ဖိ​လိပ္ပိ 2:11 - ခေတ်သစ်​မြန်မာ သမ္မာကျမ်း

¹¹ “ယေရှု​ခရစ်တော်​သည် သခင်​ဖြစ်တော်မူသည်” ဟု နှုတ်​ဖြင့် ဝန်ခံ​လျက် ခမည်းတော်​ဘုရားသခင်​၏​ဘုန်းတော်​ကို ထင်ရှားကြ​စေရန် ဖြစ်၏။

Common Language Bible

¹¹ ယေ​ရှု​ခ​ရစ်​သည်​အ​ရှင်​သ​ခင်​ဖြစ်​တော်​မူ​သည်​ဟု နှုတ်​ဖြင့်​ဝန်​ခံ​သ​ဖြင့်၊ ခ​မည်း​တော်​ဘု​ရား​သ​ခင်​၏​ဘုန်း​အ​သ​ရေ တော်​ကို ထွန်း​တောက်​စေ​ကြ​လိမ့်​မည်။

Judson Bible

¹¹ ယေ​ရှု​ခ​ရစ်​သည် သ​ခင်​ဖြစ်​တော်​မူ၏​ဟု နှုတ်​နှင့်​ဝန်​ခံ​သ​ဖြင့်၊ ခ​မည်း​တော်​ဘု​ရား၏ ဘုန်း​အ​သ​ရေ​တော်​ကို ထင်​ရှား​စေ​ကြ​မည်​အ​ကြောင်း​တည်း။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ နှုတ်​ရှိသမျှ​တို့​သည်​လည်း ယေရှု​ခရစ်တော်​သည်​အရှင်​သခင်​ဖြစ်​ကြောင်း​ဝန်ခံ​သဖြင့် ခမည်းတော်​ဘုရားသခင်​၏​ဘုန်း​တော်​ကို ထင်ရှား​စေ​မည့်​အကြောင်း​တည်း။

ဖိ​လိပ္ပိ 2:11 ပူးပေါင်းရင်းမြစ်များ

မဿဲ 10:32

သို့ဖြစ်၍ လူတို့​ရှေ့တွင် ငါ့​ကို ထုတ်ဖော်ဝန်ခံ​သူ ရှိသမျှတို့​ကို ငါ​သည်လည်း ကောင်းကင်ဘုံ​၌ ရှိတော်မူသော ငါ့​ခမည်းတော်​ရှေ့တွင် ထုတ်ဖော်ဝန်ခံမည်။

လုကာ 2:11

ယနေ့တွင် ဒါဝိဒ်​၏​မြို့​၌ သခင်​ခရစ်တော်​တည်းဟူသော ကယ်တင်ရှင်​သည် သင်တို့​အတွက် မွေးဖွားလာတော်မူပြီ။

ရှင်ယောဟန် 12:42

မည်သို့ပင်​ဖြစ်စေ ဂျူး​ခေါင်းဆောင်များ​အပါအဝင် လူများစွာတို့​သည် ယေရှု​ကို ယုံကြည်ကြ၏။ သို့သော်လည်း သူတို့​အား ဖာရိရှဲတို့​က ဂျူး​ဝတ်ပြုဆောင်​မှ ထုတ်ပယ်မည်​ကို စိုး​သဖြင့် သူတို့​သည် လူတို့​ရှေ့​၌ ဝန်မခံကြ။

ရှင်ယောဟန် 13:13

သင်တို့​သည် ငါ့​ကို ဆရာတော်​ဟူ၍​လည်းကောင်း၊ သခင်​ဟူ၍​လည်းကောင်း ခေါ်ဆိုကြ၏။ ငါ​သည် သင်တို့​ခေါ်ဆိုသည့်​အတိုင်း​ဖြစ်​သောကြောင့် ထိုသို့ ခေါ်ဆိုသည်​မှာ မှန်ကန်၏။

ရှင်ယောဟန် 13:14

ငါ​သည် သင်တို့​၏​သခင်​လည်း ဖြစ်၏။ ဆရာ​လည်း ဖြစ်၏။ သို့ဖြစ်လျက်​ပင် ငါ​သည် သင်တို့​၏ ခြေ​ကို ဆေး​လျှင် သင်တို့​သည်လည်း အချင်းချင်းတို့​၏​ခြေ​ကို ဆေးကြရမည်။

ရှင်ယောဟန် 14:13

ခမည်းတော်​သည် သားတော်​အားဖြင့် ဘုန်းကြီးတော်မူ​စေရန် ငါ​၏​အမည်​နာမ​ကို အမှီပြု​၍ သင်တို့​တောင်းလျှောက်​လျှင် တောင်းလျှောက်​သမျှ​ကို ငါ​ပေးမည်။

ရှင်ယောဟန် 14:23

ယေရှု​က “ငါ့​ကို ချစ်သောသူ​သည် ငါ့​စကား​ကို လိုက်နာ​လိမ့်မည်။ ငါ့​ခမည်းတော်​သည် ထို​သူ​ကို ချစ်​လိမ့်မည်။ ငါ့​ခမည်းတော်​နှင့် ငါ​သည်လည်း ထို​သူ​ထံသို့ လာ​၍ သူ​နှင့်အတူ နေထိုင်မည်။

ရှင်ယောဟန် 17:1

ဤ​အကြောင်းအရာများ​ကို မိန့်တော်မူပြီး​သောအခါ ယေရှု​သည် ကောင်းကင်​သို့ မျှော်ကြည့်​လျက် “အို အဖ… အချိန်​ကျပါပြီ။ သားတော်​သည် ကိုယ်တော်​၏​ဘုန်းတော်​ကို ထင်ရှား​စေနိုင်ရန် ကိုယ်တော်​သည် သားတော်​၏​ဘုန်း​ကို ထင်ရှားစေတော်မူပါ။

ရှင်ယောဟန် 20:28

သောမ​က “အကျွန်ုပ်​၏​သခင်… အကျွန်ုပ်​၏​ဘုရား​ပင် ဖြစ်ပေ၏” ဟု ပြန်၍​လျှောက်၏။

ရှင်ယောဟန် 9:22

ဤသို့ ဖြေရခြင်း​မှာ သူတို့​သည် ဂျူးလူမျိုး​ခေါင်းဆောင်တို့​ကို ကြောက်ရွံ့​သောကြောင့်​ဖြစ်၏။ ဂျူးလူမျိုး​ခေါင်းဆောင်တို့​က ယေရှု​ကို ခရစ်တော်​ဖြစ်သည်​ဟု ဝန်ခံသောသူ​ကို ဂျူး​ဝတ်ပြုဆောင်​မှ ထုတ်ပယ်မည်​ဟု ကြေညာထားကြ၏။

တမန်တော်ဝတ္ထု 10:36

ဘုရားသခင်​သည် အရာခပ်သိမ်းတို့​၏​အရှင်သခင်​ဖြစ်သော ယေရှု​ခရစ်တော်​အားဖြင့် ငြိမ်းချမ်းခြင်း​တရား​ကို​ဟောပြော​၍ အစ္စရေးလူမျိုးတို့​အား ပေးပို့သည့်​နှုတ်တော်ထွက်စကား​ကို သင်တို့​သိကြ၏။

တမန်တော်ဝတ္ထု 2:36

ထို့ကြောင့် အစ္စရေးလူမျိုး​အပေါင်းတို့… လက်ဝါးကပ်တိုင်​ပေါ်တွင် သင်တို့​သတ်သော ထို​ယေရှု​ကို ဘုရားသခင်​သည် အရှင်သခင်​နှင့်​ခရစ်တော်​အရာ​၌ ခန့်ထားတော်မူသည်​ကို သေချာ​စွာ သိမှတ်ကြလော့” ဟူ၍ ဖြစ်၏။

ရော​မ 14:11

ကျမ်းစာ​၌ “ထာဝရဘုရား မိန့်တော်မူသည်​မှာ ‘ငါ​သည် အသက်ရှင်သော​ဘုရား ဖြစ်သည့်​အတိုင်း လူတိုင်း ငါ့​ရှေ့​၌ ဒူးထောက်ရ​လိမ့်မည်။ လူတိုင်း ဘုရားသခင်​ကို ချီးမွမ်း​လိမ့်မည်’ ဟူ၍ ဖြစ်သည်” ဟု ဖော်ပြထား၏။

ရော​မ 14:9

ခရစ်တော်​သည် သေလွန်သောသူများ​နှင့် အသက်ရှင်သောသူများ​၏ အရှင်သခင်​ဖြစ်​ရန်အတွက် အသေခံ​ပြီး ရှင်ပြန်​ထမြောက်တော်မူခဲ့၏။

ရော​မ 15:9

ထို့ပြင် လူမျိုးခြားတို့​သည်လည်း မိမိတို့​အား ကရုဏာ​ထားတော်မူသော ဘုရားသခင်​၏ ဘုန်းတော်​ကို ချီးမွမ်း​နိုင်ရန် ဖြစ်၏။ ဤ​အရာ​သည် ကျမ်းစာ​၌ “ထို့ကြောင့် အကျွန်ုပ်​သည် ကိုယ်တော်​ကို လူမျိုးခြားများ​အလယ်​၌ ချီးမွမ်း​၍ အမည်​နာမတော်​ကိုလည်း သီဆို​ချီးမွမ်းပါမည်” ဟု ရေးသားထားသည့်​အတိုင်း ဖြစ်၏။

၁ ကော 12:3

ထို့ကြောင့် သင်တို့​အား ကျွန်ုပ်​သိစေလိုသည်​မှာ မည်သူ​ကမျှ ဘုရားသခင်​၏ ဝိညာဉ်တော်​အားဖြင့် ယေရှု​ကို ကျိန်မည်​မဟုတ်။ သန့်ရှင်းသော​ဝိညာဉ်တော်​အားဖြင့် မဟုတ်လျှင် မည်သူ​ကမျှ ယေရှု​သည် သခင်​ဖြစ်ကြောင်း ပြော​နိုင်မည်​မဟုတ်။

၁ ကော 15:47

ပထမဦးဆုံး​လူ​သည် မြေကြီး​က ဖြစ်လာ​သောကြောင့် မြေကြီးသား​ဖြစ်၏။ ဒုတိယ​လူ​မှာ ကောင်းကင်ဘုံ​မှ လာသောသူ​ဖြစ်၏။

၁ ကော 8:6

ကျွန်ုပ်တို့​အတွက်​မှာမူ အရာခပ်သိမ်း​ကို ဖန်ဆင်းတော်မူသော အဖ​ဘုရားသခင် တစ်ဆူတည်း​သာ​ရှိ၏။ ကျွန်ုပ်တို့​သည် ကိုယ်တော်​အတွက် အသက်ရှင်ကြ၏။ ထို့ပြင် ကျွန်ုပ်တို့​အတွက် ယေရှု​ခရစ်တော်​ဟူသော သခင်​တစ်ပါးတည်း​သာ ရှိ​၍ အရာခပ်သိမ်း​သည် ထို​အရှင်​အားဖြင့် ဖြစ်လာပြီး ကျွန်ုပ်တို့​သည်လည်း ထို​အရှင်​အားဖြင့်​သာ အသက်ရှင်ကြ၏။

၁ ပေ 1:21

ကိုယ်တော်​ကို သေခြင်း​မှ ထမြောက်စေ​၍ ဘုန်းအသရေ​ကို ပေးတော်မူသော ဘုရားသခင်​ကို သင်တို့​သည် ခရစ်တော်​အားဖြင့်​ယုံကြည်ကြ၏။ ထို့ကြောင့် သင်တို့​သည် ဘုရားသခင်​ကို ယုံကြည်​၍ မျှော်လင့်ကြ၏။

၁ ယော 4:15

တစ်စုံတစ်ယောက်​က ယေရှု​သည် ဘုရားသခင်​၏​သားတော်​ဖြစ်ကြောင်း​ကို ဝန်ခံ​လျှင် ဘုရားသခင်​သည် ထို​သူ​နှင့် တပေါင်းတစည်းတည်း​ဖြစ်တော်မူ​၍ သူ​သည်လည်း ဘုရားသခင်​နှင့် တပေါင်းတစည်းတည်း​ဖြစ်၏။

၁ ယော 4:2

ယေရှု​ခရစ်တော်​သည် လူသား​အဖြစ် ကြွလာကြောင်း​ကို ဝန်ခံသော​ဝိညာဉ်​တိုင်း​သည် ဘုရားသခင်​ထံမှ လာသော​ဝိညာဉ်တော်​ဖြစ်၏။ ဤ​နည်း​ဖြင့် ဘုရားသခင်​၏ ဝိညာဉ်တော်​ကို ကျွန်ုပ်တို့​သိနိုင်ကြ၏။

၂ ယော 1:7

ယေရှု​ခရစ်တော်​သည် လူသား​အဖြစ် ကြွလာတော်မူသည်​ကို ဝန်မခံသော​လှည့်ဖြားသူ​များစွာ​သည် ဤ​လောက​၌ ပေါ်လာ​သဖြင့် ဤ​အကြောင်းအရာ​ကို ကျွန်ုပ်​ပြောရခြင်း​ဖြစ်၏။ ထိုသို့သော​သူ​သည် လှည့်ဖြားသူ​ဖြစ်၏။ ခရစ်တော်​၏​ရန်သူ​လည်း ဖြစ်၏။

ဗျာ​ဒိတ် 3:5

အောင်မြင်သောသူ​သည် ထို​သူတို့​ကဲ့သို့​ပင် ဖြူသော​အဝတ်​ကို ဝတ်ဆင်​ရ​လိမ့်မည်။ ငါ​သည် သူ​၏​နာမည်​ကို အသက်​စာစောင်​မှ မည်သည့်​အခါ​မျှ ပယ်ဖျက်မည်​မဟုတ်။ သူ​သည် ငါ့​တပည့်​ဖြစ်ကြောင်း​ကို ငါ့​ခမည်းတော်​နှင့် ခမည်းတော်​၏​ကောင်းကင်တမန်များ​ရှေ့​၌ ငါ​အသိအမှတ်ပြုမည်။