ဖိ​လိပ္ပိ 2:25 - ခေတ်သစ်​မြန်မာ သမ္မာကျမ်း

²⁵ သို့သော် ဤ​အတောအတွင်း ဧပဖြောဒိတ်​ကို သင်တို့​ထံသို့ ပြန်လည်​စေလွှတ်​သင့်သည်​ဟု ကျွန်ုပ်​ထင်မြင်ယူဆ၏။ သူ​သည် ကျွန်ုပ်​၏​လိုအပ်ချက်များ​ကို ကူညီ​ဖြည့်ဆည်း​ရန် သင်တို့​စေလွှတ်လိုက်သော သင်တို့​၏​တမန်၊ ကျွန်ုပ်​၏​ညီ လုပ်ဖော်ကိုင်ဖက် ရဲဘော်ရဲဘက်​ဖြစ်၏။

Common Language Bible

²⁵ ငါ​၏​လုပ်​ဖော်​ဆောင်​ဘက်၊ ငါ​နှင့်​အ​တူ​တိုက်​ပွဲ ဝင်​ခဲ့​သူ၊ ငါ့​အား​ပြု​စု​ရန်​သင်​တို့​က​စေ​လွှတ် လိုက်​သူ၊ ငါ​တို့​၏​ညီ​ဧ​ပ​ဖြော​ဒိတ်​ကို​သင်​တို့ ထံ​သို့​စေ​လွှတ်​ရန်​လို​အပ်​သည်​ဟု​ငါ​ယူ​ဆ​၏။-

Garrad Bible

^25-26 ငါ့ ကို ထောက် ပံ့ ရန် သင် တို့ တ မန်၊ ငါ့ ညီ အစ် ကို၊ ငါ့ လုပ် ဖော် ဆောင် ဘက်၊ ငါ စစ် သည် ချင်း ဖြစ် သူ ဧ ပ ဖြော ဒိတ် သည် နာ လျက် ရှိ နေ ခဲ့ ကြောင်း သင် တို့ ကြား သိ ကြ သည့် အ တွက် နှ လုံး မ သာ၍ သင် တို့ ရှိ သ မျှ ကို တ သ သ ဖြင့် ပြန် လွှတ် သင့် သည် ဟု ငါ သ ဘော ရှိ ၏။

Judson Bible

²⁵ သို့​သော်​လည်း ဆောင်​ရွက်​ခြင်း၊ စစ်​တိုက်​ခြင်း​အ​မှု၌ ငါ၏​အ​ပေါင်း​အ​ဖော်၊ ငါ့​ကို​ပြု​စု​သော သူ​တည်း​ဟူ​သော သင်​တို့​တ​မန်၊ ငါ့​ညီ ဧ​ပ​ဖြော​ဒိတ်​ကို သင်​တို့​ရှိ​ရာ​သို့ ယ​ခု​စေ​လွှတ်​သင့်​သည်​ဟု ငါ​ထင်​မှတ်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သို့သော် ငါ​၏​ညီ၊ ငါ​၏​လုပ်ဖော်ဆောင်ဖက်​နှင့် ရဲဘော်ရဲဘက်​ဖြစ်​သည့်​အပြင် ငါ​၏​လိုအပ်​ချက်​များ​ကို​ဖြည့်ဆည်း​ဆောင်ရွက်​ပေး​သော သင်​တို့​၏​စေတမန် ဧပဖြောဒိတ်​ကို သင်​တို့​ထံသို့​စေလွှတ်​ရန် လိုအပ်​သည်​ဟု ငါ​ယူဆ​၏။

ဖိ​လိပ္ပိ 2:25 ပူးပေါင်းရင်းမြစ်များ

ရှင်ယောဟန် 13:16

သင်တို့​အား ငါ​အမှန်​ဆို၏။ ကျွန်​သည် သခင်​ထက် သာ​၍ ကြီးမြတ်သည်​မဟုတ်။ အစေလွှတ်ခံ​သည်လည်း စေလွှတ်သူ​ထက် သာ​၍ ကြီးမြတ်သည်​မဟုတ်။

ရှင်ယောဟန် 17:18

ကိုယ်တော်​သည် အကျွန်ုပ်​ကို ဤ​လောက​သို့ စေလွှတ်​သကဲ့သို့ အကျွန်ုပ်​သည်လည်း သူတို့​ကို ဤ​လောက​သို့ စေလွှတ်ပါ၏။

ရော​မ 16:3

ယေရှု​ခရစ်တော်​၏ အမှုတော်​ကို ဆောင်ရွက်သည့် ကျွန်ုပ်​၏ လုပ်ဖော်ကိုင်ဖက်များ​ဖြစ်ကြသော ပြစ်ကိလ​နှင့် အာကုလ​တို့​ကို နှုတ်ဆက်ပေးကြလော့။

ရော​မ 16:9

ခရစ်တော်​၏ အမှုတော်​ကို ဆောင်ရွက်သည့် ကျွန်ုပ်​၏ လုပ်ဖော်ကိုင်ဖက်များ​ဖြစ်ကြသော ဥရဗန်​နှင့် ကျွန်ုပ်​ချစ်သော​မိတ်ဆွေ သတာခု​ကို နှုတ်ဆက်ပေးကြလော့။

၁ ကော 3:9

ကျွန်ုပ်တို့​သည် ဘုရားသခင်​၏ အမှုတော်​လုပ်ငန်း​တွင် လုပ်ဖော်ကိုင်ဖက်များ​ဖြစ်ကြ၏။ သင်တို့​သည် ဘုရားသခင်​၏ ဥယျာဉ်​ဖြစ်ကြ၏။ ဘုရားသခင်​၏ အဆောက်အအုံ​လည်း ဖြစ်ကြ၏။

၂ ကော 2:13

သို့သော်လည်း ကျွန်ုပ်​၏​ညီ တိတု ရောက်မလာသေး​သောကြောင့် ကျွန်ုပ်​သည် စိတ်မသက်မသာ​ဖြစ်ရ၏။ ထို့ကြောင့် ထို​သူတို့​ကို နှုတ်ဆက်ပြီး​လျှင် တိတု​ကို ရှာ​ရန် မာကေဒေါနိပြည်​သို့ ထွက်သွားရ၏။

ဖိ​လိပ္ပိ 2:26

သူ့​ကို ပြန်လည်​စေလွှတ်​သင့်သည့်​အကြောင်း​က သူ​နာမကျန်း​ဖြစ်သည်​ကို သင်တို့​ကြားသိကြောင်း သူ​သိ​သောအခါ စိတ်မကောင်း​ဖြစ်နေပြီး သူ​သည် သင်တို့​အားလုံး​ကို လွမ်းဆွတ်နေ​သောကြောင့် ဖြစ်၏

ဖိ​လိပ္ပိ 4:18

ယခု​အခါ ကျွန်ုပ်​၌ လိုအပ်သော​အရာများ​အားလုံး​ကို လက်ခံရရှိ​၍ ကြွယ်ဝ​လျက် ရှိပြီ။ သင်တို့ ရက်ရော​စွာ ပေးလိုက်သော​အရာတို့​ကို ဧပဖြောဒိတ်​ထံမှ လက်ခံရရှိ​၍ ပြည့်စုံ​လျက် ရှိ၏။ ထို​အရာတို့​သည် မွှေးကြိုင်သော​ပူဇော်စရာ၊ ဘုရားသခင် လက်ခံ​နှစ်သက်တော်မူသော​ယဇ် ဖြစ်ကြ၏။

ဖိ​လိပ္ပိ 4:3

ကျွန်ုပ်​၏ စစ်မှန်သော​လုပ်ဖော်ကိုင်ဖက်… ဤ​အမျိုးသမီး​နှစ်ဦး သင့်မြတ်​ရန် ကူညီပါလော့ ဟု သင့်​ကို ကျွန်ုပ် တောင်းဆိုပါ၏။ သူတို့​သည် အသက်​စာစောင်​တွင် အမည်​ပါရှိသော ကလေမင်​မှစ၍ အခြား​လုပ်ဖော်ကိုင်ဖက်များ​နှင့်တကွ သတင်းကောင်း​ကို ဟောပြော​ရာတွင် ကျွန်ုပ်​နှင့်အတူ လက်တွဲ​ကြိုးပမ်းခဲ့ကြသူများ ဖြစ်၏။

ကော​လော​သဲ 1:7

သင်တို့​သည် ထို​သတင်းကောင်း​ကို ကျွန်ုပ်တို့​နှင့် အစေခံ​ချင်း​ဖြစ်သည့် ချစ်ခင်ရသော ဧပဖြ​ထံမှ ကြားနာခဲ့ရ၏။ သူ​သည် ခရစ်တော်​၏ သစ္စာရှိသော​အမှုဆောင်​ဖြစ်ပြီး ကျွန်ုပ်တို့​ကိုယ်စား ကူညီ​ဆောင်ရွက်နေသောသူ ဖြစ်၏။

ကော​လော​သဲ 4:11

ယုတ္တု​ခေါ် ယေရှု​သည်လည်း သင်တို့​ကို နှုတ်ဆက်လိုက်ပါ၏။ ဘုရားသခင်​၏ နိုင်ငံတော်​အတွက် ဆောင်ရွက်ကြသော ကျွန်ုပ်​၏ လုပ်ဖော်ကိုင်ဖက်များ​အနက် ဤ​သူတို့​သာလျှင် ဂျူးလူမျိုးများ ဖြစ်ပြီး ကျွန်ုပ်​ကို အမှန်တကယ် အကူအညီ​ပေးသော​သူများ ဖြစ်ကြ၏။

၁ သက် 3:2

တိမောသေ​ကို သင်တို့​ထံသို့ စေလွှတ်လိုက်၏။ သူ​သည် ခရစ်တော်​၏ သတင်းကောင်း​ကို ဟောပြော​လျက် ဘုရားသခင်​၏ အမှုတော်​ကို ကျွန်ုပ်တို့​နှင့် အတူ​ဆောင်ရွက်သည့် လုပ်ဖော်ကိုင်ဖက် ညီအစ်ကို​ဖြစ်၏။ သူ့​ကို​စေလွှတ်ရခြင်း​အကြောင်းအရင်း​သည် သင်တို့​၏​ယုံကြည်ခြင်း​ကို ခိုင်မြဲစေ​၍ သင်တို့​ကို တိုက်တွန်း​နှိုးဆော်​ရန် ဖြစ်၏။

ဖိ​လေ​မုန် 1:24

ကျွန်ုပ်​၏​လုပ်ဖော်ကိုင်ဖက်များ​ဖြစ်ကြသော မာကု၊ အာရိတ္တာခု၊ ဒေမ၊ လုကာ​တို့​သည်လည်း သင့်​ကို နှုတ်ဆက်လိုက်ပါ၏။

ဟေ​ဗြဲ 3:1

ထို့ကြောင့် ဘုရားသခင်​၏ ရွေးချယ်တော်မူခြင်း​ခံရ​သူတို့​ထဲတွင် ပါဝင်သည့် သန့်ရှင်းသော​ညီအစ်ကို​မောင်နှမတို့… ကျွန်ုပ်တို့​၏ ယဇ်ပုရောဟိတ်မင်း​နှင့် အထူး​တမန်တော်​အဖြစ် ကျွန်ုပ်တို့​ဝန်ခံသော ယေရှု​ခရစ်တော်​ကို ဆင်ခြင်​အောက်မေ့ကြလော့။