တိ​တု 2:8 - ခေတ်သစ်​မြန်မာ သမ္မာကျမ်း

⁸ အပြစ်ဆိုဖွယ်​မရှိသည့် မှန်ကန်သော​စကား​ကို ပြောဆိုခြင်း​တို့​ဖြင့် သွန်သင်လော့။ ထိုအခါ သင့်​ကို ဆန့်ကျင်သော​သူတို့​သည် ကဲ့ရဲ့စရာ​အကြောင်း​မရှိ​သဖြင့် အရှက်ကွဲကြ​လိမ့်မည်။

Common Language Bible

⁸ သင်​၏​ရန်​သူ​များ​သည်​ငါ​တို့​အား​အ​ဘယ် အ​မှု​တွင်​မျှ​အ​ပြစ်​ရှာ​၍​မ​ရ​သ​ဖြင့် အ​ရှက် ကွဲ​ကြ​စေ​ရန်​သင်​သည်​သူ​တစ်​ပါး​တို့​ပြစ် တင်​ဝေ​ဖန်​မှု​မ​ပြု​နိုင်​အောင်​လျောက်​ပတ်​သည့် စ​ကား​ကို​ပြော​ဆို​လော့။

Judson Bible

⁸ အ​ပြစ်​တင်​ဖွယ်​မ​ရှိ၊ စင်​ကြယ်​သော​တ​ရား​စ​ကား​ကို ဟော​ပြော​ခြင်း​တို့​ကို ပြု​လော့။ သို့​ဖြစ်၍၊ တစ်​ဖက်၌ နေ​သော​သူ​သည်၊ ငါ​တို့​ကို ကဲ့​ရဲ့​စ​ရာ​အ​ခွင့် မ​ရ​နိုင်​သော​ကြောင့်၊ ရှက်​ကြောက်​ခြင်း​သို့ ရောက်​လိမ့်​မည်။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အပြစ်တင်​စရာ​ကင်း​သော မှန်ကန်​ပြည့်စုံ​သည့်​စကား​ကို ပြောဆို​လော့။ သို့ပြုလျှင် ဆန့်ကျင်ဘက်​ပြု​သော​သူ​သည် ငါ​တို့​နှင့်​ပတ်သက်၍ မကောင်း​သော​အရာ​တစ်စုံတစ်ခု​ကို​မျှ မ​ပြောဆို​နိုင်​ဘဲ အရှက်ရ​လိမ့်မည်။

တိ​တု 2:8 ပူးပေါင်းရင်းမြစ်များ

ရှင်မာကု 12:17

ထိုအခါ ယေရှု​က “သို့ဖြစ်လျှင် ဆီဇာဘုရင်​နှင့်​ဆိုင်သော​အရာများ​ကို ဆီဇာဘုရင်​အား ပေးဆောင်ကြလော့။ ဘုရားသခင်​နှင့်​ဆိုင်သော​အရာများ​ကို ဘုရားသခင်​အား ပေးဆောင်ကြလော့” ဟု ထို​သူတို့​ကို မိန့်တော်မူ​လျှင် သူတို့​သည် အံဩကြ၏။

ရှင်မာကု 12:28

ကျမ်းတတ်ဆရာ​တစ်ဦး​သည် ယေရှု​နှင့်​ဇဒ္ဒုကဲတို့ ငြင်းခုံ​ပြောဆိုနေကြသည်​ကို နားထောင်​လျက်​ရှိ၏။ ကိုယ်တော်​သည် သူတို့​ကို ကောင်းမွန်​စွာ ဖြေတော်မူသည်​ကို သတိထားမိ​သဖြင့် ထို​ကျမ်းတတ်ဆရာ​က “ပညတ်တော်​အားလုံး​တွင် မည်သည့်​ပညတ်တော်​သည် အရေးကြီးဆုံး​ဖြစ်သနည်း” ဟု မေးလျှောက်လေ၏။

ရှင်မာကု 12:32

ကျမ်းတတ်ဆရာ​က “ဆရာတော်… ဆရာတော်​၏ မိန့်တော်မူချက်​မှာ မှန်ကန်သော​စကား ဖြစ်ပါ၏။ ဘုရားသခင်​တစ်ဆူတည်း​မှတစ်ပါး အခြားသော​ဘုရား​မရှိပါ။

ရှင်မာကု 12:34

ထို​သူ​သည် ပညာရှိ​စွာ ဖြေကြားသည်​ကို တွေ့မြင်တော်မူ​သော် ယေရှု​က “သင်​သည် ဘုရားသခင်​၏ နိုင်ငံတော်​နှင့် မဝေးလှ” ဟု မိန့်တော်မူ၏။ ထို့နောက် ယေရှု​အား မည်သူ​မျှ ထပ်မံ​၍ မမေးလျှောက်ဝံ့ကြပေ။

လုကာ 13:17

ဤသို့​မိန့်တော်မူ​သောအခါ ယေရှု​ကို ဆန့်ကျင်သူတို့​သည် အရှက်ရကြ၏။ သို့သော် အခြားသော​လူထုပရိသတ်​တစ်ရပ်လုံး​သည် ယေရှု​လုပ်ဆောင်သော အံ့ဖွယ်​အမှုများ​ကြောင့် ဝမ်းမြောက်​လျက်​ရှိကြ၏။

၂ သက် 3:14

တစ်စုံတစ်ယောက်​သည် ဤ​စာ​တွင် ပါသော ညွှန်ကြားချက်များ​ကို နားမထောင်​လျှင် ထို​သူ​ကို အရှက်ရ​စေရန် မှတ်သားထား​၍ ထို​သူ​နှင့် မပေါင်းဖော်ကြနှင့်။

၁ တိ 5:14

ထို့ကြောင့် လမ်းလွဲ​၍ စာတန်​နောက်သို့ လိုက်ပါသွားကြသော အချို့​မုဆိုးမတို့​ကို ထောက်​၍ ငယ်ရွယ်သော​မုဆိုးမတို့​သည် ရန်သူ​အား ကဲ့ရဲ့ခွင့်​ကို မပေးဘဲ ထပ်မံ​အိမ်ထောင်ပြု​ရန်၊ သားသမီးများ​ယူ​ရန်၊ အိမ်မှု​ကိစ္စများ​ထိန်းသိမ်း​ရန် ကျွန်ုပ်​အကြံပေး​လို၏။

၁ တိ 6:3

ကျွန်ုပ်တို့​သခင်​ယေရှု​ခရစ်တော်​၏ မှန်ကန်သော​စကား​ကိုလည်းကောင်း၊ မှန်ကန်သော​အယူဝါဒ​တို့ကို​လည်းကောင်း ဆန့်ကျင်သည့် အခြား​အယူဝါဒများ​ကို သွန်သင်သောသူ​သည် ဘဝင်မြင့်​၍

တိ​တု 3:14

ကျွန်ုပ်တို့​၏​လူတို့​သည် ကောင်းမှုပြု​ရန် လေ့လာ​သင်ယူကြ​ရမည်။ သို့မှသာ သူတို့​သည် အကျိုး​ရှိရှိ အသက်ရှင်​နေထိုင်​နိုင်ပြီး အခြားသူများ အရေးပေါ်​လိုအပ်ချက်​ရှိသော​အချိန်​၌ ကူညီပေး​နိုင်ကြမည်။

၁ ပေ 2:12

ဘုရားသခင်​ကို မကိုးကွယ်သော​သူများ​အလယ်တွင် ကောင်းမွန်စွာ​ပြုမူနေထိုင်ကြလော့။ သို့ပြုလျှင် ထို​သူတို့​သည် သင်တို့​ကို မကောင်းမှု​ပြုသူများ​ဟု အသရေဖျက်ကြ​သော်လည်း သင်တို့​၏ ကောင်းသော​အကျင့်​ကို ထောက်​၍ ဘုရားသခင် ကြည့်ရှု​စီရင်တော်မူသော​နေ့​၌ ကိုယ်တော်​၏​ဘုန်းတော်​ကို ချီးမွမ်းကြ​လိမ့်မည်။

၁ ပေ 2:15

အဘယ်ကြောင့်ဆိုသော် သင်တို့​၏​ကောင်းမှု​ပြုခြင်း​ဖြင့် မိုက်မဲသော​သူတို့​၏ အသိဉာဏ်​မဲ့သော​စကား​ကို တိတ်ဆိတ်​စေရန် ဘုရားသခင်​အလိုရှိတော်မူ​သောကြောင့်​ဖြစ်၏။

၁ ပေ 3:16

သို့သော် နူးညံ့သိမ်မွေ့သော​စိတ်​နှင့် တလေးတစား​ဖြေဆိုကြလော့။ သင်တို့​ကို ကဲ့ရဲ့​ရှုတ်ချကြသော​သူတို့​သည် ခရစ်တော်​နှင့် တပေါင်းတစည်းတည်း​ဖြစ်သော​သင်တို့​၏ ကောင်းမွန်​စွာ ပြုမူနေထိုင်ပုံ​ကို မြင်​၍ အရှက်ရကြ​စေရန် လိပ်ပြာသန့်​စွာ ပြုမူနေထိုင်ကြလော့။