ဗျာ​ဒိတ် 14:6 - ခေတ်သစ်​မြန်မာ သမ္မာကျမ်း

⁶ ထို့နောက် ကောင်းကင်တမန်​တစ်ပါး​သည် ကမ္ဘာ​လောက​၌ နေထိုင်ကြသောသူများ​ဟူသော တိုင်းနိုင်ငံ​အသီးသီး၊ မျိုးနွယ်စု​အသီးသီး၊ ဘာသာစကား​အသီးသီး​ပြောသည့်​သူများ​နှင့် လူမျိုး​အသီးသီးတို့​အား ထာဝရ​သတင်းကောင်း​ကို ဟောပြော​ရန် ကောင်းကင်​အလယ်​၌ ပျံသန်း​နေသည်​ကို ကျွန်ုပ်​မြင်ရ၏။

Common Language Bible

⁶ ထို​နောက်​ကောင်း​ကင်​အ​လယ်​တွင် ကောင်း​ကင် တ​မန်​တစ်​ပါး​ပျံ​ဝဲ​လျက်​နေ​သည်​ကို​ငါ မြင်​ရ​၏။ သူ​သည်​တိုင်း​နိုင်​ငံ​အ​သီး​သီး​ရှိ ဘာ​သာ​စ​ကား​အ​မျိုး​မျိုး​ကို​ပြော​ဆို​သူ လူ​အ​မျိုး​အ​နွယ်​ခပ်​သိမ်း​တို့​အား ကြေ​ညာ ရန်​ထာ​ဝ​ရ​သ​တင်း​ကောင်း​ကို​ယူ​ဆောင် လာ​၏။-

Garrad Bible

^6-7 တစ် ဖန် မြေ ကြီး ပေါ် တွင် နေ ထိုင် သူ၊ ဘာ သာ စ ကား အ ပုံ ပုံ ပြော ဆို သော လူ အ မျိုး မျိုး အ နွယ် နွယ် တို့ အား ကြား ပြော ရန် နိစ္စ သ တင်း တော် မြတ် ဆောင် သော စေ တ မန် တော် တစ် ပါး က ဘု ရား သ ခင် ကို ခန့် ညား ၍ ဘုန်း တော် ကို ချီး မွမ်း ကြ လော့။ စီ ရင် ဆုံး ဖြတ် တော် မူ ချိန် တိုင် ရောက် ပြီ။ မိုး မြေ ကို လည်း ကောင်း၊ သ မု ဒ္ဒ ရာ နှင့် စမ်း ပေါက် များ ကို လည်း ကောင်း၊ ဖန် ဆင်း တော် မူ သော အ ရှင် အား ရှိ ခိုး ကြ လော့ ဟု ကျယ် သော အ သံ နှင့် ကြွေး ကြော် လျက် ကောင်း ကင့် အ လယ် တွင် ပျံ ဝဲ သည် ကို ငါ မြင် ရ ၏။

Judson Bible

⁶ မြေ​ကြီး​ပေါ်​မှာ​နေ​သော သူ​တည်း​ဟူ​သော အ​သီး​အ​သီး ဘာ​သာ​စ​ကား​ကို​ပြော​သော လူ​အ​မျိုး​အ​နွယ် ခပ်​သိမ်း​တို့​အား ထာ​ဝ​ရ​ဧ​ဝံ​ဂေ​လိ​တ​ရား​ကို ဟော​ရ​သော ကောင်း​ကင်​တ​မန်​တစ်​ပါး​က၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို့နောက် အခြား​သော​ကောင်းကင်​တမန်​တစ်​ပါး​သည် ကောင်းကင်​အလယ်​၌​ပျံသန်း​နေ​သည်​ကို ငါ​မြင်​ရ​၏။ သူ​သည် ကမ္ဘာ​မြေကြီး​ပေါ်တွင်​နေထိုင်​ကြ​သူ​များ​တည်းဟူသော တိုင်းနိုင်ငံ၊ မျိုးနွယ်စု၊ ဘာသာ​စကား​အမျိုးမျိုး​ပြောဆို​သော လူမျိုး​အသီးသီး​တို့​အား ဟောပြော​ရန် ထာဝရ​တည်​သည့်​ကောင်းမြတ်​သော​သတင်း​ကို​ယူဆောင်​လာ​၏။

ဗျာ​ဒိတ် 14:6 ပူးပေါင်းရင်းမြစ်များ

မဿဲ 10:27

သို့ဖြစ်၍ သင်တို့​အား အမှောင်​၌ ငါ​ပြော​သမျှ​ကို အလင်း​တွင် ပြောကြလော့။ သင်တို့​နား​၌ ငါ​တီးတိုး​ပြောသမျှ​ကို လသာဆောင်​ပေါ်မှ ကြေညာကြလော့။

ရှင်မာကု 16:15

ထို့နောက် ယေရှု​က “ကမ္ဘာ​အရပ်ရပ်​သို့ သင်တို့​သွား​၍ လူအပေါင်းတို့​ကို သတင်းကောင်း ဟောပြောကြလော့။

ရော​မ 16:25

ကျွန်ုပ်​ဟောသော သတင်းကောင်း​၌​ဆိုထားသည့်​အတိုင်း သင်တို့​အား ခိုင်ခံ့မြဲမြံ​စေနိုင်တော်မူသော ဘုရားသခင်​သည်သာ ဘုန်းကြီးတော်မူ၏။ ယေရှု​ခရစ်တော်​အကြောင်း​ဖြစ်သော ဤ​သတင်းကောင်း​က ကာလ​ကြာမြင့်စွာ ကွယ်ဝှက်ထားသည့် ကိုယ်တော်​၏ လျှို့ဝှက်​နက်နဲသော​အကြံအစည်တော်​ကို လူမျိုးခြား​ဖြစ်သော သင်တို့​အား ဖော်ပြပေး၏။

ကော​လော​သဲ 1:23

သို့ရာတွင် သင်တို့​သည် သတင်းကောင်း​ကို ကြားနာ​စဉ်က ရရှိသော မျှော်လင့်ခြင်း​မှ မရွေ့လျားဘဲ ကြံ့ကြံ့ခိုင် ရပ်တည်​လျက် ဆက်​၍ ယုံကြည်ရမည်။ ထို​သတင်းကောင်း​ကို မိုးကောင်းကင်​အောက်​၌ ရှိသော သတ္တဝါ​အားလုံး​ကို ဟောပြောနေသည်​ဖြစ်၍ ကျွန်ုပ်​ပေါလု​သည် ထို​သတင်းကောင်း​ကို ဟောပြောသော အမှုဆောင်​ဖြစ်လာ၏။

၂ သက် 2:16

ကျွန်ုပ်တို့​ကို ချစ်​၍ ကျေးဇူးတော်​ဖြင့် ထာဝရ​နှစ်သိမ့်ခြင်း​နှင့် ခိုင်မြဲသော​မျှော်လင့်ခြင်းတို့​ကို ပေးသနားတော်မူသော ကျွန်ုပ်တို့ အဖ​ဘုရားသခင်​နှင့် ကျွန်ုပ်တို့ သခင်​ယေရှု​ခရစ်တော်​ကိုယ်တိုင်​သည်

ဟေ​ဗြဲ 13:20

ထာဝရ​ပဋိညာဉ်တရား​၏ သွေးတော်​အားဖြင့် သိုးတို့​၏ သိုးထိန်းကြီး​ဖြစ်တော်မူသည့် ကျွန်ုပ်တို့​သခင်​ယေရှု​ကို သေခြင်း​မှ ထမြောက်စေတော်မူသော ငြိမ်းချမ်းခြင်း​၏​အရှင် ဘုရားသခင်​သည်

၁ ပေ 1:25

သို့သော် ထာဝရဘုရား​၏​နှုတ်ကပတ်တော်​သည် အစဉ်အမြဲ​တည်၏” ဟု ဆိုထား၏။ ဤ​နှုတ်ကပတ်တော်​မှာ သင်တို့​အား​ဟောပြောသော သတင်းကောင်း​ဖြစ်၏။

ဗျာ​ဒိတ် 10:11

ထိုအခါ ကောင်းကင်တမန်​က “သင်​သည် များစွာသော​လူမျိုး၊ တိုင်းနိုင်ငံများ၊ ဘာသာစကား​အသီးသီး​ပြောဆိုသူများ၊ ဘုရင်များ​ကို တစ်ဖန်​ပရောဖက်ပြု​ဟောပြော​ရမည်” ဟု ကျွန်ုပ်​အား​ဆို၏။

ဗျာ​ဒိတ် 10:7

သတ္တမ​ကောင်းကင်တမန်​သည် တံပိုးခရာ​မှုတ်ရမည့်​နေ့ရက်​တွင် ဘုရားသခင်​သည် မိမိ​အစေအပါး ပရောဖက်များ​အား ဟောပြော​ကြေညာတော်မူသည့်​အတိုင်း မိမိ​၏ လျှို့ဝှက်​နက်နဲသော​အကြံအစည်​သည် ပြီးမြောက်​လိမ့်မည်” ဟု ကျိန်ဆို၏။

ဗျာ​ဒိတ် 13:7

ထို​သားရဲ​သည် ဘုရားသခင်​၏ သန့်ရှင်းသူတို့​ကို တိုက်​၍ အောင်နိုင်ခွင့်​ရ၏။ မျိုးနွယ်စု​အသီးသီး၊ လူမျိုး​အသီးသီး၊ ဘာသာစကား​အသီးသီး​ပြောသည့်​သူများ​နှင့် တိုင်းနိုင်ငံ​အသီးသီးတို့​ကို အုပ်စိုးခွင့်​လည်း ရ၏။

ဗျာ​ဒိတ် 3:10

သင်​သည် ငါ​သွန်သင်သည့်​အတိုင်း သည်းခံ​လျက်​နေခဲ့၏။ ထို့ကြောင့် ကမ္ဘာလောက​၌ နေထိုင်ကြသောသူတို့​ကို စစ်ဆေး​ရန်အတွက် ကမ္ဘာတစ်ဝန်းလုံး​အပေါ် ကျရောက်မည့်​စုံစမ်း​နှောင့်ယှက်ခြင်း​ကာလ​မှ သင်တို့​ကို ငါ​ကယ်တင်မည်။

ဗျာ​ဒိတ် 5:9

သူတို့​သည် သီချင်းသစ်​တစ်ပုဒ်​ကို သီဆိုကြ၏။ ထို​သီချင်း​မှာ “ကိုယ်တော်​သည် စာလိပ်​ကို​ယူ​၍ တံဆိပ်​ကို​ခွာ​၍ ဖွင့်​ရန် ထိုက်တန်သော​အရှင်​ဖြစ်၏။ အဘယ်ကြောင့်ဆိုသော် ကိုယ်တော်​သည် အသေ​သတ်ခံရ​၍ မျိုးနွယ်စု​အသီးသီး၊ ဘာသာစကား​အသီးသီး​ပြောသည့်​သူများ၊ လူမျိုး​အသီးသီး​နှင့် တိုင်းနိုင်ငံ​အသီးသီးတို့​ကို ကိုယ်တော်​၏​အသွေးတော်​ဖြင့် ဘုရားသခင်​အတွက် ရွေးနုတ်​ကယ်တင်​သောကြောင့်​ဖြစ်၏။

ဗျာ​ဒိတ် 8:13

ထို့နောက် ကောင်းကင်​အလယ်​၌ ပျံဝဲနေသည့် လင်းယုန်ငှက်​တစ်ကောင်​ကို ကျွန်ုပ်​မြင်ရ၏။ ထို​လင်းယုန်​က “ကျန်ရှိသော​ကောင်းကင်တမန်​သုံးပါးတို့​၏ တံပိုးခရာ​မှုတ်တော့မည့်​အသံ​ကြောင့် ကမ္ဘာလောက​၌ နေထိုင်ကြသော​သူတို့​သည် အမင်္ဂလာ​ရှိကြ​လိမ့်မည်။ အမင်္ဂလာ​ရှိကြ​လိမ့်မည်။ အမင်္ဂလာ​ရှိကြ​လိမ့်မည်” ဟု​ကျယ်လောင်​စွာ ကြွေးကြော်သည်​ကို ကျွန်ုပ်​ကြားရ၏။