တိ​တု 1:6 - ခေတ်သစ်​မြန်မာ သမ္မာကျမ်း

⁶ သင်းအုပ်တို့​သည် အပြစ်ကင်းသူ၊ မယား​တစ်ယောက်တည်း​ရှိသူ ဖြစ်ရမည်။ သူတို့​၏​သားသမီးများ​သည် သခင်ဘုရား​ကို ယုံကြည်ရမည်။ ပျော်ပါး​သောက်စားသူများ၊ မနာခံသူများ​ဟူသော စွပ်စွဲခံရခြင်း​နှင့် ကင်းရမည်။

Common Language Bible

⁶ အ​သင်း​တော်​ကို​အုပ်​ထိန်း​သူ​သည်​အ​ပြစ်​ဆို စ​ရာ​မ​ရှိ​သူ​ဖြစ်​ရ​မည်။ သူ့​မှာ​ဇနီး​တစ်​ယောက် သာ​ရှိ​ရ​မည်။ သူ​၏​သား​သ​မီး​များ​သည်​ယုံ ကြည်​သူ​များ​ဖြစ်​ရ​မည်။ အ​ပျော်​ကြူး​သူ​များ၊ စ​ကား​နား​မ​ထောင်​သူ​များ​မ​ဖြစ်​စေ​ရ။-

Judson Bible

⁶ အ​ပြစ်​တင်​ခွင့်​နှင့် ကင်း​လွတ်​သော​သူ၊ မ​ယား​တစ်​ယောက်​တည်း​ရှိ​သော​သူ ဖြစ်​လျှင်​လည်း​ကောင်း၊ သူ၏​သား​သ​မီး​တို့​သည် ကာ​မ​ဂုဏ်၌ လွန်​ကျူး​သည်​ဟု အ​ပြစ်​တင်​ခြင်း၊ နား​မ​ထောင်​ခြင်း​နှင့်​လွတ်၍ ယုံ​ကြည်​လျှင်​လည်း​ကောင်း၊ ထို​သို့​သော​သူ​ကို ခန့်​ထား​အပ်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ အသင်းတော်​အကြီးအကဲ​သည် အပြစ်တင်​စရာ​မ​ရှိ​သော​သူ၊ မယား​တစ်ဦးတည်း​ရှိ​သော​သူ​ဖြစ်​ရ​မည်။ သူ​၏​သားသမီး​တို့​သည်​လည်း ယုံကြည်​သူ​များ​ဖြစ်​ရ​မည်​ဖြစ်​ပြီး အပျော်ကြူး​ခြင်း​ကြောင့်​စွပ်စွဲ​ခံရ​သူ​များ​၊ သို့မဟုတ် နာခံ​မှု​မ​ရှိ​သော​သူ​များ​မ​ဖြစ်​ရ။

တိ​တု 1:6 ပူးပေါင်းရင်းမြစ်များ

လုကာ 1:5

ယုဒပြည်​ကို အုပ်ချုပ်သော​ဟေရုဒ်မင်း လက်ထက်​၌ ဇာခရိ​ဟု ခေါ်သော ယဇ်ပုရောဟိတ်​တစ်ပါး ရှိ၏။ ထို​သူ​သည် အဘိယ ယဇ်ပုရောဟိတ် အဖွဲ့ဝင်​တစ်ဦး ဖြစ်​၍ သူ​၏​ဇနီး​ဖြစ်သော ဧလိရှဗက်​သည်လည်း ယဇ်ပုရောဟိတ်​အနွယ်ဝင် အာရုန်​မှ ဆင်းသက်သော​သူ​ဖြစ်၏။

ဧ​ဖက် 5:18

ဘဝ​ပျက်စေသော သောက်စား​မူးယစ်ခြင်း​ကို ရှောင်ကြဉ်​၍ သင်တို့​၏ ဘဝ​ကို ဝိညာဉ်တော်​နှင့် ပြည့်ဝစေကြလော့။

၁ သက် 5:14

ထို့ပြင် ညီအစ်ကို​မောင်နှမတို့… ပျင်းရိသူများ​ကို သတိပေး​ဆုံးမကြလော့။ စိတ်ပျက်​အားလျော့သူများ​ကို အားပေးကြလော့။ အားနည်းသူများ​ကို ကူညီကြလော့။ လူ​တိုင်း​အပေါ်​တွင် စိတ်ရှည်​ကြလော့။

၁ တိ 1:9

အဘယ်ကြောင့်ဆိုသော် ပညတ်တရား​သည် ဖြောင့်မတ်သူတို့​အတွက် ချမှတ်ထားသည်​မဟုတ်ဘဲ ပညတ်တရား​ကို မကျင့်သုံးသူများ၊ မနာခံသူများ၊ ဘုရားတရားမဲ့သူများ၊ အပြစ်သားများ၊ မသန့်ရှင်းသူများ၊ ဘုရားတရား​မကိုင်းရှိုင်းသူများ၊ မိဘ​ကို သတ်သူများ၊ လူသတ်သမားများ၊

၁ တိ 3:12

သင်းထောက်​သည် မယား​တစ်ယောက်တည်း​ရှိသူ၊ သားသမီးများ​နှင့် အိမ်သူအိမ်သားများ​ကို ကောင်းစွာ ဦးဆောင်​စီမံနိုင်သူ ဖြစ်ရမည်။

တိ​တု 1:10

အဘယ်ကြောင့်ဆိုသော် မနာခံသူ၊ အကျိုးမဲ့သော​စကားများ​ပြောဆိုသူ၊ လှည့်ဖြားသူ များစွာ ရှိကြ​သောကြောင့်​ဖြစ်၏။ အထူး​သဖြင့် အရေပြားလှီးခြင်း​မင်္ဂလာ​ခံယူခြင်း​ကို တိုက်တွန်းသူများ​ထဲတွင် ရှိကြ၏။