တိ​တု 2:5 - ခေတ်သစ်​မြန်မာ သမ္မာကျမ်း

⁵ မိမိကိုယ်ကိုယ်​ချုပ်တည်းသူ၊ စင်ကြယ်သူ၊ အိမ်မှုကိစ္စ​ကို ကောင်းစွာ ထိန်းသိမ်းနိုင်သူ၊ ကြင်နာတတ်သူ၊ ခင်ပွန်းသည်​ကို နာခံသူ​များ ဖြစ်​ရန် သင်ပေးနိုင်​လိမ့်မည်။ သို့မှသာ မည်သူမျှ ဘုရားသခင်​၏​တရားတော်​ကို စော်ကား​နိုင်မည်​မဟုတ်။

Common Language Bible

⁵ ဣန္ဒြေ​စောင့်​စည်း​မှု၊ ဖြူ​စင်​မှု၊ အိမ်​ရှင်​မ​ကောင်း ပီ​သ​မှု​နှင့်​ခင်​ပွန်း​သည်​၏​စ​ကား​ကို​နား ထောင်​မှု​တို့​ကို​လေ့​ကျင့်​သင်​ကြား​ပေး​နိုင်​မည်။ ဤ​နည်း​အား​ဖြင့်​ဘု​ရား​သ​ခင်​၏​တ​ရား တော်​ကို​ပုတ်​ခတ်​ပြော​ဆို​သူ​ရှိ​မည်​မ​ဟုတ် ပေ။

Judson Bible

⁵ ဣ​န္ဒြေ​စောင့်​သော​သူ၊ စင်​ကြယ်​သော​သူ၊ မိ​မိ​အိမ်​ကို​ပြု​စု​သော​သူ၊ ကောင်း​မွန်​သော​သူ၊ ခင်​ပွန်း၏ အုပ်​စိုး​ခြင်း​ကို ဝန်​ခံ​သော​သူ​ဖြစ်​စေ​ခြင်း​ငှာ၊ အ​သက်​ကြီး​ရင့်​သော​မိန်း​မ​တို့​သည် ဆုံး​မ​ပေး​ရ​ကြ​မည်​အ​ကြောင်း၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ဣန္ဒြေ​စောင့်​သော​သူ၊ ဖြူစင်​သန့်ရှင်း​သော​သူ၊ အိမ်မှုကိစ္စ​ကို​ဆောင်ရွက်​သော​သူ၊ ကောင်းမွန်​သော​သူ၊ မိမိ​ခင်ပွန်းသည်​ကို နာခံ​သော​သူ​ဖြစ်​ကြ​ရန် သတိပေး​ဆုံးမ​နိုင်​သဖြင့် ဘုရားသခင်​၏​နှုတ်ကပတ်တော်​သည် စော်ကား​ပြောဆို​ခံရ​ခြင်း​မှ ကင်းလွတ်​လိမ့်မည်။

တိ​တု 2:5 ပူးပေါင်းရင်းမြစ်များ

တမန်တော်ဝတ္ထု 9:36

ယုပ္ပေမြို့​တွင် ဂရိဘာသာစကား​အားဖြင့် ဒေါ်ကာ​ဟု ခေါ်သော၊ တဗိသ​အမည်​ရှိသည့် တပည့်တော်မ​တစ်ယောက်​ရှိ၏။ ထို​အမျိုးသမီး​သည် အကျင့်သီလ​ကောင်း​၍ အလှူအတန်း​ရက်ရောသူ​ဖြစ်၏။

တမန်တော်ဝတ္ထု 9:39

ထို့ကြောင့် ပေတရု​သည် သူတို့​နှင့် လိုက်သွားလေ၏။ အိမ်​သို့​ရောက်​သောအခါ သူတို့​က အပေါ်ထပ်​အခန်း​သို့ ခေါ်ဆောင်သွားကြ၏။ မုဆိုးမတို့​သည် ပေတရု​အနား​တွင် ရပ်​ကာ​ငိုကြွေး​လျက် သူတို့​နှင့်အတူ​ရှိစဉ်​က တဗိသ​ချုပ်ပေးခဲ့သော အင်္ကျီ​နှင့်​အဝတ်အစားများ​ကို ပြကြလေ၏။

ရော​မ 14:16

သင်တို့​အတွက် ကောင်းသော​အရာ​ကို ကဲ့ရဲ့ရှုတ်ချစရာ မဖြစ်စေနှင့်။

ရော​မ 2:24

ဤ​အရာ​မှာ ကျမ်းစာ​၌ “လူမျိုးခြားတို့​သည် သင်တို့​အကျင့်​ကို ထောက်​၍ ဘုရားသခင်​၏​အမည်​နာမတော်​ကို စော်ကား​ပြောဆိုတတ်ကြ၏” ဟု ရေးထားသည့်​အတိုင်း​ဖြစ်၏။

၁ ကော 11:3

သင်တို့​အား ကျွန်ုပ် သိစေ​လိုသည်​မှာ ယောက်ျား​တိုင်း​၏​ဦးခေါင်း​သည် ခရစ်တော်​ဖြစ်၏။ မိန်းမ​၏​ဦးခေါင်း​သည် ယောက်ျား​ဖြစ်၏။ ခရစ်တော်​၏​ဦးခေါင်း​သည် ဘုရားသခင်​ဖြစ်၏။

၁ ကော 14:34

အမျိုးသမီးများ​သည် အသင်းတော်​တွင် တိတ်ဆိတ်​စွာ နေကြရမည်။ သူတို့​တွင် ပြောဆိုခွင့်​မရှိ။ ပညတ်တရား​တွင် ဆိုထားသည့်​အတိုင်း သူတို့​သည် နာခံမှု​ရှိကြရမည်။

ဧ​ဖက် 5:33

မည်သို့ပင်​ဆိုစေ ခင်ပွန်းသည် တစ်ဦးချင်းစီ​တိုင်း​သည်လည်း မိမိ​ကိုယ်​မိမိ ချစ်​သကဲ့သို့ မိမိ​ဇနီးသည်​ကို ချစ်ကြလော့။ ဇနီးသည်တို့​ကလည်း မိမိ​ခင်ပွန်းသည်​ကို ရိုသေကြလော့။

ကော​လော​သဲ 3:18

ဇနီးသည်တို့… သခင်ဘုရား​၏ လူများ ပြုမူနေထိုင်​သင့်သည့်​အတိုင်း သင်တို့​၏ ခင်ပွန်းသည်​ကို နာခံကြလော့။

၁ တိ 5:10

သူ​သည် မိမိ​သားသမီးများ​ကို ပြုစု​ပျိုးထောင်ခြင်း၊ ဧည့်ဝတ်​ကို ကျေပွန်​စွာ ပြုခြင်း၊ ယုံကြည်သူများ​၏​ခြေ​ကို ဆေးခြင်း၊ ဆင်းရဲဒုက္ခ​ကြုံတွေ့နေသူများ​ကို ကူညီခြင်း၊ အမျိုးမျိုးသော​ကောင်းမှုများ​ကို အားထုတ်​လုပ်ဆောင်ခြင်း စသည့် ကောင်းမှု​ကုသိုလ်များ​ကြောင့် နာမည်ကောင်းရသူ​ဖြစ်ရမည်။

၁ တိ 6:1

ကျွန်များ​သည် မိမိတို့​၏ သခင်များ​ကို ရိုသေ​ထိုက်သူများ​ဟု မှတ်ယူ​သင့်၏။ သို့မှသာ အခြား​သူတို့​သည် ဘုရားသခင်​၏ နာမတော်​နှင့် ကျွန်ုပ်တို့​၏​သွန်သင်ချက်များ​ကို စော်ကား​ပြောဆိုကြမည် မဟုတ်ပေ။

တိ​တု 2:4

သို့ဖြစ်လျှင် သူတို့​သည် အသက်ငယ်သော​အမျိုးသမီးတို့​အား မိမိတို့​၏ ခင်ပွန်း​နှင့် သားသမီးများ​အပေါ် မေတ္တာထားသူ၊