ဖိ​လိပ္ပိ 1:8 - ခေတ်သစ်​မြန်မာ သမ္မာကျမ်း

⁸ ကျွန်ုပ်​သည် ယေရှု​ခရစ်တော်​၏ မေတ္တာ​ကရုဏာ​မျိုး​ဖြင့် သင်တို့​အားလုံး​ကို မည်မျှ​လွမ်းဆွတ်ကြောင်း ဘုရားသခင်​သိတော်မူ၏။

Common Language Bible

⁸ ငါ​သည်​ခ​ရစ်​တော်​ယေ​ရှု​၏​မေတ္တာ​ဖြင့်​သင်​တို့ အား​လွန်​စွာ​လွမ်း​ဆွတ်​ကြောင်း​ဘု​ရား​သ​ခင် သည်​ငါ့​သက်​သေ​ဖြစ်​တော်​မူ​၏။

Garrad Bible

⁸ သင် တို့ အ ပေါင်း ကို ခ ရစ် တော် ယေ ရှု၏ မေ တ္တာ က ရု ဏာ တော် အ လျောက် မည် မျှ ငါ လွမ်း ဆွတ် ကြောင်း ဘု ရား သ ခင် သိ မြင် တော် မူ ၏။

Judson Bible

⁸ ငါ​သည် သင်​တို့​အ​ပေါင်း​ကို ယေ​ရှု​ခ​ရစ်၏ မေ​တ္တာ​က​ရု​ဏာ​နှင့် အ​ဘယ်​မျှ​လောက် လွမ်း​သည်​ဟု ဘု​ရား​သ​ခင်​သည် ငါ့​သက်​သေ​ဖြစ်​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ငါ​သည် ခရစ်တော်​ယေရှု​၏​ကြင်နာ​ခြင်း​ဖြင့် သင်​တို့​အားလုံး​ကို မည်မျှ​လွမ်းဆွတ်​ကြောင်း ငါ့​အတွက်​သက်သေခံ​ပေး​သော​အရှင်​မှာ ဘုရားသခင်​ဖြစ်​တော်မူ​၏။

ဖိ​လိပ္ပိ 1:8 ပူးပေါင်းရင်းမြစ်များ

လုကာ 1:78

ဘုရားသခင်​၏​သနားခြင်း ကရုဏာ​ကြောင့် ကောင်းကင်​မှ နေ​အရုဏ်​ပေါ်ထွက်လာ​လိမ့်မည်။

ရော​မ 1:9

သင်တို့​အတွက် ကျွန်ုပ်​အစဉ်မပြတ် ဆုတောင်းပေး​လျက်​ရှိ၏။ ထိုသို့​ဆုတောင်းပေးခြင်း​နှင့်​ပတ်သက်၍ သားတော်​၏​သတင်းကောင်း​ကို ဟောပြော​ကာ စိတ်နှလုံး​အပြည့်အဝ​ဖြင့် ကျွန်ုပ်​အစေခံ​လျက်​ရှိသော ဘုရားသခင်​သည် သက်သေ​ဖြစ်တော်မူ၏။

ရော​မ 9:1

ကျွန်ုပ်​သည် အလွန်​ဝမ်းနည်း​လျက် စိတ်နှလုံး​ထဲ၌​လည်း ဖြေဆည်​၍ မရနိုင်သော ကြေကွဲခြင်း​ရှိကြောင်း ခရစ်တော်​ကို တိုင်တည်​၍ အမှန်​ကို​ပြော၏။ လိမ်လည်​၍ မပြော။ ထိုသို့ အမှန်​ပြောကြောင်း​ကို သန့်ရှင်းသော​ဝိညာဉ်တော်​အားဖြင့် လိပ်ပြာသန့်​စွာ အတည်ပြု၏။

၂ ကော 13:9

ကျွန်ုပ်တို့​အားနည်း​နေ​လျှင်ပင် သင်တို့​အားကြီး​ပါက ကျွန်ုပ်တို့​ဝမ်းမြောက်၏။ ကျွန်ုပ်တို့​ဆုတောင်းသည်​မှာ သင်တို့​၌ အပြစ်ဆိုဖွယ်​မရှိသည်​အထိ ဘုရားသခင်​က ပြုပြင်ပေးတော်မူ​ရန် ဖြစ်၏။

၂ ကော 6:12

ကျွန်ုပ်တို့​သည် သင်တို့​အပေါ်​ထားသော မေတ္တာတရား​ကို ကန့်သတ်​ပိတ်ပင်ထားသည်​မဟုတ်။ သင်တို့​ကသာ ကျွန်ုပ်တို့​အပေါ် ထားရမည့်​မေတ္တာတရား​ကို ကန့်သတ်​ပိတ်ပင်ထားခြင်း​ဖြစ်၏။

၂ ကော 7:15

သင်တို့​အားလုံး​က နာခံ​၍ ကြောက်ရွံ့တုန်လှုပ်​လျက် သူ့​အား လက်ခံခဲ့ကြောင်း​ကို တိတု​သည် သတိရ​သဖြင့် သင်တို့​ကို ပို၍ ချစ်ခင်​မြတ်နိုးလာ၏။

ဂ​လာ​တိ 1:20

သင်တို့​ထံသို့ ရေးသော​စာ​၌ လိမ်လည်သည့်​အကြောင်းအရာ​မပါကြောင်း ဘုရားသခင်​ကို တိုင်တည်​၍ ကျွန်ုပ်​ပြောဆို​ဝံ့၏။

ဂ​လာ​တိ 3:26

သင်တို့​အားလုံး​သည် ယေရှု​ခရစ်တော်​ကို ယုံကြည်ကြ​သောကြောင့် ဘုရားသခင်​၏ သားသမီးများ ဖြစ်ကြ၏။

ဂ​လာ​တိ 4:19

ကျွန်ုပ်​ချစ်သော သားသမီးတို့… သင်တို့​သည် ခရစ်တော်​ကဲ့သို့ ဖြစ်မလာ​မီ အချိန်​ထိ ကျွန်ုပ်​သည် သင်တို့​အတွက် သားဖွားသည့် ဝေဒနာ​ကို ခံစားရ​သကဲ့သို့ ပြန်​၍ ခံစား​လျက် နေရ၏။

ဖိ​လိပ္ပိ 2:1

သင်တို့​သည် ခရစ်တော်​နှင့် တပေါင်းတစည်းတည်း​ဖြစ်​သောကြောင့် စိတ်ခွန်အား​ရရှိကြ၏။ ချစ်ခြင်း​မေတ္တာတော်​ဖြင့် နှစ်သိမ့်ခံရကြ၏။ ဝိညာဉ်တော်​နှင့် မိတ်သဟာယဖွဲ့ခွင့်​ရကြ၏။ ခရစ်တော်​၏ အကြင်နာ​နှင့် ကရုဏာတို့​ကို ခံစားကြရ၏။ သို့ဖြစ်၍

ဖိ​လိပ္ပိ 2:26

သူ့​ကို ပြန်လည်​စေလွှတ်​သင့်သည့်​အကြောင်း​က သူ​နာမကျန်း​ဖြစ်သည်​ကို သင်တို့​ကြားသိကြောင်း သူ​သိ​သောအခါ စိတ်မကောင်း​ဖြစ်နေပြီး သူ​သည် သင်တို့​အားလုံး​ကို လွမ်းဆွတ်နေ​သောကြောင့် ဖြစ်၏

ဖိ​လိပ္ပိ 4:1

ညီအစ်ကို​မောင်နှမတို့… သင်တို့​ကို ကျွန်ုပ် အလွန်​ချစ်​၍ လွမ်းဆွတ်​သတိရပါ၏။ သင်တို့​ကြောင့် ကျွန်ုပ်​ဝမ်းမြောက်ရ​ပြီး သင်တို့​သည် ကျွန်ုပ်​ရရှိသော ဆုသရဖူ ဖြစ်ပါ၏။ ချစ်ရသော​သူတို့… ကျွန်ုပ်​ပြောဆိုခဲ့သည့်​အတိုင်း သခင်ဘုရား​အား သစ္စာရှိ​လျက် ခိုင်မြဲ​စွာ ရပ်တည်ကြလော့။

ကော​လော​သဲ 2:1

သင်တို့​နှင့် လောဒိကိ​မြို့သားများ​အပါအဝင် ကျွန်ုပ်​နှင့် လူချင်း​မဆုံဖူးသေးသော​သူများ​အတွက် ကျွန်ုပ် မည်မျှ​ကြိုးပမ်း​ရုန်းကန်နေသည်​ကို သင်တို့​သိစေလို၏။

ကော​လော​သဲ 3:12

ထို့ကြောင့် သင်တို့သည်​ဘုရားသခင် ရွေးချယ်တော်မူသော​သူများ၊ သီးသန့်​ထားတော်မူသော​သူများ၊ ချစ်တော်မူသော​သူများ​ဖြစ်သည့်​အားလျော်စွာ ကရုဏာ​ထားခြင်း၊ ကျေးဇူးပြုခြင်း၊ နှိမ့်ချခြင်း၊ နူးညံ့သိမ်မွေ့ခြင်း​နှင့် သည်းခံခြင်း​တို့ကို ဝတ်ဆင်ကြလော့။

၁ သက် 2:5

သင်တို့​သိသည့်​အတိုင်း ကျွန်ုပ်တို့​သည် မြှောက်ပင့်သော​စကား​ဖြင့် တစ်ခါမျှ မပြောဆိုကြောင်း၊ လောဘ​စိတ်​ဖြင့် ဟန်မဆောင်ကြောင်း ဘုရားသခင်​သည် ကျွန်ုပ်တို့​၏ သက်သေ​ဖြစ်၏။

၁ သက် 2:8

ထိုသို့ ကျွန်ုပ်တို့​သည် သင်တို့​ကို အလွန် ချစ်​သောကြောင့် ဘုရားသခင်​၏​သတင်းကောင်း​ကို ဝေမျှသည်​သာမက ကျွန်ုပ်တို့​၏ ဘဝ​ကိုပင် သင်တို့​အတွက် ပေးဆပ်​ရန် ဆန္ဒ​ရှိကြ၏။

၂ တိ 1:4

သင်​မျက်ရည်ကျသည်​ကို သတိရ​တိုင်း သင့်​ကို ကျွန်ုပ်​တွေ့လို​လှ၏။ သို့မှသာ ကျွန်ုပ်​ဝမ်းမြောက်နိုင်​လိမ့်မည်။

ဖိ​လေ​မုန် 1:12

ကျွန်ုပ်​ချစ်မြတ်နိုး​လှသော​သြနေသိမ်​ကို သင့်​ထံသို့ ကျွန်ုပ်​ပြန်ပို့လိုက်၏။

ဖိ​လေ​မုန် 1:20

ထို့ကြောင့် ကျွန်ုပ်​၏​ညီ… သခင်ဘုရား​ကို ထောက်​၍ ကျွန်ုပ်​ကို ကျေးဇူးပြုလော့။ ခရစ်တော်​ကို ယုံကြည်သော​ညီအစ်ကို​တစ်ဦး အနေဖြင့် ကျွန်ုပ်​ကို စိတ်​သက်သာစေလော့။

၁ ယော 3:17

တစ်စုံတစ်ဦး​သည် လောကီ​စည်းစိမ်ဥစ္စာ​ရှိ​သော်လည်း ဆင်းရဲသော ညီအစ်ကို​မောင်နှမတို့​ကို မြင်​၍ မသနား​ပါက ထို​လူ​၌ ဘုရားသခင်​၏ ချစ်ခြင်းမေတ္တာ​သည် မည်သို့​ရှိနိုင်မည်နည်း။