ဗျာ​ဒိတ် 3:11 - ခေတ်သစ်​မြန်မာ သမ္မာကျမ်း

¹¹ ငါ​သည် မကြာမီ​လာမည်။ သင်​၏​သရဖူကို မည်သူမျှ မလုယူ​စေရန် သင်​၌​ရှိသော​ယုံကြည်ခြင်း​ကို စွဲကိုင်ထားလော့။

Common Language Bible

¹¹ ငါ​သည်​မ​ကြာ​မီ​ကြွ​လာ​မည်။ သင်​၏​ဆု သ​ရ​ဖူ​ကို​အ​ဘယ်​သူ​မျှ​မ​လု​မ​ယူ​နိုင်​စေ​ရန် သင်​ရ​ရှိ​ထား​သော​အ​ရာ​ကို​လုံ​ခြုံ​စွာ​ထိန်း သိမ်း​၍​ထား​လော့။-

Garrad Bible

¹¹ ငါ အ မြန် လာ မည်။ သင့် သ ရ ဖူ ကို မည် သူ မျှ မ ယူ စေ ရန် ရ ရှိ သော ပါ ရ မီ ကို စွဲ မြဲ လော့။

Judson Bible

¹¹ ငါ​သည် အ​လျင်​အ​မြန်​လာ​မည်။ သင်၏ သ​ရ​ဖူ​ကို အ​ဘယ်​သူ​မျှ​မ​ယူ​စေ​ခြင်း​ငှာ၊ ရ​ခဲ့​ပြီး​သော​အ​ရာ​ကို စွဲ​ကိုင်​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ငါ​သည် အလျင်အမြန်​လာ​မည်။ သင်​၏​သရဖူ​ကို မည်သူမျှ​မ​လုယူ​စေရန် သင်​၌​ရှိ​သော​အရာ​ကို စွဲကိုင်​ထား​လော့။

ဗျာ​ဒိတ် 3:11 ပူးပေါင်းရင်းမြစ်များ

၁ ကော 9:25

အားကစားသမား​တိုင်း​သည် လေ့ကျင့်​ရာတွင် အရာရာ​၌ မိမိ​ကိုယ်ကိုယ် ထိန်းချုပ်ရ၏။ ထို​သူတို့​သည် ပျောက်ကွယ်​ပျက်စီးမည့် ဆုသရဖူ​ကို ရ​ရန် ထိုသို့​ပြုကြ၏။ ကျွန်ုပ်တို့​မှာမူ ထာဝရ​မပျောက်ကွယ်​မပျက်စီးမည့် ဆုသရဖူ​ကို ရ​ရန် ထိုသို့​ပြုကြ၏။

ဖိ​လိပ္ပိ 4:5

သင်တို့​၏ ထောက်ထား​ညှာတာသော သဘောထား​ကို လူ​အပေါင်းတို့​အား သိစေကြလော့။ သခင်ဘုရား ကြွလာမည့်​အချိန် နီးပြီ။

၂ တိ 2:5

ထိုနည်းတူ အားကစားသမား​သည် ပြိုင်ပွဲ​စည်းကမ်း​ကို မလိုက်နာ​ပါက ဆုသရဖူ​ကို မရနိုင်။

၂ တိ 4:8

ယခု​မှစ၍ ဖြောင့်မတ်ခြင်း​ဆုသရဖူ​သည် ကျွန်ုပ်​အတွက် အသင့်​ရှိနေ၏။ ဖြောင့်မတ်​စွာ တရားစီရင်သူ​ဖြစ်တော်မူသည့် သခင်ဘုရား ပြန်လည်ကြွလာမည့်​နေ့တွင် ထို​ဆုသရဖူ​ကို ကျွန်ုပ်​အား ပေးတော်မူ​လိမ့်မည်။ ကျွန်ုပ်​တစ်ဦးတည်း​သာမက ကိုယ်တော်​၏​ပြန်လည်ကြွလာခြင်း​ကို တောင့်တသူ​အားလုံး​တို့​အားလည်း ပေးတော်မူ​လိမ့်မည်။

ယာ​ကုပ် 1:12

ဒုက္ခဆင်းရဲတို့​ဖြင့် စမ်းသပ်ခြင်း​ကို အဆုံး​တိုင်အောင် ကြံ့ကြံ့ခံသော​သူ​သည် မင်္ဂလာ​ရှိ၏။ အဘယ်ကြောင့်ဆိုသော် သူ​သည် ထို​စမ်းသပ်ခြင်း​ကို အောင်မြင်​သောအခါ ဘုရားသခင်​ကို ချစ်သော​သူတို့​အတွက် ကတိထားတော်မူသည့် အသက်​ဆုသရဖူ​ကို ရမည်​ဖြစ်သောကြောင့်​ပင်။

ယာ​ကုပ် 5:9

ညီအစ်ကို​မောင်နှမတို့… အပြစ်စီရင်ခြင်း မခံရ​ရန် အချင်းချင်း အပြစ်တင်​၍ မညည်းတွားကြနှင့်။ ကြည့်လော့။ တရားစီရင်သော​အရှင်​သည် တံခါးဝ​တွင် ရပ်နေတော်မူ၏။

ဗျာ​ဒိတ် 1:3

ဤ​ပရောဖက်ပြု​ဟောပြောချက်​သည် ဖြစ်ပျက်​ရန် အချိန်​နီးလာ​သောကြောင့် ၎င်း​ကို ဖတ်သောသူ​နှင့် ကြားနာ​၍ လိုက်နာသော​သူတို့​သည် မင်္ဂလာရှိကြ၏။

ဗျာ​ဒိတ် 16:15

“ကြည့်လော့။ သူခိုး​ကဲ့သို့ ငါ​လာမည်။ သို့ဖြစ်၍ အဝတ်​မပါဘဲ သွားလာ​သဖြင့် အရှက်ကွဲခြင်း​မျိုး မဖြစ်​စေရန် မိမိ​၏ အဝတ်​ကို အသင့်​ဝတ်ဆင်​လျက် နိုးကြားနေသောသူ​သည် မင်္ဂလာရှိ၏။”

ဗျာ​ဒိတ် 2:10

သင်​ခံစားရမည့်​ဆင်းရဲဒုက္ခ​ကို မကြောက်နှင့်။ ကြည့်ရှုလော့။ မာရ်နတ်​သည် သင့်​ကို စမ်းသပ်​ရန် သင်တို့​ထဲမှ တချို့​ကို ထောင်ချ​လိမ့်မည်။ သင်​သည်​ဆယ်ရက်​တိုင် ဆင်းရဲဒုက္ခ ခံရ​လိမ့်မည်။ သေသည်​တိုင်အောင် သစ္စာ​ရှိလော့။ ထိုသို့​ပြု​လျှင် အသက်​ဆုသရဖူ​ကို သင့်​အား ငါ​ပေးမည်။

ဗျာ​ဒိတ် 2:13

သင်​သည် စာတန်​အုပ်စိုးသည့်​နေရာ​၌ နေကြောင်း​ကို ငါ​သိ၏။ သို့သော် သင်​သည် ငါ​၏​နာမ​ကို စွဲကိုင်​နေလျက်​ရှိသေး၏။ ငါ​၏​သစ္စာရှိသော​သက်သေခံ အန္တိပ​သည် ဤ​စာတန်​အုပ်စိုး​သည့်​နေရာ​၌ အသတ်ခံရ​ချိန်​၌ပင် သင်​သည် ငါ့​အပေါ် ထားရှိသော သင်​၏​ယုံကြည်ခြင်း​ကို မစွန့်ပယ်ခဲ့ပေ။

ဗျာ​ဒိတ် 2:25

ငါ​လာသည့်​တိုင်အောင် သင်​၌​ရှိသော​အရာ​ကို စွဲကိုင်ထားလော့။

ဗျာ​ဒိတ် 22:12

ယေရှု​က “ကြည့်လော့။ ငါ​သည် မကြာမီ​လာမည်။ ငါ​သည် ဆုလာဘ်​နှင့် ပြစ်ဒဏ်​ကို ယူဆောင်လာ​ပြီး လူ​အသီးသီးတို့​အား မိမိတို့​အကျင့်​အတိုင်း ငါ​ပေးဆပ်မည်။

ဗျာ​ဒိတ် 22:20

ဤ​အကြောင်းအရာများ​ကို သက်သေခံတော်မူသော​အရှင်​က “ဧကန်​အမှန်​ပင် ငါ​သည် မကြာမီ​လာမည်” ဟု မိန့်တော်မူ၏။ အာမင်။ သခင်​ယေရှု… ကြွလာတော်မူပါ။

ဗျာ​ဒိတ် 22:7

ယေရှု​က “ကြည့်ရှုလော့။ ငါ​သည် မကြာမီ​လာမည်။ ဤ​စာစောင်​၌ ရေးထားသော ပရောဖက်ပြု​ဟောပြောချက်များ​ကို လိုက်နာသောသူ​သည် မင်္ဂလာ​ရှိ၏” ဟု မိန့်တော်မူ၏။

ဗျာ​ဒိတ် 3:3

ထို့ကြောင့် သင်​သည် ကြားနာ​၍ ခံယူပြီးသော​အရာ​ကို သတိရ​လျက် လိုက်နာလော့။ နောင်တရလော့။ သင်​မနိုးထ​လျှင် သူခိုး​ကဲ့သို့ ငါ​လာမည်။ မည်သည့်​အချိန်​၌ လာမည်​ကို သင်​သိရမည်​မဟုတ်။

ဗျာ​ဒိတ် 4:10

အကြီးအကဲ​နှစ်ဆယ့်လေးပါးတို့​သည် ရာဇပလ္လင်တော်​ပေါ်တွင် ထိုင်တော်မူသော​အရှင်​ရှေ့၌ ဝပ်တွားခယ​၍ အစဉ်​ထာဝရ​အသက်ရှင်တော်မူသော​အရှင်​ကို ကိုးကွယ်ကြ၏။ ထို​အကြီးအကဲ​နှစ်ဆယ့်လေးပါးတို့​သည် မိမိတို့​၏​သရဖူများ​ကို ရာဇပလ္လင်တော်​ရှေ့​၌ ချထား​လျက်

ဗျာ​ဒိတ် 4:4

ရာဇပလ္လင်တော်​ပတ်လည်​တွင် အခြား​ပလ္လင်​နှစ်ဆယ့်လေး​ခု​ရှိ​ပြီး အကြီးအကဲ​နှစ်ဆယ့်လေးပါးတို့​သည် ထို​ပလ္လင်များ​ပေါ်တွင် ထိုင်နေကြ၏။ သူတို့​သည် ဝတ်ရုံဖြူ​ကို ဝတ်ဆင်​လျက် ဦးခေါင်းများ​ပေါ်​တွင် ရွှေ​သရဖူများ​ကို ဆောင်းထားကြ၏။