ဖိ​လိပ္ပိ 4:6 - ခေတ်သစ်​မြန်မာ သမ္မာကျမ်း

⁶ မည်သည့်​အမှု​ကိုမျှ မစိုးရိမ်ဘဲ အခြေအနေ​တိုင်း​၌ ကျေးဇူးတော်​ကို ချီးမွမ်း​၍ ဆုတောင်းခြင်း၊ အသနားခံခြင်းတို့​ဖြင့် သင်တို့ လိုအပ်သော​အရာများ​ကို ဘုရားသခင်​ထံ တောင်းလျှောက်ကြလော့။

Common Language Bible

⁶ အ​ဘယ်​အ​မှု​ကို​မျှ​မ​စိုး​ရိမ်​ဘဲ​ခပ်​သိမ်း သော​အ​မှု​တို့​တွင်​ကျေး​ဇူး​တော်​ကို​ချီး​မွမ်း ၍ ဆု​တောင်း​ပတ္ထနာ​ပြု​လျက်​သင်​တို့​လို​သော အ​ရာ​များ​ကို​ဘု​ရား​သ​ခင်​အား​လျှောက် ထား​ကြ​လော့။-

Garrad Bible

⁶ စိုး စဉ်း မျှ မ စိုး ရိမ် ပဲ ကျေး ဇူး တော် ကို ချီး မွမ်း လျက် တောင်း လျောက် ပ ဌာ နာ ပြု ချက် များ ဖြင့် လို လေ ရာ ရာ ကို ဘု ရား သ ခင် ရှေ့ ဖော် ပြ ကြ လော့။

Judson Bible

⁶ အ​ဘယ်​အ​မှု​ကို​မျှ စိုး​ရိမ်​ခြင်း​မ​ရှိ​ဘဲ အ​ရာ​ရာ၌ ကျေး​ဇူး​တော်​ကို ချီး​မွမ်း​ခြင်း​နှင့်​တ​ကွ ဆု​တောင်း​ပ​တ္ထ​နာ ပြု​သော​အား​ဖြင့်၊ သင်​တို့​တောင်း​ပန်​လို​သော အ​ရာ​များ​တို့​ကို ဘု​ရား​သ​ခင်​အား ကြား​လျှောက်​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ မည်သည့်​အမှု​ကို​မျှ မ​စိုးရိမ်​ဘဲ အရာရာ​၌ ကျေးဇူး​တော်​ချီးမွမ်း​ခြင်း​နှင့်တကွ ဆုတောင်း​ခြင်း​နှင့်​အသနားခံ​ခြင်း​တို့​ဖြင့် သင်​တို့​တောင်းခံ​လို​သော​အရာ​များ​ကို ဘုရားသခင်​အား သိ​စေ​ကြ​လော့။

ဖိ​လိပ္ပိ 4:6 ပူးပေါင်းရင်းမြစ်များ

မဿဲ 10:19

သင်တို့​ကို အပ်နှံကြ​သောအခါ မည်သို့​တုံ့ပြန်​ပြောဆို​ရမည်​ကို မစိုးရိမ်ကြနှင့်။ ဘုရားသခင်​သည် သင်တို့​ပြောဆိုရမည့်​စကား​ကို ထို​အချိန်​၌ ပေးတော်မူ​လိမ့်မည်။

မဿဲ 13:22

ဆူးပင်​ကြား​တွင် ကျသော​မျိုးစေ့​မှာ တရားစကား​ကို​ကြား​သော်လည်း လောကီရေးရာ​ကို​စိုးရိမ်ခြင်း​နှင့် စည်းစိမ်​၏​ဖြားယောင်းခြင်းတို့​က ထို​တရားစကား​ကို လျင်မြန်​စွာ ပိတ်ဆို့ထား​သဖြင့် အသီး​မသီးနိုင်သော​သူ​ကို ဆိုလို၏။

မဿဲ 6:34

ထို့ကြောင့် မနက်ဖြန်​အတွက် မစိုးရိမ်နှင့်။ မနက်ဖြန်​နှင့် သက်ဆိုင်သော​စိုးရိမ်စရာ​သည် မနက်ဖြန်​၌​သာ ရှိ၏။ ယနေ့​ကြုံတွေ့ရသော​ဒုက္ခပြဿနာ​သည် ယနေ့​အတွက် တော်လောက်ပေ၏။

မဿဲ 6:8

ထို​သူတို့​ကဲ့သို့ မပြုကြနှင့်။ အဘယ်ကြောင့်ဆိုသော် သင်တို့​၏ အဖ​သည် သင်တို့​၏​လိုအပ်မှု​ကို သင်တို့​မတောင်းလျှောက်​မီ​ကပင် သိမြင်တော်မူ​သောကြောင့်​ဖြစ်၏။

လုကာ 10:41

ယေရှု​ကလည်း “အို မာသ… မာသ… သင်​သည် အလုပ်များ​ကြောင့် စိုးရိမ်ပူပန်​လျက် နှောင့်ယှက်ခြင်း​ကို ခံရလေပြီ။

လုကာ 12:22

ထို့နောက် တပည့်တော်တို့​အား “ထို့ကြောင့် သင်တို့​အား ငါ​ပြောဆိုသည်​မှာ သင်တို့​အသက်ရှင်​ရန်အတွက် မည်သည့်​အရာ​စားရမည်​ကို​လည်းကောင်း၊ သင်တို့​ကိုယ်ခန္ဓာ​အတွက် မည်သည့်​အရာ​ဝတ်ရမည်​ကို​လည်းကောင်း မစိုးရိမ်ကြနှင့်။

လုကာ 12:29

မည်သည့်​အရာ​ကို စားရ​မည်နည်း မည်သည့်​အရာ​ကို သောက်ရ​မည်နည်း​ဟူ၍ မတွေးတောကြနှင့်။ ထို​အရာများ​အတွက် စိုးရိမ်ပူပန်ခြင်း​မရှိကြနှင့်။

လုကာ 18:1

ယေရှု​သည် တပည့်တော်တို့​အား အား​မလျှော့ဘဲ အစဉ်အမြဲ ဆုတောင်းသင့်ကြောင်း​ကို ပုံဥပမာ​တစ်ခု​ဖြင့် မိန့်တော်မူ၏။

လုကာ 18:7

မိမိ​ရွေးချယ်တော်မူသော​သူတို့​က နေ့ည​မပြတ် တောင်းလျှောက်​လျှင် ဘုရားသခင်​သည် တရားမျှတ​စွာ မစီရင်ဘဲ နှောင့်နှေးစေတော်မူ​မည်လော။

၁ ကော 7:21

ဘုရားသခင် ရွေးကောက်တော်မူ​စဉ်က သင်​သည် ကျွန်​ဖြစ်​နေပါက​လည်း မပူပန်နှင့်။ သို့သော် ကျွန်​အဖြစ်​မှ လွတ်ခွင့်​ရ​လျှင် ထို​အခွင့်အရေး​ကို ရယူလော့။

၁ ကော 7:32

ကျွန်ုပ်​သည် သင်တို့​အား စိုးရိမ်​ပူပန်မှု​နှင့် ကင်းလွတ်​စေချင်၏။ အိမ်ထောင်​မရှိသော​ယောက်ျား​သည် သခင်ဘုရား​ကို မည်သို့ နှစ်သက်စေရမည်​ကို တွေးတော​လျက် သခင်ဘုရား​၏ အမှုတော်​ကို ဂရုစိုက်တတ်၏။

၂ ကော 1:11

သင်တို့​သည်လည်း ကျွန်ုပ်တို့​ကို ဆုတောင်းခြင်း​ဖြင့် ကူညီနေကြသည် ဖြစ်​၍ လူများစွာတို့​၏ ဆုတောင်းခြင်း​ကို ဘုရားသခင် အဖြေ​ပေးတော်မူ​လိမ့်မည်။ ထို့ကြောင့် လူများစွာတို့​သည် ကျွန်ုပ်တို့ ခံစားရသော​ဆုကျေးဇူးများ​ကို ထောက်​၍ ကျွန်ုပ်တို့​အတွက် ဘုရားသခင်​ကို ကျေးဇူးတင်ကြ​လိမ့်မည်။

ဧ​ဖက် 5:20

ကျွန်ုပ်တို့​သခင် ယေရှု​ခရစ်တော်​၏ အမည်​နာမတော်​ကို အမှီပြု​၍ အရာ​အားလုံး​အတွက် ခမည်းတော်​ဘုရားသခင်​အား အစဉ် ကျေးဇူးတင်ကြလော့။

ဧ​ဖက် 6:18

အမျိုးမျိုးသော ဆုတောင်းခြင်း​နှင့် အသနားခံခြင်းတို့​ဖြင့် ဝိညာဉ်တော် ညွှန်ကြားတော်မူသည့်​အတိုင်း အချိန်အခါ​တိုင်း​တွင် ဆုတောင်းကြလော့။ ထိုသို့ ဆုတောင်း​နိုင်ရန် နိုးနိုးကြားကြား နေ​၍ ယုံကြည်သူ​အပေါင်းတို့​အတွက် ဇွဲမလျှော့ဘဲ ဆုတောင်းကြလော့။

ကော​လော​သဲ 3:15

သင်တို့​သည် ကိုယ်ခန္ဓာ​တစ်ခုတည်း​၏ အစိတ်အပိုင်းများ ဖြစ်​၍ ငြိမ်းချမ်း​စွာ နေထိုင်​ရန် ရွေးချယ်ခြင်း​ခံကြရ၏။ ထို့ကြောင့် ခရစ်တော် ပေးသနားတော်မူသော ငြိမ်းချမ်းခြင်း​သည် သင်တို့​၏ နှလုံးသား​၌ စိုးမိုးပါစေသော။ ဘုရားသခင်​ကိုလည်း ကျေးဇူးတင်ကြလော့။

ကော​လော​သဲ 3:17

အပြောအဆို​အားဖြင့်​ဖြစ်စေ၊ အပြုအမူ​အားဖြင့်​ဖြစ်စေ ပြုလေသမျှတို့​တွင် သခင်​ယေရှု​၏ နာမတော်​ကို ထောက်​၍ ပြုကြလော့။ ထို​သခင်​ကို အကြောင်းပြု​၍ အဖ​ဘုရားသခင်​ကို ကျေးဇူးတင်ကြလော့။

ကော​လော​သဲ 4:2

ဘုရားသခင်​ကို ကျေးဇူးတင်​လျက် နိုးကြား​စွာ မပျက်မကွက် ဆုတောင်းကြလော့။

၁ တိ 2:1

သင်တို့​သည် လူသား​အားလုံး​အတွက် အသနားခံခြင်း၊ ဆုတောင်းပေးခြင်း၊ ကိုယ်စားပြု​တောင်းလျှောက်ပေးခြင်း၊ ဘုရားသခင်​၏ ကျေးဇူးတော်​ကို ချီးမွမ်းခြင်း​တို့ကို ဦးစားပေး​ဆောင်ရွက်​ရန် ကျွန်ုပ်​တိုက်တွန်း​နှိုးဆော်၏။

၁ တိ 5:5

အမှန်တကယ်​ခိုကိုးရာမဲ့ပြီး စောင့်ရှောက်သူ​မရှိသော မုဆိုးမ​သည် ဘုရားသခင်​ကို မျှော်လင့်​လျက် နေ့ညမပြတ် အသနားခံ​၍ ဆုတောင်းတတ်၏။

၁ ပေ 4:7

အရာ​အားလုံး​၏ နောက်ဆုံးချိန်​သည် နီးကပ်လာ​သောကြောင့် ဆုတောင်း​နိုင်ရန်​အတွက် မိမိတို့​စိတ်​ကို ချုပ်တည်း​လျက် သတိ​ရှိကြလော့။

၁ ပေ 5:7

ကိုယ်တော်​သည် သင်တို့​ကို ဂရုစိုက်တော်မူ​သောကြောင့် သင်တို့​၏ စိုးရိမ်မှု​အပေါင်းတို့​ကို ကိုယ်တော်​ထံ အပ်နှံကြလော့။