ဖိ​လိပ္ပိ 3:10 - ခေတ်သစ်​မြန်မာ သမ္မာကျမ်း

¹⁰ ကျွန်ုပ်​သည် ခရစ်တော်​ကို သိကျွမ်းခြင်း၊ ခရစ်တော်​၏ ရှင်ပြန်ထမြောက်တော်မူခြင်း​တန်ခိုး​ကို ရရှိ​ခံစားခြင်း၊ ကိုယ်တော်​ကဲ့သို့ အသေခံ​၍ ကိုယ်တော်​၏ ဆင်းရဲဒုက္ခ​ကို မျှဝေ​ခံစားခြင်းတို့​ကိုသာ အလိုရှိ၏။

Common Language Bible

¹⁰ ငါ​သည်​ခ​ရစ်​တော်​ကို​သိ​ကျွမ်း​ခြင်း၊ ထ​မြောက် ရှင်​ပြန်​တော်​မူ​ခြင်း​၏​တန်​ခိုး​တော်​ကို​ခံ​စား​ခြင်း၊ ခ​ရစ်​တော်​နှင့်​အ​တူ​ဆင်း​ရဲ​ဒုက္ခ​ခံ​ခြင်း၊ ကိုယ်​တော် အ​သေ​ခံ​တော်​မူ​ခြင်း​၌​ပါ​ဝင်​ခြင်း​တို့​ကို​သာ လို​ချင်​တောင့်​တ​၏။-

Garrad Bible

¹⁰ သို့ နှင့် အ ညီ ကိုယ် တော် ကို လည်း ကောင်း၊ ရှင် ပြန် ထ မြောက် တော် မူ ခြင်း တန် ခိုး ကို လည်း ကောင်း၊ ဒု က္ခ တော် များ ၌ ဆက် ဆံ ခြင်း ကို လည်း ကောင်း ကျွမ်း ဝင် သ ဖြင့် အ သေ ခံ တော် မူ ခြင်း၌ ပါ ဝင် လျက်၊

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထို့ပြင် ကိုယ်တော်​ကို​လည်းကောင်း၊ ကိုယ်တော်​၏​ရှင်ပြန်​ထမြောက်​ခြင်း​တန်ခိုး​ကို​လည်းကောင်း၊ ကိုယ်တော်​၏​ဒုက္ခ​ဝေဒနာ​ကို​မျှဝေ​ခံယူ​ခြင်း​ကို​လည်းကောင်း သိရှိ​၍ ကိုယ်တော်​၏​အသေခံ​ခြင်း​၌ တစ်​သဏ္ဌာန်​တည်း​ဖြစ်​ခြင်း​အခွင့်​ကို​ရရှိ​ကာ

ဖိ​လိပ္ပိ 3:10 ပူးပေါင်းရင်းမြစ်များ

မဿဲ 20:23

ယေရှု​က “သင်တို့​သည် ငါ​၏​ခွက်​ကို အမှန်​သောက်ကြရမည်။ သို့ရာတွင် ငါ​၏ လက်ဝဲ​နှင့်​လက်ယာ တစ်ဖက်စီ​၌ ထိုင်ခွင့်​ကို ငါ​ပေးသည်​မဟုတ်။ ထို​နေရာများ​ကို ငါ​၏ ခမည်းတော်​သည် မိမိ​ရွေးချယ်တော်မူသောသူများ​အတွက် ပြင်ဆင်တော်မူ၏” ဟု မိန့်တော်မူ၏။

ရှင်ယောဟန် 10:18

မည်သူ​ကမျှ ငါ့​အသက်​ကို စွန့်စေသည်​မဟုတ်။ မိမိ​သဘော​ဖြင့်သာ ငါ​စွန့်၏။ အဘယ်ကြောင့်ဆိုသော် ငါ့​အသက်​ကို စွန့်​ရန်​နှင့် ပြန်ယူ​ရန် ငါ့​ထံ၌ အခွင့်အာဏာ​ရှိ​သောကြောင့်​ဖြစ်၏။ ထို​အမိန့်​ကို ခမည်းတော်​ထံမှ ငါ​ရရှိ၏” ဟု မိန့်တော်မူ၏။

ရှင်ယောဟန် 17:3

ထာဝရ​အသက်​ဟူသည်​မှာ တစ်ဆူတည်းသော၊ စစ်မှန်သည့်​ဘုရား​ဖြစ်တော်မူသော ကိုယ်တော်​ကို သိကျွမ်းခြင်း​နှင့် ဤ​လောက​သို့ ကိုယ်တော်​စေလွှတ်တော်မူသော ယေရှု​ခရစ်တော်​ကို သိကျွမ်းခြင်း​ပင်​ဖြစ်ပါ၏။

ရော​မ 8:17

ကျွန်ုပ်တို့​သည် ဘုရားသခင်​၏ သားသမီးများ ဖြစ်​သောကြောင့် အမွေခံများ​လည်း ဖြစ်ကြ၏။ ထို့ကြောင့် ကျွန်ုပ်တို့​သည် ခရစ်တော်​နှင့်အတူ အမွေခံများ ဖြစ်ကြ၏။ ကိုယ်တော်​နှင့်အတူ ဆင်းရဲဒုက္ခ​ကို ခံရ​လျှင် ကိုယ်တော်​နှင့်အတူ ဘုရားသခင်​၏ ဘုန်းအသရေ​ကိုလည်း ခံစားကြ​ရမည် ဖြစ်၏။

ရော​မ 8:29

ဘုရားသခင်​သည် မိမိ​လူတို့​ကို ကြိုတင်​သိတော်မူ​၍ ထို​သူတို့​ကို မိမိ​သားတော်​ကဲ့သို့ ဖြစ်လာ​စေရန် ရွေးချယ်တော်မူ၏။ ဤသို့​ပြုတော်မူသည်​မှာ ညီအစ်ကို​မောင်နှမ​များစွာ​ထဲတွင် ခရစ်တော်​ကို သားဦး​ဖြစ်​စေရန်​ပင် ဖြစ်၏။

ရော​မ 8:36

ကျမ်းစာ​၌ “ကျွန်ုပ်တို့​သည် အရှင့်​အတွက် တစ်နေ့လုံး​သေဘေး​နှင့် ရင်ဆိုင်ကြရ၏။ သူတစ်ပါးတို့​သည် အကျွန်ုပ်တို့​ကို သတ်​ရန် လျာထားသည့် သိုးများ​ကဲ့သို့ သတ်မှတ်ကြ၏” ဟု ဖော်ပြထား၏။

၂ ကော 1:10

ဘုရားသခင်​သည် ကျွန်ုပ်တို့​ကို ထို​မျှလောက်​ကြီးမားသော သေဘေး​မှ ကယ်တင်​တော်မူပြီ။ ထပ်မံ၍​လည်း ကယ်တင်တော်မူ​လိမ့်မည်။ ဆက်လက်​၍ ကယ်တင်တော်မူ​လိမ့်မည်​ဟု ကိုယ်တော်​ကို ကျွန်ုပ်တို့ မျှော်လင့်ကြ၏။

၂ ကော 1:5

ခရစ်တော်​ကြောင့် ကျွန်ုပ်တို့ ကြုံတွေ့ရသော ဆင်းရဲဒုက္ခ​သည် များပြားလှသည်​နည်းတူ ခရစ်တော်​အားဖြင့် ကျွန်ုပ်တို့ ခံစားရသော နှစ်သိမ့်မှု​သည်လည်း များပြားလှ၏။

၂ ကော 13:4

ကိုယ်တော်​သည် လက်ဝါးကပ်တိုင်​တွင် အသေခံခဲ့​စဉ် လူသား​အနေဖြင့် အားနည်းသော​အခြေအနေ​၌ ရှိခဲ့​သော်လည်း ယခုအခါ ဘုရားသခင်​၏ တန်ခိုးတော်​အားဖြင့် အသက်ရှင်တော်မူ၏။ ကျွန်ုပ်တို့​သည်လည်း ခရစ်တော်​နည်းတူ အားနည်းကြ၏။ သို့သော် ဘုရားသခင်​၏ တန်ခိုးတော်​အားဖြင့် ကိုယ်တော်​နှင့်အတူ အသက်ရှင်မည်​ဖြစ်၍ သင်တို့​ကို အပြစ်ပေး​ရာ​၌​ဖြစ်စေ၊ ကူညီမစ​ရာ​၌​ဖြစ်စေ အားနည်းကြမည်​မဟုတ်ပေ။

ဂ​လာ​တိ 2:20

ကျွန်ုပ်​သည် ခရစ်တော်​နှင့်အတူ လက်ဝါးကပ်တိုင်​၌ သတ်ခြင်း​ခံရပြီ။ သို့ဖြစ်၍ ကျွန်ုပ်​သည် အသက်​မရှင်တော့ဘဲ ခရစ်တော်​သာလျှင် ကျွန်ုပ်​ထဲ၌ အသက်ရှင်တော်မူ၏။ ယခု​ကိုယ်ခန္ဓာ​၌ ကျွန်ုပ်​အသက်ရှင်သည်​မှာ ကျွန်ုပ်​ကို ချစ်​၍ ကျွန်ုပ်​အတွက် အသက်ပေးတော်မူသော ဘုရားသခင်​၏ သားတော်​ကို ယုံကြည်ခြင်း​ဖြင့် အသက်ရှင်ခြင်း ဖြစ်၏။

ဂ​လာ​တိ 6:17

ယခု​မှစ၍ မည်သူ​မျှ ကျွန်ုပ်​ကို မနှောင့်ယှက်ပါစေနှင့်။ အဘယ်ကြောင့်ဆိုသော် ကျွန်ုပ်​၏ ကိုယ်ခန္ဓာ​တွင် ရှိသော ဒဏ်ရာ​ဒဏ်ချက်များ​က ကျွန်ုပ်​သည် ယေရှု​ခရစ်တော်​နှင့်​ဆိုင်သောသူ​ဖြစ်ကြောင်း ဖော်ပြ​လျက် ရှိ​သောကြောင့် ဖြစ်၏။

ဧ​ဖက် 4:13

ကျွန်ုပ်တို့​အားလုံး​သည် ယုံကြည်ခြင်း​နှင့် ဘုရားသခင်​၏ သားတော်​ကို သိကျွမ်းခြင်းတို့​၌ တညီတညွတ်တည်း ဖြစ်သည့်​တိုင်အောင်​လည်းကောင်း၊ ရင့်ကျက်သည့်​တိုင်အောင်​လည်းကောင်း၊ ခရစ်တော်​၏ ပြည့်စုံခြင်း​စံနှုန်း​ကို မီသည့်​တိုင်အောင်​လည်းကောင်း ဤ​တာဝန်​မှာ ဆက်လက်​ရှိနေမည် ဖြစ်၏။

ဖိ​လိပ္ပိ 3:8

ထိုမျှမက ကျွန်ုပ်​၏ သခင်​ယေရှု​ခရစ်တော်​ကို ရင်းနှီး​ကျွမ်းဝင်ရခြင်း​၏ ကြီးမားသည့်​တန်ဖိုး​နှင့်​ယှဉ်​လျှင် အရာ​အားလုံး​ကို အရှုံး​ဟူ၍ မှတ်ယူ၏။ ခရစ်တော်​အတွက်​ကြောင့် အရာ​အားလုံး​ကို အရှုံးခံ​၍ ၎င်းတို့​ကို မစင်​ကဲ့သို့ မှတ်ယူ၏။ ဤ​အရာ​မှာ ခရစ်တော်​ကို ရရှိ​ရန်​နှင့်

ကော​လော​သဲ 1:24

ယခု​အခါ ကျွန်ုပ်​သည် သင်တို့​အတွက် ဆင်းရဲဒုက္ခ​ခံရသည်​ကို ဝမ်းမြောက်​၍ ခရစ်တော်​ကိုယ်စား ဆင်းရဲဒုက္ခ​ခံ​ကာ ကြွင်းကျန်​နေသေးသော ဆင်းရဲဒုက္ခ​ကို ကိုယ်တော်​၏ ကိုယ်ခန္ဓာ​ဖြစ်သော အသင်းတော်​အတွက် ကျွန်ုပ်​၏ ခန္ဓာ​သွေးသား​ဖြင့် ဖြည့်ဆည်းနေ၏။

ကော​လော​သဲ 2:13

ယခင်က သင်တို့​သည် မိမိတို့​၏ အပြစ်များ​နှင့် လူ့​ဗီဇ​စိတ်​ကို မဖြတ်တောက်​နိုင်သေး​သောကြောင့် ဝိညာဉ်ရေး​အရ သေလူ​ကဲ့သို့ ဖြစ်ခဲ့ကြ၏။ သို့သော် ဘုရားသခင်​သည် သင်တို့​ကို ခရစ်တော်​နှင့်အတူ အသက်ရှင်စေတော်မူ၏။ ဘုရားသခင်​သည် ကျွန်ုပ်တို့​၏ အပြစ်များ​အားလုံး​ကို ခွင့်လွှတ်တော်မူ​၍

ကော​လော​သဲ 3:1

သင်တို့​သည် ခရစ်တော်​နှင့်​အတူ ထမြောက်ပြီ​ဖြစ်၍ ဘုရားသခင်​၏ လက်ယာတော်​ဘက်​၌ ထိုင်တော်မူသည့် ခရစ်တော်​တည်ရှိရာ အထက်​အရပ်​၌ ရှိသော အရာများ​ကို တောင့်တကြလော့။

၁ ပေ 1:3

ကျွန်ုပ်တို့ သခင်​ယေရှု​ခရစ်တော်​၏​ခမည်းတော်​ဘုရားသခင်​ကို ချီးမွမ်းကြလော့။ ဘုရားသခင်​သည် မိမိ​၏​ကြီးမြတ်သော​ကရုဏာတော်​ကြောင့် သခင်​ယေရှု​ခရစ်တော်​ကို သေခြင်း​မှ ရှင်ပြန်​ထမြောက်စေတော်မူခြင်း​အားဖြင့် ကျွန်ုပ်တို့​ကို အသစ်​တစ်ဖန်​မွေးဖွား​စေပြီး ခိုင်မြဲသော​မျှော်လင့်ချက်​ရှိစေတော်မူ၏။

၂ ပေ 1:13

ကျွန်ုပ်​အသက်ရှင်နေ​သရွေ့ ဤ​အကြောင်းအရာများ​ကို သင်တို့​အား ဆက်လက်​သတိပေးနေ​သင့်သည်​ဟု ကျွန်ုပ်​ယူဆ၏။

၁ ယော 2:3

ကျွန်ုပ်တို့​သည် ပညတ်တော်တို့​ကို လိုက်နာ​လျှင် ဘုရားသခင်​ကို သိကျွမ်းသော​သူများ​ဖြစ်ကြောင်း သိရ၏။

၁ ယော 2:5

ဘုရားသခင်​၏​စကားတော်​ကို နားထောင်သောသူ​သည် ဘုရားသခင်​ကို အကြွင်းမဲ့​ချစ်သောသူ​ဖြစ်၏။ ဤသို့ဖြင့် ကျွန်ုပ်တို့​သည် ဘုရားသခင်​နှင့် တပေါင်းတစည်းတည်း​ဖြစ်သည်​ကို သိကြ၏။

ဗျာ​ဒိတ် 1:18

ငါ​သည် အသက်ရှင်သော​သူ​ဖြစ်၏။ ငါ​သည် သေခဲ့၏။ ယခု​တွင်မူ အစဉ်​ထာဝရ​အသက်ရှင်၏။ ငါ​သည် သေခြင်းတရား​နှင့် မရဏ​နိုင်ငံ​ကို အစိုးရ၏။