး​တော်၊ ဂုဏ်​တော်၊ ဘုန်း​အ​သ​ရေ​တော်​တို့​ကို​ထို​သတ္တဝါ တို့​ချီး​ကူး​ကြ​သည့်​အ​ခါ​တိုင်း၊-

Garrad Bible

⁹ ထို သို့ က မ္ဘာ အ ဆက် ဆက် အ သက် ရှင် လျက် ပ လ္လင် တော့် ထက် စံ တော် မူ သော အ ရှင်၏ ဘုန်း တော်၊ ဂုဏ် တော်၊ ကျေး ဇူး တော် ကို ချီး မွမ်း ကြ သည့် အ ခါ တိုင်း၊

Judson Bible

⁹ ပ​လ္လင်​တော်​ပေါ်​မှာ ထိုင်၍ က​မ္ဘာ​အ​ဆက်​ဆက် အ​သက်​ရှင်​တော်​မူ​သော​သူ၏ ဘုန်း​အ​သ​ရေ၊ ဂုဏ်​ကျေး​ဇူး​တော်​ကို ထို​သ​တ္တ​ဝါ​တို့​သည် ချီး​မွမ်း​ကြ​သော​အ​ခါ၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ထိုသို့ ပလ္လင်​တော်​ပေါ်တွင်​ထိုင်​လျက် ကမ္ဘာ​အဆက်ဆက်​အသက်ရှင်​တော်မူ​သော​အရှင်​၏​ဘုန်း​တော်၊ ဂုဏ်​တော်​နှင့် ကျေးဇူး​တော်​တို့​ကို သတ္တဝါ​လေး​ပါး​တို့​သည် ချီးမွမ်း​ကြ​သောအခါ

ဗျာ​ဒိတ် 4:9 ပူးပေါင်းရင်းမြစ်များ

ဟေ​ဗြဲ 7:25

ထို့ကြောင့် ကိုယ်တော်​သည် မိမိ​ကို​အမှီပြု​၍ ဘုရားသခင်​ထံသို့ ချဉ်းကပ်လာ​သူများ​ကို အပြည့်အဝ​ကယ်တင်​နိုင်တော်မူ၏။ အဘယ်ကြောင့်ဆိုသော် ကိုယ်တော်​သည် သူတို့​အတွက် အသနားခံပေး​ရန် ထာဝရ​အသက်ရှင်နေ​သောကြောင့်​ဖြစ်၏။

ဟေ​ဗြဲ 7:8

ဆယ်ပုံတစ်ပုံ​ကို ခံယူသော လေဝိ​အနွယ်​ယဇ်ပုရောဟိတ်တို့​သည် သေတတ်သော​လူများ​ဖြစ်ကြ​သော်လည်း ဆယ်ပုံတစ်ပုံ​ကို ခံယူသော ဤ​မေလခိဇေဒက်​မှာ အသက်ရှင်​ကြောင်း သက်သေ​ထင်ရှား၏။

ဗျာ​ဒိတ် 1:18

ငါ​သည် အသက်ရှင်သော​သူ​ဖြစ်၏။ ငါ​သည် သေခဲ့၏။ ယခု​တွင်မူ အစဉ်​ထာဝရ​အသက်ရှင်၏။ ငါ​သည် သေခြင်းတရား​နှင့် မရဏ​နိုင်ငံ​ကို အစိုးရ၏။

ဗျာ​ဒိတ် 10:6

ထို့နောက် အစဉ်​ထာဝရ​အသက်ရှင်တော်မူပြီး ကောင်းကင်၊ မြေကြီး၊ ပင်လယ်​နှင့် အရပ်ရပ်တို့​၌ ရှိသမျှ​အရာတို့​ကို ဖန်ဆင်းတော်မူသော ဘုရားသခင်​ကို တိုင်တည်​၍ ထို​ကောင်းကင်တမန်​က “နောက်ထပ် အချိန်​ကြန့်ကြာ​တော့မည် မဟုတ်။

ဗျာ​ဒိတ် 15:7

သတ္တဝါ​လေးပါး​အနက် တစ်ပါး​သည် အစဉ်​ထာဝရ အသက်ရှင်တော်မူသည့် ဘုရားသခင်​၏ အမျက်တော်​နှင့်​ပြည့်နေသော ရွှေဖလား​ခုနစ်လုံး​ကို ကောင်းကင်တမန်​ခုနှစ်ပါး​အား တစ်လုံးစီ ပေး၏။

ဗျာ​ဒိတ် 21:5

ရာဇပလ္လင်တော်​ပေါ်၌ ထိုင်တော်မူသော​အရှင်​က “ငါ​သည် အရာ​အားလုံး​ကို အသစ်​ဖြစ်စေ၏” ဟု မိန့်တော်မူ​ပြီးနောက် “ဤ​စကားတို့​သည် သစ္စာ​စကား၊ မှန်သော​စကား​ဖြစ်​သောကြောင့် ရေးထားလော့” ဟူ၍​လည်း မိန့်တော်မူ၏။

ဗျာ​ဒိတ် 4:2

ချက်ချင်း​ပင် ကျွန်ုပ်​အပေါ် ဝိညာဉ်တော်​သက်ရောက်လာ​၍ ကျွန်ုပ်​သည် ကောင်းကင်ဘုံ​၌ တည်ထားသော​ရာဇပလ္လင်​တစ်ခု​နှင့် ထို​ပလ္လင်​ပေါ်တွင် ထိုင်နေသူ​တစ်ဦး​ကို မြင်ရ၏။

ဗျာ​ဒိတ် 4:8

သတ္တဝါ​လေးပါး​တွင် တောင်ပံ​ခြောက်ခုစီ​ရှိ​၍ တောင်ပံ​အတွင်း​နှင့်​အပြင်​၌ မျက်လုံးများ​အပြည့်​ရှိ၏။ သူတို့​က “ယခု​ရှိ​လျက်၊ ယခင်​ကလည်း​ရှိ​လျက် နောင်အခါ​၌လည်း​ကြွလာမည့် အနန္တ​တန်ခိုးရှင် ဘုရားသခင်​သည် သန့်ရှင်းတော်မူ၏။ သန့်ရှင်းတော်မူ၏။ သန့်ရှင်းတော်မူ၏” ဟူ၍ နေ့ည​မပြတ် ကြွေးကြော်နေကြ၏။

ဗျာ​ဒိတ် 5:1

ထို့နောက် ရာဇပလ္လင်တော်​ပေါ်တွင် ထိုင်တော်မူသော​အရှင်​၏ လက်ယာ​လက်​ထဲတွင် စာလိပ်​ကို ကျွန်ုပ်​မြင်ရ၏။ ထို​စာလိပ်​အတွင်း​အပြင်​နှစ်ဖက်လုံး​၌ စာများ​ရေးထား​၍ တံဆိပ်​ခုနစ်ခု​ဖြင့် ခတ်နှိပ်ထား၏။

ဗျာ​ဒိတ် 6:16

သူတို့​သည် တောင်များ​နှင့် ကျောက်ဆောင်များ​အား “ကျွန်ုပ်တို့​အပေါ် ပြိုကျပေး​၍ ရာဇပလ္လင်တော်​ပေါ်တွင်​ထိုင်သော​အရှင်​၏ မျက်နှာတော်​နှင့် သိုးသငယ်တော်​၏​အမျက်တော်​မှ ကျွန်ုပ်တို့​ကို ဖုံးကွယ်ကြပါ။

ဗျာ​ဒိတ် 7:15

ထို့ကြောင့် သူတို့​သည် ဘုရားသခင်​၏ ရာဇပလ္လင်တော်​ရှေ့ ကိုယ်တော်​၏​ဗိမာန်တော်​၌ နေ့ည​မပြတ် ဘုရားသခင်​ကို ဝတ်ပြုကြ၏။ ရာဇပလ္လင်တော်​ပေါ် ထိုင်တော်မူသော​အရှင်​သည်​လည်း သူတို့​နှင့်အတူ​ရှိ​၍ ကာကွယ်​စောင့်ရှောက်တော်မူ​လိမ့်မည်။