တမန်တော်ဝတ္ထု 24:5 - ခေတ်သစ်​မြန်မာ သမ္မာကျမ်း

⁵ ဤ​လူ​သည် ပြဿနာ​ကို​ဖန်းတီးသော​သူ၊ ဆူပူအုံကြွမူ​ဖြစ်​ရန် ကမ္ဘာ​အရပ်ရပ်​ရှိ​ဂျူးတို့​ကို လှုံ့ဆော်နေသူ​ဖြစ်သည့်​အပြင် နာဇရက်​ဂိုဏ်း​၏​ခေါင်းဆောင်​တစ်ဦး​လည်း​ဖြစ်သည်​ကို တွေ့ရှိရပါ၏။

Common Language Bible

⁵ ဤ​သူ​သည်​အ​နှောင့်​အ​ယှက်​အ​လွန်​ပေး​တတ် သူ၊ တိုင်း​ပြည်​အ​တွက်​အန္တ​ရာယ်​ရှိ​သူ​ဖြစ်​ကြောင်း အ​ကျွန်ုပ်​တို့​တွေ့​ရှိ​ရ​ပါ​သည်။ သူ​သည်​ကမ္ဘာ အ​ရပ်​ရပ်​ရှိ​ယု​ဒ​အ​မျိုး​သား​အ​ပေါင်း​တို့ ကို ရုန်း​ရင်း​ဆန်​ခတ်​ဖြစ်​အောင်​လှုံ့​ဆော်​ပေး ပါ​၏။ နာ​ဇ​ရက်​ဂိုဏ်း​သား​တို့​၏​ခေါင်း​ဆောင် တစ်​ယောက်​ဖြစ်​ပါ​၏။-

Garrad Bible

⁵ ဤ သူ သည် ဆိုး သွမ်း သူ၊ မြေ တစ် ပြင် လုံး ရှိ ယု ဒ လူ မျိုး တို့ ဘောင် တွင် သောင်း ကျန်း ထ ကြွ စေ သူ၊ နာ ဇ ရက် ဂိုဏ်း သား တို့ ဦး ဆောင် သူ ဖြစ် သည် ကို ကျွန် တော် တို့ တွေ့ မြင် ပါ သည်။

Judson Bible

⁵ နာ​ဇ​ရက်​ဘာ​သာ​ဝင်​သူ​တို့​တွင် အ​ကြီး​လုပ်၍ အ​ရပ်​ရပ်​တို့၌ ယု​ဒ​လူ​အ​ပေါင်း​တို့​ကို ထ​စေ​ခြင်း​ငှာ နှိုး​ဆော်​သော ဤ​လူ​ဆိုး​ကို အ​ကျွန်ုပ်​တို့​သည် တွေ့​ကြ​ပါ​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ပြဿနာ​ကို​သာ​ဖန်တီး​လေ့​ရှိ​သော​ဤ​သူ​သည် ကမ္ဘာ​အရပ်ရပ်​ရှိ ဂျူး​လူမျိုး​အပေါင်း​တို့​၌ ဆူပူ​အုံကြွ​မှု​များ​ဖြစ်ပေါ်​အောင် လှုံ့ဆော်​နေ​သူ​ဖြစ်​ပြီး နာဇရက်​ဂိုဏ်းကွဲ​၏​ခေါင်းဆောင်​တစ်​ဦး​လည်း​ဖြစ်ကြောင်း တွေ့ရှိ​ရ​ပါ​သည်။

တမန်တော်ဝတ္ထု 24:5 ပူးပေါင်းရင်းမြစ်များ

မဿဲ 10:25

တပည့်​သည် ဆရာ​ကဲ့သို့​လည်းကောင်း၊ ကျွန်​သည်​သခင်​ကဲ့သို့​လည်းကောင်း ဖြစ်လာ​လျှင် လုံလောက်ပါ၏။ အိမ်ထောင်ဦးစီး​ဖြစ်သူ​ကို နတ်ဆိုးမင်း​ဟု ခေါ်ကြ​လျှင် အိမ်သူအိမ်သားတို့​ကို ပို​၍ ဆိုးရွား​စွာ ခေါ်ကြ​လိမ့်မည်။

မဿဲ 2:23

နာဇရက်​ဟု ခေါ်သော မြို့​၌ နေထိုင်လေ၏။ သို့ဖြစ်၍ “ကိုယ်တော်​ကို နာဇရက်မြို့သား​ဟု ခေါ်ကြလိမ့်မည်” ဟူသော ပရောဖက်တို့​၏ ဟောပြောချက်​သည် ဖြစ်လာ၏။

ရှင်မာကု 1:24

“နာဇရက်မြို့သား​ယေရှု… ကိုယ်တော်​သည် အကျွန်ုပ်တို့​နှင့် မည်သို့​သက်ဆိုင်သနည်း။ အကျွန်ုပ်တို့​ကို ဖျက်ဆီး​ရန် ကြွလာတော်မူသလော။ ကိုယ်တော်​သည် မည်သူ​ဖြစ်သည်​ကို အကျွန်ုပ်​သိပါ၏။ ကိုယ်တော်​သည် ဘုရားသခင်​၏ သန့်ရှင်းတော်မူသော​သူ ဖြစ်ပါ၏” ဟု အော်ဟစ်​ပြောဆိုလေ၏။

လုကာ 23:19

ဗာရဗ္ဗ​သည် မြို့​အတွင်း ပုန်ကန်ထကြွမှု​နှင့် လူသတ်မှုတို့​ကြောင့် ထောင်​ထဲ​၌ ချုပ်ထားခံရသူ​ဖြစ်၏။

လုကာ 23:2

ထို​သူတို့​က “ဤ​သူ​သည် ပြည်သူလူထု​ကို လမ်းမှားစေ​၍ ဆီဇာဘုရင်​ထံ အခွန်​ပေးဆောင်ခြင်း​အား တားမြစ်နေသည်​ကို​လည်းကောင်း၊ မိမိကိုယ်ကိုယ် ခရစ်တော်​ဟူသော ရှင်ဘုရင်​တစ်ပါး​ဖြစ်ကြောင်း ပြောဆိုနေသည်​ကို​လည်းကောင်း အကျွန်ုပ်တို့​တွေ့ရှိပါသည်” ဟု စွပ်စွဲကြ၏။

လုကာ 23:25

ထို​သူတို့ တောင်းဆိုသည့်​အတိုင်း ပုန်ကန်ထကြွမှု​နှင့် လူသတ်မှုတို့​ကြောင့် ထောင်​ထဲ၌ ချုပ်ထားခံရသော​ဗာရဗ္ဗ​ကိုလည်း လွတ်ငြိမ်းချမ်းသာခွင့်​ပေးလိုက်၏။ ယေရှု​ကို​မူ သူတို့​၏​ဆန္ဒ​အရ စီရင်​ရန် လွှဲအပ်လိုက်လေ၏။

လုကာ 23:5

သို့သော် သူတို့​က “ဤ​သူ​သည် ဂါလိလဲပြည်​မှစ၍ ဤ​ဒေသ​ထိ​တိုင်အောင် ယုဒပြည်​တစ်လျှောက်လုံး ဟောပြော​သွန်သင်​၍ လူတို့​ကို ရုန်းရင်းဆန်ခတ်​ဖြစ်စေပါသည်” ဟု ပို၍​ပြင်းထန်​စွာ ပြောဆိုကြ၏။

တမန်တော်ဝတ္ထု 15:5

သို့သော် ဖာရိရှဲ​ဂိုဏ်းဝင်​ဖြစ်သော ယုံကြည်သူ​တချို့​သည် ထ​၍ “ထို​လူမျိုးခြားတို့​အား အရေပြားလှီးခြင်း​ပြုပေး​ရမည်။ မောရှေ​၏​ပညတ်တရား​ကို လိုက်နာ​ရန် ညွှန်ကြားရမည်” ဟု ပြောဆိုကြ၏။

တမန်တော်ဝတ္ထု 21:28

“အစ္စရေးလူမျိုးတို့… ကူညီကြလော့။ ဤ​သူ​သည် ကျွန်ုပ်တို့​၏​လူမျိုး​ကို​လည်းကောင်း၊ ပညတ်တရား​နှင့် ဤ​ဗိမာန်​ကို​လည်းကောင်း ဆန့်ကျင်​လျက် နေရာတိုင်း​၌​ရှိသော လူ​အပေါင်းတို့​အား သွန်သင်နေ​သူ​ဖြစ်၏။ ထိုမျှ​မက ဂရိလူမျိုးတို့​ကိုလည်း ဗိမာန်တော်​ထဲ​သို့​ခေါ်ဆောင်လာ​၍ ဤ​သန့်ရှင်းသော​နေရာ​ကို ညစ်ညမ်းစေပါပြီ” ဟု အော်ဟစ်​ပြောဆိုကြ၏။

တမန်တော်ဝတ္ထု 22:22

လူတို့​သည် ဤမျှ​ကြာအောင် နားထောင်နေကြ​ပြီးနောက် လူမျိုးခြားတို့​အကြောင်း ပေါလု​ပြောဆိုသည်​ကို ကြား​သောအခါ မိမိတို့​၏​အသံ​ကို ကျယ်လောင်​စွာ အော်ဟစ်​၍ “ဤကဲ့သို့သော သူ​ကို ကမ္ဘာမြေ​ပေါ်မှ သုတ်သင်​ဖယ်ရှားလော့။ သူ​သည် အသက်​မရှင်ထိုက်” ဟု ဆိုကြ၏။

တမန်တော်ဝတ္ထု 24:14

သို့ရာတွင် မှားယွင်းသော ဂိုဏ်းခွဲ​ဟု သူတို့​ခေါ်တတ်သော ခရစ်တော်​၏​တရားလမ်း​အတိုင်း အကျွန်ုပ်​သည် ဘိုးဘေးတို့​၏​ဘုရားသခင်​အား ကိုးကွယ်ကြောင်း​ကို အရှင့်​ထံ​၌ ဝန်ခံပါ၏။ အကျွန်ုပ်​သည် ပညတ်တရား​၌ ဖော်ပြထားသော​အကြောင်းအရာများ​နှင့် ပရောဖက်ကျမ်းများ​၌ ပါရှိ​သမျှတို့​ကို ယုံကြည်ပါ၏။

တမန်တော်ဝတ္ထု 24:4

အကျွန်ုပ်​သည် အရှင့်​ကို​ကြာမြင့်​စွာ မနှောင့်ယှက်လို​သောကြောင့် အကျွန်ုပ်တို့​၏​အကျဉ်းချုပ်​လျှောက်ထားချက်​ကို သည်းခံ​၍ နားထောင်ပေးပါ​ရန် လျှောက်ထားပါ၏။

တမန်တော်ဝတ္ထု 25:7

ပေါလု​ရောက်လာ​သောအခါ ဂျေရုဆလင်မြို့​မှ ဆင်းလာသော​ဂျူးတို့​သည် သူ့​ကို​ဝိုင်း​၍ ကြီးလေးသော​စွဲချက်များ​ဖြင့် စွပ်စွဲကြ၏။ သို့သော် သက်သေ​ကိုမူ မပြနိုင်ကြပေ။

တမန်တော်ဝတ္ထု 26:5

အကျွန်ုပ်​သည် အကျွန်ုပ်တို့​၏​ဘာသာ​တွင် စည်းကမ်း​အတင်းကျပ်ဆုံးသော​ဂိုဏ်းဖြစ်​သည့် ဖာရိရှဲဂိုဏ်းဝင်​တစ်ဦး​အဖြစ် နေထိုင်ခဲ့ကြောင်း ထို​သူတို့​သိထားကြသည်​မှာ ကြာပြီဖြစ်၏။ သူတို့​သည် ဆန္ဒရှိ​လျှင် ထို​အကြောင်း​ကို သက်သေခံနိုင်ပါ၏။

တမန်တော်ဝတ္ထု 28:22

သို့ရာတွင် ဤ​ဂိုဏ်း​အကြောင်း​နှင့်​ပတ်သက်​၍ နေရာ​အနှံ့​တွင် ဆန့်ကျင်​ပြောဆိုနေကြသည်​ကို ကျွန်ုပ်တို့​သိထား​သောကြောင့် သင်​၏​ထင်မြင်ယူဆချက်​ကို ကြားလိုပါသည်” ဟု ဆိုကြ၏။

တမန်တော်ဝတ္ထု 5:17

ထိုအခါ ယဇ်ပုရောဟိတ်မင်း​နှင့် သူ​၏​အပေါင်းအဖော်​ဖြစ်သော ဇဒ္ဒုကဲများ​၏​ဂိုဏ်းဝင်တို့​သည် မနာလိုစိတ်​ရှိကြ၏။

တမန်တော်ဝတ္ထု 6:13

သူတို့​သည် မမှန်သော​သက်သေခံများ​ကို ခေါ်​၍ “ဤ​လူ​သည် သန့်ရှင်းသော​အရပ်​နှင့် ပညတ်ကျမ်း​အပေါ် ဆန့်ကျင်သည့်​စကား​ကို မရပ်မနား ပြောဆိုနေ၏။

၁ ကော 11:19

သင်တို့​ထဲ၌ ဂိုဏ်းကွဲမှုမျိုး ရှိရသည်​မှာ ကျိုးကြောင်း​ဆီလျော်၏။ သို့မှသာလျှင် စစ်မှန်သောသူများ​သည် ပေါ်လွင်​ထင်ရှားမည်​ဖြစ်၏။

၁ ကော 4:13

ပုတ်ခတ်​ပြောဆိုခံရ​သောအခါ ပြေလည်​စွာ တုံ့ပြန်ကြ၏။ လက်ရှိ​အချိန်​တိုင်အောင် ကျွန်ုပ်တို့​သည် ဤ​လောက​၏​အမှိုက်သရိုက်၊ လူတကာ​၏​အပစ်ပယ်ခံများ​ကဲ့သို့ ဖြစ်ကြ၏။

၁ ပေ 2:19

တစ်စုံတစ်ဦး​သည် မိမိ​မခံထိုက်သော ဆင်းရဲဒုက္ခ​ကို​ခံရ​သောအခါ ဘုရားသခင်​၏​မျက်နှာတော်​ကို ထောက်​၍ သည်းခံ​လျှင် ဘုရားသခင်​နှစ်သက်ဖွယ်​ဖြစ်၏။