ဗျာ​ဒိတ် 21:12 - ခေတ်သစ်​မြန်မာ သမ္မာကျမ်း

¹² ၎င်း​တွင် ကြီးမား​၍ မြင့်မားသော​မြို့ရိုး​ရှိပြီး တံခါး​ဆယ့်နှစ်ပေါက်​ပါ၏။ တံခါးဝတို့​တွင် ကောင်းကင်တမန်​ဆယ့်နှစ်ပါး​ရှိပြီး တံခါး​အသီးသီး​ပေါ်တွင် အစ္စရေး​မျိုးနွယ်စု ဆယ့်နှစ်စုတို့​၏ အမည်​အသီးသီး​ကို ရေးထား၏။

Common Language Bible

¹² ထို​မြို့​တွင်​တံ​ခါး​ပေါက်​တစ်​ဆယ့်​နှစ်​ပေါက်​နှင့် မြင့်​မား​သော​မြို့​ရိုး​ကြီး​ရှိ​၏။ ထို​တံ​ခါး​ပေါက် တို့​တွင်​ကောင်း​ကင်​တ​မန်​တစ်​ဆယ့်​နှစ်​ပါး​စောင့် ၍​ဣသ​ရေ​လ​အ​မျိုး​တစ်​ဆယ့်​နှစ်​ပါး​တို့​၏ နာ​မည်​များ​ကို​တံ​ခါး​များ​ပေါ်​၌​ရေး​ထား လျက်​ရှိ​၏။-

Garrad Bible

¹² ကြီး မြင့် သော မြို့ ရိုး နှင့် တ ကွ စေ တ မန် တော် ဆယ့် နှစ် ပါး စောင့် လျက် ဣ သ ရေ လ ဆယ့် နှစ် နွယ်၏ အ မည် များ အ လိုက် က မ္ပည်း ထိုး လျက် အ ရှေ့ မျက် နှာ၌ တံ ခါး သုံး ပေါက်၊ မြောက် မျက် နှာ၌ သုံး ပေါက်၊ တောင် မျက် နှာ၌ သုံး ပေါက်၊ အ နောက် မျက် နှာ၌ သုံး ပေါက် ပေါင်း ဆယ့် နှစ် ပေါက် ရှိ ၏။

Judson Bible

^12-13 ကြီး​မြင့်​သော မြို့​ရိုး​လည်း​ရှိ၏။ အ​ရှေ့​ဘက်၌ တံ​ခါး​သုံး​ပေါက်၊ မြောက်​ဘက်၌ သုံး​ပေါက်၊ တောင်​ဘက်၌​သုံး​ပေါက်၊ အ​နောက်​ဘက်၌ သုံး​ပေါက်၊ တံ​ခါး တစ်​ဆယ်​နှစ်​ပေါက်​ရှိ၏။ ထို​တံ​ခါး တစ်​ဆယ်​နှစ်​ပေါက်၌ ကောင်း​ကင်​တ​မန် တစ်​ဆယ်​နှစ်​ပါး ရှိ၏။ ဣ​သ​ရေ​လ​အ​မျိုး တစ်​ဆယ်​နှစ်​မျိုး၏ နာ​မ​တို့​သည် ထို​တံ​ခါး​ပေါ်၌ ရေး​ထား​လျက်​ရှိ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို​မြို့​တွင် ကြီးမား​၍​မြင့်​လှ​သော​မြို့ရိုး​ရှိ​လျက် တံခါး​တစ်ဆယ့်နှစ်​ပေါက်​ရှိ​၏။ တံခါး​များ​တွင် ကောင်းကင်​တမန်​တစ်ဆယ့်နှစ်​ပါး​ရှိ​၍ ထို​တံခါး​များ​ပေါ်၌ အစ္စရေး​အမျိုးသား​တို့​၏​မျိုးနွယ်စု​တစ်ဆယ့်နှစ်​နွယ်​တို့​၏​အမည်​နာမ​များ​ကို ရေးထိုး​ထား​၏။

ဗျာ​ဒိတ် 21:12 ပူးပေါင်းရင်းမြစ်များ

မဿဲ 18:10

ကလေးငယ်​တစ်ဦးတစ်ယောက်​အပေါ်​၌ မထီမဲ့မြင်​မပြုမိ​စေရန် သတိပြုကြလော့။ ကောင်းကင်ဘုံ​တွင်​ရှိသော ထို​ကလေးငယ်တို့​၏ ကောင်းကင်တမန်များ​သည် ကောင်းကင်ဘုံ​၌ ရှိတော်မူသော ငါ့​ခမည်းတော်​၏ မျက်နှာတော်​ကို အစဉ်မပြတ် ဖူးမြော်​ကြရသည်​ဟု သင်တို့​အား ငါ​ပြောဆို၏။

လုကာ 15:10

သင်တို့​အား ငါ​ပြောဆိုသည်​မှာ ထို​နည်းတူ အပြစ်သား​တစ်ဦး နောင်တရ​သောအခါ ဘုရားသခင်​၏​ကောင်းကင်တမန်များ ဝမ်းမြောက်ကြသည်” ဟူ၍ ဖြစ်၏။

လုကာ 16:22

နောက်ဆုံး​တွင် ထို​ဆင်းရဲသား​ကွယ်လွန်​သဖြင့် ကောင်းကင်တမန်များ​က အာဗြဟံ​၏​ရင်ခွင်​သို့ ပို့ဆောင်ကြ၏။ သူဌေးကြီး​သည်လည်း ကွယ်လွန်​၍ သင်္ဂြိုဟ်ခြင်း​ကို ခံရ၏။

တမန်တော်ဝတ္ထု 26:7

အကျွန်ုပ်တို့​၏​မျိုးနွယ်စု​ဆယ့်နှစ်မျိုး​တို့​သည် ဘုရားသခင်​ကို နေ့ရော​ညပါ​ဝတ်ပြုကိုးကွယ်​လျက် ထို​ကတိတော်​အတိုင်း​ခံစားရ​ရန် စောင့်မျှော်နေကြ၏။ အရှင်မင်းကြီး… အကျွန်ုပ်​သည် ဤသို့​စောင့်မျှော်နေသည့်​အတွက်ကြောင့် ဂျူးတို့​၏​စွပ်စွဲခြင်း​ခံနေရပါ၏။

ဟေ​ဗြဲ 1:14

သို့ဖြစ်လျှင် ကောင်းကင်တမန်များ​သည် ကယ်တင်ခြင်း​အမွေခံမည့်​သူများ​ကို အစေခံ​ရန် ဘုရားသခင်​စေလွှတ်တော်မူသော အစေခံ​ဝိညာဉ်များ ဖြစ်ကြသည်​မဟုတ်လော။

ဗျာ​ဒိတ် 21:13

အရှေ့​ဘက်တွင် တံခါး​သုံးပေါက်၊ မြောက်​ဘက်တွင် သုံးပေါက်၊ တောင်​ဘက်တွင် သုံးပေါက်၊ အနောက်​ဘက်တွင် သုံးပေါက်​ပါရှိ၏။

ဗျာ​ဒိတ် 21:15

ကျွန်ုပ်​နှင့် စကားပြောသော​ကောင်းကင်တမန်​သည် ထို​မြို့၊ မြို့တံခါး​နှင့် မြို့ရိုးတို့​ကို တိုင်းထွာ​ရန် ရွှေ​ကျူရိုး​ကို ကိုင်ဆောင်ထား၏။

ဗျာ​ဒိတ် 21:25

မြို့တံခါးများ​ကို မပိတ်ဘဲ တစ်နေ့လုံး​ဖွင့်ထား​လိမ့်မည်။ အဘယ်ကြောင့်ဆိုသော် ထို​မြို့​၌ ည​ဟူ၍ မရှိ​သောကြောင့်​ဖြစ်၏။

ဗျာ​ဒိတ် 22:14

မိမိတို့​၏ ဝတ်ရုံများ​ကို လျှော်ဖွပ်သော​သူတို့​သည် မင်္ဂလာ​ရှိကြ၏။ ထို​သူတို့​သည် မြို့တံခါးများ​မှ မြို့​ထဲသို့ ဝင်​၍ အသက်ပင်​၏ အသီး​ကို စားခွင့်​ရ​လိမ့်မည်။