ဗျာ​ဒိတ် 1:4 - ခေတ်သစ်​မြန်မာ သမ္မာကျမ်း

⁴ ကျွန်ုပ်​ယောဟန်​သည် အာရှပြည်​၌​ရှိသော အသင်းတော်​ခုနစ်ပါး​ထံသို့ စာရေးလိုက်ပါ၏။ ယခု​ရှိ​လျက်၊ ယခင်​ကလည်း​ရှိ​လျက် နောင်အခါ​၌လည်း​ကြွလာမည့် ဘုရားသခင်​ထံမှ​လည်းကောင်း၊ ပလ္လင်တော်​ရှေ့​၌ ရှိသော​ဝိညာဉ်​ခုနစ်ပါး​ထံမှ​လည်းကောင်း၊

Common Language Bible

⁴ ယော​ဟန်​ထံ​မှ​အာ​ရှ​နယ်​ပယ်​ရှိ​အ​သင်း​တော် ခု​နစ်​ပါး​သို့​စာ​ရေး​လိုက်​ပါ​သည်။ ပစ္စုပ္ပန်၊ အ​တိတ်၊ အ​နာ​ဂတ်​ကာ​လ​အ​စဉ်​ရှိ​တော်​မူ​သော​ဘု​ရား သ​ခင်​၏​ထံ​တော်​မှ​လည်း​ကောင်း၊ ပလ္လင်​တော်​ရှေ့ ၌​ရှိ​သည့်​ဝိ​ညာဉ်​ခု​နစ်​ပါး​ထံ​မှ​လည်း​ကောင်း၊-

Garrad Bible

⁴ အာ ရှိ ပြည် ရှိ အ သင်း တော် ခု နစ် ပါး ထံ ယော ဟန် ရေး လိုက် သည် မှာ ပ စ္စု ပ္ပန်၊ အ တိတ်၊ အ နာ ဂတ် တည် တော် မူ သော အ ရှင့် ထံ မှ လည်း ကောင်း၊ ပ လ္လင် တော် ရှေ့ တည် ရှိ သော ဝိ ညာဉ် ခု နစ် ပါး ထံ မှလည်း ကောင်း၊

Judson Bible

⁴ ငါ​ယော​ဟန်​သည် အာ​ရှိ​ပြည်၌​ရှိ​သော အ​သင်း​တော်​ခု​နစ်​ပါး​ကို ကြား​လိုက်​ပါ၏။ ပ​စ္စု​ပ္ပန်၊ အ​တိတ်၊ အ​နာ​ဂတ်​ကာ​လ အ​စဉ်​ရှိ​တော်​မူ​သော ဘု​ရား​သ​ခင့်​အ​ထံ​တော်​က​လည်း​ကောင်း၊ ပ​လ္လင်​တော်​ရှေ့၌​ရှိ​သော ဝိ​ညာဉ်​ခု​နှစ်​ပါး အ​ထံ​က​လည်း​ကောင်း၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ငါ​ယောဟန်​သည် အာရှ​ပြည်​ရှိ အသင်းတော်​ခုနစ်​ပါး​ထံသို့ စာ​ရေး​လိုက်​ပါ​၏။ ယခု​ရှိ​လျက် ယခင်​က​လည်း​ရှိ​လျက် နောင်အခါ​ကြွလာ​မည့်​အရှင်​ထံမှ​လည်းကောင်း၊ ပလ္လင်​တော်​ရှေ့​၌​ရှိ​သော ဝိညာဉ်​ခုနစ်​ပါး​ထံမှ​လည်းကောင်း၊

ဗျာ​ဒိတ် 1:4 ပူးပေါင်းရင်းမြစ်များ

ရှင်ယောဟန် 1:1

နှုတ်ကပတ်တော်​သည် အစဦး​ကပင် ရှိတော်မူခဲ့၏။ ထို​နှုတ်ကပတ်တော်​သည် ဘုရားသခင်​နှင့်အတူ ရှိတော်မူ၏။ နှုတ်ကပတ်တော်​သည်လည်း ဘုရားသခင်​ဖြစ်တော်မူ၏။

တမန်တော်ဝတ္ထု 19:10

ထိုသို့ နှစ်နှစ်​တိုင်တိုင် ဆွေးနွေး​ပြောဆို​ရာ အာရှပြည်​တွင် နေထိုင်ကြသော ဂျူးလူမျိုး​နှင့် ဂရိလူမျိုးများ​အားလုံးတို့​သည် သခင်ဘုရား​၏​နှုတ်ကပတ်​တရားတော်​ကို ကြားနာကြရ၏။

တမန်တော်ဝတ္ထု 2:9

ငါတို့​တွင် ပါသိပြည်၊ မေဒိပြည်၊ ဧလံပြည်၊ မက်ဆိုပိုတေးမီးယားပြည်၊ ယုဒပြည်၊ ကပ္ပဒေါကိပြည်၊ ပုန္တုပြည်၊ အာရှပြည်၊

ရော​မ 1:7

ထိုသို့ ဘုရားသခင်​ချစ်တော်မူ​၍ ယုံကြည်သော​သူများ​အဖြစ် ရွေးကောက်တော်မူ​ခံရသော ရောမ​မြို့သူမြို့သား​အပေါင်းတို့​ထံသို့ ဤ​စာ​ကို ကျွန်ုပ်​ရေးလိုက်ပါ၏။ ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်ပါစေသော။

၁ ကော 1:3

ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်ပါစေသော။

၂ ကော 1:2

ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်ပါစေသော။

ဟေ​ဗြဲ 13:8

ယေရှု​ခရစ်တော်​သည် မနေ့၊ ယနေ့၊ နောင်​ကာလ အစဉ်​မပြောင်းလဲဘဲ ရှိတော်မူ၏။

ယာ​ကုပ် 1:17

ကောင်းမြတ်သော​ဆုကျေးဇူး​နှင့် ပြီးပြည့်စုံသော​လက်ဆောင်များ အားလုံး​သည် ကောင်းကင်​အလင်များ​ကို ဖန်ဆင်းသော အဖ​ဘုရားသခင်​ထံမှ ရောက်လာသည်​ဖြစ်၍ အထက်​အရပ်​မှ ဖြစ်ကြ၏။ ကိုယ်တော်​သည် ရွေ့လျားတတ်သော​အရိပ်များ​ကဲ့သို့ ပြောင်းလဲတော်မမူ။

ဗျာ​ဒိတ် 1:1

ဤ​စာစောင်​သည် ယေရှု​ခရစ်တော်​၏ ဗျာဒိတ်တော်​ဖြစ်၏။ ဤ​ဗျာဒိတ်တော်​မှာ ဘုရားသခင်​က မိမိ​၏ အစေခံများ​အား မကြာမီ​ဖြစ်ပျက်ရမည့်​အရာ​ကို ဖော်ပြ​ရန် ယေရှု​ခရစ်တော်​ထံ ပေးအပ်တော်မူသော​ဗျာဒိတ်တော်​ဖြစ်၏။ ထို့ကြောင့် ခရစ်တော်​သည် ထို​ဗျာဒိတ်တော်​ကို မိမိ​၏​အစေခံ​ယောဟန်​အား ဖွင့်ပြ​ရန် ကောင်းကင်တမန်​ကို စေလွှတ်တော်မူ၏။

ဗျာ​ဒိတ် 1:11

ထို​အသံ​က “သင်​မြင်သော​အရာ​ကို စာစောင်​တွင် ရေး​၍ ဧဖက်မြို့၊ စမုရနမြို့၊ ပေရဂံမြို့၊ သွာတိရမြို့၊ သာဒိမြို့၊ ဖိလဒေလဖိမြို့၊ လောဒိကိမြို့များ​ရှိ အသင်းတော်​ခုနစ်ပါး​ထံသို့ ပေးပို့လော့” ဟု ဆို၏။

ဗျာ​ဒိတ် 1:17

ထို​သူ​ကို တွေ့​သောအခါ ကျွန်ုပ်​သည် သေသွား​သကဲ့သို့ သူ​၏ ခြေရင်း​၌ လဲကျသွား၏။ ထိုအခါ သူ​သည် လက်ယာ​လက်​ကို ကျွန်ုပ်​အပေါ်​တင်​၍ အောက်ပါ​အတိုင်း ဆို၏။ “မကြောက်နှင့်။ ငါ​သည် အစဦးဆုံးသောသူ​နှင့် နောက်ဆုံးသောသူ​ဖြစ်၏။

ဗျာ​ဒိတ် 1:20

ငါ​၏​လက်ယာ​လက်​၌ သင်​မြင်တွေ့ရသော ကြယ်​ခုနစ်လုံး​နှင့် ရွှေ​ဆီမီးတိုင် ခုနစ်တိုင်တို့​၏ လျှို့ဝှက်​နက်နဲသော​အရာ​မှာ ကြယ်​ခုနစ်လုံး​သည် အသင်းတော်​ခုနစ်ပါး​၏ ကောင်းကင်တမန်များ​ဖြစ်ပြီး ရွှေ​ဆီမီးတိုင်​ခုနစ်တိုင်​သည် အသင်းတော်​ခုနစ်ပါး​ဖြစ်၏။

ဗျာ​ဒိတ် 1:8

ယခု​ရှိ​လျက်၊ ယခင်​ကလည်း​ရှိ​လျက် နောင်အခါ​၌လည်း​ကြွလာမည့် အနန္တ​တန်ခိုးရှင်​ဘုရားသခင်​က “ငါ​သည် အာလဖာ​နှင့် အိုမီဂါ ဖြစ်၏” ဟု မိန့်တော်မူ၏။

ဗျာ​ဒိတ် 1:9

သင်တို့​၏​ညီအစ်ကို​ဖြစ်သော ကျွန်ုပ်​ယောဟန်​သည် သင်တို့​နည်းတူ ယေရှု​၏​နောက်လိုက်​ဖြစ်သည်​နှင့်အညီ ဆင်းရဲဒုက္ခ​ကို​လည်းကောင်း၊ ဘုရားသခင်​၏​နိုင်ငံတော်သား​ဖြစ်ခွင့်​ကို​လည်းကောင်း၊ စိတ်ရှည်​သည်းခံရခြင်း​ကို​လည်းကောင်း မျှဝေခံစားသည့် သင်တို့​၏​လုပ်ဖော်ကိုင်ဖက်​ဖြစ်၏။ ကျွန်ုပ်​သည် ဘုရားသခင်​၏ နှုတ်ကပတ်တော်​ကို ဟောပြောပြီး သခင်​ယေရှု​အကြောင်း​ကို သက်သေခံ​သောကြောင့် ပတ်မုကျွန်း​သို့ ရောက်နေ၏။

ဗျာ​ဒိတ် 16:5

ထို့နောက် ရေ​ကို အုပ်စိုးသော​ကောင်းကင်တမန်​က “အို သန့်ရှင်းတော်မူသော​အရှင်… ကိုယ်တော်​သည် ယခု​ရှိ​လျက်၊ ယခင်​ကလည်း​ရှိတော်မူပြီး ကိုယ်တော်​၏ တရားစီရင်ခြင်း​သည် တရားမျှတပါ၏။

ဗျာ​ဒိတ် 2:12

ပေရဂံမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ ထက်သော​သန်လျက်​ကို ကိုင်ဆောင်ထားသူ​က ဤသို့​မိန့်တော်မူ၏။

ဗျာ​ဒိတ် 2:18

သွာတိရမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ မျက်လုံးတော်​သည် မီးလျှံ​ကဲ့သို့​လည်းကောင်း၊ ခြေတို့​သည် တောက်ပသော​ကြေးဝါ​ကဲ့သို့​လည်းကောင်း ဖြစ်တော်မူသော ဘုရားသခင်​၏​သားတော်​က ဤသို့​မိန့်တော်မူ၏။

ဗျာ​ဒိတ် 2:8

စမုရနမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အစဦးဆုံး​နှင့် နောက်ဆုံး​ဖြစ်သောသူ၊ အသေခံ​ပြီး အသက်​ပြန်ရှင်လာသောသူ​က ဤသို့​မိန့်တော်မူ၏။

ဗျာ​ဒိတ် 22:16

ငါ​ယေရှု​သည် အသင်းတော်များ​၌​ရှိသော သင်တို့​အား ဤ​အကြောင်းအရာများ​ကို သက်သေခံ​ရန် ငါ​၏ ကောင်းကင်တမန်​ကို စေလွှတ်ထား၏။ ငါ​သည် ဒါဝိဒ်​၏​အမြစ်၊ ဒါဝိဒ်​၏ အမျိုး​ဖြစ်၏။ တောက်ပသော​မိုးသောက်ကြယ်​လည်း​ဖြစ်၏” ဟု မိန့်တော်မူ၏။

ဗျာ​ဒိတ် 22:8

ကျွန်ုပ်​ယောဟန်​သည် ဤ​အကြောင်းအရာများ​ကို မြင်ရ၊ ကြားရသောသူ​ဖြစ်၏။ ထို​အကြောင်းအရာများ​ကို မြင်ရ၊ ကြားရ​သောအခါ ၎င်းတို့​ကို ကျွန်ုပ်​အား ပြသသော​ကောင်းကင်တမန်​ကို ရှိခိုး​ရန် သူ​၏ ခြေရင်း​၌ ဝပ်တွားခယ၏။

ဗျာ​ဒိတ် 3:1

သာဒိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ ဘုရားသခင်​၏ ဝိညာဉ်​ခုနစ်ပါး​နှင့် ကြယ်​ခုနစ်လုံး​ရှိသောသူ​က ဤသို့​မိန့်တော်မူ၏။ သင်​၏​အပြုအမူ​ကို ငါ​သိ၏။ သင်​သည် အသက်ရှင်သည်​ဟု နာမည်ခံထား​သော်လည်း သေ​လျက်​နေ၏။

ဗျာ​ဒိတ် 3:14

လောဒိကိမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အာမင်​ဖြစ်သောသူ၊ စစ်မှန်​၍ သစ္စာရှိသည့်​သက်သေ​ဖြစ်သောသူ၊ ဘုရားသခင်​ဖန်ဆင်းတော်မူသော​အရာတို့​၏​အစအဦး​ဖြစ်သောသူ​က ဤသို့​မိန့်တော်မူ၏။

ဗျာ​ဒိတ် 3:7

ဖိလဒေလဖိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ သန့်ရှင်း​၍ မှန်သော​စကား​ကို​ပြောသူ၊ ဒါဝိဒ်​မင်း​၏​အခွင့်အာဏာ​သော့​ကို ရရှိထားသူ၊ မည်သူ​မျှ​မပိတ်​နိုင်အောင် ဖွင့်​၍ မည်သူ​မျှ​မဖွင့်​နိုင်အောင် ပိတ်သူ​က ဤသို့​မိန့်တော်မူ၏။

ဗျာ​ဒိတ် 4:5

ရာဇပလ္လင်တော်​မှ လျှပ်စီး​လက်ခြင်း၊ အသံ​မြည်ဟည်းခြင်း၊ မိုးခြိမ်းခြင်း​တို့​ထွက်ပေါ်လာ၏။ ထို​ပလ္လင်တော်​ရှေ့တွင် ဘုရားသခင်​၏ ဝိညာဉ်​ခုနစ်ပါး​ကို ကိုယ်စားပြုသည့် မီးတုတ်​ခုနစ်ခုတို့​သည် တောက်လောင်​လျက်​ရှိ၏။

ဗျာ​ဒိတ် 4:8

သတ္တဝါ​လေးပါး​တွင် တောင်ပံ​ခြောက်ခုစီ​ရှိ​၍ တောင်ပံ​အတွင်း​နှင့်​အပြင်​၌ မျက်လုံးများ​အပြည့်​ရှိ၏။ သူတို့​က “ယခု​ရှိ​လျက်၊ ယခင်​ကလည်း​ရှိ​လျက် နောင်အခါ​၌လည်း​ကြွလာမည့် အနန္တ​တန်ခိုးရှင် ဘုရားသခင်​သည် သန့်ရှင်းတော်မူ၏။ သန့်ရှင်းတော်မူ၏။ သန့်ရှင်းတော်မူ၏” ဟူ၍ နေ့ည​မပြတ် ကြွေးကြော်နေကြ၏။

ဗျာ​ဒိတ် 5:6

ထို့နောက် အသေသတ်​ခံရပြီး​သကဲ့သို့​ဖြစ်သော သိုးသငယ်တော်​ကို ကျွန်ုပ်​မြင်ရ၏။ ထို​သိုးသငယ်​သည် ရာဇပလ္လင်တော်​နှင့် သတ္တဝါ​လေးပါး​တို့​၏​အလယ်​၌ ရှိပြီး အကြီးအကဲ​တို့​က ဝန်းရံထား၏။ ထို​သိုးသငယ်တော်​၌ ချို​ခုနစ်ချောင်း​နှင့် မျက်လုံး​ခုနစ်လုံး​ရှိ၏။ ထို​မျက်လုံးတို့​သည် ကမ္ဘာမြေ​တစ်ခွင်လုံး​သို့ စေလွှတ်ခံရသော ဘုရားသခင်​၏ ဝိညာဉ်​ခုနစ်ပါး​ဖြစ်၏။

ဗျာ​ဒိတ် 8:2

ထို့နောက် ဘုရားသခင်​၏​ရှေ့တော်​၌ ရပ်နေသော ကောင်းကင်တမန် ခုနစ်ပါး​ကို ကျွန်ုပ်​မြင်ရ၏။ ဘုရားသခင်​သည် သူတို့​အား​တံပိုးခရာ​ခုနစ်ခု​ကို ပေးတော်မူ၏။