ဖိ​လိပ္ပိ 4:17 - ခေတ်သစ်​မြန်မာ သမ္မာကျမ်း

¹⁷ ဤသို့​ပြောခြင်း​သည် သင်တို့​ထံမှ နောက်ထပ်​အလှူ​ကို ရလို​၍ မဟုတ်။ သင်တို့​၏ ရက်ရောမှု​အတွက်​ကြောင့် အသီးအပွင့်​ကို သင်တို့ ပို​၍ ရရှိခံစား​စေလို​သောကြောင့် ဖြစ်၏။

Common Language Bible

¹⁷ ဤ​သို့​ဆို​သော်​ငါ​သည်​အ​လှူ​ကို​ခံ​ယူ​လို​၍ မ​ဟုတ်။ သင်​တို့​၏​ငွေ​စာ​ရင်း​တွင်​အ​မြတ်​တိုး လာ​စေ​ရန်​ငါ​အ​လို​ရှိ​၏။-

Garrad Bible

¹⁷ ထို သို့ ဆို သော် အ လှူ ဝ တ္ထု ကို ငါ အ လို ရှိ သော ကြောင့် မ ဟုတ် သင် တို့ စ ရင်း တိုး တက် ရန် အ ကျိုး ကို ငါ အ လို ရှိ၏။

Judson Bible

¹⁷ ထို​သို့​ငါ​ဆို​သော်၊ အ​လှူ​ကို ရှာ​သည်​မ​ဟုတ်၊ သင်​တို့၌ ကြွယ်​ဝ​သော​အ​ကျိုး​ကို ရှာ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ဤသို့ဆိုသော် လက်ဆောင်​ကို ငါ​အလိုရှိ​၍​မ​ဟုတ်။ သင်​တို့​၏​အကျိုးအမြတ်​ကို တိုးပွား​စေ​သော​အသီးအပွင့်​ကို​သာ ငါ​အလိုရှိ​၏။

ဖိ​လိပ္ပိ 4:17 ပူးပေါင်းရင်းမြစ်များ

ရှင်ယောဟန် 15:16

သင်တို့​သည် ငါ့​ကို ရွေးချယ်ခဲ့သည်​မဟုတ်။ ငါ​သည် သင်တို့​ကို ရွေးချယ်၏။ တည်မြဲမည့်​အသီး​ကို သင်တို့​သီး​စေရန် ငါ​ခန့်ထား၏။ သို့ဖြစ်၍ ငါ့​နာမ​ကို အမှီပြု​၍ ခမည်းတော်​ထံ သင်တို့​တောင်း​သမျှ​ကို ခမည်းတော်​မှ ပေးတော်မူ​ရန် ဖြစ်၏။

ရှင်ယောဟန် 15:8

သင်တို့​သည် အသီး​များစွာ သီး​လျက် ငါ့​တပည့်များ​ဖြစ်ခြင်း​အားဖြင့် ငါ့​ခမည်းတော်​၏ ဘုန်းတော်​ကို ထင်ရှား​စေတော်မူ၏။

ရော​မ 15:28

ဤ​အမှုကိစ္စ​ကို ဆောင်ရွက်​ပြီးစီး​၍ ဤ​အလှူ​ကို ထို​သူတို့​လက်​ထဲ ပေးအပ်​ပြီးနောက် သင်တို့​ထံ ဝင်ရောက်​လည်ပတ်​ကာ စပိန်ပြည်​သို့ ကျွန်ုပ်​သွားမည်။

၂ ကော 11:16

ကျွန်ုပ်​သည် မိုက်မဲသောသူ​ဖြစ်သည်​ဟု မည်သူ​မျှ မထင်မှတ်​စေရန် ကျွန်ုပ်​ထပ်မံ၍​ပြောဆို၏။ သို့သော် သင်တို့​ထင်မှတ်​လျှင်လည်း ကြွားဝါခွင့် အနည်းငယ်​ရှိ​စေရန် ကျွန်ုပ်​ကို မိုက်မဲသောသူ​အဖြစ် လက်ခံကြလော့။

၂ ကော 9:5

ထို့ကြောင့် သင်တို့​ကတိပေးထားသည့်​အတိုင်း လှူဒါန်းခြင်း​ကို အသင့်​ပြင်ဆင်​စေရန် တိုက်တွန်း​၍ ဤ​ညီအစ်ကိုများ​ကို သင်တို့​ထံ ကြိုတင်​စေလွှတ်​သင့်သည်​ဟု ကျွန်ုပ်​ယူဆမိ၏။ သို့မှသာ ဖိအားပေးခြင်း​ကြောင့် လှူဒါန်းခြင်း​မဟုတ်ဘဲ ရက်ရောသော​စေတနာစိတ်​ဖြင့် လှူဒါန်းခြင်း ဖြစ်​လိမ့်မည်။

ဖိ​လိပ္ပိ 1:11

ထို့ပြင် သင်တို့​သည် ယေရှု​ခရစ်တော်​ကြောင့် ရရှိ​သည့် ဖြောင့်မတ်ခြင်း​၏ အသီးအပွင့်​နှင့် ပြည့်​လျက် လူတို့​သည် ဘုရားသခင်​၏ ဘုန်းတော်​ကို ထင်ရှား​စေရန်​နှင့် ဘုရားသခင်​ကို ချီးမွမ်းကြ​ရန် ကျွန်ုပ်​ဆုတောင်း၏။

ဖိ​လိပ္ပိ 4:11

ကျွန်ုပ်​သည် ဆင်းရဲနွမ်းပါး​သောကြောင့် ဤသို့​ပြောရသည် မဟုတ်။ မည်သည့်​အခြေအနေ​မျိုး​တွင်​ဖြစ်စေ တင်းတိမ်​ရောင့်ရဲတတ်​ရန် ကျွန်ုပ်​သင်ယူခဲ့ပြီ ဖြစ်၏။

၁ သက် 2:5

သင်တို့​သိသည့်​အတိုင်း ကျွန်ုပ်တို့​သည် မြှောက်ပင့်သော​စကား​ဖြင့် တစ်ခါမျှ မပြောဆိုကြောင်း၊ လောဘ​စိတ်​ဖြင့် ဟန်မဆောင်ကြောင်း ဘုရားသခင်​သည် ကျွန်ုပ်တို့​၏ သက်သေ​ဖြစ်၏။

၁ တိ 3:3

သူ​သည် သောက်စား​မူးယစ်သူ၊ ခက်ထန်​ကြမ်းကြုတ်သူ၊ ခိုက်ရန်​ဖြစ်ပွားသူ၊ ငွေမက်သူ​မဟုတ်ဘဲ ထောက်ထား​ညှာတာသူ ဖြစ်ရမည်။

၁ တိ 6:10

ငွေ​ကို တပ်မက်ခြင်း​သည် မကောင်းမှု​အမျိုးမျိုး​၏ အရင်းအမြစ်​ဖြစ်၏။ လူတချို့​သည် ငွေ​ကို တပ်မက်​သောကြောင့် ယုံကြည်ခြင်း​တရား​ကို စွန့်​ကာ အလွန်​ဝမ်းနည်း​ပူဆွေးခြင်း​ကို နာကျင်​စွာ ခံစားကြရ၏။

တိ​တု 1:7

သင်းအုပ်​သည် ဘုရားသခင်​၏ အမှုတော်​တွင် စီမံခန့်ခွဲသူ​ဖြစ်၏။ ထို့ကြောင့် သူ​သည် အပြစ်ကင်းသူ​ဖြစ်ရမည်။ သူ​သည် ထင်ရာစိုင်းသူ၊ စိတ်တိုလွယ်သူ၊ သောက်စား​မူးယစ်သူ၊ ရန်လိုသူ၊ မသမာနည်း​ဖြင့် ငွေရှာသူ မဖြစ်ရ။

တိ​တု 3:14

ကျွန်ုပ်တို့​၏​လူတို့​သည် ကောင်းမှုပြု​ရန် လေ့လာ​သင်ယူကြ​ရမည်။ သို့မှသာ သူတို့​သည် အကျိုး​ရှိရှိ အသက်ရှင်​နေထိုင်​နိုင်ပြီး အခြားသူများ အရေးပေါ်​လိုအပ်ချက်​ရှိသော​အချိန်​၌ ကူညီပေး​နိုင်ကြမည်။

ဟေ​ဗြဲ 6:10

အဘယ်ကြောင့်ဆိုသော် ဘုရားသခင်​သည် မဖြောင့်မတ်သော​အရှင် မဟုတ်။ ဘုရားသခင်​သည် သင်တို့​ပြုသော​အမှု​ကို​လည်းကောင်း၊ ယုံကြည်သူတို့​ကို ယခင်​က အစေခံ​သကဲ့သို့ ယခု​ဆက်လက် အစေခံရာ​တွင် ထားသော​သင်တို့​၏ ချစ်ခြင်းမေတ္တာ​ကို​လည်းကောင်း အသိအမှတ်​မပြုဘဲ နေတော်မူမည်​မဟုတ်။

၁ ပေ 5:2

သင်တို့​အား ဘုရားသခင်​အပ်ထားတော်မူသည့် သိုးစု​ကဲ့သို့သော လူတို့​ကို အုပ်ထိန်းလော့။ မဖြစ်မနေ​အုပ်ထိန်းရခြင်း​ကြောင့် မဟုတ်ဘဲ ဘုရားသခင်​အလိုတော်​နှင့်အညီ စိတ်ပါလက်ပါ အုပ်ထိန်းလော့။ အကျိုးစီးပွား​အတွက် မဟုတ်ဘဲ စိတ်အားထက်သန်​စွာ အုပ်ထိန်းလော့။

၂ ပေ 2:15

သူတို့​သည် လမ်းဖြောင့်​မှ သွေဖယ်​၍ မတရားမှု​မှ ရရှိသော​အခကြေးငွေ​ကို နှစ်သက်သည့် ဗော်သော်​၏​သား ဗာလမ်​၏ လမ်းစဉ်​ကို လိုက်ကြ၏။

၂ ပေ 2:3

ထို​သူတို့​သည် မိမိတို့​၏ လောဘစိတ်​နှင့် လုပ်ကြံ​ဇာတ်လမ်းများ​ဖြင့် သင်တို့​အပေါ် အမြတ်ထုတ်ကြ​လိမ့်မည်။ ဘုရားသခင်​သည် ထို​သူတို့ ခံရမည့်​ပြစ်ဒဏ်​ကို ယခင်​ကပင် ချမှတ်ထားတော်မူခဲ့၏။ သူတို့​၏ ပျက်စီးခြင်း​ကိုလည်း နှောင့်နှေး​စေတော်မူမည် မဟုတ်။

ယု​ဒ 1:11

သူတို့​သည် အမင်္ဂလာ​ရှိကြ၏။ သူတို့​သည် ကာဣန​၏​လမ်းစဉ်​သို့ လိုက်ကြပြီ။ ဗာလမ်​သည် အခကြေးငွေ​ကို ရလို​၍ မှားယွင်း​သကဲ့သို့ ဗာလမ်​နည်းတူ အလျင်အမြန်​မှားယွင်းကြပြီ။ ကောရ​ကဲ့သို့ ပုန်ကန်​သဖြင့် ပျက်စီး​ဆုံးရှုံးကြပြီ။