ဗျာ​ဒိတ် 11:18 - ခေတ်သစ်​မြန်မာ သမ္မာကျမ်း

¹⁸ လူမျိုးတို့​သည် အမျက်​ထွက်ကြ၏။ သို့သော် ယခု ကိုယ်တော်​၏​အမျက်​ထွက်ချိန် ရောက်လာပြီ။ သေလွန်သော​သူတို့​ကို တရားစီရင်ရသော​အချိန် ရောက်လာပြီ။ ကိုယ်တော်​၏​အစေခံ​ဖြစ်သော ပရောဖက်များ၊ သန့်ရှင်းသူများ​နှင့် ကိုယ်တော်​ကို ကြောက်ရွံ့သည့် လူတန်းစား​အနိမ့်​အမြင့်​လူအပေါင်းတို့​အား ဆုလာဘ်​ကို ပေး​လိမ့်မည်။ ကိုယ်တော်​သည် ကမ္ဘာလောက​ကို ဖျက်ဆီးသော​သူတို့​ကို ဖျက်ဆီးတော်မူ​လိမ့်မည်” ဟု ဆိုကြ၏။

Common Language Bible

¹⁸ ကိုယ်​တော်​၏​အ​မျက်​တော်​သက်​ရောက်​ရာ ကာ​လ​သည်​လည်း​ကောင်း၊ သေ​လွန်​သူ​တို့​ကို​တ​ရား​စီ​ရင်​တော်​မူ​ရာ ကာ​လ​သည်​လည်း​ကောင်း ယ​ခု​အ​ခါ​ကျ​ရောက်​လာ​ပြီ​ဖြစ်​၍​လူ​မျိုး အ​ပေါင်း​တို့​သည်​အ​မျက်​ထွက်​ကြ​ပါ​၏။ ကိုယ်​တော်​၏​အ​စေ​ခံ​ပ​ရော​ဖက်​များ၊ ကိုယ်​တော်​၏ လူ​စု​ဝင်​အ​ပေါင်း၊ ကိုယ်​တော်​ကို​ကြောက်​ရွံ့​ရို​သေ​သူ၊အ​ကြီး အ​ငယ်​တို့ ဆု​လာဘ်​တော်​ကို​ခံ​ယူ​ရန် အ​ချိန်​ကာ​လ​သည်​လည်း​ကောင်း၊ကမ္ဘာ​မြေ ကြီး​ကို ပျက်​စီး​စေ​သူ​တို့ ပျက်​စီး​ရ​မည့်​အ​ချိန်​ကာ​လ​သည်​လည်း ကောင်း ရောက်​ရှိ​လာ​ပါ​ပြီ'' ဟု​ဘု​ရား​သ​ခင်​အား​လျှောက်​ထား​ကြ​၏။-

Garrad Bible

¹⁸ လူ မျိုး ခြား တို့ အ မျက် ထွက် ရာ၌ ကိုယ် တော် တိုင် အ မျက် ဒဏ် ထား၍ သူ သေ တို့ ကို စီ ရင် ဆုံး ဖြတ် တော် မူ ရန် အ ချိန် ကျွန် တော် ရင်း ပ ရော ဖက် ဖြစ် သူ၊ သီး သန့် ထား တော် မူ သူ၊ နာ မ တော် ကို ခန့် ညား သူ၊ အ ယုတ် အ မြတ် တို့ အား ဆု သ နား တော် မူ ရန် အ ချိန်၊ မြေ ကြီး ကို ဖျက် ဆီး သူ တို့ အား ဖျက် ဆီး တော် မူ ရန် အ ချိန် တိုင် ရောက် ပါ ပြီ ဟု လျှောက် ဆို ကြ၏။

Judson Bible

¹⁸ လူ​မျိုး​တို့​သည် အ​မျက်​ထွက်​ကြ​သည် ဖြစ်၍၊ အ​မျက်​တော်​သည်​လည်း ရောက်​ပါ​ပြီ။ သေ​လွန်​သော သူ​တို့​ကို တ​ရား​စီ​ရင်​ဆုံး​ဖြတ်​တော်​မူ၍၊ ကိုယ်​တော်၏ ကျွန်​တည်း​ဟူ​သော ပ​ရော​ဖက်​တို့​အား လည်း​ကောင်း၊ သန့်​ရှင်း​သူ​တို့ အား​လည်း​ကောင်း၊ ကိုယ်​တော်​ကို ကြောက်​ရွံ့​ရို​သေ​သော​သူ အ​ကြီး​အ​ငယ်​တို့​အား​လည်း​ကောင်း၊ ဆု​ကျေး​ဇူး​ကို ပေး​သ​နား​တော်​မူ၍ မြေ​ကြီး​ကို ဖျက်​ဆီး​သော သူ​တို့​ကို ဖျက်​ဆီး​တော်​မူ​သော​အ​ချိန် ရောက်​ပါ​ပြီ​ဟု လျှောက်​ဆို​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ လူမျိုး​တို့​သည် အမျက်ထွက်​ကြ​ပါ​၏။ သို့သော် ကိုယ်တော်​၏​အမျက်​တော်​သည် သက်ရောက်​လာ​ပါ​၏။ သေလွန်​သော​သူ​တို့​ကို တရား​စီရင်​ရန်​လည်းကောင်း၊ ကိုယ်တော်​၏​အစေအပါး​များ၊ ပရောဖက်​များ၊ သန့်ရှင်း​သူ​များ​နှင့် ကိုယ်တော်​၏​နာမ​တော်​ကို​ကြောက်ရွံ့​ရိုသေ​သော​သူ​အကြီး​အငယ်​တို့​အား ဆုလာဘ်​ပေး​တော်မူ​ရန်​လည်းကောင်း၊ ကမ္ဘာ​မြေကြီး​ကို​ဖျက်ဆီး​သော​သူ​တို့​ကို ဖျက်ဆီး​ရန်​လည်းကောင်း အချိန်​ရောက်လာ​ပါ​၏”​ဟု လျှောက်​ကြ​၏။

ဗျာ​ဒိတ် 11:18 ပူးပေါင်းရင်းမြစ်များ

မဿဲ 5:12

ထို​အရာ​အတွက် ဝမ်းမြောက်​ပျော်ရွှင်ကြလော့။ အဘယ်ကြောင့်ဆိုသော် ကောင်းကင်ဘုံ​၌ သင်တို့​၏​ဆုလာဘ်​သည် ကြီးမားလှ၏။ ရှေး​ပရောဖက်များ​သည်လည်း ထိုနည်းတူ ညှဉ်းပန်းနှိပ်စက်ခြင်း ခံခဲ့ကြရ၏။

လုကာ 1:50

ကိုယ်တော်​အား ကြောက်ရွံ့သော​သူတို့​အပေါ်​တွင် သူ​၏​ကရုဏာတော်​ကို အစဉ်အဆက် ပြသ​လျက်​ရှိ၏။

ဟေ​ဗြဲ 9:27

လူတို့​သည် တစ်ကြိမ်တည်း​သာ သေရ​ပြီးနောက် တရားစီရင်တော်မူခြင်း​ကို ရင်ဆိုင်ရ​သကဲ့သို့

ဗျာ​ဒိတ် 10:7

သတ္တမ​ကောင်းကင်တမန်​သည် တံပိုးခရာ​မှုတ်ရမည့်​နေ့ရက်​တွင် ဘုရားသခင်​သည် မိမိ​အစေအပါး ပရောဖက်များ​အား ဟောပြော​ကြေညာတော်မူသည့်​အတိုင်း မိမိ​၏ လျှို့ဝှက်​နက်နဲသော​အကြံအစည်​သည် ပြီးမြောက်​လိမ့်မည်” ဟု ကျိန်ဆို၏။

ဗျာ​ဒိတ် 11:2

ဗိမာန်တော်​၏ အပြင်ဘက်​ရင်ပြင်​ကို မတိုင်းနှင့်။ အဘယ်ကြောင့်ဆိုသော် ထို​နေရာ​ကို လူမျိုးခြားတို့​အား ပေးထား​သောကြောင့်​ဖြစ်၏။ သူတို့​သည် သန့်ရှင်းသော​မြို့​ကို လေးဆယ့်နှစ်လ​တိုင်တိုင် နင်းခြေကြ​လိမ့်မည်။

ဗျာ​ဒိတ် 13:10

ထောင်​ကျမည့် သူ​သည် ထောင်ချ​ခံရ​လိမ့်မည်။ ဓား​ဖြင့် အသတ်ခံရမည့် သူ​သည်​လည်း ဓား​ဖြင့် အသတ်ခံရ​လိမ့်မည်။ ဤ​အကြောင်း​ကြောင့် ဘုရားသခင်​၏ သန့်ရှင်းသူတို့​သည် သည်းခံ​၍ ယုံကြည်​ရန် ဖြစ်၏။

ဗျာ​ဒိတ် 13:16

ထို့ပြင် သူ​သည် လူတန်းစား​အနိမ့်​အမြင့်၊ ချမ်းသာသူ​နှင့် ဆင်းရဲသူ၊ လွတ်လပ်သူ​နှင့် ကျွန်ဖြစ်သူ​စသည့် လူအပေါင်းတို့​၏ လက်ယာလက်၊ သို့မဟုတ် နဖူး​ပေါ်တွင် အမှတ်တံဆိပ်​ကို ရိုက်နှိပ်စေ၏။

ဗျာ​ဒိတ် 14:10

ဘုရားသခင်​၏​အမျက်တော်​ဖလား ထဲ​၌ ပြည့်လျှံ​စွာ လောင်းထည့်​ထားသည့် အမျက်တော်​စပျစ်ဝိုင်​ကို သောက်ရမည်။ ထို​သူတို့​သည် သန့်ရှင်းသော​ကောင်းကင်တမန်များ​နှင့် သိုးသငယ်တော်​ရှေ့တွင် ကန့်​နှင့်​ရောသော​မီး​ထဲ၌ ညှဉ်းဆဲခြင်း​ကို ခံရ​လိမ့်မည်။

ဗျာ​ဒိတ် 15:1

ထို့နောက် ကောင်းကင်ဘုံ​၌ အံ့ဖွယ်​နိမိတ်​လက္ခဏာ​ကြီး​တစ်ခု​ကို မြင်ရ၏။ ကောင်းကင်တမန်​ခုနစ်ပါး​သည် နောက်ဆုံး​ဘေးဒဏ်​ခုနစ်ပါး ကိုင်ဆောင်​ထားသည်​ကို ကျွန်ုပ်​မြင်ရ၏။ ထို​ဘေးဒဏ်တို့​ဖြစ်ပျက်​ပြီးနောက် ဘုရားသခင်​၏ အမျက်တော်​အဆုံးသတ်မည်​ဖြစ်​သောကြောင့် နောက်ဆုံး​ဘေးဒဏ်​ဟု ဆိုရ၏။

ဗျာ​ဒိတ် 15:7

သတ္တဝါ​လေးပါး​အနက် တစ်ပါး​သည် အစဉ်​ထာဝရ အသက်ရှင်တော်မူသည့် ဘုရားသခင်​၏ အမျက်တော်​နှင့်​ပြည့်နေသော ရွှေဖလား​ခုနစ်လုံး​ကို ကောင်းကင်တမန်​ခုနှစ်ပါး​အား တစ်လုံးစီ ပေး၏။

ဗျာ​ဒိတ် 18:6

သူတစ်ပါး​ကို သူ​ပြုခဲ့သည့်​အတိုင်း သူ့​အား ပြန်​၍ ပြုကြလော့။ သူ​ပြုမူခဲ့သည့်​အရာ​အတွက် နှစ်ဆ​တိုး​၍ တုံ့ပြန်ကြလော့။ သူ​ရောစပ်ပေးသည့် ခွက်​၌ သူ့​အတွက် နှစ်ဆ​တိုး၍ ရောစပ်ပေးကြလော့။

ဗျာ​ဒိတ် 19:15

ဘုရားသခင်​ကို ဆန့်ကျင်သော​လူမျိုးတို့​ကို နှိမ်နင်း​ရန် ထက်သော​သန်လျက်​သည် သူ​၏​ခံတွင်း​မှ ထွက်၏။ သူ​သည် ထို​သူတို့​ကို သံ​လှံတံ​ဖြင့် အုပ်စိုးတော်မူ​လိမ့်မည်။ သူ​သည် အနန္တ​တန်ခိုးရှင်​ဘုရားသခင်​၏ ကြီးမားသော​အမျက်တော်​ဟူသော စပျစ်သီးနယ်ရာ​ကျင်း​ကို နင်းတော်မူ​လိမ့်မည်။

ဗျာ​ဒိတ် 19:18

ရှင်ဘုရင်​၏​အသား၊ တပ်မှူး​၏​အသား၊ စစ်သူရဲ​၏​အသား၊ မြင်း​နှင့် မြင်းစီး​သူရဲတို့​၏​အသား၊ လွတ်လပ်သူ​နှင့်​ကျွန်များ၊ လူတန်းစား​အနိမ့်​အမြင့်​လူအပေါင်းတို့​၏​အသား​ကို လာ​၍ စားကြလော့” ဟု ကြွေးကြော်လေ၏။

ဗျာ​ဒိတ် 19:5

ထိုအခါ ရာဇပလ္လင်တော်​မှ ထွက်ပေါ်လာသော​အသံ​မှာ “ကျွန်ုပ်တို့​၏ ဘုရားသခင်​ကို ကြောက်ရွံ့သည့် လူတန်းစား​အနိမ့်​အမြင့် ရှိသမျှ​လူ​အပေါင်းတို့… ကျွန်ုပ်တို့​၏ ဘုရားသခင်​ကို ချီးမွမ်းကြလော့” ဟူ၍ ဖြစ်၏။

ဗျာ​ဒိတ် 20:12

သေလွန်သောသူ အကြီး​အငယ်တို့​သည် ရာဇပလ္လင်တော်​ရှေ့​၌ ရပ်နေကြသည်​ကို ကျွန်ုပ်​မြင်ရ၏။ စာစောင်များ​ကို ဖွင့်ထား၏။ အသက်​စာစောင်​ဖြစ်သော အခြား​စာစောင်​တစ်စောင်​ကိုလည်း ဖွင့်ထား၏။ သေလွန်သော​သူတို့​သည် စာစောင်​ထဲတွင် မှတ်တမ်းတင်​ထားသည့်​အတိုင်း မိမိတို့​အကျင့်​နှင့်​အညီ တရားစီရင်​ခံရ၏။

ဗျာ​ဒိတ် 20:15

အသက်​စာစောင်​တွင် စာရင်း​မဝင်သော​သူတို့​သည်လည်း မီးအိုင်​ထဲသို့ ပစ်ချ​ခံရ၏။

ဗျာ​ဒိတ် 22:12

ယေရှု​က “ကြည့်လော့။ ငါ​သည် မကြာမီ​လာမည်။ ငါ​သည် ဆုလာဘ်​နှင့် ပြစ်ဒဏ်​ကို ယူဆောင်လာ​ပြီး လူ​အသီးသီးတို့​အား မိမိတို့​အကျင့်​အတိုင်း ငါ​ပေးဆပ်မည်။