ဗျာ​ဒိတ် 2:24 - ခေတ်သစ်​မြန်မာ သမ္မာကျမ်း

²⁴ ယခု ကျွန်ုပ်​သည် ကျန်ရှိသော သွာတိရ​အသင်းသား သင်တို့​အား ပြောလို၏။ သူ​၏​မှားယွင်းသည့် သွန်သင်ချက်​ကို နားမထောင်၊ စာတန်​၏​လျှို့ဝှက်ချက်များ​ကို မခံယူသည့် သင်တို့​အပေါ်​သို့ အခြား​ဝန်ထုပ်ဝန်ပိုး​ကို ငါ​တင်မည်​မဟုတ်။

Common Language Bible

²⁴ ထို​သူ​တို့​မှ​လွဲ​၍ အ​ခြား​သွာ​တိ​ရ​မြို့​အ​သင်း တော်​ဝင်​တို့​သည်​ဤ​ဆိုး​ညစ်​သည့်​အ​ယူ​ဝါ​ဒ ကို​မ​လိုက်​နာ​ကြ။ စာ​တန်​၏​နက်​နဲ​သည့်​လျှို့​ဝှက် ချက်​များ​ဟု​သူ​တစ်​ပါး​တို့​ခေါ်​ဝေါ်​ကြ​သည့် အ​ရာ​များ​ကို​လည်း​မ​ခံ​မ​ယူ​ကြ။ သင်​တို့ အ​ပေါ်​သို့​အ​ခြား​ဝန်​ထုပ်​ကို​ငါ​မ​တင်။-

Garrad Bible

²⁴ သို့ သော် လည်း နက် နဲ ရာ ဟု ချင်း တို့ ခေါ် ဝေါ် သည့် စာ တန်၏ ဩ ဝါ ဒ ကို မ နာ မ ယူ မ သိ မ ကျွမ်း သ မျှ သော သွာ တိ ရ အ သင်း တော် ရှိ ကျန် ကြွင်း သူ တို့ အား ငါ ဆို သည် ကား သင် တို့ အ ပေါ် တွင် အ ခြား ဝန် ကို ငါ မ တင်။

Judson Bible

²⁴ ထို​မိ​စ္ဆာ​ဒိ​ဌိ​အ​ယူ​ကို ယူ​သော​သူ​တို့ ခေါ်​ဝေါ်​သည်​နှင့်​အ​ညီ၊ စာ​တန်၏ နက်​နဲ​သော​အ​ရာ​ဟု ခေါ်​ဝေါ်​သော​အ​ရာ​တို့​ကို မ​ကျွမ်း၊ ထို​မိ​စ္ဆာ​ဒိ​ဌိ​အ​ယူ​ကို မ​ယူ၊ ကြွင်း​သော​သွာ​တိ​ရ​မြို့​သား​တို့​ကို ငါ​ဆို​သည်​ကား၊ သင်​တို့​သည် ရ​သ​မျှ​ကို ငါ​လာ​သည်​တိုင်​အောင် စွဲ​ကိုင်​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ သို့သော် ထို​မိန်းမ​၏​အယူဝါဒ​ကို​မ​ခံယူ၊ စာတန်​၏​နက်နဲ​သော​အရာ​ဟု သူ​တို့​ခေါ်ဝေါ်​သော​အရာ​များ​ကို​မ​သိ​သော သွာတိရ​မြို့​မှ ကျန်ရှိ​သူ​အပေါင်း​တို့​အား ငါ​ဆို​သည်​ကား သင်​တို့​အပေါ်၌ အခြား​သော​ဝန်ထုပ်ဝန်ပိုး​ကို ငါ​မ​တင်။

ဗျာ​ဒိတ် 2:24 ပူးပေါင်းရင်းမြစ်များ

တမန်တော်ဝတ္ထု 15:28

သန့်ရှင်းသော​ဝိညာဉ်တော်​နှင့် ကျွန်ုပ်တို့​သည် အရေးကြီးသော​အောက်ပါ​အချက်များ​မှအပ အခြားသော​ဝန်ထုပ်ဝန်ပိုးများ​ကို သင်တို့​အပေါ်​မတင်​လျှင် ကောင်းမည်​ဟု သဘောတူကြပါ၏။

တမန်တော်ဝတ္ထု 16:14

သွာတိရမြို့​မှ ဘုရားသခင်​ကို ကိုးကွယ်သော လုဒိ​အမည်ရှိ အမျိုးသမီး​တစ်ဦး​သည် ကျွန်ုပ်တို့​ပြောသော​အရာများ​ကို နားထောင်​လျက်​နေ၏။ သူ​သည် ခရမ်းရောင်​အထည်များ​ကို ရောင်းသောသူ​ဖြစ်၏။ ပေါလု​ဟောပြောသော စကားများ​ကို အာရုံစိုက်​နားထောင်​ရန်​အတွက် သူ​၏​စိတ်နှလုံး​ကို ဘုရားသခင်​သည် ဖွင့်ပေးတော်မူ၏။

၁ ကော 2:10

သို့သော် ဘုရားသခင်​သည် ဤ​အရာများ​ကို ဝိညာဉ်တော်​အားဖြင့် ကျွန်ုပ်တို့​အား ဖော်ပြတော်မူ၏။ ဝိညာဉ်တော်​သည် အရာ​အားလုံး​ကို ဆန်းစစ်​၍ ဘုရားသခင်​၏ နက်နဲသော​လျှို့ဝှက်ချက်များ​ကိုပင် ကျွန်ုပ်တို့​အား ဖော်ပြပေးတော်မူ၏။

၂ ကော 11:3

သို့သော် ဧဝ​သည် မြွေ​၏ ပရိယာယ်​ဖြင့် လှည့်ဖြားခံရ​သကဲ့သို့ သင်တို့​၏​စိတ်နှလုံး​သည်လည်း ခရစ်တော်​အား ရိုးသား​ဖြူစင်​စွာ ကိုးကွယ်ရာ​မှ သွေဖည်စေခြင်း​ခံရမည်​ကို ကျွန်ုပ်​စိုးရိမ်၏။

၂ ကော 2:11

သို့မှသာ စာတန်​သည် ကျွန်ုပ်တို့​အပေါ် အမြတ်ထုတ်​နိုင်မည် မဟုတ်ပေ။ အဘယ်ကြောင့်ဆိုသော် ကျွန်ုပ်တို့​သည် သူ​၏ မကောင်းသော​အကြံအစည်များ​ကို သိကြ​သောကြောင့်​ဖြစ်၏။

ယာ​ကုပ် 3:15

ထိုသို့သော ဉာဏ်ပညာ​သည် ကောင်းကင်​မှ လာသည်​မဟုတ်။ လောက၊ လူ့​ဗီဇ​နှင့် နတ်ဆိုးတို့​ထံမှ လာ၏။

ဗျာ​ဒိတ် 1:11

ထို​အသံ​က “သင်​မြင်သော​အရာ​ကို စာစောင်​တွင် ရေး​၍ ဧဖက်မြို့၊ စမုရနမြို့၊ ပေရဂံမြို့၊ သွာတိရမြို့၊ သာဒိမြို့၊ ဖိလဒေလဖိမြို့၊ လောဒိကိမြို့များ​ရှိ အသင်းတော်​ခုနစ်ပါး​ထံသို့ ပေးပို့လော့” ဟု ဆို၏။

ဗျာ​ဒိတ် 12:9

ထို​နဂါး​သည် တစ်ကမ္ဘာလုံး​ကို လှည့်ဖြားသည့် မာရ်နတ်၊ သို့မဟုတ် စာတန် ဟု​ခေါ်သော ရှေးမြွေဟောင်း​ဖြစ်ပြီး သူ​၏ တမန်များ​နှင့်အတူ ကမ္ဘာမြေ​ပေါ်သို့ ပစ်ချခံခဲ့ရ၏။

ဗျာ​ဒိတ် 13:14

သူ​သည် ပထမ​သားရဲ ကိုယ်စား ပြခွင့်​ရသည့် နိမိတ်​လက္ခဏာများ​ဖြင့် ဤ​ကမ္ဘာလောက​၌ နေထိုင်ကြသော​လူအပေါင်းတို့​ကို လှည့်ဖြား၏။ ဓား​ဒဏ်ရာ​ရထား​သော်လည်း အသက်ရှင်​သေးသော ပထမ​သားရဲ​၏ ရုပ်တု​ကို ပြုလုပ်​ရန် လူတို့​အား အမိန့်ပေး၏။

ဗျာ​ဒိတ် 2:13

သင်​သည် စာတန်​အုပ်စိုးသည့်​နေရာ​၌ နေကြောင်း​ကို ငါ​သိ၏။ သို့သော် သင်​သည် ငါ​၏​နာမ​ကို စွဲကိုင်​နေလျက်​ရှိသေး၏။ ငါ​၏​သစ္စာရှိသော​သက်သေခံ အန္တိပ​သည် ဤ​စာတန်​အုပ်စိုး​သည့်​နေရာ​၌ အသတ်ခံရ​ချိန်​၌ပင် သင်​သည် ငါ့​အပေါ် ထားရှိသော သင်​၏​ယုံကြည်ခြင်း​ကို မစွန့်ပယ်ခဲ့ပေ။

ဗျာ​ဒိတ် 2:18

သွာတိရမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ မျက်လုံးတော်​သည် မီးလျှံ​ကဲ့သို့​လည်းကောင်း၊ ခြေတို့​သည် တောက်ပသော​ကြေးဝါ​ကဲ့သို့​လည်းကောင်း ဖြစ်တော်မူသော ဘုရားသခင်​၏​သားတော်​က ဤသို့​မိန့်တော်မူ၏။

ဗျာ​ဒိတ် 2:9

သင်​၏​ဒုက္ခဝေဒနာ​နှင့်​ဆင်းရဲခြင်း​ကို ငါ​သိ၏။ အမှန်စင်စစ် သင်​သည် ချမ်းသာ၏။ မိမိ​ကိုယ်​မိမိ ဂျူး​ဖြစ်သည်​ဟု ဆိုကြ​သော်လည်း ဂျူး​မဟုတ်ဘဲ စာတန်​၏​အသင်းဝင်များ​ဖြစ်ကြသော​သူတို့​က သင့်​အား အသရေဖျက်​ပြောဆိုသည်​ကို​လည်း ငါ​သိ၏။