ဗျာ​ဒိတ် 22:18 - ခေတ်သစ်​မြန်မာ သမ္မာကျမ်း

¹⁸ ဤ​စာစောင်​၌ ပါသော ပရောဖက်ပြု​ဟောပြောချက်များ​ကို ကြားနာသောသူ​တိုင်း​အား ငါ​သတိပေး၏။ မည်သူ​မဆို ဤ​စာစောင်​တွင် တစ်စုံတစ်ရာ ထပ်လောင်း​ဖြည့်စွက်​ပါက ဘုရားသခင်​သည် ဤ​စာစောင်​ပါ ဘေးဒဏ်များ​ကို ထို​သူ​အပေါ် ကျရောက်စေတော်မူ​လိမ့်မည်။

Common Language Bible

¹⁸ ဤ​ကျမ်း​စောင်​ပါ​ဗျာ​ဒိတ်​တော်​များ​ကို​ကြား​ရ သူ​အ​ပေါင်း​တို့​အား ငါ​ယော​ဟန်​သည်​ကြပ်​တည်း စွာ​သ​တိ​ပေး​လိုက်​၏။ မည်​သူ​မ​ဆို​ဤ​ကျမ်း​စောင် တွင် တစ်​စုံ​တစ်​ရာ​ထပ်​လောင်း​၍​ဖြည့်​စွက်​ပါ​က ထို​သူ​အ​ပေါ်​သို့​ဘု​ရား​သ​ခင်​သည် ဤ​ကျမ်း စောင်​၌​ဖော်​ပြ​သော​ဘေး​ဒဏ်​များ​ကို​သက် ရောက်​စေ​တော်​မူ​လိမ့်​မည်။-

Garrad Bible

¹⁸ ဤ ကျမ်း ပါ ပ ရော ဖက် ဆင့် ချက် များ ကို ကြား နာ သူ တိုင်း အား ငါ သက် သေ ခံ သည် ကား၊ မည် သူ မ ဆို ထပ် ဆင့် ထည့် သွင်း လျှင် ဤ ကျမ်း ပါ ဘေး များ ကို ထို သူ့ အ ပေါ် တွင် ဘု ရား သ ခင် ထပ် ဆင့် တော် မူ လိမ့် မည်။

Judson Bible

¹⁸ ဤ​စာ​စောင်၏​အ​နာ​ဂ​တ္တိ​စ​ကား​ကို ကြား​သော​သူ​အ​ပေါင်း​တို့​အား ငါ​သက်​သေ​ခံ​သည်​ကား၊ အ​ကြင်​သူ​သည် ဤ​အ​ရာ​တို့၌​ထပ်၍ အ​သစ်​သွင်း၏။ ဤ​စာ​စောင်၌​ရေး​ထား​သော​ဘေး​ဒဏ်​တို့​ကို ထို​သူ​အ​ပေါ်​သို့ ဘု​ရား​သ​ခင်​သက်​ရောက်​စေ​တော်​မူ​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ဤ​စာစောင်​၌​ပါ​သည့် ပရောဖက်ပြု​ဟောပြော​သော​စကား​တို့​ကို ကြား​ရ​သူ​တိုင်း​အား ငါ​သက်သေခံ​သည်​ကား မည်သူမဆို ၎င်း​တို့​အပေါ် ထပ်မံ​ဖြည့်စွက်​လျှင် ဘုရားသခင်​သည် ဤ​စာစောင်​၌​ရေး​ထား​သော​ဘေးဒဏ်​များ​ကို ထို​သူ​အပေါ်၌ သက်ရောက်​စေ​တော်မူ​လိမ့်မည်။

ဗျာ​ဒိတ် 22:18 ပူးပေါင်းရင်းမြစ်များ

မဿဲ 15:13

ယေရှု​က “ကောင်းကင်ဘုံရှင် ငါ​၏​ခမည်းတော် မစိုက်ပျိုးသော​အပင်​ရှိသမျှတို့​သည် အမြစ်​မှ​နုတ်ယူခြင်း​ခံရ​လိမ့်မည်။

ဧ​ဖက် 4:17

ထို့ကြောင့် ဘုရားသခင်​ကို မသိသော​လူမျိုးခြားများ​ကဲ့သို့ မနေထိုင်ကြ​ရန် သခင်ဘုရား​၏ အခွင့်အာဏာ​ဖြင့် သင်တို့​ကို ကျွန်ုပ် သတိပေး​လို၏။ ထို​သူတို့​၏ တွေးခေါ်ကြံဆမှု​သည် အကျိုး​မရှိပေ။

၁ သက် 4:6

ထို့ပြင် ဤသို့သော ကိစ္စများ​တွင် မည်သူ​မျှ မိမိတို့ ညီအစ်ကို​အပေါ် အခွင့်ကောင်း​ယူ​၍ သူ​၏ သားမယား​နှင့် မပြစ်မှားရ။ သင်တို့​ကို ကျွန်ုပ်တို့ သတိပေး​ပြောဆိုခဲ့သည့်​အတိုင်း အထက်ပါ​အပြစ်တို့​ကို ကျူးလွန်သော သူတို့​ကို သခင်ဘုရား ပြစ်ဒဏ်​ပေးတော်မူ​လိမ့်မည်။

ဗျာ​ဒိတ် 1:3

ဤ​ပရောဖက်ပြု​ဟောပြောချက်​သည် ဖြစ်ပျက်​ရန် အချိန်​နီးလာ​သောကြောင့် ၎င်း​ကို ဖတ်သောသူ​နှင့် ကြားနာ​၍ လိုက်နာသော​သူတို့​သည် မင်္ဂလာရှိကြ၏။

ဗျာ​ဒိတ် 15:1

ထို့နောက် ကောင်းကင်ဘုံ​၌ အံ့ဖွယ်​နိမိတ်​လက္ခဏာ​ကြီး​တစ်ခု​ကို မြင်ရ၏။ ကောင်းကင်တမန်​ခုနစ်ပါး​သည် နောက်ဆုံး​ဘေးဒဏ်​ခုနစ်ပါး ကိုင်ဆောင်​ထားသည်​ကို ကျွန်ုပ်​မြင်ရ၏။ ထို​ဘေးဒဏ်တို့​ဖြစ်ပျက်​ပြီးနောက် ဘုရားသခင်​၏ အမျက်တော်​အဆုံးသတ်မည်​ဖြစ်​သောကြောင့် နောက်ဆုံး​ဘေးဒဏ်​ဟု ဆိုရ၏။

ဗျာ​ဒိတ် 15:6

ထို​ဗိမာန်တော်​ထဲမှ ဘေးဒဏ်​ခုနစ်ပါး​ကို ကိုင်ဆောင်​ထားသည့် ကောင်းကင်တမန်​ခုနစ်ပါး​ထွက်လာ၏။ သူတို့​သည် သန့်ရှင်း​တောက်ပြောင်သော ပိတ်ချောထည်​ကို ဝတ်ဆင်​၍ ရင်ဘတ်​ပေါ်တွင် ရွှေ​ရင်စည်း​ကို ပတ်ထား၏။

ဗျာ​ဒိတ် 19:20

သို့ရာတွင် သားရဲ​သည် မိမိ​ကိုယ်စား နိမိတ်​လက္ခဏာများ​ပြသော ပရောဖက်​အတုအယောင်​နှင့်အတူ ဖမ်းဆီးခံရ၏။ ထို​ပရောဖက်​မှာ သားရဲ​၏​အမှတ်တံဆိပ်​ကို ခံယူကြ​လျက် သားရဲ​၏​ရုပ်တု​ကို ကိုးကွယ်ကြသော​သူတို့​အား ထို​နိမိတ်​လက္ခဏာများ​ဖြင့် လှည့်ဖြားသူ​ဖြစ်၏။ သူတို့​နှစ်ဦး​သည် ကန့်​နှင့် လောင်သော​မီးအိုင်​ထဲသို့ အရှင်​လတ်လတ် ပစ်ချခံကြရ၏။

ဗျာ​ဒိတ် 20:10

သူတို့​ကို လှည့်ဖြားသော​မာရ်နတ်​သည်လည်း သားရဲ​နှင့် ပရောဖက်​အတုအယောင်တို့ ပစ်ချခံရသည့် ကန့်​နှင့် လောင်သော​မီးအိုင်​ထဲသို့ ပစ်ချခံရ၏။ သူတို့​သည် နေ့ည​မပြတ် အစဉ်​ထာဝရ ညှဉ်းဆဲခြင်း​ကို ခံကြရ​လိမ့်မည်။

ဗျာ​ဒိတ် 20:15

အသက်​စာစောင်​တွင် စာရင်း​မဝင်သော​သူတို့​သည်လည်း မီးအိုင်​ထဲသို့ ပစ်ချ​ခံရ၏။

ဗျာ​ဒိတ် 22:10

တစ်ဖန် ထို​ကောင်းကင်တမန်​က “အချိန်​နီးကပ်လာ​သောကြောင့် ဤ​စာစောင်​ထဲမှ ပရောဖက်ပြု​ဟောပြောချက်များ​ကို မျှဝေလော့။ လျှို့ဝှက်မထားနှင့်။

ဗျာ​ဒိတ် 22:16

ငါ​ယေရှု​သည် အသင်းတော်များ​၌​ရှိသော သင်တို့​အား ဤ​အကြောင်းအရာများ​ကို သက်သေခံ​ရန် ငါ​၏ ကောင်းကင်တမန်​ကို စေလွှတ်ထား၏။ ငါ​သည် ဒါဝိဒ်​၏​အမြစ်၊ ဒါဝိဒ်​၏ အမျိုး​ဖြစ်၏။ တောက်ပသော​မိုးသောက်ကြယ်​လည်း​ဖြစ်၏” ဟု မိန့်တော်မူ၏။

ဗျာ​ဒိတ် 22:7

ယေရှု​က “ကြည့်ရှုလော့။ ငါ​သည် မကြာမီ​လာမည်။ ဤ​စာစောင်​၌ ရေးထားသော ပရောဖက်ပြု​ဟောပြောချက်များ​ကို လိုက်နာသောသူ​သည် မင်္ဂလာ​ရှိ၏” ဟု မိန့်တော်မူ၏။

ဗျာ​ဒိတ် 22:9

သို့သော် သူ​က “ထိုသို့​မပြုနှင့်။ ငါ​သည် သင်​မှစ၍ သင်​၏​ညီအစ်ကို ပရောဖက်တို့​နှင့် ဤ​စာစောင်​ကို လိုက်နာသောသူ​အားလုံး​၏ အစေခံချင်း​ဖြစ်၏။ ဘုရားသခင်​ကိုသာ ရှိခိုးလော့” ဟု ဆိုလေ၏။

ဗျာ​ဒိတ် 3:14

လောဒိကိမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အာမင်​ဖြစ်သောသူ၊ စစ်မှန်​၍ သစ္စာရှိသည့်​သက်သေ​ဖြစ်သောသူ၊ ဘုရားသခင်​ဖန်ဆင်းတော်မူသော​အရာတို့​၏​အစအဦး​ဖြစ်သောသူ​က ဤသို့​မိန့်တော်မူ၏။