တိ​တု 3:14 - ခေတ်သစ်​မြန်မာ သမ္မာကျမ်း

¹⁴ ကျွန်ုပ်တို့​၏​လူတို့​သည် ကောင်းမှုပြု​ရန် လေ့လာ​သင်ယူကြ​ရမည်။ သို့မှသာ သူတို့​သည် အကျိုး​ရှိရှိ အသက်ရှင်​နေထိုင်​နိုင်ပြီး အခြားသူများ အရေးပေါ်​လိုအပ်ချက်​ရှိသော​အချိန်​၌ ကူညီပေး​နိုင်ကြမည်။

Common Language Bible

¹⁴ စား​ဝတ်​နေ​ရေး​အ​တွက်​အ​မှန်​တ​ကယ်​လို​အပ် သည်​တို့​ကို​ရ​ရှိ​နိုင်​ရန် ငါ​တို့​၏​လူ​စု​သည် ကောင်း​သော​အ​သက်​မွေး​မှု​ကို​ပြု​ကြ​ရန်​သွန် သင်​လော့။ မိ​မိ​တို့​၏​လုပ်​အား​ကို​အ​ချည်း​နှီး မ​ဖြစ်​စေ​ရ​ကြ။

Garrad Bible

¹⁴ ငါ တို့ ညီ အစ် ကို တို့ လည်း ပြု အပ် လေ ရာ ရာ နှင့် စပ်၍ အ သီး မ မဲ့ စေ ရန် ရိုး ဖြောင့် စွာ အ လုပ် အ ကိုင် သင် ကြ စေ။

Judson Bible

¹⁴ ငါ​တို့၏​လူ​များ​သည်​လည်း အ​သီး​မဲ့​သော​သူ​မ​ဖြစ်၊ ကိုယ်​သုံး​စ​ရာ​ဖို့​ရှိ​ရ​မည်​အ​ကြောင်း၊ ကောင်း​သော အ​ကျင့်​တို့​ကို အ​မြဲ​ကျင့်​အံ့​သော​ငှာ သင်​ကြ​စေ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ငါ​တို့​၏​လူ​များ​သည်​လည်း အသီး​မ​သီး​သော​သူ​မ​ဖြစ်​မည့်​အကြောင်း အရေးတကြီး​လိုအပ်​သော​အရာ​များ​အတွက် ကောင်း​သော​အမှု​တို့​ကို ပါဝင်​လုပ်ဆောင်​ရန် သင်ယူ​ကြ​ရ​မည်။

တိ​တု 3:14 ပူးပေါင်းရင်းမြစ်များ

မဿဲ 21:19

ထိုအခါ လမ်းဘေး​၌ သဖန်းပင်​တစ်ပင်​ကို မြင်သော် အပင်​နားသို့ ကြွတော်မူ၏။ သို့သော် အသီး​တစ်လုံး​မျှ​မရှိဘဲ အရွက်များ​ကိုသာ တွေ့မြင်တော်မူ၏။ ထိုအခါ ယေရှု​က ထို​အပင်​အား “ယခု​မှစ၍ မည်သည့်​အခါမျှ သင်​၌ အသီး​မသီးပါစေနှင့်” ဟု မိန့်တော်မူ၏။ ထို​သဖန်းပင်​သည်လည်း ချက်ချင်း​ခြောက်သွေ့သွားလေ၏။

မဿဲ 7:19

ကောင်းသော​အသီး​မသီးသည့် အပင်​ရှိသမျှတို့​ကို ခုတ်လှဲ​၍ မီး​ထဲသို့ ပစ်ချတတ်ကြ၏။

ရှင်ယောဟန် 15:16

သင်တို့​သည် ငါ့​ကို ရွေးချယ်ခဲ့သည်​မဟုတ်။ ငါ​သည် သင်တို့​ကို ရွေးချယ်၏။ တည်မြဲမည့်​အသီး​ကို သင်တို့​သီး​စေရန် ငါ​ခန့်ထား၏။ သို့ဖြစ်၍ ငါ့​နာမ​ကို အမှီပြု​၍ ခမည်းတော်​ထံ သင်တို့​တောင်း​သမျှ​ကို ခမည်းတော်​မှ ပေးတော်မူ​ရန် ဖြစ်၏။

ရှင်ယောဟန် 15:8

သင်တို့​သည် အသီး​များစွာ သီး​လျက် ငါ့​တပည့်များ​ဖြစ်ခြင်း​အားဖြင့် ငါ့​ခမည်းတော်​၏ ဘုန်းတော်​ကို ထင်ရှား​စေတော်မူ၏။

တမန်တော်ဝတ္ထု 18:3

လုပ်ငန်းချင်း​တူသောကြောင့် သူတို့​နှင့်အတူ​နေ​၍ အလုပ်လုပ်လေ၏။ ထို​သူတို့​မှာ တဲချုပ်သူများ​ဖြစ်ကြ၏။

တမန်တော်ဝတ္ထု 20:35

ဤ​အရာ​အားလုံးတို့​တွင် အလုပ်​ကို ကြိုးစား​လုပ်ဆောင်ခြင်း​အားဖြင့် ဆင်းရဲသားများ​အား မစထောက်ပံ့​ရမည်​ကို ကျွန်ုပ်​ပြသခဲ့၏။ ထို့ကြောင့် သခင်​ယေရှု​ကိုယ်တိုင် မိန့်တော်မူခဲ့သည့် ‘ပေးကမ်းခြင်း​သည် ရယူခြင်း​ထက် ပို၍​မင်္ဂလာရှိ၏’ ဟူသော စကားတော်​ကို သတိရကြလော့” ဟု ဆိုလေ၏။

ရော​မ 12:13

ယုံကြည်သူများ အကူအညီ လိုအပ်​သောအခါ ကူညီ​ရန် အသင့်ရှိကြလော့။ ဧည့်ဝတ်​ကို ကျေပွန်​စွာ ပြုကြလော့။

ရော​မ 15:28

ဤ​အမှုကိစ္စ​ကို ဆောင်ရွက်​ပြီးစီး​၍ ဤ​အလှူ​ကို ထို​သူတို့​လက်​ထဲ ပေးအပ်​ပြီးနောက် သင်တို့​ထံ ဝင်ရောက်​လည်ပတ်​ကာ စပိန်ပြည်​သို့ ကျွန်ုပ်​သွားမည်။

ဧ​ဖက် 4:28

ခိုးတတ်သောသူ​သည် နောက်ထပ် မခိုးတော့ဘဲ လိုအပ်သော​သူတို့​အား ပေးကမ်း​ဝေမျှ​နိုင်ရန် မိမိ​လက်​ဖြင့် ကောင်းသော​အလုပ်​ကို ကြိုးစား လုပ်ဆောင်​ရမည်။

ဖိ​လိပ္ပိ 1:11

ထို့ပြင် သင်တို့​သည် ယေရှု​ခရစ်တော်​ကြောင့် ရရှိ​သည့် ဖြောင့်မတ်ခြင်း​၏ အသီးအပွင့်​နှင့် ပြည့်​လျက် လူတို့​သည် ဘုရားသခင်​၏ ဘုန်းတော်​ကို ထင်ရှား​စေရန်​နှင့် ဘုရားသခင်​ကို ချီးမွမ်းကြ​ရန် ကျွန်ုပ်​ဆုတောင်း၏။

ဖိ​လိပ္ပိ 4:16

သက်သာလောနိတ်မြို့​၌ ကျွန်ုပ်​ရှိစဉ်​ပင်လျှင် သင်တို့​သည် ကျွန်ုပ်​လိုအပ်နေသော​အကူအညီ​ကို တစ်ကြိမ်​မက၊ နှစ်ကြိမ်​တိုင်အောင် ပေးပို့ခဲ့ကြ၏။

ဖိ​လိပ္ပိ 4:17

ဤသို့​ပြောခြင်း​သည် သင်တို့​ထံမှ နောက်ထပ်​အလှူ​ကို ရလို​၍ မဟုတ်။ သင်တို့​၏ ရက်ရောမှု​အတွက်​ကြောင့် အသီးအပွင့်​ကို သင်တို့ ပို​၍ ရရှိခံစား​စေလို​သောကြောင့် ဖြစ်၏။

ကော​လော​သဲ 1:10

သို့မှသာ သင်တို့​သည် ကောင်းမှု​အမျိုးမျိုး​ဖြစ်သော အသီးအပွင့်များ သီးပွင့်​ကာ ဘုရားသခင်​ကို ပိုမို​သိကျွမ်းသည်​နှင့်အညီ သခင်ဘုရား​၏ လူ​ဖြစ်သည့်​အလျောက် သခင်ဘုရား​၏ လူ​ပီသ​စွာ ပြုမူနေထိုင်​၍ သခင်ဘုရား​ကို နှစ်သက်စေ​နိုင်မည်​ဖြစ်၏။

၁ သက် 2:9

ညီအစ်ကို​မောင်နှမတို့… ကျွန်ုပ်တို့ မည်မျှ​ပင်ပန်း​စွာ လုပ်ဆောင်ကြသည်​ကို သင်တို့ မှတ်မိကြ၏။ ကျွန်ုပ်တို့​သည် သင်တို့​ကို ဘုရားသခင်​၏ သတင်းကောင်း ဟောပြောသည့်​အချိန်​တွင် မိမိတို့​၏ ဝမ်းစာ​အတွက် မည်သူ့​ကိုမျှ ဝန်ထုပ်ဝန်ပိုး​မဖြစ်​စေရန် နေ့ရောညပါ အလုပ်​လုပ်ခဲ့ကြ၏။

၂ သက် 3:8

ကျွန်ုပ်တို့​သည် အဖိုးအခ​မပေးဘဲ မည်သူ​တစ်ဦးတစ်ယောက်​၏ အစားအစာ​ကိုမျှ မစားခဲ့ကြ။ သင်တို့​တစ်ဦးတစ်ယောက်​ကို​မျှ ကျွန်ုပ်တို့​ကြောင့် ဝန်ထုပ်ဝန်ပိုး မဖြစ်​စေရန် နေ့ရောညပါ ကြိုးစား​၍ အလုပ်​လုပ်ခဲ့ကြ၏။

တိ​တု 2:8

အပြစ်ဆိုဖွယ်​မရှိသည့် မှန်ကန်သော​စကား​ကို ပြောဆိုခြင်း​တို့​ဖြင့် သွန်သင်လော့။ ထိုအခါ သင့်​ကို ဆန့်ကျင်သော​သူတို့​သည် ကဲ့ရဲ့စရာ​အကြောင်း​မရှိ​သဖြင့် အရှက်ကွဲကြ​လိမ့်မည်။

တိ​တု 3:8

ဤ​စကား​သည် စိတ်ချ​ယုံကြည်ရသော စကား​ဖြစ်၏။ သင်တို့​သည် ထို​အရာများ​ကို အထူး​ဂရုစိုက်​၍ တိုက်တွန်းကြ​ရန် ကျွန်ုပ်​အလို​ရှိ၏။ ဤ​နည်း​ဖြင့် ဘုရားသခင်​ကို ယုံကြည်သောသူတို့​သည် ကောင်းမှုပြု​ရန် ကြိုးစား​နိုင်မည်။ အထက်ပါ​အရာတို့​သည် ကောင်းမွန်​၍ လူတိုင်း​အတွက် အကျိုးပြုသော​အရာများ​ဖြစ်၏။

၂ ပေ 1:8

သင်တို့​၌ ဤ​အရည်အချင်းများ​တိုးပွားနေ​လျှင် သင်တို့​သည် ကျွန်ုပ်တို့​၏​သခင် ယေရှု​ခရစ်တော်​ကို သိကျွမ်းရာ​၌ အကျိုး​ဖြစ်ထွန်း​ပြီး အသုံးဝင်​လာပါ​လိမ့်မည်။