ဗျာ​ဒိတ် 3:12 - ခေတ်သစ်​မြန်မာ သမ္မာကျမ်း

¹² အောင်မြင်သောသူ​ကို ငါ့​ဘုရားသခင်​၏​ဗိမာန်တော်​၌ ရှိသော​တိုင်​ကဲ့သို့ ဖြစ်စေမည်။ သူ​သည် မည်သည့်​အခါ​မျှ ဗိမာန်တော်​အပြင်​သို့ မရောက်ရ။ ငါ​သည် ငါ​၏​ဘုရားသခင်​နာမတော်​ကို​လည်းကောင်း၊ ငါ​၏​ဘုရားသခင်​ထံ ကောင်းကင်ဘုံ​မှ ဆင်းသက်မည့် ဂျေရုဆလင်​မြို့သစ်​ဟူသော ဘုရားသခင်​မြို့တော်​၏​နာမတော်​ကို​လည်းကောင်း၊ ငါ​၏​နာမတော်​သစ်​ကို​လည်းကောင်း သူ့​အပေါ်​၌ ရေးထားမည်။

Common Language Bible

¹² အောင်​မြင်​သော​သူ​အား​ငါ​၏​ဘု​ရား​သခင်​ဗိ​မာန် တော်​တွင်​မဏ္ဍိုင်​သ​ဖွယ်​ဖြစ်​စေ​မည်။ သူ​သည်​နောင် ဘယ်​အ​ခါ​မျှ​ဗိ​မာန်​တော်​အ​ပြင်​သို့​ရောက်​ရ လိမ့်​မည်​မ​ဟုတ်။ ကောင်း​ကင်​ဘုံ​မှ​ငါ​၏​ဘု​ရား သခင်​ထံ​တော်​မှ​ဆင်း​သက်​လာ​သော​ယေ​ရု​ရှ​လင် မြို့​သစ်​တည်း​ဟူ​သော ငါ​၏​ဘု​ရား​သ​ခင်​မြို့ တော်​အ​မည်​ကို​လည်း​ကောင်း၊ ငါ​၏​ဘု​ရား သ​ခင်​နာ​မ​တော်​ကို​လည်း​ကောင်း​သူ​၏​ပေါ် မှာ​ကမ္ပည်း​ရေး​ထိုး​မည်။ သူ့​အ​ပေါ်​မှာ​ငါ​၏ နာ​မ​တော်​သစ်​ကို​လည်း​ရေး​ထိုး​မည်။

Garrad Bible

¹² အောင် မြင် သူ့ ကို နောင် အ ပ သို့ မ ထွက် ရ စေ ရန် ငါ့ ဘု ရား သ ခင့် ဗိ မန် တော့် အ တွင်း ကွန်း တိုင် ဖြစ် စေ မည့် ပြင် ငါ့ ဘု ရား သ ခင့် နာ မ တော် ကိုလည်း ကောင်း၊ ငါ့ ဘု ရား သ ခင် စံ တော် မူ ရာ ကောင်း ကင် ဘုံ မှ ဆင်း သက် သည့် ယေ ရု ရှ လင် မြို့ သစ်၊ ငါ့ ဘု ရား သ ခင့် မြို့ တော့် အ မည် ကိုလည်း ကောင်း၊ ငါ့ အ မည် သစ် ကိုလည်း ကောင်း အ က္ခ တင် မည်။

Judson Bible

¹² အ​ကြင်​သူ​သည် အောင်​မြင်၏။ ထို​သူ​ကို ငါ​သည် ငါ၏​ဘု​ရား​သ​ခင့်​ဗိ​မာန်​တော်၌ တိုင်​ဖြစ်​စေ​မည်။ နောက်​တစ်​ဖန် သူ​သည် ပြင်​သို့​မ​ရွေ့​ရ။ ငါ၏ ဘု​ရား​သ​ခင့် နာ​မ​တော်​ကို​လည်း​ကောင်း၊ ငါ၏​ဘု​ရား​သ​ခင့်​အ​ထံ​တော် မှ​ထွက်၍၊ ကောင်း​ကင်​ဘုံ​မှ ဆင်း​သက်​သော ယေ​ရှု​ရှ​လင်​မြို့​သစ်​တည်း​ဟူ​သော၊ ငါ၏​ဘု​ရား​သ​ခင့်​မြို့​တော်၏ နာ​မ​ကို​လည်း​ကောင်း၊ ငါ၏ နာ​မ​သစ်​ကို​လည်း​ကောင်း၊ ထို​သူ​အ​ပေါ်၌ ငါ​သည် အ​က္ခ​ရာ​တင်​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ငါ​သည် အောင်မြင်​သော​သူ​အား ငါ့​ဘုရားသခင်​၏​ဗိမာန်​တော်​၌ တိုင်​ဖြစ်​စေ​မည်။ သူ​သည် မည်သည့်​အခါ​မျှ အပြင်​သို့​ထွက်ခွာ​သွား​ရ​တော့​မည်​မ​ဟုတ်။ ငါ​သည် ငါ့​ဘုရားသခင်​၏​နာမ​တော်​ကို​လည်းကောင်း၊ ငါ့​ဘုရားသခင်​၏​မြို့​တော်​တည်းဟူသော ဘုရားသခင်​အထံ​တော်​ကောင်းကင်​မှ​ဆင်းသက်​လာ​သည့် ဂျေရုဆလင်​မြို့​သစ်​၏​နာမ​ကို​လည်းကောင်း၊ ငါ​၏​နာမ​အသစ်​ကို​လည်းကောင်း သူ့​အပေါ်၌​ရေး​ထား​မည်။

ဗျာ​ဒိတ် 3:12 ပူးပေါင်းရင်းမြစ်များ

ရှင်မာကု 12:16

ဒင်္ဂါးပြား​တစ်ပြား​ကို ယူ​၍ ပေးကြ​သောအခါ ယေရှု​က “ဤ​ဒင်္ဂါးပြား​ပေါ်၌ မည်သူ့​ပုံ​နှင့် မည်သူ့​အမည် ပါရှိသနည်း” ဟု မေးတော်မူ၏။ ထို​သူတို့​ကလည်း “ဆီဇာဘုရင်​၏ ပုံ​နှင့်​အမည် ပါရှိသည်” ဟု လျှောက်ကြ၏။

ဂ​လာ​တိ 2:9

အသင်းတော်​၏ မဏ္ဍိုင်များ​ကဲ့သို့ ဖြစ်ကြသော ယာကုပ်၊ ပေတရု​နှင့် ယောဟန်​တို့​က ကျွန်ုပ်​အား ပေးထားသော​ကျေးဇူးတော်​ကို သဘောပေါက်​လျက် ကျွန်ုပ်တို့​အားလုံး​သည် လုပ်ဖော်ကိုင်ဖက်များ​ဖြစ်ကြောင်း​ကို ပြသော​အားဖြင့် ဗာနဗ​နှင့် ကျွန်ုပ်​ကို လက်ဆွဲ​နှုတ်ဆက်ကြ၏။ ကျွန်ုပ်တို့​သည် လူမျိုးခြား​ထံသို့ သွားရောက်​ဟောပြော​ရန်​နှင့် သူတို့​သည် ဂျူးလူမျိုး​ထံသို့ သွားရောက်​ဟောပြော​ရန် သဘောတူကြ၏။

ဟေ​ဗြဲ 12:22

သို့သော် သင်တို့​သည် ဇိအုန်တောင်​သို့​လည်းကောင်း၊ ကောင်းကင်တမန်​ထောင်ပေါင်း​များစွာ စုဝေးရာ အသက်ရှင်တော်မူသော​ဘုရားသခင်​၏ မြို့တော်​တည်းဟူသော ကောင်းကင်ဘုံ​ရှိ ဂျေရုဆလင်မြို့​သို့​လည်းကောင်း၊

ဟေ​ဗြဲ 13:14

အဘယ်ကြောင့်ဆိုသော် ဤ​လောက​၌ ကျွန်ုပ်တို့​အတွက် တည်မြဲသော​မြို့ မရှိ​သောကြောင့် ဖြစ်၏။ အနာဂတ်​၌ ပေါ်ထွန်းမည့်​မြို့​ကိုသာ ကျွန်ုပ်တို့​တောင့်တကြ၏။

၁ ယော 4:4

သားသမီးတို့… သင်တို့​သည် ဘုရားသခင်​၏​သားသမီးများ​ဖြစ်​၍ ထို​သူတို့​ကို အောင်နိုင်ကြပြီ။ အဘယ်ကြောင့်ဆိုသော် သင်တို့​ထဲ၌ ကိန်းအောင်းသော​ဝိညာဉ်တော်​သည် လောကီသားတို့​ထဲ၌ ကိန်းအောင်းသော​ဝိညာဉ်​ထက် ပို​၍ ကြီးမြတ်​သောကြောင့် ဖြစ်၏။

ဗျာ​ဒိတ် 14:1

ထို့နောက် ကျွန်ုပ်​ကြည့်လိုက်​ရာ ဇိအုန်တောင်​ပေါ်တွင် ရပ်နေသော သိုးသငယ်တော်​ကို မြင်ရ၏။ သူ​၏ နာမတော်​နှင့် ခမည်းတော်​၏ နာမတော်​ကို နဖူး​၌ ရေးထားခံရသူ တစ်သိန်း​လေးသောင်း​လေးထောင်​တို့​သည်​လည်း သူ​နှင့်​အတူ ရှိကြ၏။

ဗျာ​ဒိတ် 17:14

သူတို့​သည် သိုးသငယ်တော်​ကို တိုက်ကြ​လိမ့်မည်။ သို့ရာတွင် သိုးသငယ်တော်​သည် ဘုရင်​တကာ​တို့​၏ ဘုရင်၊ သခင်​တကာ​တို့​၏ သခင်​ဖြစ်တော်မူ​သောကြောင့် သူတို့​ကို အောင်နိုင်​လိမ့်မည်။ သိုးသငယ်တော်​နှင့်အတူ ရှိသောသူတို့​သည် ခေါ်ဖိတ်ခံရသူများ၊ ရွေးကောက်ခံရသူများ၊ သစ္စာရှိသူများ​ဖြစ်ကြ၏” ဟု ကျွန်ုပ်​အား ပြော၏။

ဗျာ​ဒိတ် 2:11

ဝိညာဉ်တော်​သည် အသင်းတော်တို့​အား မိန့်တော်မူသော​စကားကို နား​ရှိသောသူ​သည် ကြား​၍ နားလည်ပါစေ။ အောင်မြင်သော​သူ​သည် ဒုတိယ​သေခြင်း​ဝေဒနာ​ကို ခံစားရမည်​မဟုတ်။

ဗျာ​ဒိတ် 2:17

ဝိညာဉ်တော်​သည် အသင်းတော်တို့​အား မိန့်တော်မူသော​စကား​ကို နား​ရှိသောသူ​သည် ကြား​၍ နားလည်ပါစေ။ ငါ​သည် အောင်မြင်သော​သူ​အား ဝှက်ထားသော​မန္နမုန့်​ကို​ပေးမည်။ ဖြူသော​ကျောက်​တစ်လုံး​ကိုလည်း​ပေးမည်။ ထို​ကျောက်​ပေါ်တွင် နာမည်​အသစ်​ကို ရေးထွင်းထား​ပြီး ထို​ကျောက်​ကို လက်ခံသည့်​သူ​မှ​လွဲ​၍ မည်သူ​မျှ ထို​နာမည်​သစ်​ကို မသိရ။

ဗျာ​ဒိတ် 2:7

ဝိညာဉ်တော်​သည် အသင်းတော်တို့​အား မိန့်တော်မူသော​စကား​ကို နား​ရှိသောသူ​သည် ကြား​၍ နားလည်ပါစေ။ ငါ​သည် အောင်မြင်သော​သူတို့​ကို ဘုရားသခင်​၏ ပရဒိသုဘုံ​၌​ရှိသော အသက်ပင်​၏​အသီး​ကို စားခွင့်​ပေးမည်။

ဗျာ​ဒိတ် 21:2

သန့်ရှင်းသော​မြို့တော်​ဖြစ်သော ဂျေရုဆလင်​မြို့သစ်​သည် သတို့သား​အတွက် လှပ​စွာ ဝတ်ဆင်ထားသော သတို့သမီး​တစ်ဦး​ကဲ့သို့ ပြင်ဆင်​လျက် ဘုရားသခင်​ထံတော် ကောင်းကင်ဘုံ​မှ ဆင်းသက်လာသည်​ကို ကျွန်ုပ်​မြင်ရ၏။

ဗျာ​ဒိတ် 22:4

သူတို့​သည် ကိုယ်တော်​၏ မျက်နှာတော်​ကို ဖူးမြင်​ရ​လိမ့်မည်။ သူတို့​၏ နဖူး​ပေါ်တွင် ကိုယ်တော်​၏ နာမတော်​ကို ရေးထား​လျက်​ရှိ​လိမ့်မည်။

ဗျာ​ဒိတ် 3:5

အောင်မြင်သောသူ​သည် ထို​သူတို့​ကဲ့သို့​ပင် ဖြူသော​အဝတ်​ကို ဝတ်ဆင်​ရ​လိမ့်မည်။ ငါ​သည် သူ​၏​နာမည်​ကို အသက်​စာစောင်​မှ မည်သည့်​အခါ​မျှ ပယ်ဖျက်မည်​မဟုတ်။ သူ​သည် ငါ့​တပည့်​ဖြစ်ကြောင်း​ကို ငါ့​ခမည်းတော်​နှင့် ခမည်းတော်​၏​ကောင်းကင်တမန်များ​ရှေ့​၌ ငါ​အသိအမှတ်ပြုမည်။