ဖိ​လိပ္ပိ 1:18 - ခေတ်သစ်​မြန်မာ သမ္မာကျမ်း

¹⁸ သို့ဖြစ်လျှင် မည်သို့​ဆိုရမည်နည်း။ ဟန်ဆောင်​၍ပင် ဖြစ်စေ၊ ရိုးသား​၍ပင် ဖြစ်စေ မည်သည့်နည်း​ဖြင့်​မဆို ခရစ်တော်​၏​အကြောင်း​ကို ဟောပြောခြင်း​ဖြစ်​သောကြောင့် ကျွန်ုပ်​ဝမ်းမြောက်၏။ ဆက်​၍လည်း ဝမ်းမြောက်​နေဦးမည်။

Common Language Bible

¹⁸ ဟော​ပြော​သည့်​နည်း​မှာ​အ​ရေး​မ​ကြီး​ပါ။ မှား ယွင်း​သော​ရည်​ရွယ်​ချက်​ဖြင့်​ဟော​ပြော​သည်​ဖြစ်​စေ၊ မှန်​ကန်​သော​ရည်​ရွယ်​ချက်​ဖြင့်​ဟော​ပြော​သည် ဖြစ်​စေ​ခ​ရစ်​တော်​အ​ကြောင်း​ကို​ဟော​ပြော ခြင်း​သာ​ဖြစ်​သ​ဖြင့်​ငါ​ဝမ်း​မြောက်​၏။ ဆက်​လက် ၍​ဝမ်း​မြောက်​လျက်​နေ​မည်။-

Garrad Bible

¹⁸ ပ ရိ ယာယ် နှင့် ဖြစ် စေ၊ သ စ္စာ နှင့် ဖြစ် စေ၊ အ နည်း နည်း အား ဖြင့် ခ ရစ် တော်၏ အ ကြောင်း ကို ကြော် ငြာ ခြင်း ရှိ ပြီ ဖြစ်၍ ငါ ရွှင် လန်း ၏။ နောင်၌ လည်း ရွှင် လန်း ဦး မည်။

Judson Bible

¹⁸ သို့​ဖြစ်၍ အ​ဘယ်​သို့​နည်း၊ လျှို့​ဝှက်၍ ဟော​ပြော​သည်​ဖြစ်​စေ၊ သ​စ္စာ​ရှိ၍ ဟော​ပြော​သည်​ဖြစ်​စေ၊ အ​ဘယ်​သို့​သော​အား​ဖြင့် ဟော​ပြော​သည်​ဖြစ်​စေ၊ ခ​ရစ်​တော်၏​တ​ရား​ကို ဟော​ပြော​ခြင်း​ရှိ၏။ ထို​အ​ကြောင်း​ကြောင့် ငါ​သည် ယ​ခု​ဝမ်း​မြောက်၏။ နောင်၌​လည်း ဝမ်း​မြောက်​လိမ့်​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ သို့ဖြစ်လျှင် မည်သို့​ဆို​ရ​မည်နည်း။ ဟန်ဆောင်​ပန်ဆောင်​ဖြစ်စေ၊ မှန်မှန်ကန်ကန်​ဖြစ်စေ မည်သည့်​နည်း​ဖြင့်​မဆို ခရစ်တော်​အကြောင်း​ကို ဟောပြော​သည်​ဖြစ်၍ ၎င်း​အတွက် ငါ​ဝမ်းမြောက်​၏။ ဆက်၍​လည်း ငါ​ဝမ်းမြောက်​ဦး​မည်။

ဖိ​လိပ္ပိ 1:18 ပူးပေါင်းရင်းမြစ်များ

မဿဲ 23:13

သူတော်ကောင်း​ယောင်ဆောင်သော ကျမ်းတတ်ဆရာများ​နှင့် ဖာရိရှဲတို့… သင်တို့​သည် အမင်္ဂလာ​ရှိကြ၏။ အဘယ်ကြောင့်ဆိုသော် သင်တို့​သည် ကောင်းကင်​နိုင်ငံတော်​၏​တံခါး​ကို လူတို့​ရှေ့​မှ ပိတ်ထား​၍ သင်တို့​ကိုယ်တိုင်​လည်း​မဝင်၊ ဝင်လိုသည့်​သူများ​ကိုလည်း ဝင်ခွင့်​မပေးဘဲ နေကြ​သောကြောင့်​ဖြစ်၏။

ရှင်မာကု 12:40

မုဆိုးမတို့​၏ အိမ်များ​ကို မတရား​သိမ်းယူတတ်ပြီး ရှည်လျား​စွာ​ဆုတောင်းခြင်း​ဖြင့် ဘာသာရေးကိုင်းရှိုင်း​သကဲ့သို့ ဟန်ဆောင်တတ်ကြ၏။ သူတို့​သည် ပို၍ ကြီးလေးသော​ပြစ်ဒဏ်​ကို ခံရကြ​လိမ့်မည်” ဟု မိန့်တော်မူ၏။

လုကာ 9:45

သို့သော် ထို​စကားတော်​၏​အနက်​အဓိပ္ပာယ်​ကို ဖုံးကွယ်ထားတော်မူသည်​ဖြစ်​၍ တပည့်တော်တို့​သည် နားမလည်ကြပေ။ ဤ​စကားတော်​၏​ဆိုလိုရင်း​ကိုလည်း မမေးလျှောက်ဝံ့ကြ။

လုကာ 9:50

ယေရှု​က “ထို​သူ​ကို မတားကြနှင့်။ သင်တို့​ကို မဆန့်ကျင်​သော​သူ​သည် သင်တို့​ဘက်​၌ ရှိ၏” ဟု မိန့်တော်မူ၏။

ရော​မ 3:9

သို့ဖြစ်လျှင် ကျွန်ုပ်တို့​ဂျူးလူမျိုး​သည် အခြား​လူမျိုးတို့​ထက် သာလွန်​ကောင်းမွန်သည်​ဟု ဆိုနိုင်မည်လော။ ထိုသို့ လုံးဝ မဆိုနိုင်ပါ။ ဂျူးလူမျိုး​ဖြစ်စေ လူမျိုးခြား​ဖြစ်စေ လူအပေါင်းတို့​သည် အပြစ်တရား​လက်အောက်​၌​ရှိကြောင်း​ကို အထက်က ကျွန်ုပ်​ဖော်ပြခဲ့ပြီး​ဖြစ်၏။

ရော​မ 6:15

သို့ဖြစ်လျှင် ကျွန်ုပ်တို့​သည် ပညတ်တရား​၏ လက်အောက်​၌ မရှိတော့ဘဲ ဘုရားသခင်​၏ ကျေးဇူးတရား​လက်အောက်​၌ ရှိကြ​သောကြောင့် ဆက်​၍ အပြစ်​ကျူးလွန်​နိုင်သည်​ဟု ဆိုရမည်လော။ ထိုသို့ မဆိုရပေ။

၁ ကော 10:19

သို့ဖြစ်လျှင် မည်သည့်​အရာ​ကို ကျွန်ုပ် ဆိုလိုသနည်း။ ရုပ်တု​အား ပူဇော်ထားသော​အစားအစာ​သည် အရေးပါသည်​ဟု ဆိုလိုသလော။ ထို​ရုပ်တုများ​သည် အရေးပါသည်​ဟု ဆိုလိုသလော။

၁ ကော 14:15

ထိုသို့​ဆိုလျှင် မည်သို့​ပြုရမည်နည်း။ ကျွန်ုပ်​သည် စိတ်ဝိညာဉ်​နှင့် ဆုတောင်းမည်။ အသိဉာဏ်​နှင့်လည်း ဆုတောင်းမည်။ စိတ်ဝိညာဉ်​နှင့် သီချင်းဆိုမည်။ အသိဉာဏ်​နှင့်​လည်း သီချင်းဆိုမည်။

၁ ကော 15:11

ထို့ကြောင့် ကျွန်ုပ်​ဟောပြောသည်​ဖြစ်စေ၊ သူတို့​ဟောပြောသည်​ဖြစ်စေ ကျွန်ုပ်တို့​ဟောပြောသော​အကြောင်းအရာ​နှင့် သင်တို့​ယုံကြည်ခဲ့ကြသော အကြောင်းအရာ​မှာ တစ်ခုတည်း​ဖြစ်၏။

ဖိ​လိပ္ပိ 1:19

အဘယ်ကြောင့်ဆိုသော် သင်တို့​၏ ဆုတောင်းခြင်း​နှင့် ယေရှု​ခရစ်တော်​၏ ဝိညာဉ်တော်​ကူညီမစခြင်းတို့​ဖြင့် ဤ​အခြေအနေ​မှ ကျွန်ုပ်​လွတ်မြောက်မည်​ကို သိ​သောကြောင့် ဖြစ်၏။